الأربعاء، 29 أبريل، 2009

اريـــــــــــــد حـــــــــلا










كح كح كح

ربنا يتوب علينا منها ياااااااااااااااارب

الواحد صحته بقيت على اده اوى الايام دى والسجاير اللهى ربنا يمحيها من على وش الدنيا خلت صحتى فى النازل اكتر

بقيت لو يوم من غير السجاير احس انى مش عاملة دماغ وفى حاجة نقصانى الكيف بئا نعمل ايه مش بنقدر نعيش من غيره

بس انا ناوية ابطل السجاير علشان مضرة بالصحة واغير نشاطى للحشيش ان شاء الله :4(1):





نتكلم جد شوية بئا انا فى مشكلة والله ومعرفش ايه ده انا عارفة ان كل انسان حر فى حياته يشرب سجاير يشرب مية نار

يشرب سم هارى مطرح ما يسير يهير براحته عايز يقصف عمره بدرى بدرى براحته خااااااااااااااااالص مفيش اى مشاكل

من ناحيتى انا معنديش اعتراض خالص على الاقل عدد السكان يقل شوية علشان البلد بقيت خنقة مووووووووت :14(1):

الحكاية وما فيها طبعا انا طويل الليل فى اوضتى معايا كمبيوترى موبايلى كوباية شايى قهوتى احط السماعات فى ودنى

وافتح الايميل والمدونة واعيش مع النت لغاية الفجر محدش فى الوقت ده يقدر يحك فى مناخيرى اطين عيشته وعيشة الناس اللى ساكنة جنبه:66:

عادى فين المشكلة بئا فى الجو الرومانسى الجميل الهايل ده والاستفراد بالكمبيوتر فى عز الليل لواحدى

المشكلة ان الصيف جه يعنى الدنيا جو حر وقرف وهم ما يتلم وناخد فى بالنا انى من الصعيد يعنى ناااااااااااااار ياحبيبى نااااااااااااااااار:42: اعمل ايه انا علشان الحر افتح شباك الاوضة انا حرة بئا :18(1):

بفتح شباك الاوضة وخير اللهم ما جعلوا خير دخان طالع على عنيها عمانى وانا كح كح كح

ايه ده البيت بيولع الله اكبر وهنولع هنولع نياهاهاهاها:19(1): وفقت من السعادة والهبل اللى اتملكنى فى اللحظة دى وصوت ضميرى صحى وبيقولى اعملى حاجة صحى البشر اللى نايمة دى تنفد بجلدها مع انى شريرة وندلة وكنت ههرب ولواحدى بس ضميرى صحى فى اللحظة:7(1):
بس وانا بخرج كده من الاوضة للصالة رجعتلى حاسه الشم اللى تقريبا معدومة عندى بسبب الجيوب الانفية الخربانة لقيت ريحة غريبة انا شميتها فين قبل كده فين فين :7(1):

هوبا دى ريحة سجاير جت منين دى انا بشرب وانا مش واخدة بالى ولا ايه

رميت راسى من الشباك كده اشوف مصدر الريحة دى جاية منين واخيييييييييييرا عرفت اتارى جيرانا الله اعلم قاعد بيشرب فى الحمام :39:

يعنى ايه طيب الولد بيشرب من وراء اهله لالا مش يتسكت على الموضوع ده اصل انا بحب اهدى النفوس اوى :biggrin:

انا لازم اعمل مصيبة وافضحه فى وسط العمارة الله اعلم اذا كانت السجاير دى معمرة ولا سجاير ايه بالظبط :65:

وبعدين قولت يابت ياايوشة ربنا حليم ستار استرى عليه وخليه يشربها على رواقة ولو انتى فضحته اكيد هيرميها فى الحمام

ومش هنقدر نظبطه متلبس

وعدت ثوانى هموت من الريحة كلام فى سيركم مش بطيق ريحة السجاير ولا شكلها ولا لونها
:31:

ولا اى حاجة ليها بيها صلة بدوغ من ريحتها ودى السجاير العادية ما بالكم لو كانت ملفوفة يعنى :76:

بس وعدى اليوم على خير بعد ما عملولى انعاش طبيعى من كرشة النفس اللى حصلتلى :77:

تانى يوم نفس السيناريو اتكرر بنفس الطريقة بس الموضوع لقيته مش دقايق لا دى كل نص ساعة اشم الريحة

طيب وبعدين لالا الحكاية زادت انا لازم اتصرف انزل اخبط عليهم وافضح الواد قدام اهله يكسروا رقابته

بس مش علشان خايفة على مصلحته يعنى لالا كلا البتة انا خايفة على صحتى وتعكير مزاجى كل يوم بالريحة السئ دى

قولت يلا المسامح كريم اقفل الشباك وخلاص :20(1):

وهكذا من اول ما الصيف دخل ريحة السجاير هتسببلى التهاب رئوى ان شاء الله

دانا مرة روحت للدكتور علشان الجيوب الانفية قالى انتى بتشربى سجاير ولا ايه

طيب هقفل الشباك هفطس من الحر اهئ اهئ اهئ:20(1): مشكلة عويصة ولكن انا قررت اشوف حل للموضوع ده

ندهت البت جارتى قولتلها ايه المدخنة اللى انتم فاتحنها فى الشقة عندكم دى مين اللى بيشرب السجاير فى الحمام لما هموت على ايديكم ان شاء الله لقيتها بكل بساطة بتقولى دا بابا بس هو مش بيشرب السجاير فى الحمام ده بيشربها فى اوضته اللى تحت اوضتك على طول :10(1)::10(1)::10(1):

الله ابوكى يعنى الحمد لله ضمنت خلال سنة واحدة هيحطوا صورتى بدل بيومى على علبة السجاير :43:

ابوها ده ياسادة حريقة سجاير السيجارة مش بيسيبها من ايديه والمشكلة الاكبر والاصعب انه معندوش تفاهم

اعمل فيه ايه ده اقوله لو سمحت ياعمو والنبى تبطل تشرب السجاير تحت الشباك ولا اقفل الشباك وانت بتشرب ولا اطلع اشربها فى الاوضة التانية ولا اعمل دانا لو فتحت بقى ده بكلمة ممكن يشلنى يرمينى من فوق وخصوصا ان بيحبنى لله فى لله من زمان:hiat:

كان دايما بيقول عليا رئيسة عصابة اد كده بس مصيبة الرجل بيحبنى بيحبنى يعنى وخصوصا انه فاكرلى انى كنت بحرض البنت بنته على العصيان واحنا صغيرين :71:

سكتت وحطيت شوز فى بقى:32: والحمد لله دلوقتى بقيت مدمنة سجاير اليوم اللى مش لاقى الريحة طالعة عليا اتعب واحس انى مش متكيفة

انا بفكر انى انزل اشرب معاه اهو منها توفير للتمن السجاير بدل ما اشتريها ومنها نقعد قاعدة صفى كده واساله هو ليه من زمان مش بيحبى :tongue:

دانا حتى طيوبة اى نعم بحرض بنته عليه وكنت بعملها بدل المشكلة الف بس ده وانا صغير خلاص انا اتغيرت اى نعم مش اوى لسه شريرة حبتين بس يعنى مش طريقة دى يعذبنى بيها :47:

انا واحدة عندى انيميا وضغطى منخفض وكمان جيوب الانفية خربانة خالص انا فقدت احساس الشم بس عند السجاير بتتدخل النخاشيش:2(1):

الخوف يدخل فى مرحلة اكبر يفكر مثلا يجرب الحشيش اكون انا ضعت بجد فى الوقت ده :ee2k:

اريد حلاااااااااااا للمشكلة دى اعمل فيه ايه ارفع عليه قضية ولا اجيب واحد يقتله واخلص ولا اخبى قرش حشيش فى بيتهم وبلغ البوليس:shoaot::shoaot::shoaot:

لا مش هيشفى كل ده غليلى

بقولكم ايه سلام بئا دلوقتى علشان معاد الكيف جه والريحة بدات وانا لازم ابدا السوجارة من اوله :38:









الثلاثاء، 28 أبريل، 2009

سراب





ابصرت ما كان بين يدايا فوجدته سراب
وسقطت من بين نجوم الثرى الى التراب
الان ادركـــت ان كــــل مـعنى جمـــــيل
مــن بين ســـطور الحــياة غــــــــاب


قالوا
إذا كنت تملك أصدقاء ، إذاً انت غني


والان انا اوشك ان اعلن افلاسى
الان سوف اتنازل عن عرش الصداقة
سوف اتبرئ من كل عهود اخلاصى






الجمعة، 24 أبريل، 2009

اجمل تاج شفته فى حياتى





التاج ده جميل اوى وكان جالى من انسان اسلوبه اكثر من رائع الاستاذ
محمد شاكر صاحب مدونة حارة سد
وماشاء الله على حبه للغة العربية وعشقه لها وتفوقه فيها كمان التاج اكتر من رائع سواء اسئلة او الاجابات عليها
كنت قولت انى مش هحل التاج لانه بجد مش هيطلع ابدا ولا هيقدر حد يحله بالروعة اللى هو اجاب بيها على اسئلة التاج
هنقل التاج هنا علشان كل الناس تقراه وكمان هحط لينك التاج
اكييييييييييييد هستمتعوا جدا بالتاج والاجابات



من أنت ؟وما الذي تفعله هنا ؟


أنا كما أجد نفسي دائما في أعماق احلامي...أتغير بتغير الحلم طالما انه خطوة في دربي


وما أفعله هنا هو التنفيس والبناء



...تنفيس عما يجود به القلب وبناء لأحجار المستقبل الذي سأكون



إسرائيل تقصف كل جنوب ممكن بحثا عنك ، أي شمال ستقصد ؟



لا أظنني سأهرب الى الشمال ..لأنها إن كانت تريدني ستذهب أينما ذهبت..


أواجهها أنا في الجنوب, ولتبحث هي عن شمال تحتبيء به مني


أنت مكلف بحذف حرف من حروف اللغة العربية .. أيها ستختار ولماذا ؟


اللغة العربية تحديدا لن أفعل لأن كل حرف بها كأنه فلذة لكبدي...كل حرف له مذاقه ونكهته الخاصة


إن كان ولابد فسأحذف (
سين) التسويف..انتقاما لما فعلته بي





لو قدر لك أن تدخل السجن فما هي القضية التي تتمنى ان تدخل بها إليه؟


قانون الحياة الآن هو الجريمة

لأنني عكس التيار..سأنتقل من سجن كبير الى آخر أقل حجما..ربما سأجد حرية أكثر




بالمناسبة.. منذ متى اكتشفت نفسك؟

ومن قال أنني اكتشفت نفسي...ما زلت تائها وسط المحيطات


تأخذني الأمواج بتلاطمها يُمنةً ويسرى.. بحثا عن قارتي


على مفترق طريق لافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟


كلا الطريقين سيجتمعان عندي في آخر المطاف ..فلا فرق


نحن لا نعيش حياتنا بل نتعلم فيها كيف نعيش» ما تعليقك؟


نحن من نُعلم الحياة كيف تتجاوب معنا وفق ما نريد ..لأن معنا خالقنا وخالقها


بجملة واحدة فقط أكتب تعريفاً لكل كلمة من الكلمات التالية:-



الوطن :




ماء نُسقى منه..قد نبتعد عنه قليلا حتى يكوينا الظمأ..فنعود اليه اضطرارا خوفا من الموت عطشى


الأم:

عند ملاقاتها يجف االلسان وتنفذ الأحبار,أي جملة تلك تحتويها؟! .. وكلت الله للتعبير فهو القادر


الليل


سواد دامس..في بحره سُكُونٌ عجيب..ومستودع أمين للأسرار..لكن عفوا كثيرا أكره ظُلمتك

الحب


أثير الحياة وغذاء الفؤاد..وقود نبض القلب


أمريكا :


زوج أم أو حماة متسلطة


المرأة :


هل من وصف أسمى من وصف خير البشر؟ هن قوارير


الصمت:

أحيانا أبلغ من قول العظماء, وأفصح من شعر الشعراء, ودليلٌ على الرزانة


الإنترنت


عالم نلجأ اليه حين يضيق بنا عالمنا الواقعي..حيث أنت من تختار حياتك لا يختارها لك أحد


المسنجر


قناع بارع..يجمل القبيح ويقبح الجميل.. يكتفي بالرموز للتعبير..هو لك طائع مطيع


أخترمنصباً واتخذ قرارا


رئيس جمهورية نفسي


...أولى القرارات...سأدع نفسي وشانها



قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟


صمتهن ليس تغييبا وحديث الشعراء ليس بحضور


في صمتهن وتعبيراتهن عظيم المعاني والدلائل



أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟ علل


هي مجانبة للصواب...ألا أكون مطلوبا ستثير حولي الألغاز وليتحدث كل شخص كما يشاء ..سأظل سرا يأبى الحل


أما الأمر الآخر فسأكون مطلوبا من الجميع والكل يتفق..هاتوا المجرم


إلى أين تمضي كلمات الحب .. بعد أن نقولها؟


هي تعلم جيدا الى أين ستمضي..إن كانت من لساني فصُوب غثاء السيل مسراها

وإن كانت من فؤادي فإلى القلوب سُكناها


هل تجد علاقة بشكل أو بآخر بين المرأة وقطاع الطرق ؟


الكل يبحث عن شيء ما ..قطاع الطرق يأخذون ما هو غيرمشروع


والمرأة تأخذ ما هو مشروع وغير مشروع


هذا فراق بيني وبينك .. متى ولمن تقولها ؟


اقولها للركود حين يتملكُني..لكن سرعان ما أعود اليه..فشلت بأن أُنبئه بما لايستطيع عليه صبرا


كيف هو غداً ؟


غدا إما خطوة الى الأمام..أو إضمحلال الى الخلف


واليوم هو من سيحدد




ده لينك التاج الاصلى وهكتفى بس بعرضه لانى استحالة ارد على الاسئلة بعد الاجابات التحفة دى

من هنا

الخميس، 23 أبريل، 2009

بحر الحب


قبل ما نقرا البوست مش عايزة تعليقات باراخيشومية نقراه كويس علشان نفهمه



اصبحت املك قلب رقيق اخيراااااااا هذه قمة المهزلة


تمر الايامى رتيبة لا جديد بها يغير من وقع الايام المملة السخيفة
وفى خضم تلك الحياة تمر بيك لحظات عشق وحب جنونى ولا تعلم من اين تاتى تلك المشاعر والاحاسيس
المتدفقة المتعطشة للحب وللحبيب



تترك العنان لقلبك وعقلك للاحلام والغوض فى ظلمات بحر الحب ولكن مهلا ذلك فى خيالك فقط وليس على ارض الواقع قد يكون حيلة دفاعية مثل التقمص للهروب من واقع الايام


كل كلمة حب تلمس وجدانك كل نظرة اعجاب تلصق بك كل الناس فى قمة الجمال والبراءة
تحب كل الناس وتحب كل الدنيا وكل انواع الاحساس


يمر امامك المحبيبن تغبطهم على حبهم ويسرع قلبك فى لهفة بدعوة فى ظهر الغيب
ربى اسعد ايامهم وزدهم من جنون الحب اصناف


وتتمنى من قلبك ان تكون يوما ما مكانهم وهناك من ينظر اليكم بلهفة وحسد على روعة الحب الذى يشع كهالة نور ضخمة تحيط بيهم فتجعلهم كتلة واحدة

ذلك هو احساسى الان احب احساس الحب لذاته وليس حب لشخص بحد عينه
ودائما اردد فى تلك اللحظات كلمات اغنية قديمة
الليلة احساسى غريب عاشق وانا مالى حبيب


فهل يعقل ان نشعر بلذة الحب وسعادته الغامرة لقلبنا كفيضان النيل
ينتظر حصاد ثمار هذا الاحساس على ايد زارع ماهر لبذور الحب فى قلوبنا
قد يكون هذا الاحساس ما هو الا شوق ولهفة وحنين لرفيق الدرب القادم من عالم المجهول


لحظات من احاسيس ملائكية ذات اجنحة شفافة تمر بينا تعزف على اوتار قلبنا تبث فى شرياننا نبض الامان
وفى نفس الوقت تغمرننا بخوف وبعض الاحزان انى اشتاق للحساس الحب الكامل الغامر كيانى
ولا اعلم لذلك موعدا فانه ليس بيدى انما بايد القدر


وعلى الرغم من حلاوة ذلك الاحساس انه قد يكون نذير سوء ومؤشر للخطر
يصبح قلبك مفتوح على مصارعيه لكل تيارات الحب القادمة او مارة بجانبه
قد يتحول قلبك لقطعة مغناطيسية تجذب كل احساس كل كلمة كل شعور بتجهها
والحل الان سوف اقفل على هذا الاحساس قلبى واجهض وليد الحب قبل مولده
فانا لست على استعداد تحمل صدمات او تيارات هوائية تتطيح بقلبى فى عرض الحائط
تحطم كيانى قبل قلبى وحياتى
وما اقسى من تحطم الكيان
تنسى معه انك انسان
وتحيى وانت لا تعرف لك طريق ولا عنوان
فصبرا ياقلب لم يحين الاوان
للاستسلام والخضوع فلم يحين ان يكون للحب على قلبك سلطان

الثلاثاء، 21 أبريل، 2009

زوايا نفسى المحطمة






فى بعض الاحيان تمنحنا الحياة مواهب فذة او كما نتوهم نحن اننا نمتلك شئ فريد ومميز عن باقى البشر
يظل ذلك التوهم يمدنا بلحظات العمر القادمة فهو الامل ومن بعده مداد العمر



نعيش ذلك التوهم الجميل وقد يصيبنا الغرور الاعمى ونرى الكون من حوالنا صغير صغر الذر ونحن نقف على قمم الجبال الشاهقة ونظل فى حلمنا الضائع ونعيش ايام العمر وفجاة يضيع ذلك التوهم ويضيع معه الامل نبحث عنهم ونفشل فى العثور وننتقل لمرحلة العبور



العبور الى دهاليز العالم المعتم الكاتم السواد يتحول الامل لياس يتحول الغرور لفقدان ثقة ومن بعده موت للنفس حياة بلا روح نفس خاوية بين الارواح
ومن حين لاخر يبرق فى قلوبنا بارقة امل العثور على الماء فى وسط الصحراء الجرادءالمسماه بحياتنا الغراء ونفيق على لطمة اكبر ان كل ذلك كان سراب بقيع يحسبه الظمأن ماء


لكن هل سالنا انفسنا ما الذى اذهب عنا الامل؟ هل كنا بالفعل لدينا ما يؤهلنا لتحيقق احلامنا العريضة وامالنا الفريدة؟


ام كنا نرنو وننتطلع للسراب البعيد ونرجو اشياء تفوق تصوراتنا وتخيلاتنا؟؟


ام كنا نتشبث باى طوق للنجاة من امواج الدنيا المتلاطمة ؟؟ فمن لا رؤية واهداف لا حياة له بيننا


هل الفشل صناعة قديمة اقترفناها بايدينا ام صناعة تفنن فى صناعتها القدر ؟؟
هل هو سبب الالام والاحزان الذى يكسو وجوه البشر ؟؟

هل تسبب فى انكسار وتحول القلوب الى حجر؟؟


كلمات غير منسقة كالمعتاد فتفتقر للروح وللمعنى وللجوهر
لكن التمسوا لى الاعذار فلن انمق فى مشاعرى بعد الان بل سوف اترك لقلمى الخيال فارس يصول ويجول فى زوايا نفسى المحطمة لياتى بكل ما آوتيا من قوة بخفايا الاحساس احساسى انا
فانا من جعل الفشل مطية للحاق بركب فقدان الامل

الجمعة، 17 أبريل، 2009

خيبة أمل



حاولت ان اكتب عن خيبة الأمل فاصبتنى جيوش الحصار

عندما عجز قلمى فى التعبير عن مدى قسوة الانكسار

الأحد، 12 أبريل، 2009

اللهى يحرق بلوجر وسنينه












اللهى يحرق بلوجر وسنينه هى ناقصة حرقة دم المدونة بنت التيييييييييت دى هتجنننى

قائمة المدونات الله يعوض عليها من امبارح مش لاقيها ومعرفش غارت فى اى مصيبة

معلش ياجماعة هضطر اجمع المدونات تانى أهئ أهئ أهئ

وده عمل شاق وهلف على المدونات كلها علشان ارجع القائمة تانى

لو مكنتش بزور حد اعرفوا انى لسه موصلتش لمدونته يااااااااااااااارب صبرنى على بلوجر

وبعتذر مقدما لو انى مش بتواجد باستمرار فى المدونات والله انا كنت ناوية اشوف البوستات اللى فاتتنى النهاردة

بس اللى حصل مش لاقية قائمة المدونات مش عارفة ايه اللى حصل هحذفها

الخميس، 9 أبريل، 2009

قلوب ميتة

الكلمات دى كلمات مقدمة مسلسل قلب ميت تقريبا كاتبها بهجت قمر

ما بين الجبن وراحة البال يادوبك خيط
وخيط بين الهروب والمشى جنب الحيط
فى ناس قلوبها ميتة من طعم الذل
وناس قلوبها ميتة بتدوس على الكل
وناس يدوبك تبتسم ضحكتها مش كاملة
وضهرها بينقسم وراسها فى الرملة
اشكال والالوان اتنطورت
ناس افترت وناس اتهرت تخبيط

الاثنين، 6 أبريل، 2009

شبحى الممل








عندما يحـــل شبـــــح الملل تخضع له الرقــــاب
يقـــــذف الرعـــب الى قلوبنا فيجعلها ســـــــراب
ساكتفى بالغضب والتأفف واجعلهم لى شـــــراب
انتـــزع منـــــى الأمـــــل وأجعل حياتى عــــذاب
انتـــــــزاع منـــــى النضــــــــارة والشــــــــباب
فانــــــا لا الــــــــومك ولا ابــــــالى بالعتــــــاب
فانــــــا من فتحــــت لك وللفــــــــراغ
بـــــــــاب

الجمعة، 3 أبريل، 2009

نوم الكلاب امل حياتى

تعرفوا دلوقتى دماغى عاملة زى ايه زى ما احمد بدير ما بيقول فى ريا وسكينة انا اقسم الليمونة نصين نص اقرشه وبعدين اقلبه يبئا عاملى زى فنطوشى الفاشية

يعنى ايه معررررررررررررررفش بس تقريبا انا دماغى كده زى الفطنوشى ده حاجة ملعبكة كده وملهاش ملامح
بس ده تقريبا من قلة النوم بقيت حاسه انى دماغى بتفوت بقيت بمشى على سطر واسيب سطر مفيش تركيز خاااااااااالص نفسى اناااااااااااااااااااااااااااام عايزة اكون زى باقى البشر الطبيعين اللى يجوا على الساعة 12 كده بالكتير يسلموا ورقهم للنوم



هما مش بيقولوا النوم سلطان يعنى لغاية عندى ويعمل ندل وابن ستين تيييييييييييييييييييييييييييت
ونفضل نقول يهديك يرضيك علشان خاطرى طب يعنى ريح الناس من اذيتى وشرى وعلى راى المثل اللى بيقول نوم الظالم عبادة


عايزة اتخمد بقى نفسى احط الجمجمة الصعيدى دى على المخدة انام واشخر ايييييييييييييون اشخر محدش ليه عندى حاجة اشخر ارفس امشى وانا نايمة دى حرية شخصية بس هو يجى النوم بس ويطلب اللى يطلبه بعدها


فى ناس قالتلى روحى نامى من الساعة 12 وادتنى ملهة ربع ساعة انام

احب اقولهم انا عيلة وبرجع فى كلامى
مع انى حاولت اى نعم كنت نعسانة وقولت هرد على التعليقات وهنام وبالفعل بس كان النوم راح
بصراحة انا بقر وبحسد اى شخص نايم دلوقتى وفى سابع نومة وبيشخر وقالق الجيران معاه بالسيمفونية اللى بيعملها
السؤال هنا بئا ليه الافكار كلها تيجى ترقص قدام عنيك ولا فشر فيفى عبده ولا دنيا ساعة النووووووم وتفضل تغرى فيك يعنى بالذمة اسيب التفكير والمستقبل ، والحاضر، والماضى، والذكريات لمين يفكر فيها
انا بفكر ااجر حد يفكر بدالى وارتاح انا شوية




بعدين لقيت مقالة لانيس منصور غريبة اوى عن النوم واللى عايز نام بيقولك ايه علشان تنام لازم ولابد تقنع نفسك من الصبح انك عايز تنام وان ((النوم قادم لا محالة وانك مستعد للقائه بالاحضان والقبلات ))
هههههههههه لا عجبتنى الجملة دى يعنى ايه بالاحضان والقبلات يعنى مش فاهمة حد يفهمنى طيب اكسبوا فيا ثواب
طيب اقنع نفسى دى سهلة هجيب بندول ساعة وافضل ااقول انا هنام ومش هسهر، انا هنام ومش هسهر بس تقريبا هتتعارض مع الجملة التانية انا طويل واهبل ومش قصير ازعة على امل انى اطول شوية طيب هحاول انظم وقتى ساعة بقول انا هنام مش هسهر وساعة انا طويل واهبل ومش قصير ازعة ولما اشوف النوم هيجى ازاى



وبعدين بيقولك مفيش احسن من النوم الكلابى ايه ياسيدى النوم الكلابى ده بيقول ان الكلب بينام فى اى لحظة مادام استقر فى مكانه ينام فى نفس اللحظة وفى اى مكان وعلى اى جنب على الارض ، السرير، المقعد ولمدة عشرين ساعة
وبيقولك ايه كمان ان نوم الكلاب امل حياتى

ااقول ايه بس اوعدناااااااااااااااااااا يارب ننام نومة كلابى زى كده حتى لو ساعتين انا راضية بس انام كده من غير ازعاج ولا حد يقل مزاجك بس دى كلاب هيفكر فى ايه بس يعنى هيفكر بكرة هيقدموله عضمة بطعم ايه
ولا هيفكر فى كلبة الجيران ام بيبيون احمر وبتمشى تتمختر رايحة جاية قدامه وازاى هيفتح بيت
ويصرف عليها وعلى العيال ازاى



سيبكم من ده كلللللللللللللللللللله وشوفوا دى بيقولك ايه لو انت مش مرتاح فى النوم ومعاك حد نايم معاك مراتك مثلا مفيش مانع تقولها هوينا شوية وحياة ابوكى واللى خلفوكى واطلعى نامى برة يعنى مفيش خجل ابدا هههههههههه
تخيل انت ممكن مراتك تعمل فيك ايه فى اللحظة دى مش بعيد تخلى ليلة اللى جبوك طين مقطرن بزفت اسود
طيب انا بتنام معايا البت اختى اقولها هوينى وروحى نامى فى الاوضة التانية ولا اشيلها هيلة بيلة كده واحدفها برة يعنى فكرة غريبة اوى




بس انا بردو على الرغم من كده كله مش عارفة انام اعمل ايه انا بئا مفيش حل غير انى اعكنن على البشر اللى نايمة عندى اااااااااااااه اشمعنى هما نايمين وبيشخروا بس اعكنن عليهم ازاى اولع النور مش بياثر اشغل السماعات بتاعت الكمبيوتر على اعلى صوت ولا عندى حل اجى على السرير اللى كل واحد بينام عليه وافضل انط عليه لغاية ما يقع بيهم
بس انا مش ليا نفس اعكنن على اللى فى البيت اصل انا امى ممكن تقصف رقابتى لو قلقت منامها وامشى مقصوف الرقبة وان مش ناقصة





بس انا عايزة اعمل مصيبة ااقولكم هروح اقلق منام العيال اصحابى ارن عليهم الساعة 5 الصبح كده مهوا مينفعش هما يناموا وانا افضل سهرانة وبحلم بنومة كلابى :(

الخميس، 2 أبريل، 2009

مازالت ابحث ((بوست وخبر))


البوست ده قديم بس علشان مش ليا نفس اكتر اى بوستات

مازالت أبـحث فـــى الحياة

عن كلمـــة حـــب تـحيـــنى

كلمة تــاسرنى وتــســبينى

تــلمم تـبعثــرى وتـرويـنــى

تروى صحراء أيامى وتنسينى

وحدتى التى تتدب فى شرايينى

تلون بالزهر أيـامى وسنـيـنى

تمحى دمع أحزانى وأنـيـنى

تفتـح بئــر قلبــى وحـنينـى

ذلك حلم يروادنى بين الفين والفين