الخميس، 11 مارس، 2010

رسالة إلى صغيرى


اولا انا كنت قولت هرد على البوست اللى فات بس بصراحة كل تعليق فيه محتاج صفحة علشان ارد بس بجد والله التعليقات كلها افيدتنى جدا وهحطها كلها قدامى دايما هو الملل للاسف بقى موجود عند كل الناس بس كنت اتمنى فعلا الملل ده ميكونش من ناحية التدوين باذن الله هحاول اخصص وقت كل يوم علشان ازور المدونات كلها من تانى .





رسالة إلى صغيرى

اليوم ياصغيرى عرفت حقيقتى المرة

فوجهك الباسم .. ونظرات عينك المشرقة .. أظهرت لى الحقيقة

سنوات طوال وأنا أنظر إليك لا أرى غير إعاقتك المستديمة

منذ لحظة الميلاد الأولى جاءنى الخبر

قالوا معاق وهذا من صنع القدر

أنت تعانى من إعاقة من صنع الله

تقبلت إعاقتك وإنت راض ٍ بما قسمه الله لك

أما أنا فإعاقتى من صنع نفسى

إعاقتى أقوى من كل الإعاقات الجسمية والحسية

إعاقتى ليست ذهنية ولا سمعية ولا بصرية

فانا اعانى إعاقة قلبية وأيضا إعاقة أخلاقية

أصبحت رافضة لوجودك الهادئ

بداخل غرفتك أنت قابع تلعب مع الملائكة

أنظر إليك وقلبى يملئه الحسرة

وعينك تنظر إلي تلك النظرة

اشيح بوجهى عنك بعيدا ً

وفى عقلى عدم تقبل لذاتك الضعيفة

نظرات العالم من حولى مليئة بالشفقة

واستغاثاتك بى تتطلب الرحمة

ترفع يديك تريد التواصل

وأرفع أنا يدى لأخفى وجهى القاسى

لأخفى عنك روحى المحطمة

أملك المشرق فى ثنايا قلبك

يطبع نوره على وجهك

وعلى ابتسامات شفاهك

يبدد اليأس الزاحف إلى روحى

اليوم ياصغيرى سوف أمنحك حق الحياة

اليوم سوف أعلنها للعالم أجمع

لست معاق بل أنا من كنت معاقة

عندما سلبت منك الإرادة وحق الحياة


هناك 40 تعليقًا:

  1. like
    ادي اخرة الفيس بوك
    مفيش كومنت هو لييك و بس :)

    ردحذف
  2. ليك كده بس يعنى انا والله كنت ناوية ارد بس لقيت الكلام كتير ومش عارفة ارد على ايه ولا ايه
    :(

    ردحذف
  3. وبعدين انا بقيت بحاول ابعد عن الفيسبوك على اد مقدر
    قولى بقى فهمت حاجة من البوست ده هههههه علشان انا مش فاهمة

    ردحذف
  4. ممممممم


    ايوشتى

    اسفه متأخره عليكى يا حبيبتى

    معلهش ربنا معاكى ويقويكى انا حاسه بيكى لانى عايشه فى مرارة جامده

    ادعيلى ياقلبى

    ردحذف
  5. ممممممم

    البوست دا محير يا ايوشه وعاوز تركيز جامد

    لاذمم اقرءه بتمعن تانى عشان احساسه يوصلى

    لى عوده مره اخرى بس قلت لاذم اصبح
    صباحك سكررر

    ردحذف
  6. الله


    الرسالة رائعة يا آيوشتى

    و الأروع منها

    احساسك يا حبيبتى

    انا مش لاقية حاجة اقولها بصراحة

    تسلم ايدك و مشاعرك و قلبك

    ردحذف
  7. الطفل المعاق منحه وليس محنه كما يعتقد البعض

    كلماتك معبره

    تحياتي

    ردحذف
  8. فيه بوستين .. الاول .. مش عارف اقول فيه ايه .. اذا كانت تجربه شخصيه .. بس انت لسه صغيره على كده .. ولا هى مجرد احاسيس ايوشه النوشه كونوشه .. بس انا مش عارف اتكلم فيه عشان الكلام بيبقى صعب.

    التانى بقى اللى تحت بتاع الملل من التدوين .. تصدقى ان انا عندى نفس الملل وعايز اجيب ضلف فشكول بالضبه والمفتاح .. بس ما عنديش الجرأه ان اعمل كدا .. يمكن تلاقينى اعمل عد تنازلى من 10 الى صفر وتلاقى فشكول راحت فى الوغى ..

    لكن عمال على قد ما اقدر ان اقدر على نفسى وما اعملش العمله دى وربنا يستر على منى

    تحياتى

    ردحذف
  9. السلام عليكم

    ايوشة ايه الكلام الجامد ده و الله عيشتيني في حكاية جميلة قوي كحكاية لأ و ايه الموسيقي كمان عاملة شغل
    بجد كانت رحلة

    ردحذف
  10. إبتسامة ملاك

    ازيك ياانوسة ياقمر يارب تكونى بخير دايما يارب
    معلش البوست ممكن يكون فكرته غامضة شوية لانى كتبته فى وقت غريب ان شاء الله لما تقريه تانى هتقدرى تفهمى الفكرة
    مرسيى ياجميل للمرورك ربنا ما يحرمنى من مرورك دايما يارب

    ردحذف
  11. فاتيما


    ياااااه دانا اللى مش لاقية حاجة اقولها بجد زيارتك اسعدتنى جدااااا مرسيى للمرورك جداااا

    ردحذف
  12. فتاه من الصعيد

    مروة عندك حق الطفل المعاق منحة من ربنا ومحدش بيقدرها ولو قعدتى فترة صغيرة معاهم بجد والله بتحسى ان الدنيا مختلفة وبتحسى ان لسه فى نقاء فى الحياة لسه موجود
    مرسيى للمرورك ياجميل

    ردحذف
  13. فشكووول


    استاذ صلاح نورت المدونة طبعا البوست ده مش تجربة شخصية اوى بس انا مجال دراستى المفروض يكون فى مجال التدريس لذوى الاحتياجات الخاصة علشان كده حسيت نوعا ما ببعض المشاكل اللى بتواجهم

    اما موضوع الملل تقريبا بقى الناس كلها عندها ملل من روتين الحياة
    بس اكيد حضرتك مش هتفكر ابدا تفقل المدونة نروح احنا فين بس من بعد حضرتك
    ربنا يخليك لينا يااستاذ فشكول
    مرسيى للمرور حضرتك

    ردحذف
  14. ضحكات الحياة

    هى مش عارفة اصنفها بصراحة هى قصة ولا ايه بالظبط اتمنى تكون عجبتك فعلا
    مرسيى للمرورك جدا

    ردحذف
  15. مش عارفه ايه اللى خلانى ادخل البوست
    يمكن لانى انا ام طفله قمر جميله وست البنات
    متقدريش تقولى سليمه ومتقدريش تقولى معاقه
    ولكن هى مختلفه وخلينا نقول معاقه بس مش إعاقه ذهنيه ولا إعاقه بدنيه
    هى متأخره لانها اتولدت بدرى قوى

    على فكرة
    انك تحسى بام طفل معاق شئ وانك تكونى الام شئ آخر
    احنا الامهات نصفن إلى نوعين مفيش تالت
    ام متفانيه وبتحب طفلها وبتحاول بأى شكل توصله بر الامان فى حدود امكانياته
    وتحافظ عليه من الكون

    وام حانقه وتنظر اليه على انه كارثه ومشكله وعيب يجب ان تخفيه او تهمله

    الطفل فى الحالتين اكثر من رائع
    لو اتعاملتى معاهم عن قرب هتشوفى الفطرة الطاهره النقيه
    القناعه..والرضا والضحكه والبساطه

    طبعا التعامل محتاج صبر ومجهود
    والأهم الرضا
    صدقينى اصعب شئ على انا كأم البنوته الجميله
    مش مجهودى معاها
    ابدا اعب شئ الناس او انها تكون تعبانه
    غير كده عندك فى البيت نعمه وآيه من ايات الله فى خلق البشر
    خدى طفل سليم وطفل معاق
    روحوا السوبر ماركت
    هتشوفى القناعه والرضا من المعاق
    والرغبات اللى بدون حد من السليم

    ربنا يعافى جميع الابناء ويشفى مرضانا ويخرجنا منها على خير

    الناس التى لاتقبل الطفل المعاق أو تؤذى اهله ناس معاقه
    وكم من سليم صحيح فى لحظه تحول لمعاق
    اللهم استرها مع الناس اجميعن

    ردحذف
  16. لا اقصد بإيه اللى دخلنى استنكار
    لا انا مبتعده عن التدوين فترة وشفت بوستك عندى فى الريدر لقيتنى داخله بدون تفكير
    حبيبت اوضح
    مدونتك عندى فى الريدر من زمان بس انا مقصره فقط

    ردحذف
  17. السلام عليكم ورحمة الله وبركاته
    ايوشه بنت خالى
    ازيك يارب تكونى بخير
    جميل فعلا التعبير اللى انتِ عبرتيه ده
    لانه للاسف فعلا فيه ناس كتير كده مننا معاقين وبيبصوا للامور اللى زى كده وغيرها نظره غريبه غير اللى المفروض انها تكون موجوده
    كالعاده كتابتك جميلة
    انا كنت معدى وقلت ارمى السلام
    (عمتك بتسلم عليكى على فكرة)
    هههههههههههههه
    تقبلى مرورى وتحياتى

    ردحذف
  18. جميل اوى ياايوشة
    وكلامك معبر جدا
    تسلمي يارب وربنا يشفي ويصلح احوال الجميع

    ردحذف
  19. أزال المؤلف هذا التعليق.

    ردحذف
  20. ايوشة
    ازيك اولا
    انا و العياذ بالله من قولت انا احب اقول ف البوست دة ان الى يتغلب على الامر يبقى احسن و اريح و نحاول مش نحسسه بالي ف دماغة بالعكس نقللة الاعاقة مش اعاقة زى ما سردتي ف البوست لا صدقوني الاعاقاة حالات كتيرة جدا جدا
    ولازم الواحد مش يحسس الى قدامه بيها خالص
    و خلص الكلام يارب اكون قدرة اوصل وجهة نظري

    ردحذف
  21. السلام عليكم
    انا اول مره اعلق عندك بس البلوج كله جميل رائع
    وكلامك كله جميل
    تقبلى مرورى
    دومتى بود

    ردحذف
  22. الله ...كلماتك جائت معبرة وأنتهت اشبه ما يكون بمشرط جراح وضع يده علي عين الألم وقرر أن يستاصله .. بوست رائع .

    ردحذف
  23. البوست رائع جدا

    والحاله مؤثره بشده

    وغايه في الصعوبه

    رسالتك وصلت

    دمت بكل خير

    ردحذف
  24. الفقيرة إلى الله أم البنات
    انا سعيدة بمرور حضرتك جدا
    وبجد كلام حضرتك استوقفنى كتير وفضلت مدة طويلة مترددة علشان ارد عليه
    انا البوست لما كتبته كان فى موقف معين
    حضرتك قولتلى فعلا ان فيه نوعين من الامهات
    لما ام راضية وشايفة ان الطفل ده نعمة ومنحة من الله
    او انها تشوفه كارثة وانا شفت وسمعت حكايات من النوع التانى
    وده اللى خلانى اكتب البوست لان من طبيعة الام تحب ابنها باى شكل سواء كان سليم او ربنا ابتلاه باعاقة معينة
    لان هى المراة كده ربنا خلقها فى قلبها رحمة وحنان
    البوست بس يمكن محاولة بتوضح بعض الحيرة اللى بتكون جوه بعض الامهات
    لكن انا طبعا استحالة انى اشعر بنفس شعور الامهات
    ربنا يخليلك بنتك يارب ويحفظهالك دى نعمة من ربنا
    كفاية تبصى فى وشها تنسى الدنيا كلها
    وربنا يكرمك يارب على صبرك وتفانيكى معاها
    وربنا يعافى الجميع يارب ويشفيهم
    للاسف هى ازمة ثقافة مجتمع مبيحرمش ولا بيحترم مشاعر الاخيرين

    مرسيى لزيارة حضرتك للمدونة

    ردحذف
  25. المعتصم

    وعليكم السلام ورحمة الله وبركاته
    حمدلله على السلامة يابن خالى نورت التدوين من تانى
    ربنا يجعلها اخر الاحزان يارب
    المشكلة عندنا نظرة المجتمع للذوى الاحتياجات الخاصة والنظرة دى لازم تتغير هما ليهم حق فى الحياة ومش يقلوا اى حاجة عن اى انسان تانى
    مرسيى للمرورك يااستاذ مصطفى وسلامى بقى لعمتى ههههه

    ردحذف
  26. shimo
    وتسلمى ياقمر يارب نورتى المدونة ومرسيى للمرورك ياجميل ربنا ما يحرمنى منك ياااااارب

    ردحذف
  27. MeGltNa 3mr Wa2el

    عمر الاعاقة للاسف مصطلح خاطئ ومينفعش نستخدمه فى حياتنا ولا نطلقه على اى انسان المفروض يبقى المصطلح الصحيح ذوى احتياجات خاصة
    هما زيهم زينا ويمكن فى احيان كتير احسن مننا وبيعلموا حاجات احسن مننا وبيحققوا انجازات الانسان العادى مش بيقدر يعملها
    يبقى مينفعش نحرمهم من حقهم فى الحياة
    مرسيى للمرورك ياعمر

    ردحذف
  28. بنت _مصريه

    ربنا يخليكى يارب على كلامك اتمنى تكون المدونة عجبك واسعدنى مرورك ومرسيى لزيارتك للمدونة

    ردحذف
  29. Miss. Sosa
    ربنا يخليكى يارب ومرسيى للمرورك

    ردحذف
  30. أبو العريف

    والله يابشمهندس مهما الواحد اتكلم اكيد مش هيجى جزء ضئيل من المعاناة الحقيقية لفئة كبيرة من الاطفال
    مرسيى للمرورك يابشمهندس

    ردحذف
  31. أيوه كده الصدا اللي كان على القلم ابتدى يزول :))

    ده مؤشر كويس جداً اننا هانرجع الفورمه تاني

    البوست ياخد 10/10 مع مرتبة الشرف ولحافه كمان

    بمناسبة الزهق والملل في وصفة سحرية للقضاء على الملل بس مش هاقولها طبعاً هابقى اعملها بوست :))))
    تحياتي :)

    ردحذف
  32. انا جيت

    *******************

    اهلا ايوشه
    اولا الكلام الا كتبتيه له اكتر من وجهه
    يعنى توريه ممكن
    بالنسبه للطفل المعاق فكما تفضل البعض وقال انها منحه وليست محنه
    فعلا دائما الابتلاء نراه محنه ولكنها منحه وهديه تقربك من المولى عز وجل

    اما الاعاقه التى تحدثتى عنها فى نفسك هى فعلا اصعب من الاعاقه التى وهبها الله للبشر فهم فعلا يخلقوا بها ويتعايشوا معها ويرضو للقضاء بينمــــــــا انتى اعاقتك من صنع الالم وعدم التوكل الحقيقى على خالق الكون اذاتوكلنا فعلا على رب العباد وعالجنا انفسنا باللجوء اليه ورضينا اكيد هنتعالج من الاعاقه
    ربنا يرزقنا بالرضا والتوكل واليقين امين
    وياريت اكون اقدرت اوصل للى اانتى عاوزانى افهمه
    تحياتى

    ردحذف
  33. يلا قوليلى ايه رئيك

    مووووووووووواه

    ردحذف
  34. يا آيوشة..
    انا جيت هنا قبل كده واكتر من مرة..
    وتعليقي ه ها يكون على بوست (عندى ملل وايه الجديد )..
    يمكن عندك حق على اعتبار اننا من سيء لأسوأ في عالم الانترنت والتدوين ودة موضوع نفسي اعمل بوست عنه بعنوان (التأريخ) لكن رغم كل ده بلاش ننكر انه لسه فيه ناس كويسة وكويسة جدا كمان واراء حلوة وخلاصة تفكير ناس كنا ها نخسر لو مش عرفناهم..
    وممكن نتجاهل الناس الوحشة والتعلقيات الروتينية السخيفة اللي بتملى خانة تعليق وبس كأننا بنصنع مجتمع جوة المجتمع..

    فكري انه ممكن كلمة تكتبيها تغير من حد تاني او ع الاقل تديله فكرة ممكن يا خد وقت كتير لحد ما يوصل لها لوحده.
    وفي الاول والاخر لازم نعرف ان اللي بنقوله وبيشوفه الناس بيشهد لينا ..او..علينا :)

    ردحذف
  35. المعاقين ليهم سيكولوجية خاصة جدا..
    دة في كتب كتير اوي بتتكلم عن سيكولوجية المعاقين و كيفية التعامل معاهم و مساعدتهم على التكيف .
    بس المهم انهم يتكيفوا بشكل صحيح في بيئة صحيحة نفسيا و دة صعب في المجتمع المصري.
    لأن المجتمع بيوصمهم و بيربي عندهم عقد نقص و عقد نفسية .
    و دة انا شوفته بنفسي من خلال تعاملي مع المعاقين حتى اللي بيشغلوا مراكز كويسة في المجتمع .
    :)
    عندي كلام كتييييييييير
    بس مش قادرة اكتبه

    ردحذف
  36. تعليقي على الموضوع ده بقى..
    انه فيه اعاقة جسدية واعاقة ذهنية..
    الاعاقة الجسدية بتكون لذوي الاحتياجات الخاصة..
    اما الاعاقة الذهنية فا بتكون في (معظم) الناس اللي مش بتعرف تتعامل مع النوع الاول..
    يا ترى عرفت اوصل اللي انا عاوزه..؟؟

    ردحذف
  37. القصه دى حلوه اوى يا ايويه يسلم احساسك الرائع كالعاده ياقمر

    ردحذف
  38. الف سلام عليكم
    اهلا بيكى اهلا بيكى
    تالته اول بتحييكى

    ردحذف
  39. السلام عليكم

    أيوشة بلدياتى

    اخبارك ايه يارب تكونى بخير

    تصدقى انا فرحت قوى لما قريت البوست ده علشان حسيت فيه احساس جميل بالرحمه والحب بالاضافة لروعة اسلوبك الهادى الرقيق

    كل التحية والود
    انا كنت مقصر مع الجميع مش معاكى وبس علشان الجيش معلهش

    ردحذف
  40. إبتسامة ملاك

    انوسة انت كده فهمتى انا عايزة اقول ايه
    معلش لو كان البوست غامض ومش واضح اوى
    مرسيى ياجميل يارب دايما منورة المدونة





    Timo..

    تيمو افتكر الملل بقى عند كل الناس واسبابه بقيت غير معروفة لكن الملل من التدوين ده فعلا بسبب
    غياب هدف حقيقى للتدوين وغياب ناس كتير كانت كويسة جدا
    التدوين مش كله وحش بالعكس انا عرفت ناس كتير جدا ماشاء الله
    استفدت منهم كتير ولسه باستفيد دايما
    وكل شئ فى الدنيا دى ليه جانب كويس وجانب سئ
    واتمنى الملل والخنقة من التدوين ده يروح بسرعة
    مرسيى للمرورك




    قهوة بالفانيليا - شيماء علي

    اولا اهلا بيكى فى اول زيارة اللى اسعدتنى جدا
    لان مدونتك بجد ماشاء الله من اجمل المدونات اللى شفتها
    وانتى موهوبة واحساسك ماشاء الله عالى جدا واسلوب متميز جدا
    اما تعليقى على كلامك هو طبعا فى سيكولوجية خاصة بالفئات الخاصة
    وسمات معينة فى شخصيتهم وده بسبب انطباعات المجتمع وتعاملته معهم
    الفئات الخاصة ناس عادية جدا ومفيهاش شئ ينقصها غير بس اننا نديهم حقهم فى الحياة
    وانهم يعيشوا زيهم زينا ويتمتعوا بكل حقوقهم كامل
    مرسيى للمرورك وزيارتك للمدونة





    Timo.

    كل انسان جواه جوانب قصور وجوانب قوة
    وكلنا متساويين واذا ربنا حرم انسان من نعمة معينة بيعوضهاله بحاجة تانية اكيد
    كلمة معاق ومعاقين لازم تتغير وتبقى فئات خاصة
    لان معاق تحمل معنى القصور وعدم المقدرة على انجاز اى شئ
    وده مش صحيح هما عندهم جوانب قوة كتير ويمكن احسن مننا بس لو عرفنا نستغلهم صح
    يبقى العيب فى المجتمع وفينا مش فيهم لاننا مش عارفين نفهمهم
    مرسيى للمرورك مرة تانية




    طوبه فضه وطوبه دهب

    دهوبة الجميلة نورتى المدونة ياقمر






    The illusionist
    الله يسلمك يازناتى مرسيى للمرورك
    بس هو انت لسه فى المدرسة بقى علشان تلات اول دى :)






    عرفة فاروق عبد الله

    وعليكم السلام ورحمة الله وبركاته
    انا الحمدلله بخير ياعرفة
    حمدلله على السلامة لرجوعك ونقول كفارة بقى من الجيش وايامه
    مرسيى للمرورك جدا ومفيش تقصير ولا حاجة اكيد طبعا عارفين ظروفك كانت ايه

    ردحذف