السبت، 3 أكتوبر، 2009

تيجى نلعب شوية




دى زى لعبة بيلعبوها على الفيسبوك وانا جبتها هنا لهدف فى دماغى اعتبروها تاج وهيتحل ممكن :))






ممكن توصفونى فى كلمة واحدة ؟؟؟؟
*
*
*
*
*
*
*
*


قولولى حاجة بتحبوها فيا وحاجة تانية بتكرهوها ؟؟؟

*
*
*
*
*
*
*


لو هموت بكرة وفى فرصة تقولولى حاجة هتقولولى ايه ؟؟؟؟؟



هناك 28 تعليقًا:

  1. اواااااااااااااااال

    ردحذف
  2. قشطه
    تانىىىىىىىىىىىىى

    ردحذف
  3. تااااااااااااالت
    بصى بقى
    انا بعلق قبل ما اروح الكليه علطول
    يعنى الدماغ
    صاااااااااااااااحى

    ردحذف
  4. اولا
    اوصفك فى كلمه واحده

    ممممممممممممم

    عسل


    وصفه ببحبها

    عقلك احلو
    ده شويه صفات لوحده

    ولو هتموتى بكره
    هاجى اعضك
    مش هقول حاجه
    يوم ما تفكرى تعلقى عندى
    تموتى بعدها
    هقولك اجليها لحد ما نبقى اصحاب

    ردحذف
  5. خمسه بقى عشان نفنش
    وباى يا ايوشه

    ردحذف
  6. اوصفك بكلمة واحدة
    مترددة

    بحب فيك
    تجديدك
    اكره فيك
    عدم تحديد هدف


    لو ها تموتي بكره "ربنا يبارك في عمرك يارب ويسعد ايامك" ها اقول لك انزلي عيشي النهاردة قوي بلا اي محاذير الا ما يغضب الله فقط
    انزلي
    اشتغلي
    قابلي صحابك الحقيقين مش اللي على النت
    كلي ايس كريم
    ادخلي سينيما
    قولي لحد بتحبيه انك بتحبيه قوي
    وهاتي فستان جديد
    واضحكي من اول دلوقتي بلا توقف
    الضحكة بتعلي النفسية وبعد ما بترسميها بالغصب على وشك بتلاقيها توغلت جوا نفسك وانتشرت وقتلت اي حزن او حد يحاول يحزنك

    شطحت انا؟
    عادي بقى وسماح على الشطحات

    ردحذف
  7. السلام عليكم
    ازيك يارب تكونى بألف خير
    رغم انى ماليش مزاج بس يلا هعطف عليكى وهكمل اللعبة

    ردحذف
  8. اوصفك بكلمة

    لالالالا معلهش انا هقول برحتى أصللى مخنوقة منك قووى محدش يلومنى ولا يعتب عليا
    """"""""""""""""""""""

    في منتها الرقه والحنان
    خفيفة الظل والمرح
    في قلوبنا دائما مهما طال غيابها
    أنتى معنى الصداقه
    حضورك هادئ

    ناجحة ومتجددة دوماً
    """""""""""""""""""""""""
    قولولى حاجة بتحبوها فيا وحاجة تانية بتكرهوها ؟؟؟
    مممممممممممممممممم

    ممممممممممممممممممممممممم

    بصراحة ياأيوشه انا بحبك بجد قووى واكيد انتى عارفة كده كويس وربنا يشهد انتى ايه بالنسبة ليا وبحب اطمن عليكى فى كل وقت وكل ثانيه
    ام الحاجه اللى بكرها فيك أنتى عارفه كويس هى ايه
    ؟؟؟؟؟؟؟؟؟؟؟؟؟؟؟؟؟؟؟؟؟؟؟
    ؟؟؟؟؟؟؟؟؟؟؟؟؟؟؟؟؟؟؟؟؟؟؟
    متزعليش أحنا بنتكلم بصراحه ويمكن صحيح أخدت على خاطرى منك بس عمرى ما ازعل منك وياريت تغيرى من دا لانك جوايا وانتى فاهمة كده كويس
    """""""""""""""""""""""""""""""""

    لو هموت بكرة وفى فرصة تقولولى حاجة هتقولولى ايه
    ممممممممممممممممم

    مممممممممممممممممم
    عاااااااااااااااااا
    عاااااااااااااااااااا
    ايه داااااااااااا
    موت مش بحب الفراق رغم انه مكتوب علينا
    عااااااااااااااااا
    هقولك بجد بس بعد الشر عنك من اى شر وسوءوالاعمار بيد الله
    بحبك قووى وسعيده انى عرفتك ويارب كنتى تفضلى معايا على طول
    وخسرت اخت بمعنى الكلمة
    ربنا يديكى طولت العمر ويكرمك خير يارب
    ولا تشوفى أبدآ لحظة تعب
    وترجعى ايوشه بتاعت زمان اللى الكل بيحبها
    وربنا يطمنى عليكى
    وخدى بالك من نفسك
    لانى حاسه انى شكلك بتودعى يا بت

    هههههههههههههههههههههه
    تحياتى

    ردحذف
  9. لالالالالالالالالالالالالالالالالالالالالالالالا
    ماليش انا فى اللعب ده
    مااعرفش العب انا
    وبعدين انا بقيت راجل مربى اجيال فاضل يعنى ماينفعش اقعد العب واسيب التحضير ومستقبل العيال اللى فى رقبتى ده
    (ربنا يستر عليهم ومايبقاش مستقبلهم مظلم وكله سواد مخطط بكحلى)

    ردحذف
  10. 1- الكلمة اللي اوصفك بيها

    ( عنيدة)

    2- حاجة بحبها فيكي

    ( اجتماعية)

    وحاجة بكرهها فيكي

    ( غرورك )

    3- حاجة هقولهالك لو هتموتي بكرة :

    كان نفسي تعيشي أكتر من كده علشان تبقي أختي وصاحبتي

    ردحذف
  11. اوصفك في كلمه .... البحر .... لو كلمتين تبقي زي البحر :)

    زيه في كل حاجه .... عميقه ومتقلبه وحنينه ..... وزعلك وحش :)..... وشطك موجود ..... بس بدوري عليه برضه :)


    لو بعد الشر بكره يعني .... هقولك صارحي كل اللي بتحبيه بحبك .... ده مهم قوي للي هتفارقيه .... بعد الشر عنك يا جميل

    تحياتي

    ردحذف
  12. ممكن توصفونى فى كلمة واحدة

    قلب منطوى


    قولولى حاجة بتحبوها فيا

    عقلك جميل بس ساعة الصفر ساعة ما

    بتقرب انتى بتخافى ليه

    تقريبا فى اى موقف


    وحاجة تانية بتكرهوها ؟؟؟

    حاولى تخلى قلبك يفكر مع عقلك هتلاقى

    شكل حياتك اتغير ورأى الناس هيكون

    المؤشر اللى تعرفى انتى ماشية صح ولا

    عقلك كان احسن لوحده

    لو هموت بكرة وفى فرصة تقولولى حاجة هتقولولى ايه ؟؟؟؟؟

    بعد الشر عليكى مع انه حق بس مفيش

    حد بيحب الفراق و انا مش هاقول حاجة

    لان حتى الفكرة انا مش متقبلها

    ردحذف
  13. والله انا خايف يكون ده اختبار لينا احنا مش ليكى حاكم الايام دى فى اختبارات نفسية بيعملوها ناس سوس فى علم النفس الواحد ممكن يحلل شخصية من خلال كلام عادى جدا
    ربنا يستر لو كان كلامى ده صح

    ردحذف
  14. اززززيك ياقمراية وحشاني جدا

    الاسئلة صعبة ياختي انا مش هجاوب عليها

    اسئلة الثانوية العامة اسهل

    اصعب اسئلة بالنسبالي اني اقيم اي شخص اعرفه وانا الصراحة معرفكيش اوي :]

    بالنسبة للسؤال الاخير

    بعيد الشر عنك

    هقوولك هتوحشيني اوووي وهدعيلك من كل قلبي انه يكون مثواكي الجنة

    ربنا يسعدك ياقلبي ويطول بعمرك

    دمتي بالف خير

    ردحذف
  15. واحد مش عايز يقول اسمه3 أكتوبر، 2009 2:17 م

    من الاخر الوصف..... دماااااااغ

    حاجة بحبها فيكى :0 اللسعان :)

    وحاجة بكرها برضو اللسعان بس لما بيزيد عن الحد

    اما اقولك ايه قبل ماتموتى هاقولك كلنا لها يعنى انتم السابقون ونحن اللاحقون وبعد ماتموتى هاقول الله يرحمك يا بنتى كنتى جدعة وبنت حلال :)

    بس لو عايزة الجد بقى
    هاقولك مين عارف فعلا ممكن يكون النهاردة اخر يوم فى حياة ناس كتير الله اعلم ميين
    علشان كدةاقولك واقول لنفسى ولكل واحد الحق توب عن كل ذنوبك وكن واثق ان الله غفور رحيم والحق اعمل عمل خير لله ينفعك فى اخرتك

    واخر حاجة اقولك ربنا يكرمك ويحفظك ويوفقك

    ردحذف
  16. ههههههههههههههههههههههه
    لا مش مجاوب اسئلة الثانوية العامة اسهل كتيرر اية الكمين دااا ياهريدىىى
    انت ناوية تضحى بالبشرية ولا اية بت شكل انفلوزنا جايبة تاثير عاكسى عندك
    وماثرة على الوعى واللاوعى كداااااا

    ردحذف
  17. اانا مش هقولك راى هنا علشان لو اتكتب هيقولك الواد دا بيجمال اخته ام بيعاكس وكمان الوحيد اللى فعلا شهادة هتبقى مجروحه انا رغم صدقها والله بس انتى اختى اللدود



    دمتِ يارب بكل حب و ود وفى رعاية وحفظ الله دائمااااااااااا

    ردحذف
  18. ايه يا ايوش الاسئله الصعبه دى
    انا بحبك وخلاص
    واكتر حاجه بحبها فيكى كتابتك
    انتى بتكتبى حلو قوى وبأسلوب رائع..

    و كل اللى اتمناه انك ماتزعليش بسرعه من اى حاجه
    وربنا يمتعك بالصحه وطول العمر السعيد ان شاء الله

    واذا جاء قدرنا غدا
    فاوصى نفسى بالاستغفار

    ردحذف
  19. فى كله واحده
    انتى ايوشه
    احب فيكى التجديد واكره رفض الاكتئاب
    اخر كلمه بقى اقولها هى
    والنبى ممكن دقيقه ممكن دقيقه

    ردحذف
  20. طيب بصى انا لسه معرفتش مدونتك كويس

    لسه يادوب مده صغيرة

    فمش عارفه الصراحه ارد على الاسئله

    بس هاجاوب على سؤال واحد

    هو لو بعد الشر بعد الشر هتموتى

    ربنا يفرحك بشبابك قادر يا كريم

    فهقولك كنت اتمنى اتعرف عليكى اكتر

    ردحذف
  21. الصدق فضيلة تتفوق على اى فضيلة اخرى

    ومن غيرها ميبقاش فى معنى للحياة

    اتمنى انك تكونى بتحبيها

    تحياتى

    شاب فقرى

    ردحذف
  22. ايوسة

    هجاوب

    بس من غير زعل .... انتي عارفة معزتك عندي

    وعارفة اني مدب و صريح و مليش في المجاملات

    جبانة (بشكل اشيك مترددة)

    طيبة / نفش التردد اللي فوق

    هاقولك .... متعمليش حاجة و متغيريش حاجة
    اللي عملتيه في عمرك مش هيغيرة يوم حتي لو عارفة انك هتموتي

    عارفة ليه ؟؟


    كلنا عارفين اننا هنموت و بننسي
    مش انا او انتي اللي هنفتكر لو عارفين ميعادنا برضه

    -------------------
    معلش
    انا للاسف مدب و بزعل الناس
    بس الصراحة مفيش احسن منها

    ردحذف
  23. اوصفك بانك

    طيبه

    صفه بحبها فيكى

    تفكيرك منظم

    لو هتموتى بكره

    ربنا يديكى طوله العمر ربنا مايحرمناش منك ابدااااااااا

    حنين

    ردحذف
  24. ايوووووووووووووشة

    نهارك سعيد يا اختشي

    اسمحيلي اركن التوك توك بتاعي على باب المدونة

    واقول اكتر حاجه بحبها فيكي هي دي .... اه هي دي .... انك بجد حالمة جدا

    وهي نفسها اكتر حاجه بكرها فيكي لان ساعات باحس انك غرقانة لشوشتك في الاحلام وما فيش ارض واقع

    في حاجه انا شوفتها في كلامك بس دي مش كارهها لاني ما تحطتش في خانتها

    لما كنتي بتتكلمي عن الاطفال الصغيرين وخنقتك منهم

    حسيت انك عاملة زي ابلة الناظرة بس والله ضحكت

    اما لو كنتي هاتموتي بكرة فهقولك

    محدش بياخد اكتر من نصيبه تروحي وترجعيلنا بالف سلامة

    البقاء لله


    يارب تقبلي هزاري

    سلام

    ردحذف
  25. الاخت ايوشه
    شاكر زيارتك لمدونة ابني محمد وانا كان نفسي ان مدونة اسيوط بلدي تري النور لكن الايد وحدها ما تصفقش ان اعيس في مدينة اسيوط واستطيع ان اغطي المدونه باخبارها ولكن باقي المراكز نحتاج الي مراسلين لنا فيها من اخواننا المدونين حتي تعم الفائده لكن يبدوا ان الامر صعب لكن بقاء هذه المدونه يذكرني ويحفزني من وقت لا خر لاحياءها والله المستعان

    ردحذف
  26. لعبه يا يوشا

    لعبه ميسمعكيش ابنى كان زمانه شيطت فيكى وفى مدونتك دلوقت

    ردحذف
  27. يووووووووووووه على دى لعبه:) انتى اتعديتى من الفيس بوك:)
    الاسأله صعبه اوى اصلى رخمه ومش بحكم على الناس بسهوله لازمن ادرسك واشوفك واشوف ريأكشناتك على الهوا:)

    السؤال الاخير هقولك اعملى اى حاجه خير تقدرى تقولى ربنا انا عملتها:)

    ردحذف
  28. انتي فعلا زي البحر زي ماوصفتك مروة قلبك كبير وواسع ودي الحاجة اللي بحبها فيكي غامضة ومتقلبة ودي الحاجة اللي مابحبهاش فيكي ولو عرفت انك هاتموتي بكره بعد الشر عنك يعني مش هاقدر اصلا أبصلك
    تحياتي

    ردحذف