الثلاثاء، 29 سبتمبر، 2009

أملى الوحيد



اول مرة هتكلم عنك بصراحة ومن غير خوف او خجل وهتكلم قدام الناس كلها واقول انى بحبك وبحلم بيك وحبى ليك مش حرام ولا اى شرع يقدر يحرمه ولا اى انسان يقدر يجرمه لانه نصيب وقدر وربنا زرعه جوايا ليك من يوم ما اتولدت .... زمان كنت بحلم بيك كل فين وفين , مع الوقت كنت بتيجى لى فى الاحلام كل يوم لما بنام , لكن فى الوقت الحالى انا بحلم بيك فى كل لحظة بتمر عليا هقولك يمكن علشان حسيت ان العمر بيجرى ومحتاجة انك تكون جنبى فى كل لحظة فى حياتى الجاية ....
*
*
*
عارف انا اى حاجة بتفكرنى بيك لو شفت وردة بفكر ان الوردة دى منك لو صدفة اغنية جت فى ودنى بقول انك انت اللى بعتهالى لما بشوف اتنين ماشيين مع بعض بقول ياريت انا وانت نقدر نمشى زيهم كده والناس كلها تحسدنا على حبنا زى ماانا بحسد الناس على حبهم ....
*
*
*
بحبك من قبل ما اعرفك ومن قبل ما اشوفك ومن اقبل مع اعرف ملامحك عارف ليه لانك مرسوم فى بالى وفى خيالى مش عايزاك وسيم اكتر ما عايزاك كريم فى كل حاجة كريم فى طباعك , كريم فى مشاعرك , فى روحك.... كريم معايا ومع غيرى عايزاك الناس تحسدنى عليك ....عارف طيب ان الحسد عندى هيتقلب فى يوم لحقد وحقد وحش كمان علشان انت اتاخرت جدا جدا عارف كمان انى زهقت وانى خايفة العمر يعدى والحب اللى جوه قلبى ليك يموت ببطئ وانى خايفة اللهفة عليك تقل خايفة لما العمر يعدى كلام الحب والعشق على لسانى يموت ...
*
*
*
انا عارفة انى لسه صغيرة والعمر مش هيعدى ولا حاجة بس ده حلم كل بنت وانا بخاف لا دانا بموووووت من الخوف يجى يوم وابقى زى غيرى مستنية اى انسان والسلام يمر الوقت وانسى حلمى ويبقى مجرد سراب وافوق على بيت مفيهوش اى حب ولا حنان ولا مودة ورحمة مفيش فيه غير شوية عيال ومشاكل وهم وغم ....
*
*
*
عايزاك تيجى بسرعة واحنا لسه صغيرين علشان نقدر نعيش الحياة صح قبل ما نعجز ونكركب ونقول احنا كبرنا على لعب العيال وحب المراهقين وانا اوعدك انى هقدملك قلبى وعمرى وحياتى وروحى ليك مش كفاية عليك دول ولا انت شكلك طماع وعايز اكتر من كده ....
*
*
*
انا حياتى متوقفة عليك مش عايزة اعيش الحياة ولا ادوق طعمها الا معاك انا مش انانية انا عايزاك تشاركنى كل لحظة جاية تشاركنى احلامى وايامى علشان كده مش عايزة ابدء اى خطوة فى حياتى ولا احلامى الا لما تيجى انت فعلا املى الوحيد مش عايزة فى الدنيا دى غيرك انت ....
*
*
*
النصيب هيجمعنا فى يوم من الايام علشان تبقى حبى الاول والاخير ويشهد على الحب ده كل الناس انا قفلت على قلبى ب100 مفتاح وقفل علشان مفيش انسان يقدر يدخله قبل منك متتاخرش بقى ....
*
*
*
عارف من كام يوم البت صاحبتى بعتتلى حاجة بالبلوتوث طلعت اغنية وانا بحاول ابطل اسمع اغانى بس شغلتها وياريتنى ما شغلتها حسيت انها مكتوبة علشانى انا وانت لما تيجى ان شاء الله هخليك تسمعها وطبعا هتقولى الاغانى حرام ما انا عايزاك ملتزم مش اى كلام يعنى وهتشجعنى على انى التزام اكتر بس معلش هقولك المرة دى اسمعها وبعدين انا هسمعك كلامى انا مش كلام حد تانى ....
لمين هعيش
بعده هعيش انا ليه
هتسوى ايه ايامى لو مش ليه
وتسوى ايه احلامى لو مش بيه
من غيره صعب الدنيا ديه احس بيها
وحياتى بعده صعب اتعود عليها
مش كل حب بيتنسى هنحب بعده
ولا كل حاجة حلوة بسهولة نلاقيها
املى الوحيد ومليش امل قبليه
املى الوحيد ومفيش امل بعديه
حياتى ليه وحياتى واقفة عليه
من غيره صعب الدنيا ديه احس بيها
وحياتى بعده صعب اتعود عليها
مش كل حب بيتنسى هنحب بعده
ولا كل حاجة حلوة بسهولة نلاقيها


هناك 132 تعليقًا:

  1. اووووووووول تعليق ليا بقى اوعى حد يفهمنى غلط انا قولت كلام جواه بنات كتير نفسها تقوله ونفسها تعيشه

    ردحذف
  2. مع انى مخنوق ومش طايق نفسى

    بس يلا اول تعليق

    عند عدوة القطط

    ردحذف
  3. حظك بقى يا ايوشة

    وقعتى مع واحد بيفكر يفجر مدونتك

    هتروحى منى فين

    انا هنا لبكرة

    ردحذف
  4. سيتك عملتى عندى احتلال النهاردة

    وسبحان الله فى نفس اليوم

    اسمحى لى افك غلبى عندك هنا

    واغرق مدونتك من البؤس بتاعى

    ردحذف
  5. هنقول ايه تانى

    مفيش كلام تانى الوقت الفجر والناس كلها نايمة يعنى العب براحتى على الاخر وشكلك انتى كمان نايمة وانا والقطط الحمد لله عاملين الواجب وزيادة

    على فكرة انا اول تعليق ماليش دعوة واى اعتراض هيكون فى احتلال تانى غير ده

    ردحذف
  6. استوووووووب عندك احتلال ايه ده اللى عايز تعمله :(

    ردحذف
  7. وبعدين ايه موضوع الخنقة والاكتئاب ده انت جاى تنشر خنقتك هنا ولا ايه لالالا انا مصدقت انى بدات افوق كده واحاول اتغير :)
    ربنا ما يجيب اى اكتئاب ولا خنقة لحد يارب

    ردحذف
  8. طيب اعمل ايه مش عارف اخرج من الصفحة دى كل ما اجىء اخرج عقلى الباطن يدخل على التعليق ويكتب ومش عارف اخرج من هنا

    ممكن تحددى كمية التعليقات المطلوبة هناعشان الواحد مش ياخد كل التعليقات

    ردحذف
  9. انا بقول اقفل الصفحة ورح نام علشان ده موضوع للبنات اصلاااااااااا ^_^

    ردحذف
  10. مش انتى اللى قلتى خرف براحتك

    سيبينى بقى اخرف براحتى

    طيب اعمل ايه يعنى

    افجر نفسى فى وسط مدونتك

    ايه يا اخواتى الكلام ده

    ردحذف
  11. ربنا يفرح قلبك ياآيوشه ويرزقك باللي نفسك فيه قريب يارب ..

    مش لاقيه كلام يتقال بعد كلامك ..

    ربنا يسعدك ويحققلك كل احلامك ..



    بس ايه ياعم الرومانسيكي انت ههههههههههههه

    (( وش بيغمز وبيعاكس ))

    ردحذف
  12. على فكرة انا والله ما اعرف الموضوع بيتكلم عن ايه لسة

    انا جاى من برة مخنوق دخلت على التعليقات على طول بجد يا ايوشة

    انما لو كان خاص بالبنات على طول هانسحب وانا مالى

    بس سيبينى بس افرغ الشحنة المكبوتة جوايا دى احسن افرج عن القطط

    ردحذف
  13. اسماء واحلام فى وجدانى


    احمد روح نام البوست ده مش لازم ينكشف على رجالة ^_^

    ردحذف
  14. ادينى رايح اشوف الموضوع

    بيتكلم عن ايه الظبط

    يلا سلام مؤقت

    ردحذف
  15. شـقـاوة مـراهـقـة


    وربنا يكرمك ياااااااارب ويرزقك كل البنات بالزوج الصالح اللهم امين يارب العالمين ومش رومانسية ولا حاجة احنا يدوب على قدنا يعنى وبث علشان بتكثف :)

    نورتى ياقمر

    ردحذف
  16. اسماء واحلام فى وجدانى

    كل ده ولسه مروحتش تشوف ؟؟؟

    ردحذف
  17. لو سمحتم يا جماعة يا اللى هنا ممكن حد يضربنى على دماغى انا مش مصدق هو انا هنا فى الجنة ولا فى مدونة ايوشة

    لالالالالالالالالالالالالالالالالالالالالالالالالالالالالالالالا

    مش هى دى ايوشة

    والنبى حد يفوقنى

    طيب هيوقى انا مين

    ايــــــــــــــــــــــــــــوشة

    انتى فين

    ردحذف
  18. يعنى بتحبى وقلنا ماشى
    وهتسمعيه اغنية وقلنا ماشى
    ومستنياه وقلنا ماشى

    انما تطلعى البلا الازرق على عينه ليه
    والنبى مش حرام عليكى

    ردحذف
  19. لالالالالالالالالالالالالالالالالالالالالالالالالالالالا



    لالالالالالالالالالالالالالالالالالالالالالالالالا




    لالالالالالالالالالالالالالالالالالالالالالالالالالالالالالالا

    انتى مش ايوشة عدوة القطط انا هاروح بقى اجيب القطط يتعلموا منك الحب القططى بيكون ازاى

    ردحذف
  20. صباحك سكر يا ايوشة

    هو احتلال كدا من اولها يعنى
    احمد بقططه فى كل مكان كدا
    ربنا يقدرنا بقى يا بنتى معليش قلبى معاكى والله

    ردحذف
  21. معلشى يا ايوشة

    واحد فاض به وجاى يفضفض هنا

    اتحملينى شوية

    يعنى مين غيرك هيتحلمنى

    اروح للواد ثندر عشان يخرب بيتى

    الواد يا عينى يفضل يتصل بيا طول النهار وانا قال ايه نايم طب ده مش حرام يرضى مين الكلام ده

    ردحذف
  22. قطط لالالالالالالالالالالالالالالالالالالالالالالالالالالالالالاا انا مش بحب القطط قولت خليهم فى مدونتك ومش يقربوا هنا واعتبر البوست ده تخاريف اخر الليل :)

    ردحذف
  23. اممممم
    دا حالة حب بقى
    لا ومش اى حب و الله
    دا عشق له سحر خاص
    هو انتى وقعتى ولا الهوا ابقى

    ردحذف
  24. yoyo

    عاااااااااا طيب اعمل ايه طيب دلوقتى احتل التعليقات وكمان عايز لسه ثندر يجى بكرة يحتل المدونة اهئ اهئ اهئ

    ردحذف
  25. اسماء واحلام فى وجدانى


    ثندر دلوقتى تلاقيه فى سابع نوووووووومة هههههههه

    ردحذف
  26. yoyo

    يويو مش حب ياقمر ده حالة كل بنت بتتمنى تعشها مع الانسان اللى هيكون زوجها باذن الله لكن انا لسه قوية فى وش الريح مش هقع ابدا هههههههه نورتى ياقمر

    ردحذف
  27. حلمت بيك من قبل ما عينى حتى تشوفك
    حلمت انى اكون بس ليك
    اعيش جنبك وف حضن قلبك
    لانك نصيبى وقدرى
    انت اللى انكتب ليا انى اكون بس ليه

    ردحذف
  28. التعليق ده جد بجد يعنى اه والله جد

    مش هاقولك ان كلامك حلو ولا هاقولك اسلوبك حلو ولا اى شىء من هذا القبيل

    هاقولك انك اول مرة او ده اول بوست تكتبيه بقلبك او من قلبك لانى اتعدو من ايوشة على كتابة العقل لكن كلامك اللى خارج من القلب شايفة اد ايه هو رقيق وجميل والله حسيت فيه بالهدوء رغم ان عقلك كان فى اوقات بيدخل فى النص وكانه داخل عافية
    زى ما قلتى هتطلعى البلا الازرق على عينه ده كلام عقل مليون فى المية

    انما بجد كلام قلبك اكمنه جديد انا شايفه غريب بس يا رب تستمرى بقلبك كده على طول او حتى كل اسبوع مرة واحدة ياااااااااااااااااااارب

    ردحذف
  29. شوفى بقى يا قمر
    بما انها حالة بنوتة هحاول اساعدك كدا ونكمل ممكن تقول ايه تانى

    ردحذف
  30. والله ده حرام جدا

    يويو

    هنقطع على بعض ولا ايه

    هى دى بردة اصول الاحتلال

    بعد اذن ايوشة انا مش هاسكت

    القطط تستعد

    ردحذف
  31. شوفى بقى يا قمر
    بما انها حالة بنوتة هحاول اساعدك كدا ونكمل ممكن تقول ايه تانى
    ربنا يعينك بقى
    احتلال احتلال ولا مفر

    ردحذف
  32. yoyo
    الله يايويو جميلة بجد تسلم ايديكى ياقمر

    ردحذف
  33. احمد
    و الله ايوشة حبيبة الكل
    انا هاحتل بشرف
    ههههههههههه
    من غير اى قطط
    مش تخافى يا ايوشة
    وراكى رجالة تاكل الزلط

    ردحذف
  34. اسماء واحلام فى وجدانى


    احمد انا لسه بعقلى متجننتش ولسه زى ماانا بفكر بعقلى قبل قلبى بس ساعات كده بتحس انك عايز تصرخ تقول خلاص كفاية واعتبر البوست ده مش بيعبر عنى اكتر ما بيعبر عن ناس اعرفهم وقريبين منى وموضوع البلا الازرق ده حقيقى جداااااااا بس هو يجى وهيشوف :)

    ردحذف
  35. اولا كلامك جميل لدرجة السحر وبيلمس القلب لدرجة ان الواحد يحس انة يعرفك
    على فكرة انا مرة اعلق تعليق زى دة
    انا اصلا جى ادعوكى لتشريفى انا بتكلم فى موضع مهم عن الادمان وتجربتى الشخصية معاة وتغلبى علية وسحقة
    مع فائق احترامى
    واعجابى

    ردحذف
  36. جميلة اوىاوىاوى او

    لا لا استنى
    دى تحففففففة

    لا لا

    دى انجااااز

    بصى يابنتى

    ايا كان اللى بتحبيه
    يابخته بيكى
    وياسلام لو قرا الكلام ده
    هتلاقي جايلك ومسلم نمره ^_^

    وصدقينى انا حاسس بكل كلمة بتقوليها
    بجد والله

    وووو بلاش اصرح اكتر من كده بقى ^_^

    ردحذف
  37. عارف
    حبيبتك من قبل ماعينى تشوفك
    حبيبتك بقلبى و عقلى
    حبيبت روحك و همسك
    حبيتك كل حاجة بحبها و تخيلتها فيك
    بس مش عاوزة العمر يعدى وانا لسه مش بين ايدك
    وبرده مش عاوزة استعجل واخسر انى اكون ليك

    ردحذف
  38. عمرو امام

    اسعدنى جدا تعليقك ومرورك نورت المدونة هروح دلوقتى حالا ازور مدونتك واتعرف عليها اكتر مرسيى للمرورك وتعليقك

    ردحذف
  39. اتنين على واحد حــــــــــــــــرام

    ايه مفيش حد هنا غيرى ولا ايه

    تعرفى يا ايوشة جمايلك على القطط بتكتر والله مش عارف من غيرك كنت هاعمل ايه



    تصدقى انا بافكر اهديكى شىء غالى عليا اه فعلا زى ما انتى عارفة قطة ايوة قطة نونو تلعبى بيها وتكبر كده قصاد عينك

    شاورى انتى بس والشحن على يويو

    هى فين يويو

    ردحذف
  40. ليه فسرتي نفسك في اول تعليق؟
    كلامك جميل ومتفسر جدا جدا

    انا فتى احلامي كان اسمه احمد وكنت كل يوم وليلة عايشة معاه
    شخص هلامي بلا ملامح شكلية لكن متشكل تماما في الشخصية

    يالهوي
    يا فضحتي
    كشفت عن مكنونات فتى احلامي
    مش مهم اديني خلفت وغد اسمه احمد
    وهو احلى من اي احلام
    هههههههههههههههههههههههههه

    أهم شيء انك ها تطلعي البلا الأزرق على عيونه وقفاه كمان

    الرجالة بيحبوا القطة اللي بتخربش
    هههههههههههههههههههههههههههه

    ردحذف
  41. Mo7ammed
    ههههههه لا ياعم هو مش حاسس ومش هيحس علشان اصلا مفيش واحد بعينه انا بتكلم بشكل عام على الانسان اللى هيكون من نصيبى باذن الله نورت المدونة

    ردحذف
  42. yoyo

    يويو بجد تسلم ايديكى انا بكون مبسوطة جداااااا وانا بقرا كلامك ياجميل

    ردحذف
  43. اسماء واحلام فى وجدانى

    قطة نونو طيب افكر لو نونو ممكن اهو اربيها واكسب فيها ثواب ولما تكبر اعمل فيها زى بؤلا هههههههههه فاكر بولا ابوه عمل فيه ايه انا بقى هحط القطة جنب المعبد اليهودى :)

    سيب يويو بتبدع مش تشوشر عليها

    ردحذف
  44. عارفة لو اتأخر ....بجد يبقى هو اللى خسران وهيندم .
    تحياتى .....

    ردحذف
  45. يعنى انتى هتخلى القطة زى بؤلا

    طيب حاشر براحتك

    وبعدين اشمعنى يويو تبدع وانا لاء

    ممكن بعد اذنك ابدع فى تعليقين بس

    انا مستنى الاشارة عشان ابدا

    ردحذف
  46. ستيته حسب الله الحمش

    انا قولت يادكتورة افسر علشان مش الناس تفهمنى غلط واحنا صعايدة وفيها قطع رقاب للاسف ^_^

    اهو فتى احلامى بردو هلامى ملهوش ملامح بس لسه ملهوش اسم :)
    ربنا يخليلك احمد احلى احلامك يارب وتكون دايما قرة عينك اللهم امين يارب العالمين
    وموضوع هطلع البلا الازرق على عنيه اطمنى يادكتورة مش محتاجة وصاية ماما بتقول انتى ربنا يكون فى عونك اللى هيجوزك
    نورتى يادكتورة المدونة

    ردحذف
  47. هافضل لامته اتحايل على الصبر
    واقوله اصبر يا صبر
    لسه حبيبى مشواره طويل
    لسه ادامه شهور و سنين
    هو العمر هيستنا
    و لا الدنيا هتقف معانا
    بس اهوا ادينى صابرة
    لما اشوف اخرتها معاك

    ردحذف
  48. well

    وهيبقى ستين خسران كمان :)
    مرسيى للمرورك

    ردحذف
  49. تسلمى ليا يا ايوشة يارب
    انتى اللى بجد ابدعتى
    احمد ايه القر دا

    ردحذف
  50. لما حسيت بحبك جوايا
    عشت الدنيا بس عشانك
    بفكر ازاى ابنى معاك حياتنا
    ازاى هتكون الدنيا دى جنة

    ردحذف
  51. اسماء واحلام فى وجدانى
    ايوة هخلى القطة زى بؤلا هو احسن منها فى ايه وهضربها قلمين كمان وشلوتين زيادة واجب :)

    وابدع انا فى انتظار الابداع ورينى الشغل انت ويويو

    ردحذف
  52. نعم نعم نعم
    هى مين دى
    ايوشة
    مش تخافى ؟!
    انزل كدا ورينى يا ريس
    انا هنا اهوا

    ردحذف
  53. يويو وتسلمى ياقمر يااااااارب ودايما كده منورة المدونة ياجميل

    ردحذف
  54. اييييييييييييييييه

    ده يوم و بيجي لكل البنات و ده حلم جميل جدا خصوصا بعد ما انتي خلتيه فى الاسلوب الحلو الجميل ده

    و بعدين ده كلام من القلب

    بس احساس عاااااااااااااااااااااالي جداااااااااااااااا

    و يا رب تبقي سعيدة ان شاء الله

    ردحذف
  55. الله يخليك منورة بوجودك وكلامك الجميل يارب

    ردحذف
  56. و على فكره انا كمان كنت لسه فاكر الاغنية دى انهارده و كاتبها

    صدفه خير من الف كومنت

    ردحذف
  57. بعد اذن ايوشة نبدا الدويتو




    سيدتى انا الصبر منى قد مل

    لم اجد له دواء ولم اجد له حل

    انا من لهيبى قلبى الحديد قد فَل

    وفى انتظارك دوما على احر من الجمر

    ردحذف
  58. ايه الأحتلال اللى عندك ده من

    اسماء و احلام في وجداني و من يويو

    ردحذف
  59. يا احمد على رأى الست

    للصبر حدود للصبر حدود

    بعد كده في أساليب تانية
    ههههههههههههههه

    ردحذف
  60. ضحكات الحياة

    اه هو حلم كل البنات والاولاد كمان ربنا يكرم كل الناس بيه وتلاقى حب حياتها مرسيى للمرورك ومعلش الاحتلال قدر ومكتوب علينا هعمل ايه :(

    ردحذف
  61. عمرو

    خليكى موجود وهتستفاد والله

    ردحذف
  62. ايوشة القمر
    ربنا يرزقك الفتى الملتزم
    اللى بتتمنيه واللى يستاهل قلب ايوشة فعلا
    ربنا يسعد ايامك ويعجل لك الخير كله
    تحياتى

    ردحذف
  63. عمرو امام

    ماشاء الله مدونتك ممتازة وعجبتنى جدا العزيمة والاصرار اللى عندك ربنا يثبتك يارب بكرة ان شاء الله هيكون ليا زيارة تانية باذن الله

    ردحذف
  64. انا قاعد شوية و مستني

    عايزين نستفيد برده

    ردحذف
  65. هاموت من زمان وأقول نص الكلام ده
    إنتي بجد قلتي كل اللي نفسي أقوله أنا حسيت إن أنا اللي بتكلم

    برافو عليكي ياآيوشة ياقمر وربنا يرزقنا باولاد الحلال

    ردحذف
  66. اسماء واحلام فى وجدانى

    عارف مش عارفة هتصدق ولالا
    انا كنت ناوية ارد على يويو ببعض الابيات كانت بصراحة تقريبا نفس ابياتك سبحان الله هههههههه
    توراد افكار بقى انا هسيبكم بقى تعملوا الدويتو براحتكم البيت بيتكم والمدونة بتعتكم طبعا علشان صلاة الفجر والنووووم عندى مشوار بدرى بكرة

    ردحذف
  67. ايه ده هو آيوشة هنا ياولاد اونلاين
    يافرحة قلبي
    طيب إزيك يا آية ياعسل
    أمووووووووووووووووووووووووه

    ردحذف
  68. بعد اذنك يا ايوشة

    قلت له يا صبر لا تتهاون
    فان قلبى بحبه يمتلئ
    فقد جعلت من الصبر ونيسى
    الى انت تاتى انت و تصبح جليسى
    تعلمنى كيف يكون العشق بجوارك يا نبع الحب الصافى

    ردحذف
  69. من الواضح ان يويو كمان خلعت

    يبقى كده ايوشة خلعت ويويو خلعت

    مش فاضل غيرى انا وانت يا عمر

    ايه رايك هنعمل ايه دلوقتى

    ردحذف
  70. أم مالك

    اللهم امين يارب العالمين ويرزق البنات كلها بالانسان الملتزم والزوج الصالح اللهم امين يارب العالمين
    ربنا يكرمك يارب اسعدنى مرور حضرتك جدا

    ردحذف
  71. ضحكات الحياة

    اقعد وستفيد معانا ماشاء الله اتنين من اقوى الشعراء يويو واحمد

    ردحذف
  72. و الله انا هنا اهوا

    تسلمى يا ايوشة و الله دا كلام كبير
    يارب اكون استحقه

    ردحذف
  73. اانا اعلمك كيف يكون العشق

    والعشق لك عبدا يهوى العبودية

    اانا اعلمك العشق

    وانتى من امتلكتى حروفه الابجدية

    اانا اعلمك العشق

    وانا مازلت بنبضات القلب العفوية

    ردحذف
  74. شوكولاتة

    ازيك ياقمر نورتى المدونة كلها وانتى وحشانى والله معلش عارفة انى مقصرة متزعليش ليكى عليا ازورك بشكولاتة كبييييييرة بس طبعا هاكلها انا ^_^

    الحمد لله ان البوست عجبك وعبر عننا ربنا يكرمنا كلنا باذن الله بالزوج الصالح اللهم امين يارب العالمين

    ردحذف
  75. انت من علمنى كيف يكون اسر الحروف العشقية
    انت من لاجلك تعلمت كل لغات العشق الابدية
    تعال ولا تردد
    فالعشق حبيبى لا يعرف التردد
    اجعلنى اميرتك
    اجعلنى بعشك اتوج اميرة النساء
    اسقنى من كاس حبك الفياض
    فانا حبيبى لم اعد اقوى على الاحتمال

    ردحذف
  76. اتعمل ياقلبى ما الحب فى نظرى
    الحب ليست كلمة عفوية
    الحب اساس البشرية
    بالحب تحيى البشرية
    وبحبك احيا انا
    يامن حبك حرية

    ردحذف
  77. انتى بدونى اميرة النساء

    وانا بدونك ملك التعساء

    طير بلا اجنحة يتمنا معانقة السماء

    قلبا بلا احلام رفيقه الشقاء

    عقلا بلا افكار

    جبل اوشك ان ينهار

    لا اعرف غير اننى بدونك

    قاتل الحب بلا اعذار

    ردحذف
  78. عينيك نورا تضاء به الليالى
    صوتك نسيم تسحرين به فؤادى
    ابتسامتك ترسم بهجة فى نفسى
    و نظرة منك تكفينى طوال حياتى

    ردحذف
  79. هل قلت لك يا رجلا ان وجودك حرية
    انا باتنفس حرية
    فلا تمنعى من ان اتنفاسك
    الا صرت قاتلة فى الهوى
    لا يعرف لها دوا

    ردحذف
  80. يا منيتى و غايتى أناجيكى فى أحلامى

    لا مثيل لكى فأنتى اصل الجمال

    زينة الأرض و مسك الليالى

    تحكمين قلبى دون ارادتى

    و انصاع قلبى لحكمكى متفانى

    ردحذف
  81. انا من دونك قلب بلا نبض
    وطن بلا شعب
    ارض جرادء بلا زرع
    سماء تخلو من ضوء الشمس
    فانا بك حبيبى اكون نبع الهمس

    ردحذف
  82. القيد فى فى حبك اجمل من الحرية

    فقلبك هو لى اجمل امنية

    فكيف تعرفين انى بدونك قلب مجروح

    كيف لا تعرفين انى بدونك طير روحا بلا روح

    كيف اتلكم وكيف ابوح

    فانا العاشق المتيم بحبك

    انا العاشق المجروح

    ردحذف
  83. قلبى غريق يحلم بالنجاة
    مده يديك اليه
    وهب له نبض الحياة
    فانا بحبك ست النساء
    بل بحبك اتوج ملكة فوق الجباه
    نبضات قلبى اصبحت عصاه
    اسمك فقط هوالقادر على منح الشفاء

    ردحذف
  84. أنتظرك مدى الدهر يا أغلى الأمانى

    أيتها الأميرة لا تطيلين عذابى

    و أروى عطش قلبى بحبكى

    فأنتى يا ملكتى سبب نبضى

    و أنتى ايضا سبب تعبى و شقائى

    ردحذف
  85. انت القلب و روح الروح
    استمد جمالى منك
    انت الامر الناهى فى دنيتنى
    اعطنى ما شئت وامنع عنى ما شئت
    فانا بك فقط احتمى

    ( مشاركة رائعة ضحكات الحياة )

    ردحذف
  86. شكرا يا يويو

    ده من بعض ما عندكم

    أحببتك و لا أدرى ما دهانى
    أخذتى منى تفكيرى فى ثوانى
    أرى موج البحر فى عينيكى
    و أغرق فى سحرهما غير مبال بحالى

    ردحذف
  87. كنت مان بحلم الاحلام دى كلها بس دلوقتى خلااااااااص اعتزلتها:)
    تقريبا مشاعرى اصبحت اكسبيرد:)

    ردحذف
  88. لست عاشق مجروح
    ولست كطائر مدبوح
    انت بحبى ملك متوج بين الرجال
    تعلم معى معنى العشق الحلال
    بيت صغير يظله الحب ويلعب بداخله اطفال







    وكفاية كده بصراحة انتم استفزتنى اكتب وانا مش بكتب شعر اصلا الا قليل جدا ولازم اروح انام استمروا انتم بقى واشوفك على خير

    ردحذف
  89. انا سفينتك ولكنى معلق بين الامواج

    انا شراعك الغير قابل للاعواج

    انا بحرك الهادى فى ثورتك

    انا البسة النائمة فى فرحتك

    انا الاسير فى حبك وفى رقتك

    ردحذف
  90. اسيرتك فى العشق
    و حبيبتك فى دنيا الهوى
    لا اعلم من انا
    فانا من لقبت بعشيقتك
    انا من غارت منها بنات الانس و بنات الجن
    فكيف لقلب كقلبك الرقيق انا يهوى انثى تحمل قلبا وليد

    ردحذف
  91. الشعب لابد له من حكومه تشكمه

    ليه بس ياشيمووووو لسه ياجميل الاحلام منتهتش لسه قدامك تحلمى وتحلمى وتحلمى ربنا يكرمك يارب وتحققى حلمك ياقمر

    ردحذف
  92. ضحكات الحياة
    ماشاء الله عليك مشاركات رائعة بجد تسلم ايديك

    ردحذف
  93. حاولت يوما أن اكتب وصفكى

    و أبت الكلمات لكى أن توصفى

    فأنتى ملاكى وزينة الأرض

    مشتاق اليكى اشتياق لا نهائى

    اذا استطعت كتم الهوى فى قلبى

    فان عينى تفضحان اشتياقى و لهفتى

    ردحذف
  94. ايوشة

    شكرا كتيييييييييييييييييييييييير

    و بعدين ده انتي صاحبه الليلة
    ههههههههههههههههه

    ردحذف
  95. ميرسى لك والله
    احنا ايه بقى
    داانا على ادى

    احبك كمسة من سحر هاروت وماروت
    احبك بجنون عاقل لم يعد يملك سوى قلب مفتون
    اتانى حبك ولم يكم على الحسبان
    انا اعشق يوما يا امير الصبيان

    ردحذف
  96. يا جماعه أنا خلاص بودعكم لأني عايز انام خالص

    القمر يحسدنى و النجم و الافاق

    لأنك تمشين على الأرض بجوارى

    فيا جميلتى هلا تحيين قلبى الدامى

    رأيت النجم يغازلك فى الليالى

    و استحت الورود من جمالك الباهى

    فيا معذبتى فى طوال الليالى

    أما ترأفين بحالى ؟؟؟؟؟؟؟؟؟؟؟؟؟؟؟؟؟؟

    تصبحوا على خير

    ردحذف
  97. بجد يا ايوشة انا متشكرة على سماحك لنا بالاحتلال دا
    واللى كان نابع من كلماتك
    وكمان بشكر احمد و ضحكات
    فرصة سعيدة
    تصبحوا على الف خير
    تحياتى
    يويو

    ردحذف
  98. انا والله ياجماعة اللى سعيدة بالتفاعل ده تصبحوا على الف خير يااااااارب وبالشكل ده هنزل بوست كل يوم علشان اشوف التفاعل الجميل ده

    ردحذف
  99. تصبحوا على خير يا جماعة

    وكل بوست وانتم طيبين

    ودايما عامر بحسك يا ايوشة

    بس المرة اللى عايزين آكل وشاى

    ردحذف
  100. اكل وشاى كمان لالا انت طماع اوووووووووى وانت من اهل الخير يااحمد

    ردحذف
  101. ههههههههههههههههههههههههههههه
    دى تخاريف اكيد
    بس حلوه

    ردحذف
  102. مينفعش يتأخر و يسيب الرقه دي كلها ربنا يكتبلك اللي في الخير و يوفقك و تكون ايامك كلها سكر زياده

    ردحذف
  103. ربنا يجيبه بالسلامة

    الفكرة نفسها جميلة يا ايوشة

    وكالعادة كلها احلام

    كل سنة وانتي طيبة

    ردحذف
  104. ايوشة ايوشة

    اول ما تدخلي المدونة عندي هتلاقي صورتي عاليمين

    وانا مسرح شعري ومسبسبة

    شوفي ينفع انا ولا لا

    ردحذف
  105. بجد عجبتني جدا والله
    وكلام جميل وصادق ..
    عارفة صادق ليه لانه خارج لشخص انتي لسة مش عرفتية
    هو شخص اكيد موجود ويابختة بيكي ..
    وان شاء الله يجي ويقرء الكلام الجميل دا
    ويسعدكم يارب
    وانا كمان والله كنت بقول دايما لاصحابي
    انا بحب زوجتي اوووووووووووووووووي
    وانا لسة مش اتجوزت
    ربنا يسعدك يارب

    ردحذف
  106. ممممممم

    اجمل حاجة كتبتيها بجد

    و

    ولا بلاش بعدين بقي

    ردحذف
  107. ياسلام ياسلام ع الكلام
    مش عارفه اقول بقي سعيد الحظ ولا تعيس الحظ
    سعيد انه هيسمع الكلام ده كله والمشاعر والاحاسيس دي كلها لما ييجي ان شاء الله
    ولا تعيس لاني عارفاكي وعارفه انك هتطلعي البلا الازرق علي جتته هههههههههههه
    يلا ربنا يكون في عونك يارب ياللي هتكون من حظها وربنا يصبرك
    ههههههههههههههه

    ردحذف
  108. عااااااااااااااااااااااااا
    108 اعترضواااااااااااااا قصدى صوتوااا
    كل دول لاحقوا يعلقوااااااااا اية داااااااااااااااا
    ههههههههههههههههههههههه معاكى حق الموضوع للبنات دا بالنسبة لاحمد بس يااوختيش احنا رجالة زى بعض ههههههههههههههه
    المهم اقولك بقى انتى عبرت بصورة جميلة جدا عن الاحتياج من قابل الطرفين لبعض وانتظرهم لبعض بصورة وربنا فعلا جامدة ويلمس اوى لان فعلا مشاعر كل الناس وطبعا انا منهم هو دا
    المهم يااختى اللدود اية التعبير دا ومن امته الجراءة التاار ياهريدى بجد بهنئك على البوست الجامد دا جداااا وطريقة طرحة والله وعلى راى شقاوة مراهقة مافيش كلام بعد الكلام دا اختى اللدود دمتِ يارب بكل حب و ود وفى رعاية وحفظ الله دائما ياااااااااااااااااااااااااااااااااااااااااااااااااااااااااااااارب

    ردحذف
  109. ربنا ينولك كل اللى فى بالك

    ويرزقك الزوج الصالح والحبيب المجنون

    اللى يفرح قلبك عاجلا غير اجل يارب

    عجبنى البوست بشده

    ربنا يفرح قلبك يارب وقلبى انا كمان

    ردحذف
  110. وانتى بجد قولتى كلام جوا بنات كتييييييييييييييييييير

    بس بتتكسف تقوله او حتى بتستكبر انها تقوله

    بحبك يا قمر

    ردحذف
  111. حبيب قلبى
    وحشانى مووت يا واد ياعسل انتا

    الللوك الجديد للمدونة لذيذ
    بس كئيب
    الاؤل احلا

    انتى بتحبى وا ايه يا منيلة على عينك

    ردحذف
  112. انا هالحق احججججزززز
    التعليق 113
    مش بطال خااااااااااالص
    مش احسن ما يبقى 131

    ردحذف
  113. ايه ده يا ايوشة
    انت كنتى جواياولا ايه
    مش معقووووووووول
    لابجد كأنك كنتى معايا
    كنت بكلم اختى اللى متجوزة ( لحقت القطار يا اختشى)
    وقعدت تدعيلى يرزقنى بابن الحلال
    وعقدت افكر بقى فى الحاجات دى
    ماكدبش عليكى كنت بفكر فيها من زماااااااان بس لاقيت نفسى بزهق بسرعة
    مليت الانتظار
    الانتظار ده ارخم شيئ ف الوجود انك تستنى حاجة الله اعلم اذا كانت حلوة ولا لأ ربنااااااا يستر
    ونفوق من احلام اليقظة دى والافكار دى على خيييييييييير

    يارب

    ردحذف
  114. السلام عليكم
    ايوشه بنت خالى
    تحياتى
    مش هرغى كتير علشان انا عرفت انه البوست ده بناتى ومش لازم ينكشف على رجاله
    ههههههههههههههههه
    ربنا يقربلك البعيد وينولك كل اللى بتحلمى بيه ويحققلك كل اللى بتتمنيه
    ســـــــــــــــــــلام

    ردحذف
  115. كلامك بقا احلى بعد ما بدأتي تكتبي احاسيسك واحاسيس كتير من البنات :)

    ربنا يبعتهولك يا رب ..... ويخطفك على الحصان الابيض

    ردحذف
  116. كلام حلو اوى

    فعلا الكلام دا موجود جوه ناس كتير

    تسلمى يا حبيبتى

    حنين

    ردحذف
  117. صوت من مصر

    تخاريف فعلا بس تخاريف باحساس مرسيى للمرورك




    أميرة علي كوكب مهجور
    الله يكرمك ياقمر انتى كمان اللهم امين يارب العالمين
    مرسيى للمرورك






    أحمد عاطف
    ياااااااااااارب :)
    كل سنة وانت بالصحة والسلامة مرسيى للمرورك







    شاب مفقوع
    ههههههه شفت الصورة بس هى الاعتراض مش هيكون على الصورة بس على الاسم كمان
    شاب مفقوع :)
    مرسيى للمرورك






    .. هعزف لنفسي
    ربنا يكرمك ويوفقك دايما يارب ويرزقك الزوجة الصالحة باذن الله
    علشان تحبها بجد مش مجرد خيال فى عقلك
    وربنا يسعدك انت كمان مرسيى للمرورك

    ردحذف
  118. adel

    الله يخليك
    و
    بعدين ليه ماتقول دلوقتى :)
    مرسيى للمرورك ياعادل







    shimo

    :)
    شيمو شوفتى بقى صاحبتك ممكن تعمل ايه
    بس بلاش تسيحى على البلوجر انتى الوحيد اللى عارفة انا فعلا ممكن اطلع البلا الازرق على عينه
    والعفاريت الزرق كمان ههههههههه
    مرسيى للمرورك ياقمر وربنا يكرمك يااااااااارب وتحققى كل اللى بتتمنيه وافرح بيكى قريب يااااااااااااااارب

    ردحذف
  119. thunder

    بتعيط ليه انت اللى اتاخرت يبقى انت اللى غلطان :)
    شفت الجراءة بتاعتى ههههههه هريدى بيحضر البندقية متخفش انا متخفية عن الانظار الايام دى
    لان اهدروا دمى بعد البوست ده :)
    نورت المدونة ياثندر وربنا يكرمك ويوفقك يارب ودمت بكل خير يارب




    ليس فقيرا من يحب
    وربنا يسعدك ويفرح قلبك وينولك كل اللى بتتمنيه انتى كمان ياقمر
    وكل البنات باذن الله اللهم امين يارب العالمين
    نورتى المدونة ياقمر







    *البت المشمشية *حلوة بس شقية

    شيمووووووو وحبيبة هارتى زى ما بيقولوا ^_^
    ازيك يابت فينك وحشانى والله ياشقية انتى
    اللوك لذيذ فعلا بس كئيب مفيش كلام بس هو مريح للعين مش تنكرى :)
    ولا يااختى مش بحب انا بحب على روحى مش اكتر
    نورتى ياسكرة

    ردحذف
  120. بيطرية ومش بايدى

    مبروووك التعليق ال113 رقم حلو مش كده :)

    ربنا يرزقك يارب بابن الحلا والزوج الصالح اللهم امين يارب العالمين
    ويرزقنى معاكى ويزرق كل البنات ياااااااااااارب
    ويرزق كل الشباب بالمرة بالزوجات الصالحات اللهم امين يارب العالمين
    ومعلش الانتظار رخم بس هتنسى كل ده لما يجى ومش هتفكرى فى الانتظار
    مرسيى للمرورك ياقمر








    المعتصم
    وعليكم السلام ورحمة الله وبركاته
    اه هو كان المفروض مش ينكشف على رجالة بس انكشف واللى كان كان ^_^
    ربنا يسمع منك يارب ومرسيى على الدعوة
    ومرسيى للمرورك نورت المدونة







    فتاه من الصعيد
    الله يخليكى يارب الكلام اللى من القلب دايما بيوصل بسرعة
    وربنا يكرمك انتى كمان ياقمر يارب
    مرسيى للمرورك نفسى بقى ترجعى تكتبى من تانى وحشنى بوستاتك





    7annen
    وتسلمى يارب مرسيى للمرورك ياجميل

    ردحذف
  121. السلام عليكم

    ازيك يا ايوشه يارب تكونى بخير

    بجد كلامك جميل قووى
    وده علا اللى موجود داخل اى بنت مننا

    تمنايتى لكى بالتوفيق
    وبجد هايل هايل هايل

    مودتى
    اختك

    ايناس

    ردحذف
  122. أنا حاسة أنك أتغيرتي يا أيوش

    مش عارفة ليه بقيت أحسك أكتر ... مش مهم كاتبه البوست ده ليه .. أنتي حرة.. وبعدين مافيهاش حاجة لما تحبي حد وتكتبي ليه أو عنه .. مش كل الحب حرام... الكون كله أصلا علاقاته مبنية علي الحب

    وأولهم حب ربنا وتكريمه لينا ...

    تسلم ايديكي

    ردحذف
  123. عجبني دلع " أش "

    هوا ولا أيوش

    أصلا كل لما أشوف أسصمك أقول

    " أنا أيوشة مش عيوشة "

    ههههههههه

    ع الفيتيس بؤ .... فاكرة؟

    ردحذف
  124. وجالك عريس أخر حاجة
    هههههههههههههههههههههههه

    شاب مفقوع

    دي اخرتها

    يا صبرك يا أيوش

    التعليق ده فطسني من الضوحك

    ههههههههههههههههههههههههههههه

    بجد تحفةةةةةةةة

    وأنا مندمجة في قراية تعليقات أحمد ويويو

    لقيت ده أداني قلم فوقني من الرومانسية اللي عيشتها ابن الإيه؟

    مين ده يا أيوش؟

    هتفكري ولا إيه؟؟؟؟؟؟؟؟

    ردحذف
  125. عاشقة الأحزان

    وعليكم السلام ورحمة الله وبركاته ياانوسة الف حمدلله على السلامة نورتى البلوجر كله من تانى
    الله يخليكى يارب نورتى المدونة بتعليقك من تانى وربنا يكرم البنات كلها وتلاقى الانسان اللى يقدرها

    ردحذف
  126. ازيك يا ايوشة
    كان لازم يعني اخر جملة بتاعة البلا
    ما كنتي ماشية كويس و كان هيقع
    كده تطفشيه
    هو مش هيخسر كتير
    انتي كده اللي هتخسري لما هو يطفش
    كنتي استني لما يقع و كده كده البلا طالع
    مهو كله وقع كده الاول :D:D:D:D:D


    كلماتك جميلة اوي يا ايوشة ربنا يوفقك و تلاقيه و يجمع بينكم علي خير و يعينكم علي الطاعة

    ردحذف
  127. mimi

    ميمى انا يمكن اتغيرت وبقيت بكتب اللى بحسه من غير خوف لكن انا لسه محبتش ولا لقيت الحب الحقيقى صدقينى لسه بدرى على ما هو اللى يلاقينى والحب اجمل شئ فى الوجود كله الحياة هتكون وحشة اوى لو مفيش حب فى كل لحظة
    موضوع اش ده عادل هو اللى طلعوا عليا من ايوشة لاش وبعدين شيمو بقيت تقولى اش وبعدين دكتورة ستيتة انا شكلى هغير اسمى واخليه اش علشان اخلص من موضوع عيوشة ده :)
    والعريس اللى جالى مش تقولى لحد عليه ماشى ههههه انالسه بفكر
    نورتى ياقمر المدونة

    ردحذف
  128. المعلم محمد صاحب المطعم - طعمية سخنة
    ازيك يامحمد ايه يابنى فينك من زمان كل سنة وانت طيب
    ربنا يكرمك على الدعوة يارب وربنا يتقبل باذن الله اللهم امين يارب العالمين
    معلش انا قولت اكون صريحة لابعد الحدود مهو مش هيلاقى كل حب فى حب وبس لا ماانا هطلع بردو البلا عن عنيه :)
    مرسيى للمرورك يامحمد

    ردحذف
  129. فعلا ياايوشة كنا فعلا محتاجين نقول كل حرف من كلامك وايه اللى ممكن يتفهم غلط فى ده يعنى

    بحيكى على كلماتك بحيكى على احساسك بحيكى على مشاعرك


    شكرا ليكى بجد كنا محتاجين نقول الكلمتين دول بينا وبين نفسنا على الاقل

    ردحذف
  130. بصراحه كلام فوق الوصف وابعد من الخيال الي ارق من الحبال لارق بنت من اي ملاك اتخلق لتامر الزناتي وتوتا علشان يعملوه قلق ويارب كل انسان بيتمني كل انسانه بيحبه تكون ليه وتكون من نصيبه تامر الزناتي كليه الطيران الجوي TITO_2005201011

    ردحذف
  131. تامر الزناتي20 يناير، 2010 1:06 ص

    انتي الملاك الي اتخالق يا ايه لتامر الزناتي علشان تعمليله قلق بحبك انتي الي ارق من غصن البستان المصنوع منالماس المخرز بالاوزان الرقيقه انا البحر في اعشاقه الورد كاملا في اعصانه مائلا في اعنلقه من عشاقه تامر الزناتي كليه طيران جوي 0181248200

    ردحذف