الأربعاء، 28 أكتوبر، 2009

اعطاء من لا يملك لمن لا يستحق




يافتاح ياعليم يارزاق ياكريم استعنا على الشقى بالله بعد طول غياب عن المدونة كان لازم تحتاج تنضيف وتلميع ومسح وكنس والذى منه وهو ده الشقى بعينه بما انى ام الكسل بذات نفسه .

*
*

المهم طبعا انا كنت مختفية ليه ورجعت ليه هقولكم كالعادة مكتئبة ايه الجديد فى ده ولا حاجة بتحصل فى احسن البلوجرات صاحبه يكتئب يجيب دولفها ويرجع لما الغزالة تروق بس انا لسه مرقتش لسه مجنونة زى ما هى عندى ملل فظيييييييييييع وقولت الدبلومة هتسلينى لكن تقولوا ايه الفقرى فقرى شحططونى رايحة جاية جاية رايحة وفى الاخر قالولى بقى تعالى فى شهر 11 اسالى على الجدول الله يخرب بيتكم انا بجد مليت ونفسى ابدا اعمل اى حاجة ليها معنى فى حياتى

يلا قدر الله وماشاء فعل وفى عز الاكتئاب ده طقت فى دماغى فكرة مجنونة انى اعمل مجموعة مواضيع متسلسلة اكتبها كلها عندى على الجهاز لغاية ما اخلصها ولو كنت راضية عنها باذن الله يمكن اتجنن اكتر وانشرها كتاب " احلام اليقظة " ^_^

ادعولى بقى مش احبط واجى فى النص واقول مش هكمل لانى بدات تقريبا فى اول عشر صفحات ماشاء الله المهم ادعولى الدبلومة تبدا علشان انا حاسه انى عاملة زى الجزرة المخللة فى البيت انا كان ايه اللى خلانى افكر اصلا اكمل دراستى .

*
*


قولنا المهم نيجى للى مش مهم خااااااالص هو وجع قلب ودماغ وبس وكمان موضوع بيجيبلى شلل رباعى انا مكنتش ناوية انزل بوستات خاااااااالص لغاية ما استقر فى الدبلومة وامورى تظبط بس النهاردة بصراحة صعقت صدمت وجالى تقريبا نوبة صرع لقيت فيديو على الفيسبوك اللى جيبالنا المصايب دايما عاملين شوية صور كده للحزن الوطنى على الريس على ابنه تشكيلة يعنى على اغنية نانسى حبيبتشى

لو سالتك انت مصرى تقولى ايه

تقولى مصرى وابويا مصرى وكل مصر الله عليه

قولها باعلى صوت وارفع راسك لفوق

انا مصرى وابويا مصرى والى اخر الاغنية طبعا


لغاية ما الصرع والشلل جاب اخره معايا فى كلمة ملوك الجدعنة ودى حاجة فى طبعهم هنا بقى ياجماعة قولت لاااااااااا استوب يانانسى جدعنة وهى الجدعنة دى معناها ايه معلش لانى انا مش شايفة ام الجدعنة دى فى البلد فى نفر واحد ده حتى يااخت نانسى عيب عليكى ده احنا لسه فى حداد على ضحايا حادث القطار الجديد مهو تقريبا ربنا مش هيقطعلنا عادة كل كام سنة تحصل حادثة قطار على اساس الحكومة بتقولنا شكلكم نسيتوا ياكلاااااااااب ضحايا قطار الصعيد واحنا من كرم اخلاقنا قولنا نفكركم علشان انتم شعب بينسى و تيييييييييييت

*
*


النكتة البايخة بقى موضوع التوريث ده من كام سنة لما غيروا الدستور طلع شوية ناس تقول ده بيغيروه علشان خاطر يبقى فى مبرر للتوريث فى مصر بصراحة مش اخدت ولا اديت فى الكلام مهو كلام هو الكلام بيلزق ده حتى الشتيمة مش بتلزق _

وهب الكلام كبر والاشاعات بقيت حقيقية والناس كلها بترفض وتندد بالتوريث ومش عايزينك مش عايزينك ولا انت ولا اللى جيبنك _ونلاقى فيديوهات ضد الحزن الوطنى واعضاء لكن انا مكنتش مستغربة يعنى مهو داه الطبيعى شوفنا ايه حلو فى حياة باباه عمو الريس علشان نقبل ان ابنه يبقى مكانه بعد عمر طويييييييييييل باذن الله .

*
*

لكن العجب ركبنى ومش عايز ينزل من على كتفى خالص لما لقيت ان فى ناس بتقبل بالتوريث وعاملة له اغانى زى ليه ميحكمششششششششششششى ودى تقريبا كانت من تاليف ام سيد فى شبرا

*
*

وتلاقى زى ما يكون خطة مدروسة حتى انا ببص فى الاصدقاء عندى على الفتيس بوء لقيت ناس كاتبة انها من الحزن الوطنى

عااااااااااااادى انما اللى مش يتسكت عليه ابدا انهم يدنسوا الاغنية الطاهرة بالشكل ده لااااااااااااا لن اقبل

ومن الاخر كده احب اقول كلمة بتيجى على بالى كل ما سمعت موضوع التوريث ده فى الا وهى " اعطاء من لا يملك لمن لا يستحق "

مصر دى مش فيلا علشان يقولوا خد ياحبيبى علشان انت ولد مطيع وشطور واللى بيحصل دلوقتى ده احنا السبب فيه الحزب رسمها صح طلع اشاعة التوريث وساب الشعب يلت ويعجن لدرجة الستات فى البيوت بيقيت بتكلم فى الموضوع ده لغاية ما بقى فى عقولنا امر مسلم بيه يعنى احنا اللى كبرنا الموضوع واديناه اكبر من حجمه مين اصلا فيه نفس يفكر من هيحكم بعد مين هو حد ضامن عمره ولا حد ضامن بكرة فى ايه ولا ايه اللى هيحصل بعد ساعة واحدة

*
*

انا لا مع جمال ولا ضده لان بساطة ولا اعرفه ولا عايزة اعرفه من اصله لما تيجى الانتخابات هتلاقى شوية مرشحين اى كلام سيكو سيكو مش هتعرف تختار منهم حد وتقول خلينا فى اللى نعرفه احسن من اللى منعرفوش

وبعدين لو الشعب كان شعب فيه الخير وعارف يدافع عن نفسه صح مش جبان يحط راسه فى الرمل ويمشى جوه الحيط ويقول انا مالى كان ده بقى حالنا

ااااااااااااااااه ياشعب عايز السك على دماغه عايز يتساق زى الاغنام هو ده اللى ينفعه

هناك 37 تعليقًا:

  1. لاااااااااااا بلاش هذوها النظره السيئه لابناء الوطن

    هي موش عزبه فعلا ...... ولازم نختار حد افضل للبلد ..... على الاقل علشان مايخدهاش بالساهل

    تحياتي

    ردحذف
  2. ازيك يا أيوشة

    اخيرا ظهرتى انا قلت اسلم
    وان شاء الله لى عودة اخرى
    سلام مؤقت

    ردحذف
  3. ممممممممممممممممم

    منورة يا بت يا ايوشه

    اخبارك ايه
    ههههههههههههههههه

    من الصبح وانا ميته على روحى من الضحك

    جامدينننننننننننننن

    ردحذف
  4. وحشتنى مووووووووووووووت
    اخيرآ

    فتحتى تعليقاتك عشان نتكلم برحتنا

    على العموك نورتى الدنيا كلها

    انا لسه راجعه من الشغل اخلص كده

    وارجع اعلق بمززاج

    امووووووووووووووووواة

    ردحذف
  5. ياااه انا من اوائل المعلقين في بوست في منتدك
    طيب الحمدلله في تقدم اهو :d
    تالت تعليق ان شاء الله
    اولا حمدالله بالسلامة
    وربنا يبعد عنك الاكتئاب بس انا حاسس انه لو بعد عنك انتي هتروحيله :d

    وفكرة حلوة موضوع الكتاب دا ربنا معاكي ان شاء الله


    شدني جدا العنوان
    اعطاء من لا يملك لمن لا يستحق
    هو اصلا ميملوكش حاجة
    زي اللي بيبيع حاجة مش بتاعتة
    احنا محتاجين صحوة ايجابيه
    ونشارك قوي المعارضة الناشطة
    واحنا الشباب لازم نقول لاء بصوت عالي
    ونقوله انت خدمتنا كتير كفاية علينا كدا

    دا لو مسكها الجرو الصغير دا الدنيا هتبوظ

    يلا خير ان شاء الله
    وان شاء الله لي عودة

    ملحوظة .. الجرو هو ابن الكلب او الكلب الصغير

    ردحذف
  6. ايون احنا فى مصر كده اطمنت على مستقبلنا

    ردحذف
  7. مممممممممم
    هو ليه اسلوبك مختلف في الكتابة ؟؟؟

    ماعلينا

    بس هو هيحكم مش هيحكم
    ده شعب اتعود يتساق و يسكت و احنا برضه كده
    متعلمناش اشاسا يعني ايه مشاركة سياسية
    يبقي بنتكلم في السياسية ليه ؟؟

    هل حد عنده استعداد من اللي بيقول لا للتوريث يقولها في ميدان عام ؟؟؟
    طب يورينا نفسه و نطلع مظاهرة بقي

    بس احنا كلام و بس ساعة الفعل مفيش

    ردحذف
  8. هههههههههههههههههههههه
    اولا زعلالالالالالالالالالالالالالالالالالالان
    ثانيا هى هى بعقلها الضلم ياربى
    ثالثا بقى انتى اخدتى منى الموضوع كدا وسبقتينى ولن انسى لك هذا المواقف ابدا بس انا بقى بدل ماكنت هكتب وابعبر زيك كدا ياكارثة كنت مجمع كل المقالات اللى اكتبت فى تلات ايام بس عن الموضوع من احتماليةترشيح عمرو موسى لنفسة واحمد زويل والبردعى ورفض مفيد بيك شهاب لدا بحجة انهم غير مشتركين فى احزاب وليسوا من قاداتها وبعدها بيوم يخروج احمد باشا نظيف يقول ان الحزب هيدعم جمال لو الرئيس مترشحش باوراقه
    يعنى واضح كدا وظاهر اوى انه ناوى يمرر السلطة لية وكدا ولله الحمد فعلا لاغيناالملكية بسر بردوا احيط سيادتك علما يا كارثة بانى غلاسة وتباتة هكتب فى نفس الموضوع
    وموضوع بقى وحش ود جقد وغل طبقى واظاااااااااااااهرة بقى وربنا عليكى تار بجد عااااااااااا

    ردحذف
  9. ليه ميحكمش
    ههههههههههههههههههههههههه
    صحيح دي لازم تكون ام سيد من شبرا
    والله ضحكتيني وانا متضايقة حقول لك ايه يا ايوشة غير
    اللهم لقد ارونا قدرتهم فينا فارنا قدرتك فيهم يا رب العالمين يا ارحم الراحمين يا ارحم الراحمين يا ارحم الراحمين برحمتك نستغيث

    ردحذف
  10. اممممممممممم عارفة يا ايوشة هى مش اشاعة ولا مع ولا ضدد دا نظام وتكتيك لو تخدى بالك وحملات علانية وواضحة وضوح الشمس بالليل كدا كل الحكاية اننا بنتكلم فى صمت فالكلام بيلف حوالينا ويخنقنا واللى بيحصل بيستمر لان كلامنا بلا فعل بلا قيمة
    ومصر فيلا فعلا فيها ابن الباشا وبنت الغفير وملهومش تالت هم 2 بس :(

    بس كدا
    دمتى بكل خير
    تقبلى مرورى

    ردحذف
  11. ازيك يا ايوشة
    معلش انا عامل الأوبشن ده فى صفحة التعليقات
    عشان محدش ينقل اى بوست كوبى باست
    من خلال صفحة التعليقات
    بحيث تبقى صفحة التعليقات مستقلة عن البوست نفسه و ده افضل حماية لحقوق النشر
    ---
    اما الموضوع ده فلسة شايف جروب على الفيس بوك اسمه

    مفيش غيرك يا جمال انت فى الحسبان
    و جروب تانى اسمه

    علشان بكره يبقى كويس
    جمال مبارك يبقى الريس

    ردحذف
  12. مساء الخير
    بجد مش حرام المدونه دي تتهجر
    ومايتكتبش فيها مواضيع جديده

    المدونه جميله

    والبوست برضه زي الفل الحقيقه


    *تحياتي

    ردحذف
  13. ايش حكاية الكومنتات المخفيه
    وايش حكاية المدونات المصريه مع السياسه هو مافيه شي ثاني تتكلموا فيه
    اتركوا وجع الراس للروس الكبيره وعيشوا حياتكم
    وااااعجبي
    يروح واحد ويجي التاني كلهم مثل بعض
    وعندنا مثل يقول خليك على جنيك لا يجيك اجن منه

    ردحذف
  14. لالالالالالالالالالالالالالالالا .. اختلف معك وبشدة .. الشعب لا يستاهل كل تلك الاهانة منك فهذا الشعب هو انت وانا ... نحن لا نرضي بالظلم ولكننا نحتاج الي قائد مفكر وعاقل نضع فيه ثقتنا ويقود المسيرة

    ردحذف
  15. انا قريت البوست كله بس هاتكلم فى الجزء اللى اعرفه، ان شاء الله ربنا يوفقك وتخلصى السلسلة اللى بداتى فيها وياااااااااااااارب مش تفكرى انك تبعدى عن مدونتك تانى ياااارب
    اما عن الدبلومة فربنا يسهلك امورك وتخلصى من الهم ده وتبدى الدراسة وتنجحى باذن الله
    ويارب نسمع عنك كل خير اللهم امين

    ردحذف
  16. أزال المؤلف هذا التعليق.

    ردحذف
  17. بالرغم انك هتوحشينا بعد البوست دة

    وطبعا عارفة لية ههههههه


    لكن انا معاكى ان مصر لمن يستحق ان يحكمها وليست للتوريث

    تحياتى وتقديري

    ردحذف
  18. حمد لله على سلامتك
    انا زهقت من الكلام فى الموضوع ده
    نفسى اشوف فعل
    علشان كدا بلاش كلام احسن
    اشكرك على الرسايل اللى بتوصلنى
    وربنا معاكى ويوفقك
    ويملا حياتك امل وعمل

    ردحذف
  19. معلش اسمحيلي اتحدث بآية قرانية فقط
    وهذه الكلمات هي ايضاَ تنطبق علينا وعلى الجميع دون استثناء واعذريني ان اخطأت في وضعها .


    " لا يغير الله ما بقوم حتى يغيروا ما بأنفسهم "


    تقبلي تحيتي

    ردحذف
  20. انا بجد بيجيلي اسبهلال من اختيارات المصريبن للرئيس الجمهورية القادم والاسماء المطروحة بعيدة كل البعد عن اللي ممكن يقدر يمسك المنصب ده انا مش عارفة الناس بتفكر ازاي هنقول ايه المصريين اهما :)

    ردحذف
  21. ونرفض توريث مصر لنجله جمال مبارك
    ونرفض توريث سياساته حتى ولو لغير أبناءه

    ردحذف
  22. بس ياريت يا ايوشه كونى رحيمة شوية بكلامك ما تنسيش انى من الشعب وربنا يقدم اللى فيه الخير

    طمنينى عليكى
    مودتى

    ردحذف
  23. هييييييييييييييييه

    ايوشه رجعت تانى

    هتعملى دبلومه يا ايوشه ربنا معاكى

    يارب ويوفقك

    يا ستى هدى نفسك شويه

    وبلاش تقسى على الشعب كده دا شعب

    اغلب من الغلب

    ربنا معانا

    اقعدى بالعافيه

    ردحذف
  24. بصى

    انتى اتكلمتى فى تلاتين حاجة

    هتكلم فى هدوء واحاول افتكر

    بسم الله

    بالنسبة لحوار من لا يملك لمن لا يستحق فهوا فعلا عندك حق

    بس انا برده بشجع حوار جيمى دا

    لانه تقدرى تقولى عارف احسن من غيره

    مش عايزين اى حد يطلع يطلع علينا العقد بتاعته ويبهدل فينا

    الناس مش ناقصة بهدلة

    ومش ناقصة نظريات سياسية جديدة

    بالنسبة للحزن الوطنى فى ناس كتير منضمين له مصلحة مش لاى سبب تانى لا عشان بيحبوه ولا بتاع

    عشان المصلحة

    وبالنسبة للدبلومة

    ربنا معاكى لازم تتعبى فى الاول لان هتتعبى أكتر قدام

    يارب يوفقك وتخلص على خير

    وكمان بالنسبة لولاد البلد جدعان أوى بس طبعا مش كلهم لان كل مكان فيه الحلو والوحش

    وكمان عايز اتكلم عن الحاجات اللى بتكتبيها وبتشيليها فى الدرج

    اكتبيها هنا وعادى مش مشكلة تتأخر ولو حتى شهور فى التسلسل بس المهم تنشريها عشان مش تكسلى

    تحياتى وشكرا عالبوست الطويل وربنا يهون عليكى الإكتئاب يارب

    شاب فقرى

    ردحذف
  25. انا رديت الرد الطويل دا لانى لقيت إسمى فى النص

    بتقولى الفقرى فقرى

    فقلت لازم المرة دى مش اقرا بس

    لازم ارد كمان :D

    فقرى فقرى

    ردحذف
  26. ازيك يابنت خالى
    يارب تكونى بخير
    تصدقى فعلا فيه ناس كتير بيقولوا نظرية اللى تعرفه احسن من اللى ماتعرفوش دى
    والغريبه انهم تقريبا كده قربوا يقنعنونى
    ماعلينا ماعلينا
    ****
    هو انتِ اتاريكى طلعتى زمل
    بس طبعا سيادتك بتعملى الدبلومه فى سنه واحده انما انا بعملها على سنتين انا مش فاضى لوجع النافوخ ده
    انما مصلحه
    تظبطى بقى المحاضرات والمذكرات وكل حاجه(ماهو انا لازم استغلك مش ابن خالك الكبير ولا ايه؟؟؟؟؟)
    بقولك ايه اول مااجدول ينزل ابقى قوليلى بقى
    هههههههههههههههههههههه
    ســــــــــــــــلام

    ردحذف
  27. هو انتوا مستكترينها على جمال لية
    مهو الراج حلو ووسيم كمان
    ومجوز خديجة ومية مية اهوة
    وبعدين الدولة هتتغير بقى هتبقى الدولة المباركة بدل مصر
    زى السعودية كدة ..نسبة ل ال سعود
    كان فية واحد كاتب على يافطة
    بكل الحب نبايع الرئيس مبارك وابنة وابن ابنةوابن ابن ابنة

    يعنى شوفى النفاق وصل لاية
    ربنا يخرب بيت الظلمة ياشيخة
    سلام بقى

    ردحذف
  28. هل هو يعلم انه لا يملك؟
    حد قال له انه لا يملك؟
    عقله هداه ووعاه انه لا يملك؟
    هل حد قال له ابنه لا يستحق؟
    طب حد قال للشاب اللي ربع جدوده بريطانين انه لا يستحق؟
    طب هل الشاب يعلم علم اليقين انه لا يستحق؟

    لما يبقى هو يعرف
    او ابنه يفهم
    تبقى تفرق معاهم

    لما احنا نبطل شغل وانا مالي ايكش تولع
    تبقى تفرق معانا

    ساعتها بس
    ممكن نقول

    ما يحكوووووووووووووووووومش يا عووووووووووووووووووووووومر

    ردحذف
  29. أكيد طبعا سمعتى عن الحملة اللى اطلقها جمال على الفايس بوك
    بتعيين شباب الحزب ب1500 جنيهة

    متفرغين للدعايا له على الفايس بوك

    وزى ما بيقولوا الزن على الودان امر من السحر
    واحنا بتتسحر بسهووووووولة اوى

    وربنا يصلح الحال


    وبالتوفيق فى سلسلتك ومنتظرينها بس بالفصحى
    ههههههههههههه

    ردحذف
  30. السلام عليكم
    شعار جميييييييييييييييييييييل
    مش عوزينك من عوزينك ولا انت ولا الى جيبينك
    طيب اه العمل دقعت نقول مش عوزينك بس؟؟؟
    لابد يكون لنا خطوه ايجابيه ونشارك فى الانتخابات
    وفقكِ الله
    دمت بخير حبيبتى

    ردحذف
  31. امممممممم
    قولنا اى ..بلاش نتكلم فى السياسة
    عارفة فيلم الناظر لما صلاح الدين يقف قدام المكرفون ويقول انا زى بابا بالظبط
    اهو ده اللى هيحصل معانا
    بس بجد شدنى العنوان

    ردحذف
  32. ههههههههههههههههههههه..ليه ما يحكشمي دي تهمة لوحدها
    يعني عبد الناصر كان يغنيله حليم والسادات كانت تغنيله فايزة
    والبيه كان يغنيله محمد ثروت ولا صفاء ابو السعود إنما جيمي بداها بمين
    :)))
    عموما في إنتظار الكتاب عشان نقول مبروك
    تحياتي

    ردحذف
  33. السلام عليكم
    أولا انا معترض على فكرة ملوك الجدعنة اللي حضرتك رفضاها
    دس حاجات ف المصري بطبعة
    بس يا ترى لما الحياة تبقة ملخبطة معاه كدا بيتخلى عنها
    --
    التوريث لن يتم الا في حالة تنازل مبارك عنها لابنه ودا مش هيحصل

    ردحذف
  34. بقالي ساعه بدور على رابط التعليق ومش لاقيه وقلت انتي قافلة التعليق نوهائي

    قلت اكيد ايوشة قررت تضحي بنفسها من اجل الشعب

    لكن طلعتي عايزة تضحي بالشعب اللي هايعلق يا ايوشة

    ايوشة

    ناس كتير .... لامؤاخذه في التعبير حمير .... بيقولوا جمال اهو شبعان وعينه مليانة

    طب ما يمكن يا بنو بجم يقول زي نار جهنم هل من مزيد ونروح احنا في الرجلين

    ايوشة الشعب دا لابد له من فتوة يفوقه

    لكن للاسف زمن الفتوات انتهى

    ردحذف
  35. أزال المؤلف هذا التعليق.

    ردحذف
  36. ???
    زعلان اوى اوى اوى
    ومتشكر لحازم رغم كلامة المبهم فهمت يااية

    ردحذف
  37. ازيك يا ايوشة

    يارب تكونى بخير

    يااااااااااااااااااااااااااااااارب

    ردحذف