الخميس، 28 مايو، 2009

الهاربة




نزلت اشترى كام كتاب بس للاسف وكالعادة الكتب اللى موجودة مش بتشجع على القراءة بتاتا


وكنت يئست انى الاقى كتاب يشدنى وانا ماشية لمحت كتاب اسمه ديوان الاسيرة شعر ايرانى مترجم


اشتريته على طول بسبب الاسم ولما رجعت البيت وقريته لقيت قصيدة بعنوان الهاربة


عجبتنى جداحسيت انها عبرت عن اللى عايزة اقوله بكل كلمة قالتها فى القصيدة دى

قصيدة الهاربة من ديوان الاسيرة للشاعرة الايرانية
فروغ فرخزاد





لا أدرى ما أريد رباه
عمّ ابحث ليل نهار؟
عم تبحث نظراتى المرهقة ؟
لماذا هو يائس هذا القلب الغارق فى الالم ؟



أفر من جميع معارفى
متسللة الى ركن (منعزل ) بهدوء وسكينة
نظراتى غارقة فى الظلمات
انصت الى قلبى المثخن





هاربة من هذا الجمع الذى يبدى معى
تعاطفا فى الظاهر , بلا رياء
ولكنه فى الخفاء , لفرط لؤمه
يلوث أطراف ثوبى بكل شائبة





من هؤلاء الناس , الذين عندما سمعوا شعرى
تفتحوا فى وجهى كوردة فواحة
وعندما خلوا بانفسهم اعتبرونى مجنونة سيئة السمعة ؟؟





قبلى , ياقلبى المجنون
يامن تحترق بنار هذه الجفوة
كف عن التذمر من الاخرين
اوقف بالله هذا الجنون






الأربعاء، 27 مايو، 2009

لا تتصنعى البراءة







لا تتصنعى البراءة

ولا تحاولى ان تظهرى جانب النور

فانتى مظلمة مثل ظلمات البحور

اريد ان اغسل قلبك بماء طهور

لعلك تعلنى التوبة فى وقت السحور

هيا حاولى الالحاق بركب بنات الحور

هيا لقد اوشك اليأس يدب فى قلبى الصبور

واعلمى دائما ان لكى رب غفور




الثلاثاء، 26 مايو، 2009

رؤية اشراقية


انا لست متشائمة
ولا محطمة فكريا

لست حاملة لفيرس الاكتئاب والاعتيادية
انا احمل بداخل دمى مضادات علاجية
لكل انواع فيروسات الاحباط التدميرية

كل ما احتاجه فقط يوم جديد
يحمل معه نسمات برد فجرية
تخترق كل ذرة بكيانى تزلزل اركانى

مع مقطوعة موسيقية حماسية
تبعث فى النفس الاشراق

بضع رشفات من قدح للشاى
المنشط لخلايا الكسل الابدية

وتصبح الحياة فى نظرى وردية
يوم جديد خرج من ظلمات الامس
ليعلن صرخة الثورة على اوضاعى السوداوية

والان سوف ارتدى ملابسى الصيفية
وانطلق فى طريقى لا اعلم اين
ولكن حتما فى مغامرة جنونية

وهكذا اصحبت الرؤية اوضح
هكذا اصبحت رؤية اشراقية

حد فاهم حاجة
كلام اهبل وغريب ومعرفش كتبته ازاى
وسلااااااااااام بقى بجد علشان انا هنزل فى مغامرة جنونية الساعة دلوقتى 7 الصبح
من زمان منزلتش فى الوقت البدرى ده :))
صحيح لو عايزين تعرفوا انا كنت بسمع ايه
من هنا

الاثنين، 25 مايو، 2009

ياغريب فى الكون ياقلبى





يا غريب في الكون يا قلبي .. ياللي حاير في الدروب
كل ما تحزن تخبي .. كل ما تعشق تدوب



امتى يملا الدنيا ضيك .. و الهوا يسكن في حيك
و تلاقيك جوا القلوب !
الليالي تعيشها وحدك .. سكتك تمشيها وحدك
غنوتك للكون مداها .. شكوتك تسمعها وحدك


آه يا قلبي و مين يدلك .. مين يكون في الشمس ضلك
مين يصاحبك في الغروب
!

يا غريب في الكون يا قلبي .. ياللي حاير في الدروب
كل ما تحزن تخبي .. كل ما تعشق تدوب

كل ما نوصل لمينا .. نهتدي و نقول رسينا
الشطوط ترفض لقانا .. و البحور تاني تنادينا

اه يا قلبي و مين يضمك .. مين يشيل في الصعب همك
مين يصاحبك في الغروب !

يا غريب في الكون يا قلبي .. ياللي حاير في الدروب
كل ما تحزن تخبي .. كل ما تعشق تدوب
----------------------------
_
ملحوظة الكلمات دى اغنية لحنان ماضى
وملهاش علاقة برضو بمودى لانى اصلا فى حالة غريبة ومش عارفة انا اصلا بفكر فى ايه ولا بحس بايه
*
*
*
*
*
*




الاثنين، 18 مايو، 2009

ارحمونا يرحمكم ربنا


اول البوست ده ما الا فضفضة بينى وبين نفسى اول وبعدين تفكير بصوت عالى لكن مش مطروح ابدا للاختلاف والنقاش الحاد اللى اكيد هلاقيه بعد ما البوست ينزل وده اللى مش انا عايزه




لو كنت انت مدرس فى مدرسة ووسط مجموعة من المدرسين ودخلت الفصل على زميل ليك بيشرح حاجة فى منهجه ولقيته بيوصل المعلومة بشكل مش عاجبك او من وجهة نظرك انه غلط هو المفروض مش يقولها كده الصح والصواب يقولها بطريقة تانية تعمل ايه ؟؟؟؟؟؟

*
*
*
*



توقفه وتقوله استنى انت شوية كده اصله بصراحة بتلبخ والكلام ده غلط غلط غلط وانت بتعلم العيال كلام مش صح وتقف انت تشرح لعيال اللى فى الفصل وجهة نظرك تخيل فى اللحظة دى حاجتين اتنين نظرة المدرس زميلك واحساسه
ونظرة التلاميذ اللى فى الفصل واحساسهم


(1)


هتلاقى زميلك حاجة من الاتنين بسبب احراجه هيقولك اطلع برة انت زى تعمل كده فى حصتى وانت تفهم ايه علشان تتكلم وهنا هعذره لانك احراجته احراج مفيش بعد كده
الحاجة التانية هيحط وشه فى الارض وهيتلجج ومش هيعرف يقول ايه ولا يعمل ايه وهيقول ياارض انشقى وابلعينى حتى لو كان المعلومة اللى بيقولها صحيحة ومفيهاش اى غلط بس انت احراجته
العيال بقى هتلاقيهم مرتبكين وحصلهم بلبلة نصدق مين فيكم المدرس اللى طول عمرنا بنحبه ونسمع كلامه ولا انت
طيب مين الصح فيكم ونصدق مين وممكن يوصل بيهم الحال يقولوا مش هنسمع كلامهم انتم الاتنين ومش هنصدق اى كلام من اى مدرس فى المدرسة دى




(2)
طيب ما تيجوا نشوف لو هوا قالها بطريقة تانية لو لقيته بيغلط يقوله لو سمحت يافلان ممكن اقولك حاجة برة الفصل وخده ووضح ليه غلطه بطريقة هادية وقولته المفروض انت مكنتش قولت كده او استنى لاخر الحصة وقوله يااخى انت قولت المعلومة دى كذا كذا والمفروض تكون الصحيحة كده هيمسع بصدر رحب ويفكر معاك يقولك اه والله صح ويتناقش معاك ويجى تانى يوم يقول للتلاميذ انا غلطت امبارح والصح كذا وكذا وكذا
هنا لا انت خسرت زميلك ولا زميلك خسر هيبته وسط زمايله ولا التلاميذ حصلهم بلبلة ولا ارتباك ولا كرهوا التعليم من اساسه

الاسبوع اللى فات كان فى حلقة الاستاذ مصطفى حسنى خدعوك فقالوا وكانت بتتكلم عن البدعة المرة دى لكن الاسف انا مسمعتش الحلقة

ومش متابعة بشكل دائم حلقاته بس بصراحة ماشاء الله عليه قدر بلباقته وفهمه للدين صح وطريقته فى توصيل المعلومة الصحيحة

تخلى مفيش اتنين يختلفوا عليه ودخل قلوب الكبير قبل الصغير

والنهاردة قادنى حظى للمشاهدة برنامج على احدى القنوات اللى انا بحبها وبتابعها بشكل دائم وقولت هقعد اسمع البرنامج وربنا يهدينى ويفتح عليا بدل الانقطاع الطويل عن متابعة البرامج الدينية اللى اصابنى من فترة وهقولكم السبب بعد شوية

وبسمع البرنامج عادى وابص الاقى الحلقة كلها نقد موجه لمصطفى حسنى لانه تكلم عن البدعة فى الحلقة السابقة بشكل المفروض من وجهة نظر الشيوخ لا يجوز

ومفيش مشكلة قولت اتابع لانى اصلا مسمعتش الحلقة بتاعت مصطفى حسنى ولا اعرف قال ايه

وبقدرة قادر الحلقة بقيت من الهدف منها تصحيح معلومات قد تكون خطا لحلقة نقد موجه للشيخ ولميوله واتجاهاته واتفرجوا على كمية الاتصالات اللى جت للبرنامج بتلوم الاستاذ مصطفى حسنى وتنقد كل شئ فيه لدرجة توصل كمان لاسلوب كلامه وطريقته الجسدية فى توصيل المعلومة وتوصل لدرجة كمان يدعوله بالهداية وان ربنا يريده اليه ردا جميلا

وتكون مجموعة حلقات على مدار الاسبوع علشان نتقد الكلام اللى قاله ده شئ يفوق الحد وشئ غير طبيعى

وعلى الرغم من تكرار قول الشيوخ احنا مش بنتقد شخص مصطفى حسنى وانما بنعمل كده علشان بنحبه ونتمنى منه كل خير وانه لا يحيد عن الصواب والكلام ده كله

بصراحة الموضوع ده رجع فى ذهنى نفس الفترة اللى كانت الهجمة على عمرو خالد وطارق سويدان وخالد الجندى ودلوقتى مصطفى حسنى

السؤال دلوقتى احنا ليه بنعمل كده فى نفسنا ليه بنحاول دايما نعمل بلبلة فارغة ملهاش اى لزوم ولا هدف غير زعزعة الايمان فى قلب الناس

ومحدش يقولى ده كلام مش صحيح

لانه صحيح 100 فى 100 لما الاقى شيخ بحبه وبتعلم منه بيقولى كلام واجى تانى يقول شيخ تانى يقولى لااااااا اياك تسمع لشيخ ده اصله حاد عن الصواب والكلام ده كله تخيل الشاب ممكن يعمل ايه ابسط حاجة يقول انا لا هسمع ده ولا هسمع ده

بتتكلموا عن ثقافة الاختلاف اللى المفروض نكون عليها وبتحاولوا تعلمونا ازاى نختلف بينا وبين بعض وانتم مش بتنفذوا ولا كلمة من كده

اللى اعرفه لما الاقى شيخ معين قال معلومة غير سليمة او بيحيد عن الصواب اوجه له النصيحة بينى وبين نفسى والله دلوقتى تقدر توصل لتليفونه لايميله لبيته كمان وتقعد معاه وتقوله انت اخطات فى كذا وكذا وتتناقشوا وتوصلوا لحل ولراى وسط يرضى ربنا قبل ما يرضيكم

لكن لا احنا مش بنعمل كده احنا نجرى على كل القنوات الفضائية ونشجب وندين ونقلب الدنيا على الشخص ولا كانه اجرم

ومش هتكلم عن برنامج معين على قناة الناس انا بصراحة لما بشوفه بحول التليفزيون على طول لانه تحول لمجرد برنامج دينى لبرنامج لنقد العلماء او الاساتذة اللى بيسموا بالدعاة الجدد وللاسف ان مقدم البرنامج نفسه كان من الدعاة الجدد من فترة واتعرض لنفس النقد اللى بيوجه لغيره مش معقولة كل ما اقعد اسمع حلقة ليه ينتقد داعى معين ويلومه على الهواء مباشرة والله ده مش عدل ابدا للناس والبشر اللى بتابع العلماء

اللى اتحولوا لساحة مبارزة بينهم بين بعض لعرض مين الاقوى فى عرض افكار واراءه

انا مش معنى كده بلوم العلماء ولا بقول عن حاجة لا والله انا مقدرش اقول على اى انسان اى كلمة لان الله اعلم بما فى قلبه

بس انا نفسى يتجمعوا بقى فى مكان ويقعدوا كده مع بعض ويجى اليوم اللى مش اشوف فيه تخبط الاراء والفتاوى والانتقاد اللى بينهم

كل شيخ بيقول انا بغير على دينى وانا بغير على دينى وكل المسلمين بيغيروا على دينهم

اللى بيحصل ده اساءة للاسلام كله وبعدين نقول ايه الاسباب اللى خلت الناس تبعد عن الدين وتنسى ربنا ؟؟

ايه اللى يخلى الشباب يعصى ويفسق ويوصل بيه للالحاد كمان؟؟؟

ايه اللى يخليه بعد الالحاد ينتقد الاسلام كله ويتصيد كل شئ فيه؟؟؟

ايه اللى يخلى العالم كله شايف ان الاسلام ده عداء وخطر على البشرية كلها؟؟؟

انا واحدة من الناس امتنعت عن متابعة بعض البرامج لانى زهقت وقرفت ودمى اتحرق لما بشوف التصيد للاخطاء بين الشيوخ وبعضهم وومناقشاتهم اللى على الهواء دى قدام الناس كلها التليفزيون ده مش مكان تتحاوروا وتتناقشوا فيه ووتعلموا كده بعض

اما انتم تعملوا كده وعلى الهواء احنا البشر العادى نعمل ايه نقطع بعض لما نختلف فى اراء
انا واحدة الحمد لله ربنا اكرمنى وانعم عليا انى مش هحيد عن دينى حتى لو السماء انطبقت عن الارض واتمنى من الله الثبات على ذلك
لكن نعمل ايه فى الناس اللى بقيت مبلبلة ومزعزعة ومش عارفة الصح من الغلط فين وبقيت تعمل الخطا والحرام ومفيش اى مبالاة بسبب انهم شايفين الاختلاف بينكم بقى هو ده الاختلاف اللى ربنا قال عليه رحمة
للاسف الاختلاف دلوقتى اتحول لجحيم وحرقة اعصاب رجعوا نفسكم وارجعوا تانى واتجمعوا مع بعض وتناقشوا بينك وبين بعض وبعد ما تتفقوا او تختلفوا بس طبعا بعيد عننا اطلعوا قولنا احنا نعمل كده ومش نعمل كده


ارحمونااااااااااااااااااااا يرحمكم ربنا



الأحد، 10 مايو، 2009

بناء على طلب الجماهير



الايام اللى فاتت لقيت بعض من الاصوات تعلو وتتجرا وتتطلب طلب كده منى

غريب ومريب وعجيب معرفش ازاى تجروا كده وقالوه فى وشى من غير اى خوف

وبعدين لقيت الطلبات بتزيد وبتنتشر وتتوغل وبدوا ينفذوا خطط كده مش ولا بود علشان ياثروا عليا

يوم تلاقى اللى يقولك المدونة مش بتفتح عندى ويوم الاقى يقولوا ان التعليقات مش بتتقبل



*
*
*
*
*
*
*



قال ايه عايزين اخلى المدونة واحدة بس بدل اتنين (احاسيس_وتخاريف)

طيب اقول ايه لو واحد عنده ولدين يرمى واحد منهم لا طبعا صعب اوى

فكرت كتير والفكرة كانت فى دماغى دايما بس كنت باجلها كل شوية والتانية

اصل احاسيس دى حتى منى وتخاريف هى شخصيتى كلها

لذلك وبما انى ديمقراطية وذات شخصية عطوفة وحنونة وكريمة حليمة وكل الصفات الحلوة فيا

قررت اريحكم شوية من المواصلات رايحين جاين جاين رايحين

بين المدونات وانا عارفة ان فى ناس غلبانة بتروح متورجل

ده غير ان التوتوك بتاعى بقى بعافية شوية من كتر المشاوير هنا وهنا

وتم دمج المدونتين مع بعضهم وان شاء الله بكرة نلاقى جابولنا مدونات صغننة

يارب القالب الجديد يعجبكم واللى مش عاجبه مش يقول لانى من يومين بظبط فيه حرام عليكم

لما عنيها خلاص ربنا يعوض عليها لو الوظيفة الجديدة راحت منى

هتكونوا انتم السبب خمس مرات ارجع قائمة المدونات الشهر ده يامفترين

يلا مش خسارة فيكم ابدااااااااااااااااااااااا

صحيح اللى مش هيلاقى اسمه فى قائمة المدونة مش يزعل انا لسه بجمعهم تانى

واللى اتاخرت عنه فى قراءة اى بوستات ده لان الكمبيوتر متفيرس

ومطلع عينى وعين الجيران معايا

وامسحوا اللينك بتاع احاسيس بقى وخلوا لينك تخاريف بس

لان كله هينزل هنا تخاريف_ احاسيس_ اشتغلات _افتكسات اى حاجة بقى

وطبعا ياجماعة مش عايزة اى شكر ده واجبى انى اريح الشعب بتاعى

شفتوا بالذمة حد ديمقراطى ومتفاهم زيى كده فى الدنيا

الاثنين، 4 مايو، 2009

الحياة امل وتخاريف لابد منها+ تحديث








التدوينة القديمة


النهاردة قررت ارجع اتابع لعالم التدوين واتابع المدونات من تانى اللى كنت متابعها لكنى لقيت شبح الموت والحزن

مخيم على كل المدونات بسبب موت المدون محمد ( الفارس الملثم ) صاحب مدونة ثرثرة تحت المطر

كنت اول مرة اسمع عنه النهاردة بجد انا معرفهوش بس لقيت الناس كلها بتحبه وده دليل على انه كان انسان طيب ومحترم

دخلت مدونته واول مرة وللاسف تكون بعد وفاته وقريت البوستات وبجد موته اثر فيا ولاول مرة احس بالموت اوى كده

الغريب انى معرفهوش ولا عمرى قريت ليه اى بوستات بس لما شفت سنه الصغيروقريت كلماته اللى دايما فيها نبرة حزن ووحدة فكرنى بحالى واحساسى اللى دايما بحس بيه حسيت انه كان بيعبر عن اللى جوايا حسيت انه يشبهنى فى حاجات كتير

انا جوايا خوف غريب اول مرة اخاف من الموت بالشكل ده طول عمرى بتقبل فكرة الموت بشكل كبير حتى مع اقرب الناس حواليا تقبلته بس مش عارفة ليه فى اللحظة اللى قريت خبر وفاته وانا خايفة انا فى غفلة فى حياتى

دايما شايفة الاسود ومش شايفة اى سعادة فى حياتى انا كنت يئست من الحياة وبتمنى الموت بس كنت مغفلة انا مش هقدار اوجه الموت هواجه ربنا ازاى وانا بالشكل ده وياترى هكمل حياتى بالتعاسة اللى انا حطه نفسى فيها انا مش عايزة اموت قبل ما افرح لو مرة فى حياتى او يكون لحياتى معنى تفيد ناس من بعدى ناس لما يفتكرونى يترحموا عليا انا خايفة بجد

جايز انا معرفهوش بس ربنا يرحمه يارب ويسكنه فسيح جناته ربنا يلحقه بالفردوس الاعلى

ويجعل قبره روضة من رياض الجنة امين يارب العالمين





ده جزء من بوست نزلته لما عرفت خبر وفاة المدون الشاب محمد ( الفارس الملثم)





وكنت قررت انى مش عايزة ارجع تانى لتدوين
مش عايزة اندمج فيه وبعدين فجاة اسمع عن خبر تانى يهزنى الموت مش سهل ابدا وفكرته مش كل الناس بتتقبلها
لكن فى الحقيقة الموت مش بيهزنى اوى يعنى بالعكس بتقبله بصدر رحب جدا لدرجة ساعات الناس بتستغرب انا برجع لحياتى ازاى بسرعة يمكن علشان مؤمنة جدا بانه مقدر وشئ حتمى
الحياة مش دار للخلود الحياة ما هى الا محطة للاخرة وللجنة باذن الله




























المرة دى محمد فارس صاحب مدونة الحياة امل اول ما فتحت الايميل لقيت رابط المدونة بتاعته وخبر الوفاة روحت اشوفها المدونة مفيهاش بوستات كتير انا كنت علقت مرة وحيدة فى البوست الاخير وبعدها رد الزيارة علق فى مدونة احلام البنات ربنا يرحمه يارب ويسكنه فسيح جناته ربنا يلحقه بالفردوس الاعلى

ويجعل قبره روضة من رياض الجنة امين يارب العالمين



قولت بس اكيد الخبر ده هينشر الحزن تانى بين المدونيين وهيكون الحال زى لحظة وفاة الفارس الملثم
المرة اللى فاتت انا حسيت الموت فى كل حتة وفى كل مكان والناس كلها مكتئبة وحزينة
وساعتها قررت مش عايزة اكمل فى عالم التدوين مش عايزة اتعلق بالناس اكتر واكتر وفجاة القدر يحرمنا منهم



لكن المرة دى لا المرة دى هاخد كلمات الاستاذ محمد فارس ربنا يرحمه واحطها قدامى مدونته اسمها الحياة امل اجمل اسم يعبر عن الحياة بجد جايز بنحزن بنتالم بنعانى بس كل ده واحنا فى انتظار الامل
فى اول بوست نزله قال





سأصور لكم حياتي بدون أمل

بأختصار كانت تتلخص في قصيده

للشاعر عبد الله البردوني

تقول

يارب حسبي مذله ،بين العيون المطله


الدهر يظلم قدري، عمدا وعندي الادله


ولعبة الحظ حولي، قد زادت،الطين بله


وها هواليأس يحبو


الي حياتي الممله


فهل تواري هلالي،وضاع خلف الاهله


وهل سأطوي شبابي،علي جراح وعله


جراح قلب ابي يزود بالصبر ذله


وما يأست ولكن مناعتي مضمحله


وما قلبيا مل صبرا وانما الصبر مله

*ـــــــــ*

هكذا كانت حياتي لفتره طويله جدا جدا من الزمن وعنما جلست مع نفسي

وادركت ان الحياه مليئه بالجوانب الحسنه والسيئه

فقلت لنفسي لماذا لا اعيش الجوانب الحسنه واعمل بقول الشاعر


واغنم من الحاضر لذاته،فليس في طبع الليالي الامان


وخصوصا انه عندما كان يحدث شيء في حياتي يدعو للفرح

كانت تحدثني نفسي الاماره بالسؤ بأ ن الفرحه لم ولن تدوم طويلا

كان احساسي الدائم باليأس يكاد يجعلني اصاب بالاكتئاب

وكانت حالتي هذه تتسبب لمن حولي خصوصا الاهل والاصدقاء

بالضيق،فشعرت باني أأؤذي غيري بدون ذنب ارتكبوه

فجلست مع نفسي مره اخري فوجدت أن الحياه اقدار

ولا يرد القدر الا الدعاء وحالتي ما كانت الا سخط علي قدر الله سبحانه وتعالي

فبدأت اتقرب الي الله بالدعاء،حتي بدأت ابتسامة الرضي

ترتسم علي وجهي،وكذلك بدأت الحياه تبتسم لي

وسأقص عليكم ان شاء اللـه

اعرض واجمل ابتسامه ابتسمتها لي الحياه

بامر رب العزه سبحانه وتعالي






ولما قريت باقى البوستات فهمت كان نفسه فى الاطفال وربنا انعم عليه بعد 20 سنة بهبة الله ربنا يحفظها بجد وكانت هى الامل فى حياته وان شاء الله هتكون هى امتداد لحياته من بعضه



عارفين اول حاجة قولت البنت لسه صغيرة ربنا يصبر اهله ومراته وبنته
وبعدين فكرت ان ربنا ارحم من كل البشر زى ما بينزل الابتلاء بينزل جنب منه الرحمة


ممكن نفتكره بالرحمة دايما ونفتكر كلماته دايما قدامنا دى صدقة جارية ليه كل ما نتالم او نحزن نفتكر كلماته حتى نفتكر اسم مدونته الحياة امل
بلاش نستنى الموت لغاية ما يجيلنا ونعيش فى خوف منه لغاية ما يجى وندمر حياتنا بنفسنا بالحزن والقلق والاكتئاب
وكل المسميات اللى خانقين نفسنا بيها عايزين نعيش بالامل بجد

***************************
هطلب منكم طلب عايزين ممكن نختم له القرآن اللى موافق على الفكرة يقولى انا هقرا من الجزء 25 ل 30 ان شاء الله اللى هيشارك ياريت يقول الجزء اللى هيقراه بس ينفذه بجد واللى مش هيقدر مفيش مشاكل ربنا يعين اللى يقدر


*************************

جارة القمر مامتها تعبانة ادعولها بالشفاء العاجل وان ربنا يفك كربها اتمنى نزور كلنا فى المدونة ونخفف عنها لو بكلمة بسيطة كل يوم


************************



ثندر باشا اللى مختفى ومعرفش هو فين من كام يوم يابنى ارحمنى من القلق اللى بتعملوا كل كام اسبوع ده يارب تكون بخير دايماااااااااااااا
بس صبرك عليا عقابك شديد بجد والله العظيم علشان انا قولت 100 مرة لما تختفى فجاة كده تقولى قبلها


**************************






طلب اخير لانى بجد شكلى هرتكب جريمة ماما فراغ التعليقات اللى حضرتك قافلها بجد مش هينفع انا نفسى اطمن
عليكى حتى على الايميل انتى مش بتكونى موجودة ينفع كده يعنى اولادك مش يطمنوا عليكى