الأحد، 4 أكتوبر، 2009

أزمتى الحقيقية





البوست اللى فات مكنش لعبة بصراحة كان اختبار صغير ليا وليكم علشان اعرف انا ايه من وجهة نظركم واعرف اللى بتحبوه فيا واللى بتكرهوا فيه وبيضايقكم منى وده اللى كان يهمنى لانى عارفة وواثقة ومتاكدة من اللى بيضايقكم فيا بس كنت محتاجة اسمع منك زيادة تاكيد يعنى .

*
*
*

كل التعليقات تقريبا كانت بتقولى حاجة واحدة مكنتش بطريقة مباشرة بس هى كانت واضحة بين السطور انى عايشة مع نفسى ومش عارفة اعيش وسط الناس سواء فى الحقيقة او على النت قولتولى اخرجى وشوفى الدنيا وشوفى اصحابك الحقيقين الحياة مش نت وبس لكن اللى مش تعرفوه انى بتحجج بالنت علشان اهرب من ازمة جوايا ازمة.

*
*
*

ازمتى انى بحب اقرب من الناس واتعرف عليهم ويبقى حواليا اصدقاء وناس كتير مش بحب اعيش لواحدى لكن بعد ما بتعرف على الناس فجاة مرة واحدة ببعد وباخد ركن لواحدى حاولت افهم السبب اللى بيخلينى اعمل كده اللى بيخلينى انعزل واكتئب وانا فى قمة سعادتى بصداقتى ومعارفى الجداد مش بحاول حتى ادى نفسى فرصة علشان اوثق علاقتى باى انسان ويمكن ناس كتير من المدونين حسوا بالموضوع ده وفى ناس زعلتهم منى باسلوبى ده انى ببعد من غير اى مبررات او اعذار او اعتذار.

*
*
*

بعد تفكير طويل عرفت السبب الحقيقى اللى بيخلنى اعمل كده انا بخاف من الفراق قوى بخاف الظروف والدنيا زى ما عودتنى طول عمرها انها بتاخد منى كل شئ جميل وكل ذكرى جميلة فى سكتها بخاف تكرر نفس الكرة تانى جربت اصادق واتعرف على ناس كتير والدنيا فرقتنا علشان كده قولت مش عايزة اتعود على وجود حد فى حياتى وفجاة الحياة تحرمنى منها .

*
*
*
قولت النت مش زى الحقيقة ومش هتعلق بالناس بسرعة زى الحقيقة وحطيت فى بالى دايما ان النت وعلاقته وهمية جدا وكله زيف وخداع ومش لازم تكون علاقتى عليه قوية لكن اللى حصل غير كده اتعلقت بكل الناس اللى عرفتهم من على النت وبقيت حياتى كلها مرتبطة بيهم كلامى كله عليهم فلان قال وعلان عمل وفلانة حصلها كذا وكذا.

*
*
*

وتعلقى زاد اكتر بالمدونين حسيت انهم قريبين منى قوى يمكن هما شايفين روحى الحقيقية بقيوا شئ مهم فى حياتى بفرح جدا لما اشوف تعليقاتكم وبزعل جداااااا لما يغيب عن المدونة صديق او صديقة اعرفها بخاف جداااا لما حد يغيب وافضل اسال طيب هما روحوا فين وغابوا ليه ويمكن من المرات اللى اعصابى تعبت فيها لما غاب ثندر اللى بجد اكتر من اخ ومقلش لحد غايب ليه وفين ساعتها رجعلتى تانى فكرة الفراق اللى بتسيطر على عقلى باستمرار لقيته بيقولى فوقى بلاش تتعلقى بعالم وهمى كل حاجة ومصيرها لفراق وخصوصا انى عارفة ظروفى كويس قوى وعارفة انى هيجى يوم ومش هقدر اتواصل تانى مع كل الناس اللى حبتها وعرفتهم ظروفى اللى خنقتنى زمان ولسه بتخنقنى لغاية دلوقتى ومش عارفة هتخنقنى لامتى تانى .

*
*
*

انا بهرب من حاجات كتير فى حياتى بتخنقنى للنت علشان احس بشوية حرية وشوية لاحترام ذاتى وكيانى وانى الاقى ناس بتهتم بيا لكن لاقتنى شغلتكم باكتئابى وهمى وحزنى وبدل ما اكون صريحة فى كل كلامى بقيت غامضة ومش واضحة وبدل ما اقرب ببعد وابعد وابعد .

*
*
*

فى جملة قريتها بتقول ان الفقد علمنى محبش حد
دكتورة ستيتة ودكتورة مروة قالولى لو هتموتى بكرة صارحى اللى بتحبيهم بحبك تصوروا انى لما فكرت لقيت انى من كتر خوفى من الفراق والفقد بقيت مش بحب قوى ولا عايزة اتعلق بحد , لكن الحقيقة انى حبتكم واتعلقت بيكم واتمنيت كتير انى كنت اعرفكم على الحقيقة بكون حزينة جدا لما اسمع عن لقاء مدونين وانا مش قادرة احضر لما بتعملوا لقاءات خيرية وانا مش قادرة اشارك لما بتكونوا عارفين مناسبات الحلوة والحزينة وبتهنوا وبتواسوا بعض وانا مش قادرة لانى عايشة فى اخر بلاد المسلمين .

*
*
*
علاقاتكم ببعض بتتقرب وانا قررت ابعد لانى اعصابى تعبت ومبقتش مستحملة احساس انى كل يوم بزداد تعلق بيكم وفى نفس الوقت مش قادرة احتى اشوفكم ولو مرة واحدة وجها لوجهه.

*
*
*

حتى دكتورة علا لما اتكملت معايا وقالت لازم نتقابل خفت وحسيت انها لو شافتنى على الحقيقة الصورة اللى كانت رسمها لايوشة هتتهز واول كلمة هتقولها مش انتى ايوشة اللى اعرفها

*
*
*

عادل انت قولت انى جبانة ودى حقيقة واجبن خلق الله كلهم كمان ميمى قولتلى انى مغرورة بس هو مش غرور اكتر من خوف وانطواء زمان لما كنت بفكر اصدقائى فى المدوسة مش حابين يصاحبونى كنت باخد ديسك لواحدى فى اخر الفصل اقعد فيه ومش بتكلم مع حد مع انى بكون نفسى هموت انى ابقى فى وسط شلة البنات اللى جنبى بس بخاف انى اخد الخطوة واروح اتكلم احسن يحرجونى وكنت بقول خلينى كده لغاية ما يجوا هما ويكلمونى وفعلا جات واحدة كلمتنى بس قالتلى نفس كلمتك انتى مغرورة علشان مش بتكلمى حد ولا بتصاحبى حد فينا مبررتش موقفى ولا شرحت اسبابى اكتفيت انى اسكت .

*
*
*

الحقيقة انا بحب اخد خطوة الفراق قبل ما الخطوة تيجى غصب عنى انا مش بحب اكون لواحدى بحب دايما احس ان حواليا ناس كتير حواليا باى شكل بس مش بحب يقربوا قوى ولا بحب علاقاتى بالناس تكون جامدة وعلاقات قوية
اصحابى فى الجامعة حاولت ابعد عنهم فى اخر سنة علشان لما يجى وقت ونفترق مش اتاثر او ازعل وبدل ما استغل كل فرصة انى اقرب منهم واستغل كل لحظة كنت بفكر فى لحظة الفراق وبقيت ببعد بالتدريج
دى حالتى دلوقتى انا اتعودت عليكم وحبيتكم مع انى معرفكمش شخصيا واتعلقت بيكم حياتى كلها دلوقتى بقيت متعلقة بيكم ولانى عارفة وواثقة ان هيجى يوم مش هقدر استمر وهقولك سلام وظروفى هتكون اقوى منى وهتجبرنى ابطل تدوين وانسى النت نهائى ويوميها مش هقدر استحمل بجد لان هيبقى كل حاجة حبيتها واتعلقت بيها ضاعت منى .

*
*
*

كان الحل انى مش اتعود عليكم ولا على وجدكم فى حياتى باستمرار وبقيت ببعد اقفل المدونة اتعمد انى مش ازور المدونات اللى متعودة ازورها علاقاتى بقيت محدودة وتعليقاتى بقيت سخيفة وبايخة وبقيت برد بشكل الالى مفيهوش روح بقيت اغيب من على الايميل ومش بفتحه وايام قفلت الموبايل وقولت ده الحل علشان متعودتش على وجودكم وقولت هقدر ابعد بسهولة بعدها لكن مقدرتش ومش قادرة ابعد ورجعت تانى بس بعد ما خسرت ناس كتير بحبها وبعزها
ساعدونى اتغير للاحسن ساعدونى انى مخفش من انى احبكم ولا اتعلق بيكم



هناك 41 تعليقًا:

  1. السلام عليكم ورحمة الله وبركاتة
    كيف حالك حبيبتى؟
    والله بجد وحشتينى جداااااااااا
    وبجد انا زعلانة اوى من اللى مكتوب دا
    بس انا حاسة انك لو اتجهتى ومليتى حياتك بحب الله صدقينى هتتغيرى جدا
    وعلى فكرة اللى انت فية دا
    معناة ان حياتك فاضية خالص
    طب دا لو انت بتخافى من الفراق اوى كدا
    دا نت كدا مش هتتزوجى
    ولو تزوجتى هتخافى ان ربنا يرزقك باطفال

    الدنيا مش كلها فراق وبس
    انا فرقت امى رحمت الله عليها
    وانت لا تعلمين من هى امى بالنسبة الى
    بس ماما مازالت تعيش معى فى تصرفاتى وحبى لسلمى ابنتى
    صدقينى الفراق وحش بس العيش بدون حب الناس ليا وحبى لهم اوحش
    انا ربنا عوضنى بسلمى وزوجى عن امى
    مقولتش انهم ملو الفراغ العاطفى كلة بتاع ماما بس على الاقل ملو جزء كبير منة
    وبعدين انتت لما بتفرقى بتفرقى
    علشان تلتقوا فى الجنة التى لا يوجد بها فراق ولا موت ولا اى حاجة وحشة
    وبعدين الدنيا دى دار الابتلاء
    اما الجنة فدار البقاء والراحة
    حولى تقربى وتحبى كل البنات اللى حوليكِ وقربى منهم اكتر واكتر
    وصدقينى انك هتعيشى سعيدة اكتر لو حبيت ربك اكطتر من الكل
    واتكلمى مع رنا وهو القادر على حل كل الازمات
    ربنا ييسرلك كل الخير حبيبتى

    ردحذف
  2. نسيت اقول
    هااااااااااااااااااااااااااااا
    انا اول تعليق

    ردحذف
  3. اولا انا عاوز اقولك جميل اوى انك تطلعى الى جواكى وتلاقى حد يسمعك

    اما ثانيا
    هقولك كلمتين على رائى عم احمد فوائد نجم كلمتين هما يدوبك كلمتين

    من منا لم يفارق من منا لم يجرحة الفراق
    اتعلمى حين اودع مدونتى باليل
    اشتاق لها قبل ان تلمس رائسى وسادتى

    اتعلمين لماذا

    لانى تعلمت من الحياة ان شوق بعد الفراق لابد من ان يطفئه اللقاء

    طبعا انا قولت مدونتى بس هى فى القصيدة مش مدونتى
    مع فائق احترامى

    ردحذف
  4. السلام عليكم
    إممممممممممم
    مش لاقى كلام أقوله
    أولا مش شايف ابدا انك جبانة ولا شايف انك مغرورة
    وبالنسبة لموضوع التعلق ده خديه ابسط من كده شوية
    مثلا
    اعملى لنفسك نظام على المدونة يعنى اكتبى كل فترة كبيرة شوية
    وتابعى المدونات بشكل اقل الشوية بحيث تكون فيه ايام راحة نهائية من جميع المدونات
    بالنسبة لاصحابك على ارض الواقع
    مش سهل ابدا ان الواحد يلاقى اصحاب بنفس تفكيره ويرتاح معاهم
    واذا لقيتيهم اوعى تفرطى فيهم
    واذا فرطى فيهم بسهولة هتلاقى اللى يفرط فيكى بسهولة برضه
    ومفيش مبرر ابدا انك تبعدى عن اصحابك
    وبرضه مينفعش حياتكم تتداخل بشكل كبير اوى كل شىء فى حدود المعقول
    واجمل شىء انه يكون الرابط ما بينكم هو الحب فى الله ومفيش اى علاقة تانية تجمعكم زى المصلحة والانتفاع والشغل وما الى غير ذلك من علاقات الدنيا

    وربنا ييسرلك الخير دايما

    ردحذف
  5. قراءت كلماتك

    فتوقف تفاعلى مع نفسى

    ردحذف
  6. كأنك بتتكلمى عنى بالضبط
    ربنا يفك ضيقك و همك و تخرجى للحياة
    زى ما انا بحاول كدة
    و بعدين لازم نشوفك فى لقاء اسكندرية
    حاولى مع اهلك
    و ان شاء الله خير

    ردحذف
  7. أيوشة

    اخبارك ايه

    انا لسه مقولتش رايي

    فاهأتبع مبدأ برت بلاس 2 في واحد

    اولا انتي فعلا حالمة جدا جدا

    وماعرفش دي ميزة ولا عيب المهم الدنيا كلها كده لؤى وفراق

    نعرف ناس النهاردة

    والزمن يفرقنا عنهم بكرة

    نحب ناس النهاردة

    وبكرة ولا كاننا كان بينا وبينهم حب

    ظروف الحياة واختلاف العقول واختلاف النفوس بيخلي كل دا طبيعي

    والله سبحانه وتعالى بينعم علينا بنعمة النسيان

    فلا تعيشي في قصر من الخوف مليء بالاشباح

    هربا من بيت صغير مليء بالدفئ والحنان

    تحياتي

    ردحذف
  8. ربنا معاكى هو احن من اى حد بالدنيا
    مش تلجأى غير لله بس
    مش هقدر اقولك غير كده

    ردحذف
  9. صباح الخير

    أنا زمان كنت زيك كدا

    على طول لوحدى


    اللى عايز يقربلى يقربلى

    وببقى واثق انه هيفارقنى

    دا لانى اتعرضت لموقف صعب اوى فى الفراق وشفت الامرين بسببه لحد دلوقتى فى وفاة والدى

    فبقيت لوحدى

    بحس انى لوحدى

    حتى لو سافرت لو روحت اى مكان
    برده بحس انى لوحدى

    حتى لو فى وسط اعز اصحابى

    باخد جمب واقعد ساكت واصمت وكأن المكان فاضى

    اينعم أنا بفضل الهدوء والصمت

    بس خلاص خرجت من الوحدة لما ابتديت اعرف معنى اللمة والصحاب

    وبدات اخرج من اللى انا فيه

    دا لانى كنت بقعد اليوم كله لوحدى

    ظروف الشغل بالاضافة لان مفيش اصحاب بجد حواليه

    عالعموم انسى اللى انتى فيه

    قربى وتعارفى بالناس

    ابتسمى للحياة

    خليكى اسعد

    ما هوا طبيعى هنتفارق

    فهوا عشان هنتفارق فى يوم يبقى منعرفش حد ؟؟؟؟

    مينفعش

    لازم يكون لك صداقات

    وحتى لو كنتى فى اخر بلاد المسلمين

    بس لازم يكون لك صداقات

    مع مدونين وغير مدونين

    ربنا يحفظك ويعزك

    تحياتى

    شاب فقرى

    ردحذف
  10. كنت هاعملك قصة
    بس سابقني (شاب فقري)

    لانه كان فعلا زيك في حكاية التدوين دي
    علي يــــــدي

    بالنوسبة للفراق
    مين قالك انت لما متتكلميش حد مش هتفرق حد قريب برضه ؟؟!!!!!

    ده مش منطق

    بصي يابنتي
    في حاجات هتحصل هتحصل مش هيفيدك ابدا انك تخلي بالك منها او تحاولي تهربي منها ابدا

    يبقي فكك من الحاجات دي و عيشي حياتك بس

    اتعرفي علي ناس و لو حد فارقك اكيد ليه سبب ....زي ما انتي بتختفي كده
    ولا ايه ؟؟؟

    ردحذف
  11. امممممممممممم شوفى ياجميله,اولا عاوزه اطبطب عليكى واقولك ارمى اللى انتى شيلاه دا كله....
    ثانيا:
    انا مش شايفه ان اى حد يحكم على شخصيتى ولا يقولى انتى كذا وكذا لانى ببساطه انا عارفه نفسى دا غير ان مفيش حد هيعرفك كويس غير اذا احتك بيكى وكان فى بينكو مواقف يقدر يحكم عليكى منها انا شخصيا كش بحكم خالص على الناس بسرعه لازم يكون فى مواقف بناءا عليها نعرف دى مين,,فسيبك من انك تحكمى على حد من النت او حد يحكم عليكى,وسيبك من انك خايفه تشوفى حد يقولى اص دى مش ايوشه؟!!!!
    مهما كنتى مختلفه عن البلوج بس اكيد فيه حاجه منك,قولى انا اهو واللى يتقبلنى زى ما انا كان بيها بعيوبى قبل مميزاتى كمان...

    ثالثا:
    يعنى ايه بتخافى من الفراق؟؟؟؟يعنى ايه خايفه اصاحب حد اصلى هبعد عنه,,,على اضعف الايمان هقولك عيشى اللحظه ليه بتدورى على النكد انتى دلوقتى مبسوطه مع فلانه انكو اصحاب ليه تفكرى فى الوحش مش يمكن تقدروا لازقين فى بعض..
    طب اقولك حاجه انا من المنصوره صح اعز صاحبه ليا من بورسعيد والتانيه من كفر الشيخ:) وتخيلى كنا طول سنين الجامعه مش بنفارق بعض ثانيه بحكم اننا سكن مغتربات يعنى نصحى الاقى واحده فى سريرها قصادى وواحده سريرها جمبى فى اكتر من كده؟؟؟
    ولما خلصنا وكل واحده راحت بيتها وبلدها مكنش فى فراق بس فى وعد بلقاء:)
    ولحد دلوقتى بنتقابل حتى وان كان على فترات متباعده..بنكلم بعض لاااازم فى المناسبات ونكلم بعض نطمن على بعض ولو فى مشكله تلاقينى ظهرنا ووقفنا جمب بعض.....
    بلاش تحسبيها كده,فكرى انه حتى لو فى فراق عيشت لحظات جميله كنتى مبسوطه فيها من قلبك.فكرى لما يوحشوكى فى ذكريات تفتكريها وتضحكى وتحكى عنها...

    ادى كومنت اد البوست كله,,,غير النضاره اللى انتى لابساها وهتشوف الامور من منظور مختلف..

    ردحذف
  12. السلام عليكم ورحمة الله وبركاتة
    ياريت تساعدينى فى حملتى "مدونتك هتنقذ طفللك"وهى فكرة بسيطة بس ان شاء الله خيرها كبير وانا عارف ان الى بيحترموكى ويقدروكى كتير فياريت تشاركينى

    وكل الى يحب فى الحملة دى ومش هتاخد غير دقيقة واحدة وعن فكرتها وكل حاجة عنها فى اللينك دة ورجاء تدخلى وتشفيها امانة وجزاكى الله خيرا والمسلمين

    .http://rasoulallah1.blogspot.com/2009/09/blog-post_23.html

    ردحذف
  13. ياااااااااااااااه يا ايوشه .... كل ده

    انا برضه كنت بخاف اتعلق بحد ...... بس كان علشان ما اتجرحش من الخيانه ..... بس بختار بعنايه موش ببعد اوي

    وليه حاسه انك هتبعدي ...... احنا لازقين فيكي وموش هنسيبك :)

    اتمنى انك بجد تسيبي مشاعرك ... والفراق جزء من العلاقات .... لكن موش كل العلاقات بتنتهي بالفراق

    زعلانه برضه منك :( .... بطلي دكتوره مروه دي ارجوكي

    تحياتي

    ردحذف
  14. اولا انا معنديش ولا اى كلمة اعتراض على اى كلمة من كلامك لان مفيش حد فينا مش مر بالظروف دى ، كلنا تقريبا كده كل ما نفكر اننا نقدر نبعد بنتصدم بالواقع اللى هو صعب ، انا حاولت اعملها مرة لامة لاقيت ناس قريبة منى اوى اختفت وناس بتبعد ، كان صعب اكمل من غيرهم لانى ارتبط بيهم ، كلنا ارتبطنا ببعض وصعب اننا نفكر نبعد ده من جانب من جانب تانى الحياة فى حد ذاتها بنقابل ونفارق هتخافى من الفراق يبقى مش هتعرفى حد خالص وهيجىء عليكى يوم كلامك ده هيتحول لحقيقة ،، هو دلوقتى فى الوقت ده واحنا كلنا جنبك مش حقيقى ده مجرد احساس منك انما لامة تعدى هتحسى به بجد ، انتى قلتى ان كلامك مش مهم لحد ، طب فاكرة القصة بتاعت القمامة اللى اخدتى فيها مركز اول فى مسابقة د عرفة مش دى دليل على انك جواكى حاجات جميلة بس انتى اللى متوهمة انك مش كده لو كلامك زى ما بتقولى كانت الناس دى جت و ردت عليكى طيب شوفى كده مدونة طهر قلبك بتقولك ايه كمان وانتى تتاكدى انك باتكلم من حاجة ملموسة ، يمكن اكون خرجت عن مضمون البوست كله بس انا باقول اللى حاسس به خرجت من المضمون او لسة فيه مش فارقة المهم انك مش تبعدى بالشكل ده لانك بجد حد كويس ،، وباقول كفاية كده دلوقتى ونكمل بعدين

    ردحذف
  15. بصي يا أش

    أنا عرفت ان البوست اللي فات مش لعبة وقريت اللي بين السطور

    علشان عارفاكي من فترة ومتابعاكي

    مش بلاقي عدك كلام أي كلام

    وكت عارفة أن كل اصحاب مدونتك هيجملّوا الكلام ..ومش هتلاقي اللي يستفذك بيه

    فضلت أدور أكتب إيه أكتب إيه؟

    جت في بالي كلمة مغرورة ... علشان مرة حسيتها منك في تعليق عندي

    المهم أنا عرفت أستفذك وسبت لك أمارة

    ( علشان تبقي أختي وصاحبتي )

    علي فكرة ده مش ردع لتهمة بكلمة قلتها

    لأ ... انا عارفة كويس جدا أنا قلت إيه بس حبيت تعرفي أنا قلت كده ليه

    بصي بقي ...

    تعرفي تعيشي الحباه بحلوها ومرها؟
    تعرفي تسيبي الفراق وتنسيه ولما ييجي تستحمليه؟

    ويمكن تكون المدونة سبب في خروجك من الحالة اللي متوهمه إنها عندك

    سامحيني لو كنت ضايقتك ... انتي اختي أش وأول حد عرفته في التدوين

    ردحذف
  16. يااااااااااااااااه يا ايوشة.....


    كل دا؟؟؟؟!!!!

    حسيتك بجد رافضة الوضع دا ،

    و عاوزة تتغيرى للأحسن


    و أنا هأتكلم معاكى بجد و هأقولك

    ردحذف
  17. أني اقول لك اتغيري
    يبقى كلام ابن عم حديث
    بس لو حطيتي جواك اللي انا حطيته
    اعيش اليوم بيومه واشوف قد ايه هو جميل
    الله انا في صحة وواكلة ومأنتخة وبكامل وعيي
    الله ايه الجمال ده .. الجو بديع والتراب قليل والتلوث مفيش
    هههههههههههههههههههههههه
    ايه يعني افارق حد حبيته ومحبنيش كفاية؟
    ايه يعني حد بموت فيه يموت؟
    ما أنا وانت وكلنا قبل ما نغمض عين ونفتح التانية ها نلحق بأحبابنا
    هي الدنيا بتقف؟
    افقد حبيب وأكسب عشرة واعيش يومي وان شاء الله على ما أجي أفلسع ها ألاقي نفسي الحياة "اللي بخاف منها ومن فصولها"عشتها قوي
    والآخرة فيها حبايبي قوي
    واللي ماحفظش علي وعلى صداقتي وحبي في داهية قوي
    ودمتم

    ردحذف
  18. عارفة يا ايوشة ...

    أنا كنت كدا و أنا صغيرة ،
    يمكن لأنى ماكنتش مؤمنة بمعنى الصداقة ...

    كنت باشوف البنات صحباتى فى المدرسة حتى من صغرهم والله معرفة مصلحة

    و كان ليا زميلات بيضحكوا على بعض و يعملوا مقالب فى بعض ( طبعا هو السبب مختلف شوية )

    كرهت إنى أتعلق بحد
    ماكنتش بأتكلم مع حد و لا اصاحب حد الصحوبية اللى هى

    اه كنت بآخد و أدى ، بس بدون تعلق بحد

    و فضلت كدا لحد الجامعة ،
    ماليش صديقة مقربة

    بس بعد كدا اتعرفت على بنتين زميلاتى ، بجد معاهم عرفت معنى صحوبية ...

    كمان لما عرفت فى الاسلام الحقوق اللى ليا و اللى عليا

    عرفت ان بابا و ماما لازم يكونوا اصحابى
    بعد ما كنت مش باحكى معاهم خالص
    بئيت أشاركهم كتير من افكارى ، و هما كمان بئوا ياخدوا رأيى فى كل مشكلة

    صحباتى ، بئيت أدخل فى حياتهم ، مش أكون على الهامش ... بس يعنى مش غصب

    بس يكون ليا تأثير فى حياتهم




    مرة قعدت مع نفسى يا أيوشة ، و تخيلت موقفك دا ... بعد فقد انسان عزيز
    - أصل أنا بأعيش نفسى أحاسيس كتير و اشوف ردة فعلى ، عشان أشوفنى هأتصرف صح و لا غلط ، ولو غلط أصلح ردة فعلى دى -

    لقيتنى فعلا هأبعد عن كل الناس ، صحيح هآخد و أدى بس هأقفل على مشاعرى خالص و زى ما قلتى هأبئا آله بس ...

    هأخاف أقرب لأحسن أفارق ...

    لقيتنى هأخسر ناس كتير أوى
    لأنهم مش هيفهموا قصدى من بعدهم
    مش هيفهموا انى بأبعد خوفا عليا و عليهم


    لقيتنى هأخسر آدميتى انا ، و احساسى بالحياة
    مفيش حاجة بتسعدنى ، و لا حاجة بتفرحنى
    الدنيا عندى لون واحد
    مهما تغيرت و اتقلبت ... هى لون واحد فمش فارق معايا حاجة

    هأعيش ميتة وسط البشر


    قلت لا ، دا مش اسلوب حياة ، رسول الله صل الله عليه و سلم فقد أبوه ، و فقد أمه .... و مع ذلك ربنا اصطفاه للرسالة

    فقد عمه و خديجة ، و كان لسه العداء على أشده ... ماسبش الرسالة ، و قعد يبكى فراقهم

    و مش تقولى دا رسول و أنا مش رسول ، لا يا أيوشة ، ربنا بعته بشر عشان نتعلم منه

    صدقينى يا أيوشة القلب الحى ، هو القلب اللى بينبض بنبض القلوب اللى حواليه


    أنا عارفة انى هأفارق
    فليه أضيع على نفسى سعادة مع الناس اللى بأحبها

    لو فارقتهم هتفضل معايا ذكرياتهم تعيشنى نفس الاحساس لما كنت معاهم

    ولو كنت أنا المفارقة ، هأسيب لهم ذكرى حلوة يفتكرونى بيها

    بدل مانا عايشة و مش عايشة ، و لا اللى حواليا حاسين بيا
    بل بالعكس يمكن مسببة لهم حزن أو زعلانين منى


    بدل ما تعيشى نفسك لحظة الفراق قبل ما تيجى و تقضى وقت كان ممكن تستغليه فى سعادة و فرح ...تقضيه حزن و نكد عشان احتمال تفارقى

    لا ... شوفى لو فعلا فارقتى الانسان دا ، نفسك الذكرى اللى تفتكريه بيها ايه ، و عيشيها معاه

    مش يمكن مش تتفارقوا
    و تفضلوا دايما سوا ؟؟؟

    يبئا استغليتى الوقت صح


    معلش يا ايوشة طولت عليكى اوى

    بس انا كلمتك باللى فى نفسى ، لأنك غالية عليا

    و محبش ابدا أشوفك كدا



    يارب مش أكون تقيلة عليكى
    و يارب تكونى أحسن و تطلعى من كلامى بحاجة

    دمتى بكل الود يا جميلة :)

    ردحذف
  19. كلالمشاعر والاحاسيس المخنلطه واليى عبرتى عنها واليى مغلفها الخوف

    بتقول انك انسانه جميله من جوه وطيوبه ومعطائه وبتحبى بصدق

    وده وكل ده كفيل انه يخلينا نححبك اكتر ونحاول نخلقلك العذر فى اى بعد

    ردحذف
  20. بصرة
    كأنك تتحدثين عني

    ردحذف
  21. السلام عليكم

    ايوشه


    ازيك يا جميل

    مكنتش موجوده انا فى البوست اللى فات


    بس مش عارفه اقولك ايه

    بصى

    انتى متتغيريش

    لانك كده احسن بصراحه ودى مش ازمه ولا مشكله


    بس عاملى كل حد بالمعامله اللى يستحقها


    سواء كده او كده


    والفراق ده شىء مكتوب


    مش بايدنا بس مكتوب علينا وممكن نواجهه فى اى وقت


    فانتى مش تازمى الموضوع اوى كده

    وسيبيها لله

    ردحذف
  22. كل سنه وانتى طيبه
    متقوليش ليه

    ردحذف
  23. السلام عليكم يايوشه

    كلامك فعلا اثر جوايا اووووووي

    لانه تقريبا عندك نفس الصراع والتفكير اللي جوايا

    بس البعد عن الناس مش هوا الحل


    سيبي الحياه تمشي زي ما هي

    بلاش نبعد قبل الاوان

    ربنا يارب يقدرلك الخير ويوفقك دايما في حياتك

    ردحذف
  24. ايه بصى يا حبيبتى الدنيا دى سنتها لقاء وفراق بنقابل ناس ونفارق ناس لان بقائنا على حال واحد دا امر مستحيل انتى فرقتى ناس اتوجعتى صحيح ذى ما انا اتوجعت لفراق ناس كتير من اعز اصدقائى فى حياتى لظروف شغل لظروف سفر او حتى جواز ما متناش لسه عايشين عشان لسه هنقابل ناس تانين وهى دى حياتنا النت ممكن واحد من اصحابك يفارق او يسيبه لكن فى مليون واحده بتحبك ولسه صاحبتك فكرى فى اللى جنبك انسى عقده الفراق اللى مخلياكى تهربى من الدنيا وبعدين ايه يعنى ما شفتيش المدونين ما انا من القاهره ويمكن ما شفتش اتنين تلاته من كل الناس اللى اعرفها فى التدوين بسبب ظروف شغلى لكن بحبهم كلهم وبتعايش مع الوضع ايا كان شفتهم ولا لا عيشى الحياه والواقع وتعايشى معاه وبطلى تحملى نفسك فوق طاقتها وتعملى حساب حاجات ما لهاش وجود غير فى خيالك محتاجينك ومستنينك فى وسطينا اخت وصديقه وحبيبه

    ردحذف
  25. بجد كلامك مؤثر ومحزن جدا بس هقولك حاجه بسيطه لو انتى خايفه كده من الفراق ابسط حاجه هقولك نبعد عن ابونا وامنا علشان احسن يفارقونا
    وللعلم مش انتى لوحدك اللى بتخافى من الفراق انا واحده من الناس بترعب منه مش بخاف
    بس صدقينى طول ماايمانك بربنا قوى كل ماهتزدادى ايمان وصبر على اى بلاء
    فحاولى تقربى من ربنا وتدعيه انه يهديلك قلبك ويحبب فيكى خلقه لانها بجد نعمه كبيره جدا ميعرفش قيمتها غير اللى الناس مش بتحبه
    فاحمدى ربنا على حب الناس ليكى واستغلى النعمه دى

    ردحذف
  26. كلامك مليان ليه ياس كدا

    عادى خدى الامور ببساطه

    احنا كمان بنحبك وعاوزينك دايما معانا

    مش تخافى

    شيلى الخوف من جواكى


    كمان مش تتعلقى بالنت كتير لانه فى الاصل اكبر غلط

    خلى حياتك طبيعيه

    بين اصحابك هنا وبره النت

    اكسرى حاله الملل اللى جواكى

    قربنى من ربنا علشان يطمن قلبك ويشيل من جواكى الخوف

    خلى بالك من نفسك وفكرى كويس ان ربنا ادانا الحياه علشان

    نعشها فى طاعه وعباده وبين اهل واصدقاء وناس نحبهم

    مش علشان نخاف اننا نحبهم ونتعلق بيهم مش تعقدى الدنيا قدامك علشان تقدرى تستمرى وتعيشى

    اتمنالك احلى حياه

    حنين

    ردحذف
  27. ازيك يا ايوشه

    انا معرفتش العب معاكي اللعبه دي

    يمكن عشان كده معلقتش

    لكن خوفك وكونك قافله علي نفسك ده مش هيمنع الفراق اللي بتخافي منه

    ما منع حذر من قدر

    ما تقفليش علي نفسك

    وما تفكريش في الفراق

    ده عمره ما كان منطق

    انا يمكن حد انطوائي جدااا

    بس اصحابي اللي قربت منهم

    بحبهم جدااااااا

    ومع ذلك سافرت وسبتهم

    بس لسه بحبهم وبيحبوني

    ولسه زكرياتنا مع بعض محفوره جوايا

    صحيح لما بنكبر مشاغل الحياه بتاخدنا شويه من بعض

    بنبعد

    لكنم مشاعرنا زي ما هي

    وزلما بنتقابل

    بنحس اننا زي ما احنا

    اصحاب بتروح واصحاب بتيجي والحياه بتمشي

    انطلقي يا ايوشه

    واعلني عن لقاء لمدوني الصيعيد

    وغنيلهم هنتجابل تحت النار

    ردحذف
  28. قربي من ربنا اكتر واكتر واكتر ..

    ردحذف
  29. انا كنت شئ وصبحت شئ ثم شئ
    شوف ربنا قادر على كل شئ
    هز الشجر شواشيه وشوشنى قال
    لابد ما يموت شئ علشان يحيى شئ
    تحياتى .

    ردحذف
  30. السلام عليكم ورحمة الله وبركاتة
    ربنا يكرمك يارب والمسلمين ..ودة شكر واجب لازم اقدمة من حملة "مدونتك هتنقذ طفلك".. وجزاكم الله خيرا والمسلمين ودة موضوع الشكر فى اللينك دة ادخل وخد هديتك من هنا :-
    http://rasoulallah1.blogspot.com/

    ردحذف
  31. السلام عليكم ورحمة الله
    بدايةالكلام دة ليكى ولنفسى ولكل واحد هيقراه

    من وجد الله ماذا فقد
    ومن فقد الله ماذا وجد

    ان اصدقائنا واهلنا ومعارفنا ما هم الا بشر مثلنا لا يملكون من امر انفسهم شيئا ولاننا نعيش فى دنيا محدودة لها بداية ونهاية ولان الاخرين هم بشر مثلنا فكلنا محدودين دة حتى النت حددوه :) علشان كدة طبيعى انه علاقاتنا ببعض وبالدنيا طالت ام قصرت فهى محدودة واحنا لازم نامن ونسلم بكدة ومش معنى كدة انك تحددى علاقتك باهلك و صديقاتك لا بالعكس سبيها على طبيعتها هى هتمشى زى ما ربنا يريد فلو استمرت خير وبركة ولو انقطعت علاقتك باى حد لاى سبب ماتزعليش لانك متعرفيش الخير فين ممكن يكون دة افضل ليكى

    ردحذف
  32. تكملة
    عايزة الحقيقة بجد ...الحقيقة هى انه لا انس الا بالله ولا راحة للنفس والروح الا بالقرب منه سبحانه مهما اجتمع من حولنا اصدقاء واهل ومعارف من الممكن ان نشعر بالسعادة لوقت قصير ولكن سنجد دائما بانه هناك شيىء ينقصنا لكى نشعر بالراحة والاطمئنان والسلام مع انفسنا بل هو اهم شيىء فى هذه الحياة
    وهو ان نكون مع الله فى كل وقت بقلبنا و روحنا وعقلنا وكل كياننا

    ياريت تغيرى نظرتك للاخر لان الاخر دة هو كمان زيك عنده مشاكله وعقده وعيوبه خليكى عندك ثقة بالله وثقى بان امر الله كله خير واطمنى مهما حصل خلى عندك ثقة بنفسك واعرفى كويس ان الصح هو اننا احنا اللى بندى تقديرنا لنفسنا ولذاتنا مش بنستنى من غيرنا ان هو اللى يقدرنا

    ردحذف
  33. تكملة اخيرة وعذرا على الاطالة

    قربى من ربنا وعيشى حياتك على طبيعتها اشغلى وقتك باشياء مفيدة بالعبادة ومساعدة الناس وبالقراءة واتعلمى دايما حاجات جديدة حاولى يكون كل يوم فى حياتك انجاز ولو حاجة صغيرة جدا بس تبقى حاجة تفرحى بيها و تحسى انك انجزتيها ولو حتى تعرفى معلومة جديدة ماكنتيش تعرفيها اتعرفى على صديقات يكونوا ليكى اخوات فى الله مش مجرد صديقات وخلاص اخوات يكونوا ليهم دور فى حياتك تروحوا دروس دين مع بعض و تشاركوا فى انشطة خيرية تاخدوا دايما بايد بعض للخير هتفرق قوى فى حياتك

    دورى عليهم وهتلاقيهم فى المسجد او فى الجمعيات الخيرية زى جمعيات صناع الحياة وغيرها موجودة فى كل حتة فى مصر او حتى على النت هتلاقيهم على المنتديات الاسلامية زى منتدى عمرو خالد ومصطفى حسنى وجمعية رسالة

    وعايز اقوللك افرحى بجد افرحى من كل قلبك انك امسلمة وان الله سبحانه ملك الملوك هو ربك
    ان السعادة كل السعادة هى فى القرب من الله فى ان نكون فى معية الله لانه هو ربنا لا اله لنا غيره هو حبيبنا و طبيبنا هو ارحم بنا من انفسنا لم ولن ينسانا ابدا و عنده تصريف كل امورنا مهما ابتعدنا ومهما عصينا ثم عدنا فتبنا فدعوناه سبحانه لم ولن يردنا خائبين ابدا فهو القريب المجيب السميع العليم العظيم الرحمن الرحيم

    اخر حاجة واحلى حاجة هاقولك عليها اكثرى من الذكر والاستغفار فانهما جنة المؤمن فى هذه الدنيا
    اشتغلى على الاتنين دول دايما فى كل وقت وشوفى حياتك هتتغير ازاى بجدهتحسى بسعادة عمرك ما حسيتى بيها
    اسأل الله لكى التوفيق والسعادة
    وتقبلى مرورى

    ردحذف
  34. جزى الله اخونا طير الفؤاد خيرا على نشره حملة مدونتك هتنقذ طفلك وجزاك ايضا خيرا فقد عرفت الموضوع عن طريقك مدونتك ونقلته الى مدونتى
    فجزاكم الله خيرا جميعاوكل من ينشر الموضوع واستعملنا واياكم فيما يحب ويرضى

    ردحذف
  35. ازيك عاملة اية
    يجزيكى ربنا خير على البوست
    انا معرفتش ادخل اعلق هناك فى البوست التانى

    فى انتظار تشريفك
    مع فاق احترامى

    ردحذف
  36. جزاكى الله كل الخير وربنا يبارك فيكى حبيبتى

    احبك قووووووووووووووووى

    وربنا يجعله بميزان حسانتنا جمعيآ

    ردحذف
  37. أنتي قافلة التعليقات ليه؟

    ردحذف
  38. الردود


    1. شركة تنظيف بالطائف
      شركة تنظيف فلل بالطائف
      شركة تنظيف شقق بالطائف
      شركة تنظيف مجالس بالطائف
      شركة تنظيف واجهات بالطائف
      شركة كشف تسربات المياه بالطائف
      شركة كشف تسربات بالطائف
      شركة عزل خزانات بالطائف
      شركة مكافحة حشرات بالطائف
      شركة رش مبيدات بالطائف
      شركة نقل اثاث بالطائف
      شركة تسليك مجارى بالطائف


      شركة تنظيف بجازان
      شركة تنظيف فلل بجازان
      شركة تنظيف شقق بجازان
      شركة تنظيف مجالس بجازان
      شركة تنظيف واجهات بجازان
      شركة كشف تسربات المياه بجازان
      شركة كشف تسربات بجازان
      شركة عزل خزانات بجازان
      شركة مكافحة حشرات بجازان
      شركة رش مبيدات بجازان
      شركة نقل اثاث بجازان
      شركة تسليك مجارى بجازان


      شركة تنظيف بحائل
      شركة تنظيف فلل بحائل
      شركة تنظيف شقق بحائل
      شركة تنظيف مجالس بحائل
      شركة تنظيف واجهات بحائل
      شركة كشف تسربات المياه بحائل
      شركة كشف تسربات بحائل
      شركة عزل خزانات بحائل
      شركة مكافحة حشرات بحائل
      شركة رش مبيدات بحائل
      شركة نقل اثاث بحائل
      شركة تسليك مجارى بحائل

      حذف
  39. الشركات الرائدة فى ذلك المجال وهى شركة تسليك مجارى بالدمامفهى شركة تمتاز باحدث الالات والماكينات والعربات بالاضافة ان ان الشركة لها عدة فروع وليس فرع واحد وافرع الشركة كالتالى شركة تسليك مجارى بالأحساء وشركة تسليك مجارى بالخبر وايضا ان اكثر الاشياء خطوره على صحة الانسان وخاصة الاطفال هى الحشرات بكل انواعها سواء كانت حشرات زاحفة او حشرات طائرة فهذة الحشرات خطيرة للغاية وتسبب العديد والعديد من الامراض ولذلك يجب مكافحتها وابادتها نهائيا ولذلك لحماية انفسنا وحماية اطفالنا ولاننا نهتم فى المقدمة بصحتكم وراحتكم فنقدم لكم شركة مكافحة حشرات بالدماموفرعها شركة مكافحة حشرات بالخبر فهى شركة تمتاز عن باقى الشركات الاخرى وترفع الشركة دائما شعار لسنا الوحيدون ولكننا الافضل فى مجال مكافحة وابادة الحشرات والتخلص منها نهائيا دون راجعه وذلك لنساعد عملائنا الكرام فى العيس فى حياه هادئة وسعيدة وخالية من الامراض ولان رش المبيدات من اخطر الاشياء التى توثر على الصحة ويلزم لها شركة متخصصة فى انواع المبيدات التى تلزم للقضاء على كل نوع من الحشرات ولذلك قدمنا لكم شركة رش مبيدات الدماموفرعها شركة رش مبيدات بالخبر وان اكثر الحشرات خطوره علي الانسان والتى يلزمها رعاية خاصة عند مكافحتها هى حشرة النمل الابيض فهى حشره يجب ان تكافح قبل بناء المنزل لانها تقوم باكل الاخشاب والخرسات وتعمل على انهيار ودمار المنزل ولذا قدمنا لكم شركات مكافحة النمل الابيض بالدمام وافرعها الاخرى شركة مكافحة النمل الابيض بالاحساء وشركات مكافحة النمل الابيض بالقطيف اما شركة كشف تسربات المياه بالدمام وفرعها شركة كشف تسربات المياه بالخبر تقوم بالكشف على تسربات المياه ومعالجتها فى الحال باحدث الاجهزة والمعدات والادوات بدون تكسير

    ردحذف