الاثنين، 10 أغسطس، 2009

وظلمنا الحكومة


الله يكثفنى معقول اللى انا عملته فى البوست الاخير ده بصراحة مليش حق طلعت عيلة لسانها طويل ومتبرى منها وكمان ناكرة للجميل

معلش اعذرينى ياحكومة .....سامحينى ياحكومة..... غلطت فى حقك غلطة شنيعة مريعة ولا تغتفر اعمل ايه ما انا واحدة من الشعب الحاقد والناكر لاى جميل لا بجد شعب شرير ومش بيراعى الجهود العظيم والمبذولة فى سبيل الارتقاء بالبلد دى

معلش سامحينى انا الغضب عمانى وخلانى مش عارفة بقول ايه والشيطان شاطر ووزنى اعمل كده من غير ما افكر واحكم بااااااااااااالعقل انك بتعملى كل حاجة فى مصلحة المواطن وواعى تنسى مصلحتك اولا هى الاهم عندنا

بعد الثورة العارمة الله اجتاحت الدولة الايوشية اللى هى دولتى يعنى حدودها متمثل فى غرفتى المتواضعة بعد معرفتى بموضوع الاستخدام الغير عادل للنت ده ومن ساعتها وثورات بقى فى الاوضة ومحدش قادر يقرب منها وعملت اعتصام وامتناع عن الاكل والشرب ونزلت هوبااااااااا اشتم فى اى حاجة قدامى واللى تطولها ايدى او لسانى وكنت بقول كلام تيييييييييييييييييت خالص المهم فتحت الايميل وانا بتييييييييييييييييت للدنيا كلها لقيت صديقى الانتيخ فاتح ومش هنقول مين علشان مش نقطع عيشه المهم ده بشتغل فى شركة تبع اى تى داتا انا شفته من هنا واتفتحت فيه معرفش ليه يمكن علشان لقيته رمز للسلطة :))

بعد كلام ومناقشات وحوارت طلعت انا اللى غلطانة ولا ومش كده طلعت انا نصابة اهئ اهئ اهئ

لا اخص عليا اخص بجد انا طلعت سوووووو باد ياجماعة وناكرة للجميل وانا هعرضلكم الاسباب اللى خلتنى اتراجع عن تعصبى الاعمى ضد قرار النت المحدود واللى اتاكدت دلوقتى انى نصابة ولازم اروح اقدم نفسى للبوليس علشان العدل ياخد مجراه

بيقول ايه ياسيدى ان القرار ده سببه الاساسى انهم عايزين يلغوا موضوع الشبكات الغير شرعية وبصراحة مكنتش فاهمة قوى ازاى غير شرعية وكان جاى فى بالى السيبرات اللى بتتدى مثلا وصلات للبيت

قوووووووووووم ايه اطلع انا مش فاهمة مش يقصدوا دول بس لا يقصدوا كمان اللى زى حالاتى اللى المفروض واخدة وصلة مش لواحدى

يعنى انا وصلتى وابن عمى وقربنا التانى فى نفس العمارة بروتر واحد قالى لا انت كده تتدخلى فى نقاط النصب على الشركة وانك بتسرقيهم علشان المفروض العقد ينص على انك انت بس اللى تاخدى الوصلة مش حد تانى

وعليه يبقى الوصلة مثلا اللى 140 جنيه انا اللى اتحملها لواحدى ومفيش حد معايا وكل فرد فى من اللى معايا كمان يدفع 140 جنيه يعنى المفروض ندفع 380 جنيه فى الشهر واحنا شباب لا شغلة ولا مشغلة وبناخد مصروفنا من اهلينا اللى مش عايزين يسمعوا سيرة النت دى تانى

**************

طيب اقوله ما انا الشركة لما روحت اقدم فيها كانت عارفة ان الوصلة مش لواحدى بدليل اننا دفعنا كل فرد فينا مبلغ متساوى اول الاشتراك

قالى لا انتى مش بتتدفعى غير الاشتراك الشهر وبس طيب امال احنا دفعنا ليه تلات اضعاف الاشتراك الشهرى ؟؟؟؟

يعنى الشركة عارفة ومتاكدة انى مش هاخد الوصلة لواحدى ومش غبية هى بدليل ان كل شهر اللى بيدفع الاشتراك شخص مختلف عن التانى يعنى لو هى عايزة تلغى وتحكم موضوع الوصلات اللى فى البيوت ده يبقى كانت الاولى فصلت عننا النت وقالت انتم خلفت الشرط الاساسى فى العقد ده غير اننا اصلا لما وصلنا جه واحد هو اللى وصل الوصلة دخل الارقام على كل الكمبيوترات يعنى المفروض لو اصلا اسرة عايشة فى بيت واحد اب واولاده متجوزين معاه فى نفس البيت مينفعش ياخدوا واصلة واحدة كل واحد يبقى ليه وصلته وروتره الخاص بيه فى شقته :))

طيب انا من امبارح اغنية ابو جريشة بتاعت 145 جنيه شوف انا هعمل بيهم ايه!!!!! شغالة تنط فى دماغى انا دول اروح ادفهم وصلة نت واشحت باقى الشهر مش كفاية اهلى بيصرفوا عليا لا كمااااااااااان اقولهم اصرفوا على النت وكده ده ليه علشان انا نصابة ومش بنفذ بنود العقد صح فى حين انى كنت اخدت وصلة من سيبر بمبلغ بسيط وكنت هبقى نصابة اكبر بالشكل ده
***************

_يجى يقولى انكم انتم الشعب عايزين تاخدوا حاجة مش من حقكم احنا نقول اللى لينا واللى علينا بخصوص الحكومة وهى عاملة الموضوع ده لمصلحة الجميع وان النت سرعته مش هتقل ولا حاجة وال40 جيجا مش وحشين انتى هفترى ده على اساس 40جيجا دول ليا انا بس ولانى اقتنعنى انى المفروض اصلح الغلط واعمل وصلة لواحدى وكل اول شهر اروح اسرق بنك علشان ادفع 140 جنيه دانا لو اشتغلت يعنى ده لو فى ظل ظروف البلد دى هشتغل مدرسة محترمة ب250 جنيه بحااااااالهم هصرف اكتر منهم على مواصلاتى ليه بقى علشان مش بشتغل فى نفس البلد لازم اتمرمت فى بلد تانية علشان اشقى واتعب فى الفلوس يعنى حتى وصلة النت مش هلاقى ادفعها بعد مصاريف المواصلات

ده غير قالى ان اصلا مفيش فى مصر حاجة اسمها النت الغير محدود حتى الوصلات العالية اللى المفروض غير محدودة ليه حد معين بس ده مش بيبان للعملاء علشان السرعة بتكون عالية وده سر من اسرار الشركة :))

_واياكم تفكروا فى يوم ان الحكومة واخدة القرار ده مثلا علشان تمنع الناس تعبر عن رايها لان النت اكبر مكان بيعبر فيه الناس عن رايهم فى قضايا البلد ومكان فسيح لمعارضة كل ما هو سئ فى البلد يبقى عيب عليكم قوى لو فكرتم كده ليه بقى علشان احنا فى شعب ديمقراطى لو انت غلطت واغضبت في يوم الناس اللى فوق مش هتعيش على وش الارض ياحلو وببساطة ممكن يخلكوا انت بنفسك تقول النت ده عمرى ما اهوب ناحيته تانى



طيب نستفيد ايه من الموضوع ده اننا زى الشاطرين نروح نصلح غلطنا وكل فرد يشترك لواحده وياخد النت المحدود اللى كل جيجا فيه زيادة ب10 جنيه يعنى انت عايز بتاع 500 جنيه لواحدك نت كل شهروبما اننا شعب ينعم بالرخاء والرفاهية وشقق مرمية واللحمة بخمسة جنيه وساعات تلاقيها بستة المفروض نحترم نفسنا بقى وبلاش نعمل زى القرد اللى بياكل فى اته محلولة مش من حقه

اهو احنا عاملين كده زى القرد ده عاملين ناكل زى ما يكون الموز مش هيخلص ابدا وفروا شوية ياجماعة حرام عليكم الحكومة هتجبلكم منين لما الموز يخلص تسرق يعنى وتغضب ربنا اعوذ بالله اعوذ بالله
وحسبوها صح وبدل ما تشترى شريطين علاج اشترى شريط واحد ووفر تمن التانى علشان تقدر تدفع فلوس الكيف قصدى تدفع للنت :))
بدل ما تشترى هدمة كل سنة اللى حيلتك مش تشترى خالص ووفر ومشى بلبوص وادفع وصلة النت
بلااااااااااش تاكل الفول اللى هو بقى اكلت الوحيدة والفريدة وعيش على الهوا ووفر واحسبها صح وادفع وصله النت علشان مش تكون نصاب وتساعد الحكومة ولا اعمل بنصيحة واحد قالها اللى معهوش ميلزموش واشرب من البحر واخبط دماغك فى اتخن حيطة واشرب من اقرب ترعة ومتقولش ايه ادتنا مصر قول هتسرق ايه مننا تانى مصر
***********
وعلى فكرة اللى مضايقنى فى الموضوع ده مش ان التحميل هيقل لان انا اصلا مش بحمل اى حاجة غير حاجات بسيطة جدا يعنى اغنية صورة ومش كتير يعنى انما اللى حارق دمى التحكم اللى عايزين يفرضوا على الشعب وانا عندى احساس بيقول ان الموضوع ده وراءه حجب عقول واصوات الناس اللى بتطالب بالتغير

هناك 32 تعليقًا:

  1. ههههههههههههههههههههههههههههههه

    ههههههههههههههههههههههههههههههههه

    يا باااااااااااااى عليكى شوفتى سوء الظن كان حيوديكى فين
    احمدى ربنا انه بعتلك اللى ينورلك طريقك
    فى الوقت المناسب
    بس اما تروحى تسرقى البنك ابقى ابعتيلى مسج اروح معاكى

    ردحذف
  2. أول رد
    عايز الهديه

    لي عوده بالمساء للرد ع البوست

    ردحذف
  3. ااااااااااااه

    راحت الهديه

    كده يا دكتوره تردي قبلي
    بس مش مشكله أول تعليقين من بلدياتك يا ايوشه

    ردحذف
  4. تصدقي انت طلعتي غلطانه

    اه يا وحشه

    خلتينا فهمنا الحكومه غلط

    الحكومه اللي خيرها علينا وعلي اهالينا

    تغور هي وخيرها مش عايزينه



    دانت طلعتي اي كلام

    ظلمتي الجماعه الغلابه اللي ما بيناموش الليل علشانا

    اه اصلهم بيناموا في النهار

    في المجلس والوزاره

    اه يا اولاد التيييييييييييييييت

    ربنا يا خدكوووووووووا
    ربنا ياخدكووووا
    علي رأي محمد صبحي

    ردحذف
  5. شفتى اخر الظلم وحش
    خذى بالك المره الجايه
    العمر مش بعزئه

    ردحذف
  6. تصدقى انا اول ما قريت البوست فى الاول وعماله تشكرى فى الحكومه كنت بحسبهم زاروكى بعد البوست اللى فات

    وقلت دول ايه بقى روقوكى وانتى عارفه الحكومه كل همها انها تريح وتروق الشعب

    هههههههههههههههههه(ايموشن بيغمز)

    بس ايه حمله التوفير اللى قلبتى عليها فى الاخر دى

    حتى الفول عاوزين يحرمونا منه

    دى الحكومه دى عاوزه تتحدف ب .......

    ايه دا ايه دا انتوا افتكرتوا ايه اوعوا تفهمونى صح انا اقصد بالورد طبعا

    ههههههههههههههههههههه

    البوست يجنن يا ايوشه

    ردحذف
  7. حكومة الكترونية فعلا وافكارها رشيدة رشيدة يعنى وانا اللى كنت فاكرها مؤدبة لا لا بلاش نظلم بقى ياناس دول شوية كلاب مش عايزين غير الحرق وانهم يعرفوا ان فى حد ممكن يتلكم كل يقف نعمل اى حاجة والله لو وصلت ماهنستخدم نت تانى كفايانا لبية اهم حاجة بدأنا وعلمنا عندنا فى المنصورة وعايزين كل المحافظات تعمل والفكرة توصل عشان يعرفوا ان فى حد ممكن يتكلم

    ردحذف
  8. ايييييييييييييييييييييييييه
    ايييييييييييييييييييييييييه

    وظلمنا الحكومة يعني

    واحنا اللي نصابين

    انا لوحدياصلا في النت يظلموني ليه
    ايه النصب العلني ده

    والعقد مكتوب فيه نت غير محدود
    دول هببببل يعني ولا ايه

    كفايييييييييييييييييية

    ردحذف
  9. كل مانفكر أكتر هنلاقي اسباب مقنعة جداً ومبررات للسرقة والنصب :)

    طبعاً الراجل ده كلامه مش مظبوط خالص لأن السرعة المتعاقد عليها بتتقسم على المشتركين أياً كان عددهم وده ميفرقش مع الشركة في أي شيء وكمان أول سؤال الشركة بيتسأله عند التعاقد هتركب على الخط كام كمبيوتر :)

    مش مهم النت أهم حاجه الاخلاق :)

    ردحذف
  10. على فكرة للمعلومة
    بمجرد فتحك صفحة نت بيحصل تحميل
    مش لازم انك تنزلي اغنية و لا فيلم


    اسلوبك جميل
    بتكتبي ساخر حلو
    و فيما يبدو ان سوء الظن بالحكومة
    حلال
    من افعالهم

    تحية

    ردحذف
  11. يخس عليك يا ايوشه
    اسأتى الظن ...
    شوفتى بعصبيتك وتهورك كنتى هتروحى فى داهيه
    ازاى يابنتى تعلى صوتك على مامتك مصر اللى حكومتها عايشة عشان مصلحتنا احنا بس ...
    دول مبيناموش يابنتى ولا باكل وحرمين نفسهم من كل حاجه عشانا احنا ...
    دول حتى عايزين يعلمونا مهن جديدة علينا عشان نكسب لقمتنا ...عيزينا نشحت يا حبيبتى بس هنشحت من شحات شوفتى الهنا
    استغفرى ربنا يابنتى واحسنى الظن فى حكومتك وبطلى افترا وبلاش تيجى على حد

    ردحذف
  12. عرفتى بقه انك غلطانة من ساسك لراسك

    ردحذف
  13. أوبس ..
    كده كنا هنظلمهم
    ربنا يسامحنا بقي
    أستغفر الله العظيم

    أما الشيطان بيخلي الواحد يعمل حاجاااات
    يلا ملحوقة

    حالاً أبعتلهم إيميل إعتذار رسمي

    ردحذف
  14. بصي ياايوشه
    اذا كان الهدف انهم يمنعوا الشبكات الغير شرعيه, عندهم طرق كتير

    اولا سهل يعرفوا اذا كان اللي داخل ده لوحده ولا معاه حد تاني
    وبالتالي ممكن نحاسب الشبكات ديه بس

    لكن تعميم القرار بالمنظر ده بيقول ان اللي بيصدر القرارت ديه جاهل بطبيعة المنصب اللي بيتكلم من خلاله

    ردحذف
  15. السلام عليكم
    هو دا الشعب الحاقد اللي بيظلم الحكومة
    استاذة ايوشة
    انتي م الاحرار

    تقبلي مروري
    وكل عام وانتم بخير بمناسبة شهر رمضا

    ردحذف
  16. والله يا آيوشة انتي مفترية كده تطلمي الناس الكمل دول وكنتي هتروحي عند حبايبنا وكنتي هتودينا معاكي .. كده برضو حد يظن كده في الناس الحلوة اللي مدلعانا دي هما وراهم حد غيرنا...
    ياللا دنيا

    ردحذف
  17. اية مساء السعادة
    انت صح يا اية كلامك زين لكن حتعملي ايه لو اتطبق زي ما اتطبقت قوانين كثير مش في مصلحة الشعب زي قانون الطواري عندكو في مصر و قوانين كثير مثل قانون الصحافة الذي لا يسمح للحافي انه يفتح جرنال بل الجرنال يفتحه مقاول و راسمالي و لا يملك اي صفة تعتبره صحافي
    مودتي
    و كل سنة و قانون جديد بيتطبق و انت بالف خير

    ردحذف
  18. ههههههههههههه

    وربنا دمك شربات يا مضروبه انتى

    بقولك ايه هو القرد ده يبقا ليكى حاجه

    ههههههههههههههههههههههههه

    وياريت منتظره منك اشاره وحده بس عشان اجيب رجالتى واجاى معاكى البنك اوك

    رقم تليفونى
    اهوووووووووووو
    1111111111

    ياريت محدش يعرفه عشان ما يبلغش عنى

    هق هق هق
    ونسبنا الحكومه وبقينا قرايب ونسايب

    هع هع هع هع

    ردحذف
  19. احنا كلنا أسأنا الظن

    مش أنتى بس


    لا وايه مش دلوقتى بس لا احنا طول عمرنا ظالمين الحكومه

    هى الحكومه ناقصه

    على رأى عادل امام

    اللهم خلى جميع الزعماء

    اللهم اخرب بيتنا احنا يا شيخ

    اللهم موت الشعوب كلها فى يوم واحد

    عشان يصحوا الصبح مايلاقوش حد يحكموه بقى ويجيبوا عقد عمل ويروحوا السعوديه

    اااااااااااااااااااااااااه

    مفيش غير الااااااااااااه هى اللى نقدر نقولها

    لكن بجد أسلوبك هايل طبعا زى ما بتعودينا دايما

    ردحذف
  20. هههههههههههههههههههههههه

    هههههههههههههههههههههههههه


    ايوشه انا بقول الحقى استخبى اليومين دول خطر عليكى

    كدا تسوءى الظن بالحكومه

    كنتى هتروحى فى خبر كان

    ربنا يجعل كلامنا خفيف عليهم

    ههههههههههههههههههههههههه

    حنين

    ردحذف
  21. لا يا ايوشة
    والله خوفتيني عليكي
    انتى مش خايفة يا حبيبتي للحكومة تدرى بالبوست دة وييجي يبهدلوكى
    ياااااااااااااااااااااااااااااااارب
    حرام بقى
    نروح فين يعني يا الله
    وقال ايه بلد ديموقراطى
    يا ربي
    حسبي الله ونعم الوكيل
    ربنا ياخدهم وينتقم منهم
    ياااارب بقى
    بسش ما خفتيش وانتى بتكتبي كدة يا ايوشة
    اصل الحيطان لها ودان والكيبوردات ليها مليون ودن
    هههههههههههههههههههههههههه
    يخرب عقلك
    عجبتيني جدااااااا
    اتجرأت في الرد شوية
    بس يلا
    وبعدين يا بنتي ليهم حق
    يعني انتى جاية بعد ما اخدوا كل حاجة
    بتتكلمى عن النت
    يا شيخة
    ربنا ياخدهم ويريحنا منهم بقى
    قولي امييييييييييييييييييييييييين
    قولي
    :))

    ردحذف
  22. ههههههههههه

    ايوشة ... انا قريت البوست دة واللى قبلة كمان

    واقدر اقولك انك بعد الموضوعين الجمال دول ........ هتـوحشـــينا جـــــدا

    اعتقد انك بعد الكلام الجميل دة هتبقى فرصتك احلى فى ممارسة النت

    لانهم بيقولوا ان

    النت فى وزارة الداخلية ممتاز وسريع

    وكمان فية خدمات مدعمة للنزلاء اللى بيشرفوا فترات طويلة

    ههههههههههه
    انا بهزر طبعا

    معلش ان شاء الله يكون فيه حل للنت دة

    تحياتى واحترامي

    ردحذف
  23. معلش يا ايوشه الحكومه هى الكبيره برده حتستحمل اللى بيتقال عليها

    ردحذف
  24. يانهااااااااارى هو فى شبكات غير شرعيه؟؟؟؟
    طب ومعرفوش مين ابوها؟؟؟؟
    اهى دى الحكومه اللى بتطبق الشريعه الاسلاميه اوماااال لازم كل شبكه يكون ليا اب وام مش شبكه منحرفه..

    ردحذف
  25. صديقتى اللى وشحانى موووووووت ايوشة
    بجد اشتقتلك كتير
    الموضوع ده واخد اكبر من حجمة جدا ومعتقدش انه هيتعمل
    كل سنة وانتى بخير

    ردحذف
  26. ماشى انتى طلعتى غلط علشان مستخدمة الوصلات
    طب و المستخدم المستقل غلط بردو ؟؟

    ردحذف
  27. ايوشه راح زمن الانترنت خلاص
    ومش هدفع
    وهسرق وصله من اول الشارع

    ردحذف
  28. السلام عليكم ورحمة الله وبركاته

    طيب انا معاكي ان في ناس كتير نصابيين زي ما بتقولي

    طيب واحد زيي موصل لوحده في البيت وروتر لوحدي وشغال لوحدي

    يجي بعد 10 ايام مثلاً اكون خلصت ال20او ال40 جيجا بتوعي يقوم فاصل عليا واروح اشتري بقى حبة نت ناشفين من عند ام حماده


    طيب ما يحربوا اللي بينصوبوا عن طريق قطع النت عنهم

    لكن يقرفونا احنا ليه بقى

    ارى انه كلام غير مقنع بالمرة

    وان السبب الرئيسي سياسي 100%

    ردحذف
  29. ان بعض الظن اثم

    يا شعب كله ظلمه

    استغفري يا بنتي يمكن ربنا يغفرلك

    المهم هتدفعي ولا هتتحبسي :D

    ردحذف
  30. ah ya bnty el a7tgag da kolo blaha nt khals y3ny hya gt 3leh ashm3na hwa ya3ny el hnba bra7tna feh sebk anty wa7shany moooooooooot ya amr kol sana wanty tayba ya amr nfsy a3rf hwa fen srgo kwis wla t3ban lo btshofeh salymely 3leh waolelo any z3lana awy mno

    ردحذف
  31. ههههههههههههههههههههههههههه
    الله يخرب بيت عقلك
    والله معاكى كل الحق

    ردحذف
  32. الأخت الفاضلة :: آيوشة ::
    تحية مباركة طيبة
    وبعد

    وتستمر مشكلة تخلف النت

    في العالم العربي

    كان الله بعونكم

    وعوننا

    أحلى الأمنيات

    ردحذف