الجمعة، 25 سبتمبر، 2009

هو ده اسمه ايه






الانتظار صعب مفيش اصعب منه بس مش عارفة هفضل منتظرة لغاية امتى بس انا صبرى قليل ويمكن معنديش صبر اصلا كل حاجة فى حياتى محتاجة صبر وانا مبعرفش اصبر طيب اعمل ايه مش بيكون قدامى حل غير الياس مادام واثقة انى مش عارفة اصبر




طول عمرى كنت خايفة فى يوم اتحول لانسانة حقودة بس خوفى اتحقق بقيت حقودة فعلا وبقى جوه منى نقطة سودا بتكبر كل يوم ومش عارفة اتخلص منها اللى واثقة منه انى حقدى ده غصب عنى بلاقى قلبى غصبى عنى جوه مشاعر حقد غريبة حاولت كتير ابعد افكار الحقد والبغض دى من جوايا بس انا ملاحظة انها بتزيد طيب ليه مع انى فى نفس الوقت بكون فرحانة للناس وفرحانة بفرحهم بس النقطة السودا اللى جوه منى بتخنقونى






سؤال غريب لما حد يسالنى بتخافى من ايه ؟؟؟ على طول برد قول مش بخاف من ايه ؟؟؟انا بخاف من كل حاجة بخاف من الحياة ومن الموت ومن الحب ومن الكره بخاف من الماضى ومن المستقبل بخاف من الحاضر بكرة ودلوقتى وكل لحظة الخوف جوايا بيتملكنى تقدروا تقول انا بخاف من الخوف نفسه تقريبا كده بخاف اخاف لحسن اخاف





ساعات تحس ان الدنيا كلها بتدور حواليك بسرعة عجيبة وانت زى ماانت واقف مكانك ثابت مش عارفة ده صح ولا غلط كل حاجة فيك ثابتة ويمكن جامدة ومش بتتغير حياتك اسلوبك قيمك تفكيرك عقلك مشاعرك من الاخر كده تحس انك عايش فى تلاجة



ياترى انا غيرت المدونة واتغيرت فعلا ولا ايه اللى حصل من الاخر كده انا بشك فى نفسى انى مريضة لانفصام بالشخصية ساعة بتضحك وهزر وساعة بعيط وحزينة يوم عاقلة وهادية يوم مجنونة وشعنونة بس اللى واثقة منه انى مش عارفة اتغير الدنيا كلها ممكن تتغير وانا مش هقدر والسبب انى بخاف بخاف اتغير احسن معرفش اتغير مش بقولكم مجنونة

هناك 55 تعليقًا:

  1. معقول اكون انا اول تعليق

    لاء مش مصدق

    ردحذف
  2. الحقيقة انى كنت جاى وفاكرك قفلة المدونة زى اخر مرة بس مش توقعت انى هالاقيكى

    وكمان ايه اول تعليق
    الحمد لله على سلامتك يا ايوشة
    لامة نروح بقى نشوف ايه الحكاية

    كل سنة وانتى طيبة وحمدلله على السلامة

    ردحذف
  3. الخوف شىء طبيعى جوة اى بنى ادم يعنى مش انتى بس ، بس المهم انك مش تخلى الخوف يتملك منك اوى كده

    انتى انسانة مؤمنة بالله وحياتك بايد ربنا من بدايتها لنهايتها ربنا يطولنا فى عمرك يارب انا عارف انه مش اعتراض منك على امر ربنا
    يا بنتى دى الجنة فيها باب فيها باب للصبر

    ردحذف
  4. مبروووووك يااحمد اول تعليق :))
    ايديك بقى على عشرة جنيه علشان انت اخدت اول تعليق ههههه بالنوسبة للبوست عادى اهو تخاريف احسن الواحد يتجنن لكن طبعا الحمد لله على كل حال كلنا راضية بقضاء الله وبنحاول نتحلى بالصبر

    ردحذف
  5. صحيح كل سنة وانت طيب يااحمد يارب

    ردحذف
  6. نسيت اقولك

    هو ده اسمه ايه

    بصراحة مش عارف لان الحالة دى غريبة شوية

    ردحذف
  7. عشرة جنيه مرة واحدة

    طيب انا هابعتهالك مع القطط

    بس ياريت تمضلى على وصل الاستلام

    منعنا للاحراج مع القطط

    ردحذف
  8. لا شكرا مش عايزاهم خلى القطط عندك والعشرة جنيه هبعتها انا :))

    ردحذف
  9. ممممممممممممممممممممممممم
    يابنتى الخوف طبيعى وعندك كل واحد ىف الدنيا لكن انك تسبية يسيطر عليكى بشكل دا دا اللى غلط وبعدين لو فاكره انه التمنى انى احس باحساس الغير
    واعيش نفس احساسه دا غلط لا مش غلط الغلط يا اخت اللدود انه تتمنى دا يروح منه انما انتى مش كدا انتى بتتمنى انك تكون عايش نفس النقاط مش اكتر ودا فى نظر مش نقط سوادة جواكى دا دليل انك عايشة وحابة تتغير وحابة تقولى رغم قيود انا موجود انما اسلوب الحياة هو اللى فارض على الايقاع دا واللى اكيد فى يوم هكسرة وانت عاملتى دا فى اول خطوة واللى اتمنى تكمليها وهى دراساتك على الاقل دا افضل كسر لحاجز الملل واللى هيفرق معاكى كتير اوى والله
    واظاهرى وبانى ياا يتاعة انتى فينك مختفية كدا
    اختى اللدود دمتِ يارب بكل حب و ود وفى رعاية وحفز الله دائما ياااااااارب
    وبجد افضل واصدق تعبير عن مشاعر وانك تخرجيها وتقولى كدا مش هقول شجاعة لانها مش غريبة عنك طبعا لكن انتى اثبتى للكل ان المدونة روح للناس وتعبير عن مشاعرة بدون خوف

    ردحذف
  10. وانت يامنيل ياحمد هو كل ما اروح مدونة الاقيك فيهااااااااااا ارحم اهلى وزمالك واتكن شوووووووووووية ياااااااااض فى مصيبة فى مكان كدااااااااااااااااااااا انا دخل والله ما كان فى غير تعليقان على مكتابت بقت 9 تعليقات اية داااااااا

    ردحذف
  11. يامرحبا يامرحبا ثندر ذات نفسه عندنا دا ايه النور ده انا اللى مختفية ولا انت ؟؟؟؟
    مش هتكلم فى النقطة دى خاااااااالص علشان اتكلمت كتير
    بخصوص بقى الخوف ده شئ طبيعى كل الناس بتخاف من حاجة فى حياتها انما اللى مش طبيعى انى اخاف من كل حاجة
    الحقد حاجة وحشة ونفسى مش تكون جوايا من اصله
    واما موضوع الدبلومة طلعت فقر السنةاللى قررت اكمل فيها هيلغوا التعليم خالص هههههههه

    ردحذف
  12. لا عادي كلنا بنخاف .... ماتقلقيش ..... اصلا في كلام كتير من اللي كتباه بحسه ساعات

    كويس انك بتكتبي اللي حساه بالاحساس ده

    تحياتي

    ردحذف
  13. أنا الريدر لسه قارئ الموضوع ده حالا

    وبعدين مش قالتي هتقفلي دي :@

    بصي انا ممكن ارد علي كل كلامك كلمة كلمة

    بس انت عرفة عاجبني قوي بخاف من كل حاجة دي

    تعرفي اني مش بخاف من الموت :):)
    ودي ممكن ابقي اعلمهالك :):)

    والباقي برضه
    بس دي اهم واحدة :)

    ردحذف
  14. في ايه ياايوشه؟
    انتي ليه مش عارفه تتصلحي مع ايوشه؟
    كل واحد فينا فيه الوحش وفيه الحلو

    يمكن مش بنشوف غير الوحش بس صدقيني الحلو موجود ولو دورنا عليه هنلاقيه اكتر من الوحش بكتير
    ديه نعمه من ربنا

    بس لو مدورناش عليه هنضيع عمرنا مش حطين ادامنا غير الوحش وهنخسر الحلو وهنخسر نفسنا

    ردحذف
  15. طيب بس ياريت تكون خمستين

    وانا فى انتظارها

    ادينى مستنى اهو


    اما بالنسبة لصحابنا اللى بينق عليا
    فأنا باذن الله اقوى من اقوى فيرس وهتلاقينى يا معلم باذن الله وراك وراك فى كل مكان

    ردحذف
  16. ياياه حمدلله على السلامه ؛بقى ازاى ايوشه -احلى ايوشه بتقول الكلام ده

    ؟؟!!!!!!!!!!!!!!!!!!!!!!!!!!!!!!!!!
    اولا الصبر مفتاح الفرج ؛ده كفايه انك
    صبرتى على بطء النت فى اليوم الفلانى فى
    الساعة الفلانيه مش فاكرة حاولى كده تفتكرى معايا!!افتكرتى بس انت

    افتكرتى ياترى ليه سعتها صبرتى كل الصبر ده ؟؟لانك بتحبه

    اللى هوه النت يعنى
    وده لانك واثقة انك حتقدرى تصبرى
    فاذا طلعتى الاحساس ده من جواكى -انك واثقة انك مش حتقدرى تصبرى-يبقى بعون الله حتقدرى تصبرى على اى شيئ وعلى كل شيئ

    اللى جواكى ده يا ايه مش حقد بالعكس ده ممكن يكون من كتر ما انتى حابه الانسان ده او الناس بصفة عامه خايفة من جواكى ان تحصل اى حاجه للشيئ اللى فرحهم -ودايما الشطان بيتكلم باحاديث مش كويسه فى نفس الانسان عن اى حاجة الانسان بيحبها فبالتالى نفس الانسان الصالحه بترفض ده وبيتهيالها انها هى اللى بتقول الكلام اللى مش كويس ده فبالتالى بتضايق من النفس وبتعتبرها نفس مش كويسه -(قلبى غصبى عنى جوه مشاعر حقد غريبة)ده مش قلبك
    سمعت الكلام ده من (مصطفى حسنى )فى برنامج (قصة حب )؛ وكان الموضوع اكبر من كده بكتير لانه كان فى حب الله عز و جل

    اما احساس الخوف فده طبيعى بيبقى عندنا فى فترات من حياتنا لاسباب كتير بس ده طبيعى؛وانت اللى تقدرى تتحكمى فى سيطرة الخوف ده عليكى ومقدار اثاره فى حياتك

    ازاى بقى متغيرتيش
    سمعت مقوله قبل كده بتقول ان الانسان المعاصر بيستقبل فى اليوم الواحد مايساوى اللى كان بيستقبله الانسان زمان فى عمره كللللللللللللله

    بالتاكيد لما جيتى كتبتى الموضوع ده فى حجات جواكى اتغيرت فدتلك دافع انك تكتبى الموضوع ؛ولما تقرى التعليقات مهما كانت التعليقات ديه ايه حتتغير جواكى حجات جايز كتير وجايز قليلقة بس لازم حتتغير جواكى حجات

    لو مبقتيش ساعة فرحانه وساعة زعلانه
    ساعة عاقلة وساعة مجنونه وشعنونه وتعفرتى اللى حوليكى تبسطيهم وتضايقيهم تزعليهم وتصالحيهم
    متبقيششششششششششششش انسسسسسسسسسسسانه

    حسبلك احساسك يقولك مين اللى كتب التعليق

    ردحذف
  17. ياياه حمدلله على السلامه ؛بقى ازاى ايوشه -احلى ايوشه بتقول الكلام ده

    ؟؟!!!!!!!!!!!!!!!!!!!!!!!!!!!!!!!!!
    اولا الصبر مفتاح الفرج ؛ده كفايه انك
    صبرتى على بطء النت فى اليوم الفلانى فى
    الساعة الفلانيه مش فاكرة حاولى كده تفتكرى معايا!!افتكرتى بس انت

    افتكرتى ياترى ليه سعتها صبرتى كل الصبر ده ؟؟لانك بتحبه

    اللى هوه النت يعنى
    وده لانك واثقة انك حتقدرى تصبرى
    فاذا طلعتى الاحساس ده من جواكى -انك واثقة انك مش حتقدرى تصبرى-يبقى بعون الله حتقدرى تصبرى على اى شيئ وعلى كل شيئ

    اللى جواكى ده يا ايه مش حقد بالعكس ده ممكن يكون من كتر ما انتى حابه الانسان ده او الناس بصفة عامه خايفة من جواكى ان تحصل اى حاجه للشيئ اللى فرحهم -ودايما الشطان بيتكلم باحاديث مش كويسه فى نفس الانسان عن اى حاجة الانسان بيحبها فبالتالى نفس الانسان الصالحه بترفض ده وبيتهيالها انها هى اللى بتقول الكلام اللى مش كويس ده فبالتالى بتضايق من النفس وبتعتبرها نفس مش كويسه -(قلبى غصبى عنى جوه مشاعر حقد غريبة)ده مش قلبك
    سمعت الكلام ده من (مصطفى حسنى )فى برنامج (قصة حب )؛ وكان الموضوع اكبر من كده بكتير لانه كان فى حب الله عز و جل

    اما احساس الخوف فده طبيعى بيبقى عندنا فى فترات من حياتنا لاسباب كتير بس ده طبيعى؛وانت اللى تقدرى تتحكمى فى سيطرة الخوف ده عليكى ومقدار اثاره فى حياتك

    ازاى بقى متغيرتيش
    سمعت مقوله قبل كده بتقول ان الانسان المعاصر بيستقبل فى اليوم الواحد مايساوى اللى كان بيستقبله الانسان زمان فى عمره كللللللللللللله

    بالتاكيد لما جيتى كتبتى الموضوع ده فى حجات جواكى اتغيرت فدتلك دافع انك تكتبى الموضوع ؛ولما تقرى التعليقات مهما كانت التعليقات ديه ايه حتتغير جواكى حجات جايز كتير وجايز قليلقة بس لازم حتتغير جواكى حجات

    لو مبقتيش ساعة فرحانه وساعة زعلانه
    ساعة عاقلة وساعة مجنونه وشعنونه وتعفرتى اللى حوليكى تبسطيهم وتضايقيهم تزعليهم وتصالحيهم
    متبقيششششششششششششش انسسسسسسسسسسسانه

    حسبلك احساسك يقولك مين اللى كتب التعليق

    ردحذف
  18. مهندسة لعزة الامه26 سبتمبر، 2009 10:34 م

    مع الاسف ملحقتش احذف الاسم و اخرج من التعليق قبل ميتسجل

    ردحذف
  19. حمد الله على سلامتك يا آيوشة

    اولا يا ستى انتى مش مجنونة ولا حاجة ولا حتى عندم فصام

    وكمان جواكى مش وحش زى ما انتى فاكرة

    لو كنتى حقودة بجد مش هتعترفى بده ومش هتحبى تغيرى ده

    وصدقينى رفضك للنقطة السودا دى هيخليها تختفى بالتدريج


    اما الخوف فده شئ طبيعى كلنا بنخاف من كل حاجة بس الخوف درجات

    واللى ميخفش ميبقاش انسان طبيعى

    و كمان الخوف الزيادة مش طبيعى
    خافى بس بالمعقول

    خلى عندك نسبة مغامرة تقتل الخوف من جواكى الزيادة ده

    اتغيرى طالما للأحسن وليه لأ ايه هيخوفك فى كده

    فكرى شوية وهتلاقى نفسك عارفة لازم تعمل ايه

    ردحذف
  20. أولا حمد لله على السلامة أنا فرحت قوي لما لقيت مدونتك مفتوحة النهاردة
    وبعدين ياحبيبتي أنا حاسة إنك قاسية على نفسك قوي أنا عن نفسي بحس إنك إنسانة نقية وكل واحد بيجيله أوقات بيحس فيها كده إنه مخنوق وهوه أصلا مش عارف ليه وغالبا كمان بيبقى في حاجة حلوة المفروض إنها تفرح
    حاولي ياقمر تنسي كل اللي تاعبك واللي مضايقك وارجعي لطبيعتك وماتظلميش نفسك كده

    تحياتي وأوعي تقفلي المدونة تاني أبدا

    ردحذف
  21. دا اسمه النفس البشريه....
    انتى فين مختفيه ليه كده؟؟

    ردحذف
  22. مش عارف ....

    حاسس انا انا اللي كاتب الموضوع ده مش انتي ...

    مبروك العوده

    ردحذف
  23. فتاه من الصعيد

    الخوف شئ طبيعى عند كل الناس وساعات صحى كمان اما ربنا خلق ليه جوانا غريزة الخوف بس لما يزيد عن حده هو ده المشكلة مرسيى للمرورك ياقمر

    ردحذف
  24. adel
    ايوة الريدر مش بيقرا البوستات لو كانت نازلة والمدونة مقفولة وده اللى حصل لما فتحتها رجع قرا البوست
    وانا عيلة ياعادل وانتم عاريفين برجع فى كلامى كل ثانية ههههههه
    لا بجد حسيت انى مش قادرة اقتل المدونة دى مش عارفة ليه بنت اللذينة حبها قوى كده
    موضوع الخوف انا مش خايفة انى اموت انا بخاف ان اى حد هحواليا هو اللى يموت لكن بالنسبة ليا الموت مش صعب ولا مخيف لدرجة دى وياسيدى انا منتظرة اهو تعلمنى :)
    مرسيى ياعادل للمرورك

    ردحذف
  25. أحمـــــــــــــد أبو العلا

    مهو دا يابشمهندس يعتبر تصالح مع ايوشة انى اعرف عيوبى واحاول اغيرها صحيح بعرف عيوبى بس مش بعرف اغيرها هههههه ساعات بحس انى عايزة اكتب من غير تردد او خوف واكتب كل اللى جوايا والبوست ده كان كده لحظة جنون وحبيت اعبر عن نفسى لحظتها بصراحة واكيد مفيش انسان وحش بالمطلق ربنا انعم علينا بحاجات كتير جوانا حلوة بس ساعات مش بنشوفها صح مش بنشوف غير الوحش وبس
    مرسيى للمرورك يابشمهندس

    ردحذف
  26. اسماء واحلام فى وجدانى
    وكمان عايزهم فكة مش عايزهم جداد ولسه جايين من البنك بالمرة مش كفاية يابنى انك نولت شرف التعليق الاول عندى ههههه اطمعوا بقى من عوينا الاربعة يااحمد هبعتلك العشرة جنيه خمستين باذن الله استناهم على اول 9 سنة 2090 باذن الله :P
    واللى بينق عليك ده اتصرف معاه انتم الاتنين حريين مع بعض انا بحب اهدى النفوس بس :)

    ردحذف
  27. مهندسة لعزة الامه


    الله يسلمك ياقمر يارب اهو رجعنا تانى نصدع دماغكم ونجبلكم اكتئاب كالعادة :)
    تعليقك ده بصراحة عايز بوستات مستقلة علشان نرد على كل كلمة فيها ماشاء الله عليكى بجد
    انا اعتقدت بكلامك جداااااا موضوع الصبر اعتقد بالتدريب هقدر اتعود انى اتعلمه وانى مش استعجل الامور
    موضوع الحقد كلامك عنه جميل انا اول مرة بصراحة اسمعه منك ومسمعتش حلقة مصطفى حسنى واتمنى يكون اللى جوايا كده مش حقد على غيرى
    اما التغير انا بتكلم عن حاجات معينة فى شخصيتى مش عارفة اغيرها بحاول كتير بس مش عارفة اغيرها ويمكن هى المفروض متتغيرش لان فى ثوابت فى الشخصية صضعبة تتغير
    بس انا اللى عايزة كل حاجة بسرعة بسرعة ومش بقولك مش عارفة اكون صبورة شوية :))
    مرسيى ياقمر بجد نورتينى ونورت المدونة بتعليقك ده وان شاء الله ليا كلام تانى معاكى لما اشوفك علشان ارد على التعليق بتمعن اكبر

    ردحذف
  28. ومعلش كنتى عايزة تحيرنى شوية بس للاسف جوجل طلع لئيم ههههههه نورتى المدونة مرة تانية

    ردحذف
  29. aidy
    الله يسلمك يارب
    خلى عندك نسبة مغامرة تقتل الخوف من جواكى الزيادة ده
    عجبتنى جدا الجملة دى ساعات فعلا بحس انى لازم اغامر فى بعض الحالات علشان اتغلب على الخوف جوايا
    واكيد هو ده الحل بس بتراجع بردو علشان الخوف
    مرسيى للمرورك ياجميل اسعدنى تعليقك جدا وهحاول اجرب نصيحتك دى هجرب المغامرة شوية فى حياتى :)

    ردحذف
  30. ازيك يا مجنونه

    قصدي يا ايوشه

    ايه كميةالخوف دي كلها

    فعلا انا حاسس ان المدونه اتغيرت

    فين تخاريف ايوشه





    حاجه علي جمب كده

    انتي حيرتيني معاكي
    مره تقفلي التعليقات
    ومره تخلي المدونه للمدعوين فقط

    ومره تولعي في المدونه

    اثبتي في حته بقي خيلتينا

    ردحذف
  31. صباحك سكر يا آيوشة

    حمد لله على سلامتك

    بصراحة حسيت انك بتتكلم عنى اوى فى البوست دا
    مش مستغربة كلامك والله
    انا مقدرة المعاناة اللى جواكى لما تحسى ان كل اللى حواليك بيتغير وانتى لاء
    جواكى خوف حتى من الخوف
    شخصية متناقضة ومتقلبة فى لحظة تضحك و تلعب وفى لحظة تبكى و تتالم

    لعلمك دا مش ضعف ان الانسان يكون عارف ان جواه شىء محتاج انه يتواجه و يتعدل دا قوة ومعرفة لنفسك و طبيعتك اوى
    عارفة مش موضوع حقد او حسد على الاخرين بس جايز نظرة فيها محاولة انك تعاقبنى نفسك ليه مش احاول اكون كدا ممكن امكانياتى تساعدنى ولا لا ؟!
    ومش عيب اننا نتعلم من غيرنا و نستفيد

    الحمد لله انتى مؤمنة وراضية بقدر ربنا
    يبقى علاجك فى ايدك انتى
    قوى نفسك و حبيبها و كمان حاولى تصالحيها شوية هتلاقى الخوف شوية وية راح من قلبك

    ربنا يحفظك يارب و يسعدك
    تحياتى
    يويو

    ردحذف
  32. شوكولاتة

    الله يسلمك ياقمر وربنا يكرمك على التعليق ده بس ساعات الواحد لازم يقسى على نفسه علشان يقدر يصلحها ومش هنكر انى بقسى لدرجة بتحبطنى عن انى اتغير بس اتمنى انى اكون معتدلة فى كل شئ منورة ياقمر المدونة ومتخافيش ممكن اقفلها تانى انا مجنونة :))

    ردحذف
  33. الشعب لابد له من حكومه تشكمه

    ِشيمو انتى الوحيدة اللى رديت على السؤال وجاوبتى عليه صح :) ليكى جايزة ان شاء الله
    معلش انا مكنتش مختفية انا كنت بتابع من بعيد لبعيد بس مقدرتش ابعد ورجعت تانى مرسيى للمرورك ياقمر

    ردحذف
  34. اقصوصه

    الله يخليكى يااااااارب ومدونتك وحشتنى جدا واسفة انى مش بتابعها من فترة وسعيدة جدا بزيارتك النهاردة مرسيى للمرورك ياجميل

    ردحذف
  35. Ahmed Nour El Deen


    ليه حاسس انى مش انا اللى كاتبه الكلام ده ؟؟؟؟

    ردحذف
  36. أبو العريف

    هههه طيب اهو انت شاهد على جنانى وعلى رايك كل يوم بخيلكم مرة اقفل التعليقات مرة المدونة مرة احذفها جنان اصلى يعنى مش اى كلام
    بس عايزة اعرف هى المدونة اتغيرت ازاى ؟؟؟ تقصد القالب ولا الكلام نفسه وياترى تغير للاحسن ولا للاوحش
    مرسيى للمرورك يابشمهندس

    ردحذف
  37. yoyo

    يويو الجميلة وحشانى من فترة كبيرة وانا عارفة انى مقصرة ومش بزور المدونة عندك باستمرار يمكن انتى حسيت البوست ده علشان كلنا فينا نفس الصفات دى بس بدرجات متفاوتة وده شئ طبيعى لكل اللى مش طبيعى انه كل حاجة تزيد عن الحد الخوف الحقد عدم الصبر
    بحاول اتغير وياريت اقدر وعلى راى بشمهندسة عزة الامة ان كل لحظة بتمر على الانسان بيتغير فيها حتى لو تغير طفيف مرسيى للمرورك ياجميل

    ردحذف
  38. مبروك التجديد
    وممكن يكون اسمه احمد

    ردحذف
  39. ياااااااااااااه

    بقالي كتيييييييير مجيتش هنا ، انا بصراحه بقالي كتير غايب .

    كل سنه و انتي طيبه يا ايوشه ، انا متأكد من اني اخر واحد قايل الكلمه دي .

    بس تصدقي المدونه لسه هى هى نفس الحساس بتاع ايوشه و نفس الجو و شئ من الحزن مخيم على المدونه .... و الله زمان .

    انا مش عارف بخصوص كلامك هل مسموح ليا اني اقولك اعتقادي او رأيي ولا لأ ؟؟ و هل طريقتي في كلامي حتكون كويسه و لا لأ بس عموماً انا املي في ظنك الكويس كبير ، و اعتقد انك اكبر من انك تفكري اني قصدي اي حاجه سيئه ....

    من وجهة نظري اللي انتي فيه ده يا ايوشه ناتج عن حاله فراغ ، حاله معظمنا كشباب بنعيشها ، اه عايشين و بناكل و بنشرب و بندرس و بنتجوز و الحمد لله ، بس مفيش احلام و اهداف بنجري وراها و بنسهر الليل علشانها ، لذلك بتبقى الايام شبه بعضها و بنتخنق و نبتدي نحس اننا مدايقين و نبدأ نركز في احاسيس اللي حوالينا و نبص على بعض و النفوس تتعب و حاجات كتير مش كويسه ناتجه عن حاله الفراغ اللي احنا فيها ...

    كل ما بيكون فيه هدف معين و حلم ، كل ما بتحسي ان الحياه احلى و بتنامي و منتظره يوم جديد تحققي جزء من الحلم ده ، اما عن ازاي احدد الهدف و ايه ممكن يكون الحلم ، فده حيجي من تنميه العقل بالثقافه و القراءه و الابتعاد شويه عن القضايه السياسيه اللي مش بتخلص و الاهتمام بنفسك و معرفة اني كفرد قادر على إحداث تغييير هائل في هذه الدنيا " إن اردت انا ذلك "


    ممكن تحلمي بمدونة كبيره ، يبقى فيها قضايا و معلومات مهمه و تدوري على مدونات تانيه ترتبطي بيها و باصحابها و يكونوا ليكم حلم كبير و اهداف محدده ، مثلاً حلم اننا نكون سبب في نهضه الامه بعد 20 سنه من اننا ننشر العلم في حاجات بسيطه و ندل الشباب الصغير على الطرق اللي من خللها يقدر يتثقف و نغير فكره المثقف ابو نظاره المتفلحط ابو كلام مش مفهوم ...

    مجرد افكار بطرحها عليكي ممكن تناسبك و ممكن لأ ، لكن في الاخر الاهم من وجهة نظري انك تقعدي مع نفسك و تحاولي تحلمي بحلم و تبدأ في وضع اهداف قصيره للحلم ده و يكون حلم كبير و مفيد ليكي و لكل الناس و مع كل ده تستعيني بالله و هو قادر على ان يريح قلبك و ينير طريقك بإذن الله .

    عبد من عباد الله

    ردحذف
  40. الا بذكر الله تطمئن القلوب ...
    ...تحياتى

    ردحذف
  41. da mosh gnan ya 7ababty da montha el 3aal w7ala tabe3ya llanty 3mlah fnafsk mn 3dm el saka wz3za3t emank bkol 7aga wawlha nafsk ady nafsk forsa ank t7by nafsk wt7by el donya htshofy kol 7aga bshakl mokhtalf anty mn gwaky ansana gamela awy lakn anty zalma nafsk b3dm el saka wlkawk3a el anty 3aysha feha mfesh ansan bynam wys7a ylaay nafso atgher lazm ykon 3ndo asrar 3la el tagher 3shan yadar ytgher lsa el 7ayah 7lwa wlgay a7la 3sheha bkol mafeky wbtaly tkhafy 3shan tadary t3eshy waw3y tz3ly mn klamy lany bgd b7bk

    ردحذف
  42. هكذا الحياه يوم حلو ويوم مر ولازم من التغيير

    ردحذف
  43. حمد الله علي السلامه

    صدقيني

    دي ازمه وهتعدي

    المهم انك رجعتي تكتبي وتعلقي
    وتحسي بالناس اللي حبوكي من غير ماتربطك بيهم اي مصلحه

    الحب في الله فعلا

    ردحذف
  44. يا بختك يا ايوشه
    انا زى فى كل ده لان دى النفس البشريه بكل الخير والشر جواهل المهم اننا نعرف نخلى الخير هو الطاغى على افعالنا ونحيد الشر بعيد

    ما عدا نقطه بسيطه انت بتعرفى تبكى ودى نعمه كبيره جدا
    صدقينى لو قلت لك كان نفسى تكون عندى

    لكن الحمد لله على حال

    المهم انك رجعتى من تانى تكتبى بصدقك المعتاد وتعلقى بكل الغتاته برضه

    ومبروك على الشكل الجديد

    تحياتى دوما

    ردحذف
  45. صوت من مصر
    الله يبارك فيك يامحمد :)
    بس هو مش اسمه احمد خالص فكر تانى هتعرف ده اسمه ايه
    مرسيى للمرورك

    ردحذف
  46. عبد من عباد الله

    ياااااااااااه ازيك ليك وحشة والله معلش انا مقصرة معاك والله فى المدونة وبس ان شاء الله مش هقصر تانى باذن الله وهتابع مدونتك باستمرار
    ولعل غيابك باذن الله خير كل سنة وانت بالصحة والسلامة يارب
    واللى بكتب فى المدونة هى هى لازم مش نتغير والاحسا يفضل زى ما هو ^_^
    ادعيلى اتغير يمكن اقدر
    كلامك كله صح جدا السبب االلى فيه ممكن يكون الفراغ وغياب الهدف عندى من الاسباب الاساسية انى احس بالشكل ده
    واكيد بحاول ادور على اهداف لحياتى وبحاول انى اشوف ايه احلامى واحققها
    اما بخصوص مدونة كبيرة وانها تكون حلمى انا عملت كده فعلا المدونة التانية بحاول اتعلم فيها ازاى انا وغيرى نحقق احلامنا صح واتمنى كلنا نستفيد منها
    لكن ايوشة والمدونة هنا مش هينفع اغير فيهم لانى حاولت ومعرفتش المدونة دى انا وهى واحد وهى بتعبر عنى فيها بتكلم مع نفسى بكل صراحة ومن غير تجميل ولا اضافة رتوش لكلامى
    نهضة الامة دى المفروض تكون هدف كل انسان فينا شاب فتاة رجل امراة
    متشكرة لدعوتك ربنا يكرمك وربنا يستجيب منك يارب
    ومرسيى لزيارتك اللى اسعدتنى

    ردحذف
  47. well

    ونعمة بالله اكيد طبعا ذكر الله بيطمئن القلوب متشكرة للمرور حضرتك

    ردحذف
  48. طوبه فضه وطوبه دهب

    انا عمرى ما ازعل منك ياجميل وانا بحبك جدااااااا وكلامك هحطه فى الاعتبار طبعا وموضوع الثقة بالنفس اى نعم مش عارفة اثق بنفسى شوية بس بحاول واكيد اتغيرت عن زمان جدا وهحاول ادى نفسى فرصة وهحاول اعيش الحياة انا اكيد بتغير بس تغير بطئ ومش ملحوظ قوى
    متشكرة جدا يادهب على مرورك ياقمر وعلى تعليقك اللى اكيد استفدت منه

    ردحذف
  49. محمد الحسينى

    والحياة ساعات ايام حلوة وساعات ايام مرة وساعات ايام مرة ويوم حلو وساعات يوم مرة وايام حلوة مرسيى للمرورك

    ردحذف
  50. شمس النهار

    الله يسلم حضرتك يارب
    ويارب تكون ازمة وتعدى بسرعة وانا مقدرش ابعد بجد ان الناس اللى بحبهم فى الله حاولت ومعرفتش
    مرسيى للمرورك حضرتك نورتى المدونة

    ردحذف
  51. الازهرى

    ياساتر يارب عليك انت جاى تعلق ولا تقر ايه يابختك دى هو انا اللى فيه ده يتحسد :)
    بطلوا حقد بقى ^_^
    عارف انك تبكى دى نعمة كبيرة فعلا ربنا ما يحرم اى انسان منها الدموع بتطهر الانسان من جوه وبتخلي اهدى واصفى والله يبارك فيك ياازهرى وايوة رجعت اكتب تانى ورجعت اغتت تانى عليكم فى التعليقات وانت اول واحد باذن الله هيمشى عليه اسلوب الغتاتة من هنا ورايح p:
    مرسيى للمرورك ياازهرى

    ردحذف
  52. أيوش

    أنتي اللي كاتبة عن قلة الصبر والخوف ؟

    ليييييييه

    مش توقعت خالص منك كده

    لأ لأ لأ

    موش كده خالص

    بس تعرفي الصبر ده صعب جدا

    حتي النبات اللي أسمه صبار ، بيتحمل كتيررررر أوي من قسوة الصحرا وقلة المية والرعاية وشدة أشعة الشمس وبرودة الجو


    وكمان ربنا بيطمن الصابرين

    علشان كده لازم يكون صعب

    ربنا يقدرك عليه وتتغلبي علي كل مخاوفك

    العمر قدامك طويل وهتتغيري ... أكيييييد

    ردحذف
  53. mimi
    يارب ياميمى يارب اقدر اتغير انك حق فى موضوع الصبر تخيلى فعلا المواقف الصعبة والالم المفروض يعلمه الانسان الصبر على الحياة
    مرسيى ياقمر للمرورك ربنا يخليكى يارب

    ردحذف
  54. الأخ الفاضلة :: آيوشه ::

    تحياتي لقلمك المعطاء

    تحياتي لساحرة المشاعر

    تحياتي القلبية لكِ

    مع أحلى الأماني

    ردحذف