الخميس، 6 مايو، 2010

بموت ببطئ




..............

نقط كتير فوق السطور

زى دوامات جو البحور

كل دوامة ليها الف معنى

والكلام جوايا مات

وانا اصلا بكره السكات

جوايا تايهة من غير نهاية

فى دايرة بمشى ملهاش بداية

والدنيا دى زى الحكاية

بسمة وامل

ودمعة وندم

وحياتنا مالها هدف

ولاحتى غاية

هموم تنوح ويا الجروح

ترفض تبوح

وانا لسه ثابتة بقول يارب

يارب قلبى رافض يموت

بس السكوت

ده موت بطئ

يألم بجد

وعقلى سارح فى كل شئ

ولا عمره يوصل لاى شئ

محتاجة جنبى إنسان وقلب

يضم روحى ويا روحه

شيل جروحى واشيل جروحه

وندوب فى بعض


هناك 17 تعليقًا:

  1. انا بجد اسفة جدا جدا جدا انى مش متابعة المدونة ولا انى برد على التعليقات والله انا بقراها كلها اكتر من مرة بس بجد مش لاقية كلام اقوله :(

    ردحذف
  2. روعة وتحفة أحاسيسك وتعبيرك عنها

    تسلم ايدك يارب

    ردحذف
  3. تسلم ايدك يايايوشة...
    بجد احساسك وااااضح اوي فيها...

    تحياتي

    ردحذف
  4. :(((((((

    عاااااااااااااااا

    وااااااااااااااااء

    :(((

    ردحذف
  5. محتاجة جنبى إنسان وقلب

    يضم روحى ويا روحه

    شيل جروحى واشيل جروحه

    وندوب فى بعض

    مش هقدر اقول غير يسلم احساسك
    وقلبك
    خالص تحياتي

    ردحذف
  6. محتاجة جنبى إنسان وقلب

    يضم روحى ويا روحه

    شيل جروحى واشيل جروحه

    وندوب فى بعض


    الله

    ياسلام عليكي

    تسلم إيدك

    ردحذف
  7. جميله اوييييييي

    مفيش سكوت ولا انتظار يموت القلب ..

    اللي يموت القلب الاختيار الغلط ...والتسرع ..

    صبرا جميلا ... وهتلاقي كل اللي تتمنيه :)

    تحياتي

    ردحذف
  8. احساسك رائع وجميل
    كلماتك حساسه جدا
    تقبلى مرورى
    تحياتى

    ردحذف
  9. يارب تكوني بخير

    حاولي تتفاءلي أكتر وكوني قوية

    ماتنهزميش

    ردحذف
  10. ربنا يكرمك بالانسان ده قريب جدا ياايوشه

    ردحذف
  11. حلوة اوى الخاطرة دى

    وربنا يرزقك باللى يفرحك ويشيل عنك كل هم
    وعلى فكرة مستحيل القلب الجميل دة اى حاجة تقدر تموته

    صباحك سكر

    ردحذف
  12. دنياك سكك حافظ علي مسلكك

    وانفد بجلدك لـ العلل تمسكك وتقع في خية تهلكك



    أسعدك الله

    ردحذف
  13. بسم الله الرحمن الرحيم
    السلام عليكم ورحمة الله وبركاته

    هوني على نفسك يا أيوشة
    جميلة ومؤثرة كالعادة

    عندك لدي واجب أريدك أن تأخذيه

    من هنا

    http://d0rna.blogspot.com/2010/05/blog-post_09.html

    ردحذف
  14. وانا لسه ثابتة بقول يارب
    ..
    ..
    كلماتك جميلة يا ايوشة رغم نبرة الحزن اللى فيها

    الهدف انتى اللى بتصنعيه بس دورى عليه وديما الحياة فيها امل
    تحياتى

    ردحذف
  15. ربنا يهون يا ايوشة

    عارفة الايام اللى فاتت انا كنت فى نفس حالتك ويمكن لسه فيها واللى بيتعب ان محدش من احبابك بيقف جمبك
    لكن صدقينى والله ربنا اقرب لينا من الكل ولما بنذكره فى نفسنا بيذكرنا فى نفسه ودى والله اعظم شئ ما تستنيش ان انسان يقف جمبك وخلى املك فى الله بس
    وامسى واصبحى ..راضية بما كتبه الله
    وربنا يعفوا عنك وعنا
    تحياتى

    ردحذف
  16. آيوشة

    طيب لو انتي مش لاقيه كلام تقوليه أومال مين بقى اللي يلاقيه ؟


    "ربنا يهون الايام دى ويعديها على خير"


    يمكن يكون حد فاهمك لكن انتي مش شايفاه .. دوري كويس و ان شاء الله تلاقيه "اللى يقدر ويفهم"

    ردحذف
  17. عزيزتي ايوشه
    لما كل هذا الحزن الحياه هكذا يوم حلو ويوم مر ...انا عندما كنت في سنك ابحث عن مرفأ كثيرا ما مررت بتلك الأحاسيس لكنها يوما ما ستكون ذكري بدون أثر.
    تمنياتي لك بحياة سعيده وقلب نابض دائما بالحب

    ردحذف