الأربعاء، 12 أغسطس، 2009

القرد هو السبب


مش انا عرفت السبب الرئيسى للقرار بتاع الاستخدام الغيرالعادل للانترنت اللى الحكومة فعلا مشكورة قدرت تحل المشكلة بسرعة قبل ما تتفاقم ومش هنقدر نحلها امبارح لقيت فيديو على اليوتيوب فيه اعلان وده نصه
_يعنى ايه الحيوانات هربت


_ياباشا اللى شفته ده عمرى ما شفته قبل كده تصدق القرد فتح القفص وجرى على الخرتيت ركب فوق ضهره وجريواعلى السيسى القرد وشوشه فى ودنه لقيتلك السيسى بينط لفوق وبيقول ياكريم وجريوا برة الجنينة
_بقى السيسى نط و قاله ياكريم

_ياباشا انا مش مجنون صدقنى بس اللى حاذذ فى نفسى مين ده كريم اللى يسبونى علشانه

*********

كريم اللى ركب وصلة دى اس ال من شركة هننصب عليك تاتا تاتا اكبر شبكة واسرع شبكة انترنت فى مصر تجيبلك الدنيا من اوسع ابوابها هننصب عليك تاتا تاتا طور حياتك
***********

ومن هنا نقدر نقول ان السبب الرئيسى للقرار ده عايزين يريحوا القرد والسيسى اللى كل يوم هربانين من الجونينة وجرى على كريم وعاملين ازمة مواصلات وتعب وارهاق على القرد بجد يعنى وده غير ان الجونينة اشتكت لاكبر واوسع شركة نصب اللى هى هاننصب عليك تاتا ان القرد والسيسى هربوا وبقيوا مفيس حد بيروح ينفعهم علشان مفيش حيوانات يلعبوا معاها يبقى الحل اللى توصلوا اليه بما انهم مش قادرين يشكموا القرد ولا السيسي ولا الخراتيت ويخلوهم يتهدوا ويركزوا فى مكانهم جوه الجونينة انهم يشوفوا الحل الاحسن كان لازم يتخلصوا من الوصلة اللى مركبها كريم اللى مشحططة القرد كل يوم ولو يطولوا يتخلصوا من كريم نفسه وابوكريم وام كريم وعيلة كريم كلها والشارع اللى ساكن فيه كريم مش هيتاخروا ده غير ان كريم شاب صايع ومفيش شغلة ولا مشغلة وباطل وعاطل واهله بيصرفوا عليه بعد ما خلص الجامعة من اكتر من خمس او ست سنين مثلا وبما انه متقل على اهله وبياخد مصروفه منهم جاب وصله هو ووصاحبه ابن الجيران اللى صايع زيه بردو واهو قال اى حاجة تسلى وقته وتخرجه من القرف والنكد اللى عايش فيه ويمكن يلاقى شغلانة ولا حاجة تفيده على النت يعنى شحات ونصاب وكل يوم مشحطط القرد معاه ده يصح بردو ا وكل ده فى سبيل القرد وعلشان راحة القرد تولع البلد كلها كله الا القرد ياجماااااااااااعة لذلك القرد والسيسى والخرتيت مش هايهربوا من الجونينة تانى الا لولد قادر يدفع تمن هروبهم ابن ناس يعنى ياحسبو :))
وعنده بابا وماما عندهم ارصدة فى البنوك ومهما ياخدوا من التل ومش بيختل
*
*
اتفرجوا على الفيديو بقى :)

video

هناك 31 تعليقًا:

  1. شر البلية مايضحك
    والله باين دماغنا هايضرب يا ايوش يابنتى
    منهم لله

    ردحذف
  2. الحق تانى تعليق وبعدين اشوف الفيديو
    ههههههههههههههههههههه
    موتى قلبي من الضحك
    هم يبكي وهم يضحك
    تسلمي يا جميلة
    يا اللى بتقولي الكلام الصح والمية مية
    مش تريقة ها
    هههههههههههههههههههههههههههههه
    ياريت تفتحي الميل يا ست انتى
    افتحيه بقى يا ولية
    بحبك في الله
    وحبدأ اكرهك لو ما اتفتحش
    :))))))

    ردحذف
  3. صباحك سكر يا يويو
    طيب انا هاحجز التعليق التالت وارجع تانى

    ردحذف
  4. هههههههههه
    و الله هم يبكى وهم يضحك
    هو القرد داالسبب
    و السبب الرئيسى كريم و العيلة دى كلها
    انا حاسة ان هيكون فى مطالبة بالغاء اى حد اسمه كريم او حتى فى العيلة حد اسمه كريم
    ههههههههههه
    كل دا طبعا عشان خاطر القرد و السيسى
    هو يعنى احنا هنشحططهم كدا معانا ينفع يعنى

    مش عارفة الناس دى عاوزة ايه بجد
    وبعدين مين عادل دا يعنى اللى عاوز يستخدم النت
    قال القرار العادل والغير عادل
    ياعم عادل روح بعيد عنا بقى
    هههههههههههه
    خلاص يعنى هى بقت دى المشكلة والكارثة
    الحكومة عملت اللى عليها يا سباعى
    وعدها العيب والله

    الفيديو تحفة يا ايوشة
    تسلمى يا قمر
    كل سنة وانت طيبة
    رمضان كريم
    تحياتى
    يويو

    ردحذف
  5. يااااه بقى كل ده من ورا كريم والقرد ؟؟؟

    لا دا احنا لازم نشوف صرفه مع الواد كريم ده

    هههههههههههههههههه

    دمك زى العسل والله بس يا خساره الظروف أصلا تنكد على الناس كلها

    ياللا هنقول ايه

    انا لله وانا اليه راجعون

    ردحذف
  6. ياكرييييييييييييييم
    ربنا يحرقك
    ويحرق تي اي داتا
    علي لينك
    علي كل شركة هتعمل التحديد
    وبعدين حتي الحيوانات اتضررت
    ياحرااااااااااااااامية

    يويو مالها ومال عادل ؟؟
    يابنات انا مقلتلهموش يستخدموا اسمي

    انا اتضررت اساسا
    مش كفاية 25 جيجا لا و كمان اسمي مصر كلها بتشتموا

    يالهووووووووووووووووووي

    ردحذف
  7. وهكذا هدئت جنينة الحيوانات كلها بعد ما منعوا عنهم الأكل ودبحوا الزرافة وسايسوا الأسد "ده لو لسه فيه أسود" وسكتوا القرد والخرتيت
    وزي ما قلتي
    لازم يكونوا حيوانات مهذبة ولاد عيلة من بتوع لابلاج ومارينا وبورتو السخنة

    طيب وبقية الحيوانات بتوع الشرابية والحلمية وحلايب وشلاتين يعملوا ايه؟
    هههههههههههههههههههههههههههههههههههه

    ردحذف
  8. كليب جاااااااامد وطبعا القرد هو السبب في المشكة و ازاي احنا مش قادرين علي القرد ده و انا منبري هذا اطالب بتوقيع اقصي العقوبة علي القرد ومنع الموز عنه لمده شهرين

    ردحذف
  9. جيتى على الجرح

    بجد الموضوع ده بفكر فيه جدا ، و مش عارفة إيه أخرتها

    بس كويس إننا عرفنا السبب
    :) :)

    سلمت يداكى

    تحياتى لك يا أيوشة

    ردحذف
  10. احب اصححلك معلوماتك

    كريم مش شاب عاطل صايع

    مقضيها شات وفرجه ودون لود على النت

    ده الراجل بيعمل ابحاث

    وادى صوره كريم الى ناس كتير متعرفهوش

    خدى الرابط كوبى

    http://prgrmr.net/infimages/myuppic/48a02c10e1520.jpg

    ردحذف
  11. السلام عليكم
    خلاص الحل نقتل القرد وهو برده تطوير

    ردحذف
  12. ههههههههههههه

    بصي هي جابت جاااااااااااااااز

    ردحذف
  13. مرحباً / أيوشه
    لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

    قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
    يمكنك متابعة مدونتك على الرابط التالى:
    http://www.tadwina.com/feed/1603

    يمكنك متابعة باقى مدونات تدوينة دوت كوم على الرابط التالى:
    http://www.tadwina.com

    لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع ونرجو منك مراسلتنا للأهمية على الايميل
    Tadwina@gmail.com
    لوضع البانر الخاص بنا على الصفحة الرئيسية لمدونتك حتي يستطيع قراءنا في مصر والوطن العربي من متابعة تدويناتك المستحدثة

    و لكم جزيل الشكر،

    فريق عمل تدوينة دوت كوم.
    http://www.tadwina.com

    ردحذف
  14. مرحباً / أيوشه
    لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

    قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
    يمكنك متابعة مدونتك على الرابط التالى:
    http://www.tadwina.com/feed/1603

    يمكنك متابعة باقى مدونات تدوينة دوت كوم على الرابط التالى:
    http://www.tadwina.com

    لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع ونرجو منك مراسلتنا للأهمية على الايميل
    Tadwina@gmail.com
    لوضع البانر الخاص بنا على الصفحة الرئيسية لمدونتك حتي يستطيع قراءنا في مصر والوطن العربي من متابعة تدويناتك المستحدثة

    و لكم جزيل الشكر،

    فريق عمل تدوينة دوت كوم.
    http://www.tadwina.com

    ردحذف
  15. ههههههههههههههههههههه

    بجد دمماغك جامده يا ايوشه

    يعنى كل دا بسبب القرد

    هههههههههههههههههه

    على رايك نولع احنا كله فى سبيل القرد

    هههههههههههههههههههه

    موضوع تحفه

    ردحذف
  16. ههههههههههههههه
    يعنى ده سبب المشكلة
    صحيح العلم نور يا أولاد

    ردحذف
  17. هههههههههههههههه

    هم يبكى وهم يضحك

    يلا ربنا يسامح القرد

    ردحذف
  18. هم يبكى وهم يضحك

    انتى مش هتسكتى يا ايوشه غير لما نشرف كلنا فى ابو زعبل

    وبعدين عادل منين هم دول يعرفوا العدل

    ههههههههههههههههههههه

    كل سنه وانتى طيبه

    حنين

    ردحذف
  19. على النعمه كاررررررررررررررثه

    ليه كده يا بنتى بس الحقد على كريم ده كله
    وكمان مين الشركه دى هه؟
    يعنى بالذمه فى شركه اسمها كده ؟
    او بتعمل كده ؟

    لالالالالالالالا
    انا مش معاكى خالص
    أنا ناوى أدخل دنيا مش أدخل المعتقل

    على فكرة
    اسمها حازز فى نفسى

    ردحذف
  20. ههههههههه
    لا لا لا
    لو عشان خاطر القرد يبقى مفيش مشكله
    نلم احنا نفسينا, ده كله يهون ولا ان القرد يتقل مقدراه

    اااااااه يابلد القرد فيها بيروح عند كريم

    ردحذف
  21. فاضلنا الهوا
    يقنينوه ويدوا
    كل واحد فينا شمة
    كل يوم واللى ياخد
    اكتر يكتموا نفسه تانى يوم:)

    ردحذف
  22. عادى بقى يا ايوشة

    سيبى الناس تسترزق


    والليل الليل الى يا ميمون

    وكمان الليل وانا اكون منون

    -------------------------------
    مرسيي ليكى يا كريم شانتى الفكاهة


    على النقد الفكاهى الظريف دا

    -----------------------------

    مع تحياتى / حازم ربيع

    ردحذف
  23. هههههههه طيب ولما القرد هو السبب

    مش عيب عليكي تظلمي الحكومه الغلبانه يا آيوش كل شوية ههههههه

    بعدين هي زيارة واحدة لحديقة الحيوان يمكن تتحل المشكلة ^_*

    ردحذف
  24. أسلوب نقدك للموضوعات يا أيوشة بجد هايل

    بس السؤال بقي ... إيه الحل؟

    نحياتي

    ردحذف
  25. أيوش

    بالنسبة لثندر مش عارفة هوا فين

    بس أكيد لو حد فينا شافه يبلغ التاني

    اوك ؟

    ردحذف
  26. بوست جميل اوووووووووووووووووووووى
    كريم ده ممل
    خصوصاً فى اعلان كاريير ركبوا كاريير
    !!!!!

    كريم ركب كاريير
    !!!

    ردحذف
  27. ياااااه شوفي و أنا اللي كنت ظالمة الحكومة و النصب داتتا يعني و هما غلابة كله منه الشيطان بتاع البتي آدم هههههه أهديهم رائعة آدم لا والله و فيك الخير و سمعني تعظيم سلام

    مستنية جديدك
    دمتي بود

    ردحذف
  28. هههههههههههههه..شوفي إازاي يعني طلع في النهاية الموضوع السيسي و كريم
    اااااااه ياااني..مش قادر أتخيل الموضوع ده لحد النهاردة..ده أنا بالكتير حيقفلوا معايا ال25 زفت جيجا علي يوم 10 أو 15 في الشهر
    بس ايه الفيديو ده يا أيوشة
    أول مرة أسمعه
    :))
    تحياتي

    ردحذف
  29. ههههههه

    طب واحد زيي انضحك عليه و جاب خط512 هو وجاره المفروض غير محدودة

    دلوقتي الوزير بيقول ان النظام الجديد على الاشتراكات القديمة

    انا موقفي ايه دلوقتي

    متحدد و لا مش متحدد


    انا مصدوووووووووووووم

    الله يخرب بيت القرد :(

    ردحذف
  30. السلام عليكم ورحمة الله وبركاته ,,,

    اول مرة اجي هنا وان شاء الله يا رب مش تكون اخر مرة
    مدونة حضرتك رائعة وربنا يبارك في حضرتك يا رب

    وبصدق بوست رائع ودمه خفيف جدا وربنا ينتقم من صاحب عمو جمال - الرئيس اللي جاي .. بيقولوا - على اللي عايز يعملوا فينا ده

    ردحذف
  31. انت لسه هنا؟


    لا لا تعالى بسرعه عندنا


    تيمون وبوبما عايزينك


    كل ما تضحك اكتر كل تاكل بطاطا اكتر

    هاكونا مطاطا

    مش هتقدر تغمض عنيك

    هاكونا مطاطا هديتنا لكل المدونين عشان نخرج من حاله النكد

    هاكونا مطاطا تهييس للصبح

    هاكونا مطاطا ... لااااا للملل


    هاكونا مطاطا... قول لاء للهم

    هاكونا مطاطا.... اوعى تزعل ابدااا

    هاكونا مطاطا... ارمى الماضى ورا ضهرك


    انسى الماضى اللى يغيظ


    يلاااااااااا تعالى مستنى ايه

    وياريت تضيف اللينك عندك
    ومش هتندم ابدآ

    مودتى

    ردحذف