الأربعاء، 1 يونيو، 2011

آيوشا زاد .. وثلاثون ليلة وليلة




توقفت منذ فترة عن الأمساك بالقلم وسطر مشاعر وأحاسيس على هيئة حروف وكلمات .. لا أعلم هل لم يعد للبوح معنى عندى .. أم لأننى لم أجد ما أقصه أو أحكيه .. أم لأننى سئمت أستمرار نزيف المشاعر والقلم دون أن أرى صدى لما أكتبه وخاصتاً منك ..

كنت قبلك لا أجد صعوبة فى سطر أى شئ .. كنت قادرة دوماً على تقمص مشاعر الآخرين وأن ألمس ما بقلوبهم بكل سلاسة وسهولة دون معاناة تذكر , اليوم وبعد أن أقتحامك لحياتى فجأة ورحيلك أيضاً فجأة لم أجد ما أكتبه لأن ما تخطه يداى الآن سوف يلمسنى انا ويمس قلبى ويحكى عنى ..

عن ماذا أحكى أذا ً !!

أأحكى قصتنا التى لم تتدم طويلا ً ؟

أم أحكى عن ما لم يمهلنى القدر فرصة لاحكيه لك ؟

أم أخبرهم عنك كيف أتيت فجأة وكيف رحلت سريعاً ؟

أخبرك شيئا أنا ماهرة فى التقمص وفى تلبس الأدوار لذا قررت أن أخلع عنى عباءة الصمت وأن أتقمص دور شهرزاد .. تلك المرأة الذكية عذبة اللسان التى أستطاعت أن تأثر قلب أشد الرجال قسوة وظلام ووحشية .. أستطاعت بمكر ودهاء وحيلة أن تنقذ باقى بنات جنسها من بطش وظلم شهريار السفاح .. وأستطاعت أن تنقذه هو نفسه وتنقذ ما تبقى من قلبه بصبر وحب ..

فقد كانت هى له فرصة جديدة لتتطهره من جميع آثامه السابقة .. ولتغسل عن يديه دماء من قتل من النساء قبلها .. وتمنحه قلب جديد اً وحب سعيدا ً..

فشهزراد لم تمت وشهريار كذلك فكل ليلة تولد شهرزاد جديدة على يدى شهريار آخر ..

أنتصرت شهرزاد الأولى وتركتنا نحن من وراءها نحاول التقليد , نحاول التغلب على تلك الرغبة المتوحشة بداخل كل شهريار فى تحطيم النساء والتلذذ بتعذبيهم ..

وأنت ياشهريارى العزيز سفاك للقلوب .. كم من القلوب قتلت بيديك .. وكم من الأحلام والأمانى أغتيلت على أعتاب قصرك .. وكم من بسمة خجولة ذبلت من شرور قلبك وقسوتك الظاهرة فى عينك ..

شهرزاد قصت حكاياها فى ألف ليلة وليلة ولكنى المتاح لى ثلاثون ليلة وليلة .. وسوف أخبرك وأخبرهم كل ليلة حكاية جديدة .. قد لا تقرأها وهذا متوقع جدا ً منك .. ولكن يكفى أننى أخرجها خارج حيز الكتمان ..

ثلاثون ليلة وليلة هى عمر شهرزادى سوف أحكى لا لكى أنجو من قبضة سيافك ياشهريارى .. فأنا لا أخاف سيافك الأسود لأنك قتلتنى بالفعل منذ أول ليلة عندما أشهرت سيف خداعك فى وجهى ..

بل سوف أحكى لأننى سئمت الصمت ..

سوف أحكى لأخلص القلب من قبضة حبك القاسى وآسره ..

سوف أحكى لأتخلص من الآحزان ولاقلص ساعات الليل الطويل ..

سوف أحكى لأن البوح يساعدنى على الشفاء منك ويمحوك من لوح ذاكرتى ..

سوف أحكى لأخلصك أنت وغيرك من عقدة الخيانة التى أصبتك يوما ً فجعلتك تشك فى كل النساء ..

وسوف أخلع عنى عباءة الصمت وأثرثر لعلك تنصت .. أو لعل شهريار غيرك يسمع فيتوب الله عليه ويكف يديه عن تحطيم قلوب النساء ويرحم شهرزاده التى يقتلها كل يوم وكل ليلة .. وحتى تكف عن معاقبتى أنا وغيرى من بنات حواء لتشفى من جروحك وعقدك ..


هناك 21 تعليقًا:

  1. و إحنا في إنتظار ما سيسطره قلمك يا أيوشازاد قد نجد حلاً عصرياً لشهريار بداخل رجال (التنفيض و التكبير و الاشتغالات ) :))
    تحياتي و دائماً في إنتظارك

    ردحذف
  2. السلام عليكم

    أنا أول مرة أدخل مدونتك .. وبجد رائعة
    وأول معرفتى بمدونتك كانت من على الجود ريدز


    وأول مرة أعرف حملة التدوين دى برضو .. أصلى لسه عامل مدونتى من فترة قليلة .. بس فكرة التدوين اليومى دى رائعة .

    أتمنالك التوفيق .. وبإذن الله نتابعك دايماً .

    تحيــاتى

    ردحذف
  3. من احمدزاد الي ايوشازاد
    انا في مقدمت القارئين و اود ان انهل من نهرك العذب الذي لا ينضب و في انتظار الرشفه الثانيه
    بالتوفيق

    ردحذف
  4. ايوش حبيبتى
    قد تستغربين من ردى عليك
    ولكنى والله ما انقطعت عن متابعتك
    ولكنى مثلك اصبحت لا ارى اى صدى من كتاباتى
    وقررت ان اكتب ما اعيشه لا مايعيشه من حولى
    وقد اهتتمت بالساسه فقلت هيا الى السياسه
    وعندما اهتم بشيء آخر سأكتب فيه ايضاً

    المهم انى اعيش ايامى
    واهتم بمن يهمونى دون انتظار لاى رد فعل
    عموما انا فى انتظار وشوق ايام شهر زاد الجديده
    مع تمنياتى بالتوفيق

    ردحذف
  5. احكى يا أيوشة زاد وكلنا آذان صاغية:)

    ردحذف
  6. احكي يا أيوشا زاد
    :)

    ردحذف
  7. السلام عليكم :)
    تحية كبيرة على المشاركة في الحملة واخرى على تقلد إمارة الحكايا :)

    ردحذف
  8. احم احم ياساتر ياساتر يا اهل الدار

    وبمناسبة ان دى اول مرة ادخل فيها المدونة بعد التجديد واللى يدل ان انا ما عنديش دم اصلا بس ده عادى واكيد انتى متعوده منى على كده

    ثانيا بأه وده الاهم يابنتى لما تيجى تكتبى كلام ابقى اكتبى على ادك
    حسك كده مطول لسانك حبيتين وشايفك نفسك على شهرذاد
    طب ورينى بأه قدامك تلاتين يوم وانا أمثل شهرذاد قاعدلك بالسيف اياكى تونى فى مرة فيهم اياك

    اما نشوف اد كلامكم بأه ولا ايه

    الثيم جامد ججدا وبالذات حبل الغسيل اللى فوق ده
    هههههههههه
    تحياتى

    ردحذف
  9. السلام عليكم
    العزيزه شهريار .. اقصد ايوشه .. يوووه .. آيات .. توهتينى
    الانسان خطاء .. وكل انسان خطاء ومصيبتنا نحن الرجال ان الخطاء الاكبر كان شهريار وان شهرزاد كانت ثرثاره ففضحت شهريار وفضحت معه كل الرجال .. فكثيرا ايضا من الشهرزادات تخطأ كثيرا كما ان شهرزاد خطاء بطبعه دعينى اقول

    الخطأ لا يأتى فردى .. اى ليس رجل فقط اقصد شهرزاد .. ولكن الخطأ يجمع رجل ورجله .. دويتوا .. فلماذا اللوم فقط على الرجال؟؟؟؟

    تحياتى

    ردحذف
  10. شيرين سامى
    اعتقد ان ما بداخل الرجل من تناقض وتنفيض وتكبير وغيره وغيره مش سهل نلاقي لها حلول
    بس ربنا يسهل ونقدر نعرض وجهات نظر تساعد الطرفين على الوئام
    مرسيى للمرووك

    ردحذف
  11. nasy3nwany
    وعليكم السلام ورحمة الله وبركاته

    نورتى ياجميل المدونة واخيرا لقيت فايدة لجود ريدز غير الكتب انه بيعرفنا بشخصيات جديدة :)

    مستنين مشاركتك انتى كمان فى حملة التدوين اليومى



    Ahmed

    اهلا بيك يااستاذ احمد وسعيدة لمتابعة حضرتك للبوستات القادمة
    مرسيى للمرورك

    ردحذف
  12. الفراغ
    ماما الفراغ والله حضرتك وحشتينى جدا جدا
    ووحشتنى مرورك وتشريفك للمدونة
    ربنا يعين حضرتك يارب وسعيدة ان حملة التدوين هترجعك لينا من تانى
    ربنا يخليكى لينا يارب ودايما منورة مدوناتنا بتعليقاتك :)

    ردحذف
  13. موناليزا
    سوبيا

    والله انا هحكى وربنا يستر بقى اقدر اكمل لاخر الشهر دعواتكم بقى
    نورتم المدونة :)

    ردحذف
  14. تامر علي
    وعليكم السلام ورحمة الله وبركاته يااستاذ تامر
    سعيدة ان موضوع التدوين اليومى هيجمعنا من تانى
    وسعيدة اكتر بمرور حضرتك :)

    ردحذف
  15. م. حجاز

    الحمدلله انك زورت المدونة اخيرا داحنا هنضرب طلقتين فى الهوا بالمناسبة السعيدة دى :))
    وبعدين ربنا يستر بقى انا فردت نفسى على عم شهريار وربنا معايا واقدر احكى للاخر بدل ما يقطع رقبتى :))
    وشوفت حبل الغسيل حلو ازاى مدونة كاملة من كله حتى حبل الغسيل D:
    مرسيى للمرورك يابشمهندس

    ردحذف
  16. فشكووول
    وعليكم السلام ورحمة الله وبركاته يااستاذ صلاح
    على فكرة الطرفين مخطئين وباذن الله مش هلقى كل اللؤم على شهريار لواحده بس بصراحة هما الاغلبية مفتريين بس هنحاول ابقى حيادية وعادلة مع الاتنين :))
    نورت المدونة من تانى بمرورك :)

    ردحذف
  17. أحكي يا آيوشة ذاد
    واحنا في الانتظار.. يلا بقى بسرعة
    بدل ما اجبلك مسرور .. بس المرة دي مش بالسيف
    هايبقى بالاليكتريك ستيك..
    تكنولوجيا بقى :))
    في الانتظار ^_^

    ردحذف
  18. جميل ياايوشه
    منتظرين ليالى ايوشه زاد

    ردحذف
  19. يونيو الحكايا :)
    هكذا يجب أن نسميه ..!!
    أصلا انااكتشفت مدونات كتير اوي يا آيات .. ناس مستواها جميل جدا و كتابتهم ممتعة للأسف في العادي كان هبقى صعب اني الاقيهم او اعرفهم :)
    عاجباني فكرة الحملة جدا !!

    ردحذف
  20. فتافيت

    دينا عماد

    والله شكلى اتورطت فى الموضوع دا
    ومش هقدر اكمل للاخر :((

    ربنا يسهل بقى ونقدر نحكى للاخر
    نورتم المدونة

    ردحذف
  21. قهوة بالفانيليا - شيماء علي
    حلو اوى اسم يونيو الحكايا
    بجد الشهر دا حاجة تحفة عرفنا على مدونات وعلى ناس جديدة ورجعلنا ناس كانت بعدت
    ياريت نستمر بقى لبعد الشهر دا كدا

    نورتى ياجميل

    ردحذف