السبت، 1 مايو، 2010

الأيـــــــدى النــــاعمة










ازاى يعرف الانسان المصرى انه فى اجازة رسمى ؟؟؟

اقولكم انا لو فى اول السنة الهجرية يعرضوا فيلم فجر الاسلام

ولو احنا فى المولد النبوى يعرضوا فيلم الشيماء

ولو فى 6 اكتوبر هيعرضوا الرصاصة ما زالت فى جيبى واغنية على الممر

ولو عيد العمال زى النهاردة اكييييييد لازم يعرضوا اغنية دور ياموتور _ وفيلم الايدى الناعمة _ ومراتى مدير عام

وبما ان النهاردة بيقولوا عيد العمال قولت ادور فى التليفزيون علشان انا بحب التلات حاجات دول اخررررر حاجة لا لقيت فيلم مراتى مدير عام ولا لقيت الايدى الناعمة اللى عرفت بعد كده انه شغال على الاولى اللى محدش بيسمعها من اساسه دلوقتى ولا اغنية دور ياموتور


واكيد مش هيعرضوهم لان ده هيبقى تحريض صريح للناس العاطلة والباطلة اللى زيى انهم يقموا يطالبوا بحقهم بالعمل وده اللى الدولة مش عايزة تتعب دماغها بيه ......... ما علينا مش ده موضوعنا

موضوعى هنا فيلم الايدى الناعمة واللى مش عارفة انا ليه بحبه وبستناه يوم عيد العمال مخصوص فيه حتة كده فى الفيلم لما صباح تحب احمد مظهر ومش تترضى تجوزه علشان هو مش بيشتغل وعاطل ومش توافق بيه الا لما يكون ليه وظيفة مش عارفة ليه الفكرة دى سيطرة عليا لغاية دلوقتى , يمكن تكون فكرة غبية بعيد عنكم وبقى فى دماغى ان الراجل اللى مش بيشتغل ويعرف بجد ازاى يتعب علشان يعيش
يبقى ميستحقش اى شئ فى الدنيا ولا هيقدر يحافظ على اى حاجة فى اى حاجة .

علشان كده بستغرب جدا لما واحدة يتقدم لها واحد لسه بيبدا حياته وتقولك عايزة شبكة وتجهز شقة وفرح فى احسن مكان وهو اصلا لسه شاب فى بداية حياته طيب هيجبلك منين مش كفاية ان ربنا كرمك بانسان بيعتمد على نفسه ومش بيعتمد على حد انسان وهيقدرك بجد

وباستغراب اكتر لما واحدة تفرح بالامكانيات الفظيعة والشقة والشبكة والفرح الضخم وعريسها اصلا مدفعش فيهم مليم بس اهله اللى دفعوا زى حكاية سمعتها جابلها شبكة مش عارفة 100 الف وفرح معرفش بكام , ومش هو اللى دافع مليم فيهم ده باباه

طيب وهو الانسان اللى زى ده اللى مش متحمل مسئولية يعتمد عليه ويشيل هم بيت ده فى اى لحظة هيقولك بالسلامة علشان متعبش فى اى حاجة زى ما باباه جوزه مرة يجوزه تانى وتالت


يمكن انا لسه بفكر غلط بس الفكرة اللى فى دماغى ومش عايزة تتغير ان الراجل لازم يبقى بيشتغل واى شغل المهم المهنة شريفة ومش مستنى من بابا يصرف عليه ويجبله كل حاجة ويجوزه كمان








ملحوظة

فيه حملة اسمها 30 يوم من التدوين اتمنى كلنا نشوفها ونتابعها وده الرابط بتاع الموضوع


حملة 30 يوم من التدوين

هناك 29 تعليقًا:

  1. رغم اني معاكي .. في لازما الواحد يشتغل .. نعمل ايه .. حتي لو اشتغلت .. وانا لسه بدرب دلوقت علي فكرة .. رغم اني في قرية الشقة هتتكلفلها في حدود 70 الف عشان البناء ، غير العفش ، غير المهر والشبكة ، غير الهداياا ، لو اشتغلت ومرتبي كان حلو هيبدأ ب 500 جنية اصرف علي مين بيهم يا تري ,,
    والمشكلة البنات مش بيكون لاقين حد وتلاقيهم بيتشرطوا وبيعتبروا لو الامكانيات دي قلت تبقي بتبيع نفسها بالرخيص واكتر حاجة يطلبوها المأخر عشان خايفة انها تتطلق .. معدش في دين دي خلاصة القول

    ردحذف
  2. هههههههههه

    لا انتي صح في زمن غلط :)

    تحياتي

    ردحذف
  3. انا معاكي في كل كلمة قلتيها..

    ردحذف
  4. انا سمعت وقف الخلق
    تنفع؟
    ولا تنفع ببصلة
    وقف الخلق ينظرون على خيبتنا الكاروهات

    ردحذف
  5. MR.PRESIDENT

    هو معاك حق ان الدين قل بس بردو لسه فيه ناس كتير كويسة بس انتم اللى مش بتدوروا ونفسكم بتقطع بدرى بدرى :)

    مرسيى للزيارتك المدونة

    ردحذف
  6. فتاه من الصعيد

    ههههههه اتمنى انى اكون صح وهما اللى غلط فعلا
    مرسيى للمروك ياقمر

    ردحذف
  7. سمع هوص (Abo 3li)

    الحمدلله انك معايا فى كل كلمة :)
    مرسيى للمرورك ياابو على

    ردحذف
  8. ستيتة حسب الله الحمش
    هى مبقتش كاروهات بس يادكتورة والله حال البلد والناس اللى فيها بقى يحزن بجد وكل يوم بيسوء عن اللى قبله
    الخلق بقيت بتتفرج على فضايحنا مش حضارتنا :(
    مرسيى للمرورك يادكتورة

    ردحذف
  9. انا معاكى يا ايوشه والله فعلا لان دا الصح اصل حاجه بالعقل الراجل مبيشتغلش طيب بيعمل ايه بيقعد فى الكافيهات ولا ابوه بيصرف عليه انتى صح واللهل ان اللى بيشتغل بيتحمل مسئوليه فى كل حاجه حتى فى خوفه علىا لانسان اللى معاه مش مشكله فلوس اهم حاجه انه يعرف انها مجرد وسيله ومش بتجلب السعاده
    تحياتى

    ردحذف
  10. أزال المؤلف هذا التعليق.

    ردحذف
  11. ازيك يا ايوشه يا قمر
    بجد انتي حطيتي ايدك علي مشكله كبيره
    مشكله كل شاب في بلدنا
    واي حد بيبدا حياته علشان ينصدم بالواقع
    لو كل واحد عنده بنت فكر ان ابنه هيوقع في نفس المشكله اعتقد ان تفكيره هيتغير
    اتمني ان الناس كلها تكتفي بس بالحاجات الاساسية والمطلوبه بغض النظر عن التفاهات اللي ملهاش لازمه
    تسلم ايدك
    وتحياتي

    ردحذف
  12. صحححححححححححح

    لالالالا مش للدرجة دى

    انا شخصيا ماشى بالمبدأ ده فى حياتى من الناحيتين
    يعنى اختى اللى اتجوزت ما اشترطتش علي العريس اى حاجة لإنه محترم ومكافح وفى عنده خطة باذن الله تنجح ويبنى نفسه
    فى نفس الوقت انا مستنى لما اكون مؤهل تماما سواء من الناحية لمادية او النفسية علشان ادخل فى الموضوع

    اما بخصوص عيد العمال
    فبلاش احسن انا الأمن بيتلكك لى اساسا


    وبخصوص 30 يوم تدوين فانا منسحب لانى مشغول جدا الفترة دى


    سلاموووووووز

    ردحذف
  13. كلامك صح جدا مش غباء وبأيدك فيه وأبصم بالعشرة ماهو لو فى امكانه هيجيب من عرقه وتعبه إنما اللى عايزة وعايزة وتوافق عليه بشرطها ده يبقى معلش اعذرينى يوم ما هيقعوا فى أزمة وباباه مش يكون موجود مش بعيد يصدرها هى للمشاكل وحلى بقى

    بس قوليلى مين اللى جاب ب 100 ألف شبة ده شاوريلى علييييييييييييييه هههههههههههههههههههههههههه

    وحشتينى كتيييييييير

    دمتى بكل الخير والحب والسعادة

    ردحذف
  14. احنا فى زمن غلط يا ايوشه

    صدقينى والله معاكى ربنا يتولانا برحمته

    ويارب الشباب العاطل ياخد بنصيحتك

    لان الشغل مش عيب
    ولا هيجى لحد عنده

    دمتى بكل الخير حبيبتى

    مودتى

    ردحذف
  15. لالالالالالالالالالالالالالالا عندك انتى مش غلطانة انتى البنت الوحيدة الى شفتها بتفكر صح فى حياتى لا ده انتى حلم حياتى ينهار لسة فية بنات بالنضج دة وعندها المبادئ الاسلامية الجميلة دى بس المشكلة هل الناس المسؤلين عنك هما كمان كدة؟ انا اشتغلت 5 سنين وانا بدرس فى الجامعة ومازلت فى اخر سنة فيها محوشتش قرش ومعتقدش انى لو اشتغلت بعد متخرج هحوش الا بقة لو سافرت بلد عربى بس المشكلة انى مش عاوز اسافر وعاوز اتجوز وكل يوم قبل منام اقول يااااااه مش هتجوز بقة ولا لسة فيه كام سنة حرمان
    لو عرفتيلى حل ابقى قوليلى واجرك عند الله وهنيالك يا فاعل الخير والثواب
    تحياتى ليكى

    ردحذف
  16. فعلا حتى كان فيلم الايدى الناعمة شغال من شوية بس مش على الاول


    لازم ابوه يدفع له والا هيتجوز بعد الخمسين لانه بيحوش والاسعار بتزيد

    ردحذف
  17. والله معاكى حق يا ايوشه

    ردحذف
  18. عالم جنان في جنان

    و الحل فيه نقول لا تعليق

    على أي شئ و كل شئ

    اسمحيلي اضفت رابط الموضوع عندي

    ردحذف
  19. تعالى نحسبها

    دلوقتى هشتغل بـ 3000 جنيه فى بنك مثلا ...ومبيعات ...يعنى عندك بتاع 500 مواصلات لو مش معايا عربية فرضا يعنى

    هيتبقى 2500 هيدفعوا مقدم شقة وتدخلى بيهم جمعية وتصرفى على نفسك هدوم عشان الشغل وتحوشى حبة ..

    هنتجوز امتى؟؟؟ :D

    ردحذف
  20. اتفق معك فيما سبق


    الافلام دي نظبط عليها الاجازات


    ربنا يسعدك

    ردحذف
  21. السلام عليكم ايوشه النوشه كونوشه
    كلامك صح يا ايوشه .. بس خدى بالك مش كل اللى بيصرف عليهم ابوهم يبقوا ناس وحشين .. لان فيه ناس بتشتغل مع ابوها وبيتعبوا كتير وعشان كدا الحكم دا مش صحيح قوى .. لكن هو صحيح نسبيا

    انت بتحبى فيلم الايدى الناعمه عشان فكرة العمل وقيمته

    لكن بقى يا ايوشه انا بحبه عشان حاجه تانيه خالص .. اصل فيه الصواريخ التلاته اللى انا بحبهم

    تحياتى

    ردحذف
  22. السلام عليكم ايوشه النوشه كونوشه
    كلامك صح يا ايوشه .. بس خدى بالك مش كل اللى بيصرف عليهم ابوهم يبقوا ناس وحشين .. لان فيه ناس بتشتغل مع ابوها وبيتعبوا كتير وعشان كدا الحكم دا مش صحيح قوى .. لكن هو صحيح نسبيا

    انت بتحبى فيلم الايدى الناعمه عشان فكرة العمل وقيمته

    لكن بقى يا ايوشه انا بحبه عشان حاجه تانيه خالص .. اصل فيه الصواريخ التلاته اللى انا بحبهم

    تحياتى

    ردحذف
  23. وحشتيني ياقمر

    يارب تكوني بخير

    انا قلت اجي اسلم واسأل

    ردحذف
  24. السلام عليكم

    ازيك يا ايوشه

    يارب تكوني بخير

    طبعا الشاب الطموح الي بيشتغل ويعلي طموحه وحلمه كنز

    بس المشكله إن ده كله في الزمن ده مش كافي

    فعشان كده فيه ناس او اغلب الناس اهلهم بيساعدوهم

    وانا بحب الفيلم

    عشان فيه فكره وكوميدي

    وكمان زي ما قال عم فشكول

    ( إيموشن عينه زايغه )

    D :D:

    معلش علي تقصيري في المتابعه يا ايوشه

    تحياتي

    ردحذف
  25. السلام عليكم و رحمة الله و بركاته

    أيوشة يا جميلة
    وحشاااااااانى جدا بجد
    يارب تكونى بخير

    و كدا مبدئيا قبل التعليق عليكى 2 بوست النهاردة
    انتى ناسية انك مشتركة فى الحملة
    ههههههههههه

    نيجى بئا للبوست
    بصى يا ستى
    فعلا لازم يكون الشاب قد المسئولية عشان تحسى فعلا ان الحياة هتستمر بيكم و تحسى بامان ان ان شاء الله لو فى مشاكل يقدر يحلها

    لكن فى ناس تهتم بالمظاهر و ساعة ما تحصل مشكلة تلاقيها اجدع ناس تجرى

    لكن دا لا يمنع من مشاركة الاهل ، لأن بصراحة العصر دا صعب جدا ان شاب يجهز لوحده
    لكن كافى انك تحسى انه شايل المسئولية

    دا بغض النظر إذا كانت الواحدة بتشتغل او لا اعتقد دا مش موضوعنا :)


    تحياتى يا جميلة

    ردحذف
  26. آيوشة
    ازيك
    بس كده خلاص
    انا بعدت فترة طويلة اوى والنهاردة باذن الله قررت ارجع تانى سامعك بتقولى الواد ده مجنون بس مش مشكلة لان الكلام ده رسمى والكل عارف كده
    بس انا حبيت اول رجوع ليا يكون من هنا من عند آيوشة
    خدى بالك مفيش حاجة ببلاش كله بحسابه بس استنى لما افكرلك فى فكرة كده تكون على اد صورك اللى بتتغير كل ساعة
    عارفة لما جيت اضغط على نشر التعليق وقفت فترة وقلت ارجع يا ابنى الطيب احسن ( شوشو قاعد جنبى )
    بس على مين شوشو ده ولا حاجة
    بجد وحشنى التدوين اوى

    ردحذف
  27. السينما المصرية في انهيار , و ستفقد السينما ريادتها العربية لو استمرت في الانهيار ..

    ازاي افلام معدودة هي التي تحمل افكار و الباقي كله قصص حب !

    ردحذف
  28. والله قلتي كلام كتير كان في دماغي ونفسي اكتبة

    خصوصا موضوع الطلبات المبالغ فيها

    وازاي البنت ترضي اصلا بعريسها وهو مش تعبان فحاجة واهلة هما ال عاملين كل حاجة

    زي متجوزها بالساهل هيطلقها بعد كدة بالساهل

    واهلة ال هيدفعو برضة

    ردحذف