الجمعة، 11 ديسمبر، 2009

مين اللى يقدر يبيع حلمه ((بوست قديم))


حكاية للاطفال تحكى عن ملك طماع يمتلك كل شئ فى الدنيا تقريبا وعلى الرغم من ذلك كان يرغب فى المزيد وعندما سأل وزيره ما ينقصه من ملكه أخبره بإنه يمتلك كل شئ إلا الحلم ولكى يكمل سلطانه لابد أن يكون لديه حلم غريب ويختلف عن اى إنسان آخر _ وينشر الملك فى البلاد يريد شراء أحلام الناس وسوف يدفع أغلى ثمن لأجمل حلم.

ولكن أغلب الأحلام كانت عادية ألا حلم شخص واحد فقط يحلم بقصر فوق السحاب يضيئه بالليل النجوم وبالنهار يتسرب اليه شعاع الشمس يعجب الملك بالحلم ويعرض عليه أن يشتريه بإى ثمن لكن الرجل يرفض أن يبيع حلمه ويدافع عنه حتى النهاية ويخدع الملك وينجح فى قتله وتنتهى القصة بموت الملك الطماع ويحتفظ الرجل بحلمه الجميل .

فى الحقيقة أعجبتنى القصة على الرغم من ساذجتها فى الإسلوب والعرض فهى ليست للأطفال من الأساس ولن يفهمها إلا من فى مثل حالى شاب أو فتاة يعيشون فى بلد تقتل أحلامهم بإبشع الطرق والأساليب الممكنة_ شباب ضاعت سنوات عمرها فى تعليم عقيم لا يسمن ولا يغنى ويتخرج ليجد نفسه بجانب الالاف بل الملايين من العاطلين والمحطمين نفسيا ومعنويا توارى أحلامهم التراب حتى أصبح من لديه كرامة يقتل حلمه بنفسه وكما يقال "بيدى لا بيدى عمرو "

بالطبع سوف يجد البعض بل الأغلب منا أنه هذا الشخص صاحب الحلم يتسم بالغباء لم يستغل الفرص ولا يحسن استخدامها وفهو كان بمقدروه أن يبيع حلمه ويأخذ جميع أموال الملك .

لكن القصة هنا ليست الغرض منها الإستسلام والتنازل بكل سهولة أو حتى الخوف من سلطان أو أى انسان كان فى استطاعته قتل وسلب أحلامنا وأنما كان الهدف الأساسى منها عدم تعريض أحلامنا للإستيلاء من قبل الآخرين ولا تعرضها للقتل بإيدينا او بإيدى غيرنا فليست أحلامنا عرضة للبيع او للقتل حتى لو كانت أحلام بسيطة فى نظر الآخرين .

الأحلام غالية وقد تكون شحيحة لدى البعض وأن كان الله قد وهبك مقدرة على أن تحلم كثيرا وأن تتطمح أكثر فهو أيضا قادر على أن ينمحك القوة لتحقق بها أحلامك وتصبح بالفعل أحلام حقيقية

هناك 31 تعليقًا:

  1. فعلا يا أيوشة الحلم صعب اننا نبيعه بس بنرغم اننا ننساه ياه يا أيوشة على كمية الأحلام اللى بيحلمها الشباب وأحلامهم جميلة وبيسعوا فعلا لتحقيقها وكانوا ديما بقولوا مفيش حاجة هتقف فى وشنا وهنحاول قدر الامكان اننا مش نتعرض للروتين يعنى شغلهم يبقى بعيد عن استخراج أوراق وتوقيعات لكن سبحان الله زى ما تقولى كده بيطلع لهم فى كل مكان عفريت الورق ويعدوا مأزق والتانى يطلع غيره مش فاهمة ازاى عايزينا نحلم ونحقق أحلامنا ويبسطوا الحكاية فى وشنا وبمجرد ما نطلع سلمتين نكتشف العكس

    امتى يجى اليوم اللى أحلامنا تتحق للنهاية

    لسه عندى أمل وحلمى لسه موجود بس هنتظر لحد امتى يا رب يكون عن قريب

    دمتى بكل الخير والسعادة

    ردحذف
  2. ان كانت القصة حلوة
    فالكلام اللي منك احلى كتير كتير كتير
    عدم تعريض أحلامنا للإستيلاء من قبل الآخرين ولا تعرضها للقتل بإيدينا او بإيدى غيرنا فليست أحلامنا عرضة للبيع او للقتل حتى لو كانت أحلام بسيطة فى نظر الآخرين
    عجبني انا الكلام ده قوي

    ردحذف
  3. قصة فع مؤثرة .. حتى الأحلام استكثرها الملك الطماع على شعبه!! عجبت لك يا زمن.

    لكن كل منا متمسك بحلمه ومتمسك بالأمل بالله الواحد القهار.

    بارك الله فيك ونفع الله بك الأمة الإسلامية العربية.

    ردحذف
  4. انا بحجز ليا


    وراجعه تانى اهو


    وحشتينى يا ايوشتى اوووووووووووووووووووووووووى

    ردحذف
  5. وبحجز للرعد الزئبقى ثندر

    واحمد اسماء واحلام بوجدانى وماما الفراغ

    ردحذف
  6. فعلا يا ايوشه القصه دى المفروض مش تتحكى للاطفال

    لان اللى يفهمها فعلا اللى زينا


    لكن ما زلنا بنحلم بالرغم من ان كتير اوى احلامنا بتضيع وبتوه وبتتسرق مننا

    وكمان مش بنقدر نحققها فى زمنا ومجتمعنا ده


    بس برضه مش هنبطل نحلم

    ردحذف
  7. كل شيئ قد بيع ,
    فهل نبخل على انفسنا بأحلامنا
    يسلموا سيدتي
    كلماتك رائعه وقصتك مميزة
    تدخل القلب دون استأذان
    ارق نسمة

    ردحذف
  8. أش .. وحشتيني

    الطمع دايما بيقتل صاحبه ، حتي لو مش نتيجة القتل الموت ،
    مش عارفة هتفهميني ولا لأ !!!

    أفكارك وكتاباتك دايما بتخلي مخي يشتغل
    ويفكر ويقلق ويبتكر

    أحييكي علي البوست

    ردحذف
  9. نادر الوجود الشباب اللى زى الشاب ده
    انما اظن لو العرض ده اتعمل دلوقتى الكل الا قليل هايوافق على العرض

    بس فى سؤال مهم قبل كل ده

    ياترى نسبة الشباب اللى بيحلم كام فى المئة ؟؟

    بوست حلو الحبيبة ايوشة ..

    دمتِ بخير ..

    ردحذف
  10. فعلا كل منا له قصه مجموعة قصص فى قصه تكون علامه لحياته وخبره يتناول منها الخطى للسطور القادمه

    ولكن افلام هوليود رغم اثارتها الا انها تضع نهايات اصعب من نهايات قصصنا الملله

    وان كنتى تريدى الاثاره تستطيعى فعلها بحياتك
    بان تكونى مسلمه ناجحه وفتاه ناجحه ام ناجحه زوجه ناجحه انسانه لها رساله مميزه ان تنشرى الامل للمحيطين والامن

    مثلا مارلين مونرو رغم اثارتها واثارة حياتها تجديها بكل بساطه فتاه اتربت بملجأ زوجه تبحث عن امان الزوج ممثله مخلصه بعملها

    تحيااااااااااااااااااااااااااتى

    ايناس

    ردحذف
  11. ربنا يقدرنا

    نستحمل

    لحد مانحقق كل احلامنا

    سوري مكنتش برد عشان كان عندي امتحانات

    تحياتي

    ردحذف
  12. اغلى حاجة الحلم

    لو بطلنا نحلم ولو بعنا احلامنا يبقى بننتحر

    ردحذف
  13. احنا شباب الجيل الحالي

    ايه بادينا غير الاحلام

    ياما سهرنا ايام وليالي

    نحلم وتضيع الاحلام

    بس ما تبنا

    ولا هنتوب

    ولا قلنا قدرنا ومكتوب

    اننا نحزن

    او نتغرب

    لا هنحاول

    لا هنجرب

    نحلو ونعيش الاحلام



    مش عايزين غير اننا نحلم

    ياما بيحيي الحلم قلوب




    بس كفايه كده

    انا نسيت الباقي


    بوست جميل

    وفكرته حلوه

    بس برضه مستني بوست متفااااااااااااااائل

    ردحذف
  14. حتى الحلم بقوا بيستكتروه علينا ويحاولو يخنقونا بالواقع طيب هما حيخسروا يه يسبونا نسعى لتحقيق حلمنا بس للمحاولة حيضرهم بايهلاانا مش عارفة
    بجد ليكي حق بكل كلمة

    /
    /
    رائعة يا آيوشة بضم صوتي لصوتك

    ردحذف
  15. صدقيني كل حاجه بتتباع حتي الاحلام بتتباع هي كمان وبندوس عليها احنا في زمن انتهت منه الاحلام :(

    ردحذف
  16. لو بوست قديم يبقي اكيد رديت

    هيبقي نفس الرد

    لو مردتيش ابقي قوليلي و هاكتب ردي بقي
    هههههههههههههههههههه

    بصي الي يقتل حلمه او يسمح لحد يقاتلهوله يبقي ميستحقش الدنيا اللي ادهاله ربنا اصلا

    ردحذف

  17. الله عليكي الله عليكي الله عليكي بجد والله

    بوست في غاية الجمال والروعة

    من زمان اوي محستش ان كلام وصلني او وحسيته زي الكلام ده وفكرة البوست ده

    جزاك الله خير

    وانا من المؤمنين بقوة بالأحلام وضرورة وجودها في حياة الانسان السوي الذي يحيا الحياه بمعناها الحقيقي..

    واعتقد بشدة أن الحلم والأمل بتحقيقه هو وقود الحيااااااااااااااه

    دمتي في امان الله

    ردحذف
  18. انا حلمى كان صغير اوى وفضل يصغر ويصغر لحد مختفى ومبقتش بشوفه:))

    ردحذف
  19. الأحلام غالية وقد تكون شحيحة لدى البعض وأن كان الله قد وهبك مقدرة على أن تحلم كثيرا وأن تتطمح أكثر فهو أيضا قادر على أن ينمحك القوة لتحقق بها أحلامك وتصبح بالفعل أحلام حقيقية
    معاكى حق يا أيوشه
    كل حاجة كانت بدايتها احلام كبير ومع الأيام اتحققت

    ردحذف
  20. ازيك يا ايوشة اخبارك ايه
    ليه بتقلبي في المواجع بس ؟
    معتقدش ان حد عاد عنده اي قدرة علي الحلم

    عارفة اغنية لو بطلنا نحلم نموت ؟

    احنا متنا من زمان و احلامنا اتاخدت مننا قهر و بدون تمن

    ..... تحياتي

    بالمناسبة انتي معانا في المشروع ولا ايه ؟ لو اه يا ريت تسيبي ميل في كومنت عشان اتصل بيكي لأي ظرف

    ردحذف
  21. ايوشة

    الأول أخبارك ايه ؟
    و اخبار الحياة معاكي ايه
    و يا ب تكوني كويسة مش زي البوست
    هههه

    ردحذف
  22. غعلا الحلم اساسا هو اللي بيخلي الانسان يعيش

    هو الانسان يعيش من غير حلم بلا هدف علشان يعمل ايه في حياته ده لو حتي الاستماتع او اللعب هو نفسه حلم و نا ماتت الاحلام ماتت الارادة و ماتت الامة

    من نحن بدون حلم ؟؟؟؟؟؟؟؟؟

    ردحذف
  23. عاشت ايديكي يا ايوشة فعلا البوست حلو قوي و اسلوبه جميل

    دومتي مبدعه

    ردحذف
  24. السلام عليكم
    فعلا عندك حق في كل كلامك
    واحنا مش هنبيع احلامنا ولا هنديها لحد بفلوس
    واللي يبطل يحلم يموت وياريت نحلم ونحقق احلامنا واكيد عندنا القوه اللي نقدر نحقق بيها احلامنا
    جميل البوست اوي تسلم ايدك

    ردحذف
  25. ألقصه وايد حلوه

    ما سبق ان مرت علي

    فيها مغزى وعبره جميله

    ردحذف
  26. اياكى اعنى فسمعى يا جارة والكلام ليكى يااختى اللدود اهى القصة دى ودى بالذات اتمنى بقى طالما بتحبيها اوى ياريت بقى تعملى بمغزى القصة يعنى لو المكان بيبث فيا روح الانهزامية والاكتئاب الا انى الحلم مش بيموت وبيكون حى فى كل لحظة فينا يبقى لازم تتمسكى بحلمك وتفرض نفسك على الارض اللى بتعيش فيها ارضى بالواقع علشان تعرفى تغيريه فاهمنى
    اختى اللدود تحياتى على القصة دى بجد
    دمتِ فى رعاية وحفظ الله وبكل حب و ود ديما يااااااااااااارب
    ملاحظة الفلوس اللى عليكى لسه ما اخدتهااااااااش

    ردحذف
  27. يااااه...
    فكرتيني باغنية منير اللي بحبها..
    حضن فى غربة ملمس مثير
    بعد مشاغبة حاترقلك
    مرة فى مرة حاول كتير
    اى مغامرة رح تنفعك
    وفى الحلم وقتة فى سكون
    لو بطلنا نحلم نموت
    حبة صبر حبة حماس
    يبقى الحلم صورة وصوت
    لو بطلنا نحلم نموت
    لو بطلنا نحلم نموت

    ردحذف
  28. على فكرة يا أيوشة فيه قصص كتير زي دي بتبقى موجهة للأطفال ويتفهم مغزاها..مش عاوزين نبخس حق الأطفال برضه ولازم نعودهم على كل شيء
    :))
    تحياتي

    ردحذف
  29. ايوشة
    ازيك اية لاخبار
    فينك بقالك كتير منورتنيش يا رب يكون المانع خير

    وهقول كلمة واحدة

    الى يبيع حلمة ممكن يبيع اى حاجة

    وطنة ارضة او حتى عرضة

    انا مش بهاجم حد ولا مع حد بس نفسى كل واحد ميتخلاش عن حلمة مهما كانت العواقب

    مع فائق احترامى

    ردحذف
  30. الليى يجرأو يبيع حلمه كأنه بيبيع روحه

    عجبنى البوست قوى واتبسطت انك فاتحه التعليقات ساعات بتقفليها اعتقد

    وحشانى قوى قوى يا يوش ووحشتنى مدونتك يا جميله

    ردحذف
  31. شاركونا الراي والخبره في جمعية مقاومة الطلاق

    ردحذف