السبت، 1 يناير، 2011

كل سنة وانت ِ طيبة يامصر

كان نفسى اعمل البوست دا امبارح واقولكم كل سنة وانتم طيبين وكل مصر طيبة وبخير بس اللى حصل يقول بداية السنة غير مبشرة بالمرة .. اللى شئ مؤسف ومحزن وأى انسان لازم يزعل على اللى بيحصل فى البلد دا ... الابرياء اللى ماتوا واللى بيموتوا واللى لسه هيموتوا علشان مش عارفين نلاقى حل للعنف والارهاب دا مش ليهم اى ذنب .... سواء مسلمين ومسيحيين مش ليهم اى ذنب غير انهم عاشين فى مصر وموهمين ان مصر بلد الامن والامان .. مش لاقية كلام اقوله لان مفيش كلام يتقال يخفف من الصدمة ... بس اتمنى ان الازمة دى تعدى على خير .

عزائى لاسر الضحايا اللى ماتوا مسيحيين ومسلمين ربنا يرحمهم ويرحم الجميع ويصبر اسرهم يارب وعزائى لكل المصريين اللى بيقيوا مش عارفين يفرحوا ولا يحسوا بالامان فى بلدهم ...

و الارهاب ملهوش ملة ودين .. اللى يقدر يقتل ويدمر ويثير فتن دا مش انسان ولا يعرف يعنى ايه انسانية ويستاهل الحرق .. وعلى الرغم من اللى بيجرى دا يحقن مشاعر المصريين بالغضب ويثير فتن عند بعض الناس وبرغم كل دا هنفضل زى مااحنا شعب واحد وايد واحدة جيران واصدقاء مسلمين ومسيحيين.

اتمنى بجد من كل قلبى ان اى انسان مصرى مش يتصاب باى اذى تانى وان يبقى من حقه يفرح ويمارس حياته وشعائر بكل امان ومن غير اى خوف ومش هقدر اقول غير كل سنة وانت ِ طيبة يامصر وكل اولاد طيبين وبخير .



هناك 16 تعليقًا:

  1. حسبي الله ونعم الوكيل

    ردحذف
  2. مااااااااااااحد ش واااااااااخد بالوا
    السودان هيتقسم السنادييييي
    واحنا وراهم عدل
    ماحدش واخد بالوا
    من النقطه دي

    ردحذف
  3. عايزين يخلوا مصر زى لبنان و العراق و السودان


    تصريحات رئيس المخابرات الاسرائيلى السابق

    ''''لقد تطور العمل فى مصر حسب الخطط المرسومة منذ عام 1979. فقد أحدثنا اختراقات سياسية وأمنية واقتصادية فى أكثر من موقع، (((( ونجحنا فى تصعيد التوتر والاحتقان الطائفى والاجتماعى لتوليد بيئة متصارعة متوترة دائماً ومنقسمة إلى أكثر من شطر ))))" ~ عاموس يادلين (( رئيس المخابرات العسكرية الإسرائيلية السابق ))...

    ياريت نربط ده باعترافات الجاسوس المصرى الاخيرة اللى قال فيها ان اسرائيل بتبث فتاوى متطرفة و تساعد على تغذية الارهاب و بتمولة و الدليل ان القاعدة قتلت من المسلمين و العرب اكثر من غيرهم و لم يحدث ان قاموا بتفجير واحد ضد اسرائيل او يهود

    الداخلية همها تأمين النظام السياسي و بس

    ردحذف
  4. حسبى الله ونعم الوكيل دايما اى فحه لينا مكسوره ذنبهم ايه اللى ماتو سواء كانوا مسلمين او مسيحيين ياريت احنا نفهم بقى وبلاش نفرق بعض اللى لسه فاضلنا التمسك ببعض وبوطنا ونبطل بقى نتفرق على السياسات وغيره

    ردحذف
  5. حسبنا الله و نعم الوكيل
    اللى بتقوله سونى هو الصح
    دى بدايه نفس السيناريو المتبع فى السودان
    ياريت ناخد بالنا و نركز اووى عشان منرجعش نندم

    ردحذف
  6. حسبي الله ونعم الوكيل

    مافيش عندي اي تعليق
    غير ربنا يستر.. وتعدي على خير

    ردحذف
  7. خالص عزائنا لاخوتنا المسيحيين

    الموضوع مخطط كبير جدا لضرب مصر
    ولكن ان شاء الله مش هيحصل

    ردحذف
  8. واتفق معكِ تماما أن صاحب هذه الفعلة ليس له دين ولا ملة

    وخالص العزاء لأهالي الضحايا

    ردحذف
  9. وانتى بالف صحة ووسعادة ياايوشة تسلمى ياحبيبتى

    ردحذف
  10. وانتى بالف صحة ووسعادة ياايوشة تسلمى ياحبيبتى

    ردحذف
  11. السلام عليكم
    ازيك يا ايوشه .. كيف حالك
    عام 2010مر بخيره وشره
    بس شره كان كتير
    وعام 2011 بدأ بدايه مأساويه
    ربنا يعديه على خير هو كمان
    وفى الاخر كله من عمرنا
    تحياتى

    ردحذف
  12. أيوشه بسرعه بسرعه عندى حاجه ايجابيه على المدونه بوست جديد بخصوص حمله انترنت بلا فتنه بتاع الدكتور عمرو خالد اتمنى كل المدونين ننزل بوست عن الحمله وم هنخسر حاجه خاصه انها كلها على النت
    تعالى شوفى البوست وقوليلى رايك

    ردحذف
  13. تحياتي

    ردحذف
  14. ان بعد العسر يسرا
    قريبا سيزول الطغيان ان شاء الله
    حسبنا الله و نعم الوكيل

    ردحذف
  15. السلام على اجدع بنوته صعيديه وحشانى ميه فى الميه ياريت تكون فاكرانى لسه و ربنا يعلم اناها دايما فى بالى

    ردحذف