الخميس، 21 أبريل، 2011

قهــــوتـــك

مستنية تيجى فى ميعادك
وتحكيلى عن يومك
وأنا أهون لك فى همومك
تقولى مصاريف البيت
أقولك ربنا يرزقنا من خيره
ومتخفشى بكرة تتعدل
وأحوالنا هتتبدل
أقولك العيال كبروا
ومصيرهم لبيوتهم وينسونا
تقولى دى فرصة يفرقونا
ونبقى أنا وأنتِ لوحدينا
أضحك لك ضحكة خجلانة
خلاص كبرت وبقيت زى وردة دبلانة
تقولى لساكى زى ماأنت ِِ
شابة وصبية مكبرتيش
وحبك جوايا كل يوم عايش
أستنى القهوة هتفور
قهوتك زى ما بتحب تشربها بزيادة
بس معلش من يوم ما أنت مشيت
مبقتش بشربها غير سادة




هناك 15 تعليقًا:

  1. كم هي رائعه تلك الاحاسيس التي تنم عن انوثه طاغيه,,
    واحاسيس يقظه,,

    روعة تلك الاحرف التي لامست مشاعري,
    الله يسعدك وحقق لك المولى كل ماتتمنين,,

    تحياتي ومحبتي,

    ردحذف
  2. هتصدقي لو قلت رغم ان القصيدة مش غنائية قوي
    إلا إني حبيتها ودي مش اشتغاله
    وقشعرت في آخر كلمة بسبب القهوة السادة
    بتحكي بسرعة حياة زوج وزوجه من البداية للنهاية .
    جامد .

    ردحذف
  3. احاسيس كلها شجن
    و لنها فعلا رائعة
    تحياتي

    ردحذف
  4. حلو اوى بجد بتخيلى الواحد يتخيلى فسه وهو كبير فى السن ..امممممممممم

    ردحذف
  5. جمييييييلة

    جداااااااا

    عميقة المعني جدا

    حبيتها جدا
    تسلم ايدك

    ردحذف
  6. :)
    هيجي ويشرب القهوة ...
    مايبقاش حلم ولا سهوه ..
    عشان حبك دا ليه زهوه ...


    (:
    جميله

    ردحذف
  7. بجد تحفففففففففففه يا أيوشا
    خلتنى اشوف جو الحاله دى قدام عينى
    تسلم ايدك :)

    ردحذف
  8. الله ياايوشا
    خليتنى اشوف
    فيلم طويل جميل
    فى الكام سطر دول
    رحلة حب وود وعشرة
    بين قلبين حبيبين
    زوج وزوجة.

    ردحذف
  9. رغم صغرها لكن لها معنى كتير اوى واختزلت سنين كتيره اوى ببراعه رائعة
    ايوه كده هو ده الكلام
    تسلم ايدك
    :)

    ردحذف
  10. :)


    عسسسسسسسسسسسسسسسسسل اوى

    يا احلى ايوشه بحبها بالوجود

    ردحذف
  11. طول عمرك نجمة يا أيوشا

    افتقدنا الأحاسيس الطيبة دى ولكن للأسف حين يجرى العمر تمحق الذكرى

    ماظنش أحاسيس بعد الزواج دى لسه موجوده بالبهاء ده

    تسلمى

    ردحذف
  12. كلماتك رقيقة اوي
    ومشاعرك حساسة اوي
    رائعة
    ومدوتك جميلة ما شاء الله
    تسلم ايدك

    ردحذف
  13. حلوة اوى الحاله دى

    بس هو لسه فى ستات كده

    يااااارب يكون فى الدنيا الف امرأه بتلك المواصفات وهذا العقل


    استمتعت جداً

    تحياتى

    ردحذف
  14. :)

    مابحبش القهوه الساده بصراحه مش ناقصه مرار القهوه :)

    احاسيسك عاليه كالعاده يعني

    تحياتي

    ردحذف
  15. ربنا يكرمكم يارب على مروركم وتعليقاتكم اللى دايما بتسعدنى

    ردحذف