الأربعاء، 11 ديسمبر، 2013

قلب شاعر

ساعات تحس أن الشعر اتخلق عشان يطبط على قلوب الموجوعين !!
فتقول لنفسها ليه يارب مخلقتنيش فى يوم شاعر ؟!
مش يمكن كنت اقدر اقول عنه كلمتين حلوين ؟!
ولا يمكن كنت اتغزل فى عيونه السمر من غير ماخاف كلام الناس ..
ويمكن كنت اقدر بالمجاز اداري مشاعر القلب اللى اتفضح للخلق ..
وصبح مشاع لاسئلتهم السخيفة ، هو مين ؟ وفين ؟ وازاي ؟ وامتي ؟ وليه ؟
بقولكم ايه ما تسيبوا اللى يحب يحب ، واللى يكره يكره ، واللى انكسر قلبه يقول الآه
مهو ربنا مخلقش كل الناس شعرا ، يعرفوا يوصفوا الاحساس بكلمة وحرف ..
فأنت لما تسمعها تقول الله !!
وهو كان من امتي ياجهلة الآلم والجرح يطربوا الاسماع ؟!
لولا انه بس كان شاعر ، لولا انه قدر يجمع همومه فى بيتين من شعر ..
لكن قلبه زي ما هو فضل موجوع ، معرفش حد يلمسه ويطبطب عليه ..
 


هناك 15 تعليقًا:

  1. أحيانا كثيرا صمتنا عن الكلام يكون أبلغ من شعر الشعراء
    تحياتي :)

    ردحذف
  2. مهو كل واحد هيعمل حساب لكلام الناس
    يبقى محدش هيقول ولا هيكتب اي حاجه

    ردحذف
  3. كل سنة وانتي طيبة وبألف خير وصحة وسعادة ورضا وراحة بال وسلام وإن شاء الله يكون عام جديد سعيد عليكي وعلى أسرتك الكريمة وتحققين فيه كل ما تتمنين
    :)

    أطيب تحياتي

    ردحذف