الثلاثاء، 27 يوليو، 2010

انا نجحت


رجعت تانى زى الشطورة لان بجد الملل اللى الواحد فيه والزهق والقرف مش مخليه حتى يفكر هو بيعمل ايه ولا ايه القرارات اللى بياخدها ... حصل كام موقف خلانى اشك فى ان كلامى اصلا اللى باكتبه ليه هدف ولا معنى مع ان ده مش جديد يعنى ... بس ملل بملل واكتئاب باكتئاب هجى اكتئب هنا فى مدونتى

انا نجحت وجبت جيد جدا ازاى معرفش :)

وبجد مستغربة التقدير دا لانى التيرم التانى كنت بحل وانا اصلا مش عارفة ايه اللى بكتبه

المهم الحمدلله على كل حال خلصت من السنة الشؤم دى

المشكلة بقى دلوقتى اكمل السنة التانية من الدبلومة ولا اقعد فى البيت اقشر بصل

امممممممممم ازمة جديدة محتاجة تفكير واتخاذ قرار ودا شئ صعب فى فترة الاكتئاب دى اللى بمر بيها