الثلاثاء، 5 يناير، 2010

حال الغريب



" ياللى راجع للوطن سلم على اهلى وربعى أوصف لهم حال الغريب ووصف لهم شوقى ولمعة دمعتى ووصف لهم وش لون ضاق من الوله قلبى الرحيب "
*
*
لااعلم لماذا لا يصبنى اليأس او السأم من كثرت تكرار هذا المقطع من الاغنية التى استمع اليها , ثلاث ساعات حتى الآن استمع اليها بدون انقطاع , بل على العكس كلما انتهت الاغنية سارعت بإعادتها مرة اخرى , ولا اعلم لماذا ايضا تنساب دموعى مع شجن هذه الاغنية .
*
*
لست مغتربة ولست بعيدة عن الوطن ولا احيا بعيدة عن الاهل والاصدقاء والاحباب فانا احيى فى دنيا صاخبة مليئة بالكثير من البشر , اصادف من الوجوه كل يوم العشرات اخالطهم واذوب معهم فى همومهم واحزانهم والقليل من افراحهم .
*
*
لكن يبقى بداخلى احساس الغربة يعترينى _اصبح قلبى يختنق بغربتى ,أبت شفاهى عن الحديث حتى أوشكت على نسيان الكلمات .
*
*
اشتاق لوجودى فى وسط اهلى واصدقائى _ لا بل اشتاق الى وجودى مع نفسى _ اشتاق حقا للشعور بالامان يعود لقلبى مرة اخرى .
*
*
قد يكون احساس الغربة صعبة لمن يحيا بعيد عن الاوطان لكن يوما ما سوف يعود مرة اخرى لوطنه واهله لكن متى يحين موعد عودتى من غربتى التى تغلغلت بداخلى , يحين موعد عودة روحى سالمة الى ارض الواقع .

هناك 31 تعليقًا:

  1. ازيك يا ايوشه وحشانى والله,مفتقداكى:)
    فين ايووووووووووشه,,

    بالنسبه للبوست انتى قلتى جمله ملهاش حل:
    ##*
    قد يكون احساس الغربة صعبة لمن يحيا بعيد عن الاوطان لكن يوما ما سوف يعود مرة اخرى لوطنه واهله لكن متى يحين موعد عودتى من غربتى التى تغلغلت بداخلى , يحين موعد عودة روحى سالمة الى ارض الواقع .##

    يااااااااااااه جبتيها ازاى دى؟؟

    ردحذف
  2. كيف لو أحسست بالوحده و أنت بين ناسك ?
    كيف لو أحسست بالغربه و أنت في وسط دارك ?
    كيف لو رغبت ف البكاء .. وصعب بكائك ?


    كانت هذه تساؤلاتي .?!! ف لحظة من لحظات غربتي

    كانت تساؤلاتي معلقه إلا أن قرأتك هنا‎ ‎
    ...و زادت التساؤلات سؤال

    متى يحين موعد عودتي من غربتي التي تغلغلت بداخلي!!





    :‏)‏ ,‎ Happy new year

    ردحذف
  3. السلام عليكم ورحمة الله وبركاتة

    ربنا يكرمك يارب والمسلمين وموضوع جميل وحساس جداااااااا وبارك الله فيكى

    وجيتى على الجرح ياأيوشةةةةةةة

    ردحذف
  4. ممممممممم
    هي دي مشكلتك الازلية انك اصلا متغربة عن نفسك من ثبل ماتعرفيها اصلا
    وده معناه ان في تناقفض جواكي و مش مقتنعة بحاجات كتير قوي جواكي

    مممممممم!!!!؟؟!!!

    ردحذف
  5. صعبة طبعا غربة النفس
    الغربة
    الوحدة
    محدش يقدر يخرجك براهم الا ايوشة شخصيا
    وطبعا قبلها كرم ربنا بأحباب يقصروا المسافات ويردوا الغايب
    رزقك الله صحبة من يؤنس الوحدة
    ويرد النفس الغائبة
    وحشتينا

    ردحذف
  6. هاتخرجى من غربتك
    لما انت تكونى عايزة كده :)

    ردحذف
  7. أصعب غربة هى الغربة وسط الناس اللى نعرفهم وبيحبونا بس بنحس بوحدة غريبة مش عارفين ليه يمكن لقلة إهتمامهم بينا ولا علشان إحنا محتاجين إهتمام أكتر ولا يمكن لأن ده جوانا شعور خالص بالوحدة

    دمتى بكل الخير والسعادة

    ردحذف
  8. "متى يحين موعد عودتى من غربتى التى تغلغلت بداخلى"

    وصف بديع جدا للحالة اللي بتمري بيها

    نسأل الله ان تأتي لحظة عودتك الى نفسك وتغيب شمس غربتك

    دمتي في حفظ الله

    ردحذف
  9. كثير منا يتعايش هذه الحاله فى بعض الاوقات فيشعر انه غريب وحيد رغم وجود الكثيرين حوله ورغم وجوده فى احضان اهله واصدقائه..لان كل انسان منا هو الوحيد الذى يعرف المكان والكيفيه التى يجد فيها نفسه ويجد روحه تعيش فى انس ورضا حتى لو لم يجد بجواره احد من البشر..
    اتمنى ان يجمع الله لنا شتات انفسنا ونجدها من جديد فكم غاب عنا احساس الطفوله والدفء كانت ايام لا تعترينا فيها هذه المشاعر والاحاسيس ...ولكن دائما بامكاننا التغلب على اشجاننا وغربتنا ....اشكرك على هذا البوست وعلى كلماتك الدقيقه والصادقه.

    ودومتى بخير

    ردحذف
  10. عندما نعيش فى وطن غريب
    ...غريب بأفعاله وقراراته وطباعه وعاداته
    ....سوف نشعر بالغربة

    تحياتى واتمنى ان تجدى الامن والامان

    ردحذف
  11. وانا من البداية يا غربة هتحمل

    ردحذف
  12. عام سعيد ديماا عليكى يااختى اللدود

    هههههههههههههه وكالعادة انتى عاوزة حقن عضل للفرح يابنتى وشوية ثقة وشوربة على الريق وهتبقى تمام
    انا علقت على السريع لحين القراءة
    الى الئاء مش اللقاء

    ردحذف
  13. السلام عليكم

    ازيك يا ايوشه

    يارب تكوني بخير


    علي فكره انا مع عادل يا ايوشه

    بس مش معني إن فيه تناقضات جواكي تبقي إنسانه متناقضه

    لا انا عارف إحساسك كويس لأني بحسه كتير

    إحساس التناقض ده بيحسه

    إلي روحه ونفسه بتحس قوي

    والي عقله بيفكر قوي

    بيبقي محتار بين حاجات كتير

    عايز يصلح وعايز يبقي حاجه عظيمه

    وكمان عايز يعرف يعيش كويس

    لكنه كمان عايز يظبط عمله مع حياته إنها تبقي سعيده من ناحيه

    وإنها تكون ماهي إلا مسلك وطريق يمهده لأخرته

    إحساس الغربه في النفس ده

    بنحسه كتير عشان تايهين

    وكمان لما الواحد بيبقي قدامه حاجات كتير بيحتار

    وبيحس بغربه نفسه

    إتصالحي مع نفسك

    هتعرفي إزاي توصلي إنتي وهي للي إنتوا عايزينه

    يارب اكون قدر اوصلك الي عايز اقوله

    ربنا يكتبلك الخير

    واسمع عنك دايما كل خير

    ربنا يوفقك ياايوشه

    وحمد الله علي سلامتك في مدونتك

    :)

    دمتي بكل ود

    في رعايه الله

    ردحذف
  14. قد يكون احساس الغربة صعبة لمن يحيا بعيد عن الاوطان لكن يوما ما سوف يعود مرة اخرى لوطنه واهله لكن متى يحين موعد عودتى من غربتى التى تغلغلت بداخلى , يحين موعد عودة روحى سالمة الى ارض الواقع .


    برافووووووواااااا

    لا تعليق

    ردحذف
  15. مش لازم الانسان يكون بعيد عن بلده

    علشان يحس بالغربه

    الغربه الحقيقيه هيا غربه النفس

    ربنا يسعدك يا قمر يارب

    ردحذف
  16. انا كمان بحس بكده

    للاسف

    ردحذف
  17. ازيك يا ايوشه

    احساس الغربه صعب جدااا

    لكن بيفضل فيه امل وانتظار للحظة الرجوع

    اما الاحساس اللي بتتكلمي عنه فده اصعب

    لانه الغربه في وسط الاهل صعبه

    والاصعب اما الانسان يتغرب جوه نفسه

    ربنا يرجعك بالسلامه

    تحياتي

    ردحذف
  18. *
    *
    لست مغتربة ولست بعيدة عن الوطن ولا احيا بعيدة عن الاهل والاصدقاء والاحباب فانا احيى فى دنيا صاخبة مليئة بالكثير من البشر , اصادف من الوجوه كل يوم العشرات اخالطهم واذوب معهم فى همومهم واحزانهم والقليل من افراحهم .
    *
    *

    بصدق رائعة

    ردحذف
  19. إحساس غريب بعض الشىء


    ولكن زى ما قولتلك قبل كده كتير


    ان التواصل على ارض الواقع مهم جدا

    وان التواصل مع الناس مش على النت بس




    اما احساس بالغربة داخل الوطن
    انا برضه بدات احس بكده
    مش عارف حاسس ان البلد مبقتيش بتاعتى
    الفساد غطى على كل شىء
    والاعلام بيوجه الناس زى ما هو عايز

    كفاية كده علشان منلخبطش اكتر من كده

    ردحذف
  20. نورتى يا ايوش

    عايزه اعرف اغنية مين
    علشان احملها على موبايلى

    ومين فينا يا ايوش مش عايش غربته اللى حاسس بيها وان اختلفت الاسباب او المسببات

    كتير بحس باللى انتى فيه
    ولكن انا مابحبش اعيش هذا الاحساس لانه عباره عن عذاب فى عذاب
    والحل....................
    ذكر الله
    وقراءة القراءان
    ولاتجعلى الشيطان يصدك عن ذكر الله
    ابدئى...
    والله معكى ومعنا جميعا

    ردحذف
  21. أزال المؤلف هذا التعليق.

    ردحذف
  22. عندك حق

    كمان كل الاغاني عن الغربة بتحرك القلب
    والاشد بقى مناجاة الحبيب المغترب
    ياااااااااااه
    زي كده الطير المسافر لنجاة وخلاص مسافر لشادية

    ردحذف
  23. ازيك يا ايوشه

    احساس الغربه صعب جدا يا ايوشه واسألينى انا لما كنت فى السعوديه واغنيه سلامات سلامات سلامات .. يا حبيبنا يا بلديات .. الاغنيه دى ما خلتنيش اقعد فى السعوديه اكتر من 1.5 سنه وخلتنى اعبى البؤجه بتاعتى وارجع على طول .. منك لله يا ناديه سلامات انتى اللى عملتى فى الفصل البارد ده

    المشكله الكبيره احساس الغربه والواحد فى وسط اهله .. كلنا حاسين الاحساس ده عشان حاسين ان البلد مش بلدنا احنا يادوب متعايشين مع ظلمها وجورها وكرهها لاهلها ..... يا دوب

    ردحذف
  24. صباح / مساء الخير
    يا آيوشة

    حاسه بأن القدر بيعاندني عشان أول مرة أجي عندك وألاقي البوست المناسب
    حلوة أوي الكلمات الحقيقة أنا عمري ما سمعتها
    وطبعاً صعب إحساس غربة الذات عشان بتبقي مش متحكمة فيها ولا تعرفي لها ميعاد عودة
    وإن كنت هعقب كمان فبردو هعقب على اخر كلام قولتيه

    *قد يكون احساس الغربة صعبة لمن يحيا بعيد عن الاوطان لكن يوما ما سوف يعود مرة اخرى لوطنه واهله لكن متى يحين موعد عودتى من غربتى التى تغلغلت بداخلى , يحين موعد عودة روحى سالمة الى ارض الواقع .

    هو بردو جه الوجيعة بس رغم صعوبة غربة النفس فا مفيش أصعب من أنك تجمعي بين الاتنين غربة ذاتك عنك وغربتك عن وطنك

    واسألي عايشة ومتغربة وللأسف مجربة :(

    آسفة إذا كان أول مرة اجي عندك ويكون كلامي زاد من إحساسك بالألم بس إن شاء الله تود لك نفسك ومتحسيش بغربتها أبداً

    (: سعيدة جداً جداً بوجودي عندك

    دمتِ بكل ود وخير واحترام

    Angel love

    ردحذف
  25. هذه فائدة الغربة .. تعرفنا معنى كلمة وطن

    ردحذف
  26. ايوشة كل سنة و انتي طيبة
    ليكي عندي هدية
    يا ريت تعجبك

    ردحذف
  27. كل سنه وانتي طيبه يا ايوشه .... وعقبال 999999 سنه :)

    تحياتي

    ردحذف
  28. لو الغربه دا قرار بي اختيارنا جايز كان بقى سهل علينا لكن للاسف بيتفرض علينا وغصب عننا اسف جدا لو طولت فى عدم التعليق على البوستات لكن غصب عنى

    مش هطول فى التعليق على البوست دا لانو بجد هو كل حياتى الغربه اسف ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

    ردحذف
  29. ازايك اختى اللدود اكيد نسيتى طبعا التدوين واتنقلتى لكوكب تانى يمكن نفس سمات التدوين لكن كان افضل ليكى كل سنة وانتى طيبة
    ويارب ديما بخير
    اختى العزيزة دمتِ يارب بكل حب و ود وفى رعاية وحفظ الله دائما يااااااااااارب

    ردحذف
  30. عودى حتى لا نشعر بغربة الوطن

    تحياتى

    ردحذف
  31. أزال المؤلف هذا التعليق.

    ردحذف