السبت، 5 ديسمبر، 2009

بتبعدينى





بالصدفة لقيت اغنية لمحمد منير النهاردة اسمها بتبعدينى كنت اول مرة اسمعها بس بجد الاغنية دى عبقرية مش علشان كلماتها ولا ان منير غناها لا علشان الاغنية مرسومة عليا :)
*
*
*
كأنه بيتكلم عنى بالظبط ساعات والله بحس انى اسلوبى فى التعامل مع الناس يقول إنى معنديش قلب ولا بحس أنا خلاص قربت اقتنع بجد انى لو ربنا كرمنى وارتبطت بانسان هقرفه ببرودى وقلبى الحجر ده
اسيبكم مع كلمات الاغنية
*
*
*

بتبعديني عن حياتك بالملل
وخلتيني اقول خلاص مافيش أمل
استمري هتخسريني استحالة هتكسريني
وحسسيني انك حجر او ورده دبلت ع الشجر
صيرت صبر غريب رهيب لا يحتمل
عملت ايه يجرح كرامتك
كل اللى ممكن اعمله معاكي اتعمل
بتوهميني ان الحكاية بتنتهي
ابعد وقبل ضياعي منك تندمي
مابقتش بعرف دمعتك من ضحكتك
أصرخ مافيش ولا صرخة مني تعذبك
ما عرفش ليه بتعذبيني
لو بجرحك امشي وسيبيني
ساكته الحياه بينك وبيني
احساسي بيكي راح اكيد مش محتمل

*
*
*
صحيح مش ننسى حملة ناولنى فرشة ارسم وطن

هناك 23 تعليقًا:


  1. رغم اني خلاص الحمدلله هجرت شطئان سماع الاغاني

    بس بجد الكلمات جميلة جدا وسلسه

    اشكرك على الاختيار الجيد

    واحييكي كمان على صراحتك في وصف نفسك

    دمتي في امان الله

    ردحذف
  2. مصطفى ابوزيد5 ديسمبر، 2009 4:38 ص

    لسه اول مره تسمعيها ؟

    ردحذف
  3. بحبها اووووووووووووووووووووووووووى

    ردحذف
  4. مممممممممم

    بصي ياايوشه بلاش الاوهام ديه

    وقت الحب بيكون في مشاعر تانيه محدش كان يتصور انها موجوده جواه اصلا

    بيطلع انسان تاني بتكتشفيه لأول مره

    ردحذف
  5. اختى اللدوددددددددددددد
    طبعا منير عبقرى وجدا وبحب ليه اغانى كتيرة اوى
    لكن يااية معتقدتش انك حجر زى ما بتصورى نفسك وبتحاول تثبتى دا المشكلة فى الصراع اللى انتى فرضه على نفسك وبقوة
    حاولى تعيشى اية وبس ومتقرنيش حياة وظروف واختلاف معتقدات محيطة
    وبعدين اللى بيحس وبيسمع مشاكل كل اللى حواليه هل دا حجر اللى بيفكر فى الناس واللى حتى بقول مش موجودين دا حجر
    اللى بيقول ان بيحس انه بقى حجر هو الحجر بيحس يااية
    وبعدين لما ربنا هيشاء ان شاء الله
    هتلاقى اصلا انتى بتحاول ترضى الطرف التانى والعكس لانكم هتكملوا بعض ومش خناقة وفرض عضلات ومين هيفرض سيطرته على التانى
    بس بجد الاغنية جامدة يااية وشكلك كدا هيطلعلك مخ واظاهرى بقى وادفعى الفلوس اللى عليكىىىىىى
    انتى هربانة لية
    اختى اللدود دمتِ يارب بكل حب و ود وفى رعاية وحفظ الله دائما يارب

    ردحذف
  6. الاغنيه دي قديييييييمه .... انا حافظاها من ايام ما كنت بسمع اغاني :)

    بس انتي موش هتبقي كده ابدااااا .... انتي رقيقه اوي وهتسعديه اوي

    تحياتي

    ردحذف
  7. ساعات البنت بتكون كده
    بس لمجرد انها خايفه تنجرح
    فبتحب تكون جااااااااامده
    بس قليل اوي البنات الي طبيعتها كده

    الاغنيه كمان كلماتها جميله

    تقبلي مروري

    ردحذف
  8. الغنوة دى تحفة يا أيوشتى
    هوه منير عموماً متميز
    فى كل إختيارته
    الكلمات
    الموسيقى
    الاداء
    و دا اللى مخليه ع القمة حتى الآن
    تحياتى ليكى يللى بتبعديهم

    ردحذف
  9. ياااااااااااااه يا أيوشة ده انتى قديمة أوووى بس بصراحة الأغنية بالفعل حلوة بس تعرفى المشكلة فى اللى زيك بيبقوا مش عارفين يخرجوا مشاعرهم إزاى ويعرفوا الناس باللى جواهم محتاجين مترجم بمعنى أصح بس حقيقى فى ناس بتفهم ومش بتحتاج توضيح ودول بجد بقوا نادرين بس ما تفقديش الأمل هما شوية ميه بتغلى والتلج ده هيدوب وانتى هتتسلقى ههههههههههههههههههههههه

    دمتى بكل الخير والسعادة

    ردحذف
  10. السلام عليكم
    انا هنا
    اروح اقرا وارجع

    ردحذف
  11. ههههههههههه
    جميله بس انتي جميله ومش تخافي من نفسك ده الف من يتمناكي
    واكيد مش هننسي الحمله

    ردحذف
  12. ايوشه
    ليه بتقولي كدا
    ان شاء الله حياتك هتكون جنه
    اهم حاجه انك تحبيها
    ربنا يوفقك في حياتك

    ردحذف
  13. انا اشتركت فى الحمله يا ايوشه

    ردحذف
  14. يالهوى


    ايوشه انتى بتحسى انك كده


    انتى حجر كده؟

    لا لا مش معقول

    لعلمك دى فتره وهتعدى

    بس ان شاء الله اما ترتبطتى هتتغيرى كتير وهتبداى تحسى وتبقى انسانه كلها حنيه واحاسيس ومشاعر

    ردحذف
  15. ازيك يا آيوشة

    بين ده وده لحظة
    او اقل من اللحظة نفسها

    بين الموت والحياة لحظة
    بين اللقاء والفراق لحظة
    بين الخير والشر لحظة
    بين التجمد والحنين لحظة
    بين آيوشة وآيوشة ربع لحظة


    انما بين الحب والكره مفيش لحظات لان اللى بيحب بيسامح مرة واتنين وتلاتة واربعة وكتير اوى لكن اخر ما بيفيض به بيبيع بكل قسوة

    ردحذف
  16. فعلا انا عارفه الاغنيه دى وهى جامده جدا

    بس هقولك على حاجه انتى بتقولى دلوقتى انك حسه انك لو ارتبطى بشخص ممكن يكون قلبك حجر معاه بس صدقينى لو بتحبيه بجد هتلاقى نفسك بتعامليه بكل حنيه

    ردحذف
  17. ازيك يا ايوشه

    يعني انتي سمعتي بتبعديني

    ومسمعتيش ربك لما يريد

    ومسمعتيش لسه الاغاني ممكنه

    ردحذف
  18. الاغنية دي بتفكرني بطريق طويل من الزقازيق للسويس

    اول مرة اسمعها كنت رايح السويس وكان الشريط لسه طالع جديد

    وكنت انا وواحد صاحبي وعلقنا على الاغنية دي طول الطريق

    اجمل حته فيها لما بيقول

    ساكته الحياه بينك وبيني
    احساسي بيكي راح اكيد مش محتمل

    بتجيبي حاجات في الجون انتي يا ايوشة

    ردحذف
  19. دايما ظالمة نفسك كده

    بحب الأغنية
    ومش موافقة على التفسير العجيب ده
    وربنا يوريني فيكي يوم تخيب فيه نظرتك لنفسك وتكتشفي فجأة كم انت انسانة عادية او فوق العادية بشويتين وتقولي ليه كنت بقول عني كده دايما
    بس

    ردحذف
  20. بصي يا أيوشة..
    كل واحد مننا جواه خليط من المشاعر المختلفة..وبنسب متفاوتة..وكتير بيكتشف وبذهول طبيعة المشاعر اللي جواه لما بيفاجأ بشيء بيعملة وهو في حالة حب او كره وبتلقائية..
    عشان كده بقولك انك لما تلاقي الانسان المناسب وتحسي بالامان معاه وانك فعلا ارتبطتي بيهها تتفاجئي من التصرفات الحلوة والاحاسيس اللي ها تصدر منك من غير ما تاخدي بالك...
    وياااارب تحسي بده قريب.

    ردحذف
  21. دى من اجمل الاغانى اللى بحبها لمنير
    تحياتى

    ردحذف