الأربعاء، 29 يوليو، 2009

ازاى نسامح بعض




بناء على طلب من الامووووورة البت المشمشية اننا كلنا نعمل بوست عن التسامح قبل رمضان وانا كنت محتاجة اعمل البوست دا جدا وهو جه فى وقته بنقولها ربنا يكرمك ياااااااارب على فكرة دى ويجعلها فى ميزان حسناتك باذن الله على كل انسان هيخرج من كل بوست قراه وقدر يعرف يعنى ايه يسامح ويعرف ازاى يسامح غيره









أنا آســــــف كلمة ولازم أقولها لــــك

أنا آســـــف تعالى نقولها ونتسامـــــح


تعـــالى نمــــد إيـــــدينا ونتصالـــــح


كفاية اللى كان بينا وكفاية كلام جارح


لازم ننســـى اللى حصــل بينا امبارح


أنا آسف مش علشان غلطت أنا فى حقك


ولا علشان فى يوم اتسببت أنا فى حرجك


أنا آسف لانى فى يوم خليت الغضب يعمينى


وخليته للعشرة وللحب اللى كان بينا ينسينى


هسامحك علشان اعرف اغمض فى يوم عينى


واعرف انام وانا مرتاح البال والرضا مالينى





افتكر مرة زمان كانت صاحبتى بتشرح لى مسالة وهى ماشاء الله ممتازة وانا كنت بكره الرياضة بشكل فظيع وكل ما تشرح المسالة اقولها مش فاهمة طبعا اخر ما زهقت منى قالتلى بطلى غباء ويوميها كان يوم ما يعلم بيه الا ربنا زعلت واتنرفزت وخربت الدنيا وهى من منظرى وفضلت تبكى اليوم بحاله ويجوا يحاولوا يصالحوا فيا وانا مش راضية كان قلبى اسود بعيد عنكم ههههههه وتمر الايام ونيجى فى الجامعة كنت كل ما اتكلم معاها اتنرفز بما انى عصبية ودماغى ماشاء الله دزمة قديمة :)) فى العند الاقيها مش بترد عليا وبتبتسم ولما اتكلم تسكت قولتلها انتى مش بتردى ليه عليا تناقشينى فى كلامى تثورى لما فى يوم اتنرفز عليكى قالتلى انا بحب طريقتك وبحب كلامك وبكون مستمتعة جدا وانا بسمعك الموقف دا افتكرته دلوقتى اد ايه هى كانت انسانة طيبة وقلبها طيب جدا ونسيت الموقف دا وانا اللى قلبى اسود كل شوية افكرها بيه وقولها فاكرة يوم ما قولتلى بطلى غباء هههههههه مع انها هى عمرها ما بتزعل منى علشان كدا ماشاء الله صاحبتى من 15 سنة ومن اعز اصحابى ممكن الايام تمر واحنا بعيد عن بعض بس مهما حصل بنرجع لبعض تانى فى الاخر



لما كبرت كنت بقول انا مش بعرف اسامح بسهولة بس والله مش شكر فى نفسى انا لقيت انى ساعات بوصل لحد الهبل فى التسامح بسامح لدرجة ان ممكن الموقف اللى جرحنى يتكرر اكتر من مرة وانا بسامح واقول معلش دا ساعات ان اللى بروح ابدا بالاعتذار للناس علشان مش بستحمل ابدا احساس انى شايلة من اى انسان مش عارفة بحس ان التسامح دواء او علاج ليا قبل ما يكون لغيرى


واتذكر قصة بحبها جدا ودايما بحاول احطها فى بالى فى كل وقت اي نعم بكون عصبية وتنرفز واعمل مصايب فى اللحظة اللى بيحصل فيها موقف يعصبنى بس والله مفيش ساعات قليلة وارجع انسى كل حاجة حصلت


القصة بتقول ان الرسول صلى الله عليه وسلم كان جالس بين اصحابه قال لهم سوف يدخل عليكم رجل من اهل الجنة وشوية ودخل رجل ملامحه عادى جدا وقد يكون فقير صلى ومشى من المسجد على طول لكن تبعه صحابى اعتقد انه عبدالله بن عمرو وكان من عادة العرب انهم يقولوا مثلا انهم اغراب او انهم مش لاقين مكان يناموا فيه ان يعرضوا على الضيف لمدة 3 ايام الاقامة عنده وبالفعل استضافه الرجل فى بيه وعبدالله بن عمور يراقب الرجل دا ولاقيه عادى جدا يكاد مش بيعمل حتى كل السنن فى الاخر ساله عن السبب اللى خلى الرسول صلى الله عليه وسلم يقول انه من اهل الجنة قاله انه بنام كل ليلة ومفيش فى قلبى لا حقد ولا ضغينة ولا حسد ولا بغض لاى انسان فى الدنيا دى


قال الله تعالى:"خذ العفو وأمر بالعرف وأعرض عن الجاهلين" . ( الأعراف 199)


وقال تعالى: "وإن تعفو أقرب للتقوى"


..وقال صلى الله عليه وسلم: "أفضل أخلاق أهل الدنيا والآخرة أن تصل من قطعك وتعطي من حرمك وتعفو عمن ظلمك".


حتى علماء النفس قالوا ان الانسان المريض وبيعانى من اضطرابات نفسية بيكون السبب الاكبر عنده انه مش بيعرف يتسامح سواء مع غيره او حتى يتسامح مع نفسه


هو فى تسامح مع النفس اكيد فيه طبعا ممكن نسامح اللى حوالينا كلنا ونجى لغاية نفسنا ونعملها محاكمة عسكرية على كل شئ نعمله فى حياتنا ونحول لحياتنا لجحيم مطلق واعتقد اننا ولو مش متسامحين مع نفسنا بشكل صحيح مش هنقد نتسامح مع الناس او حتى مش هنعرف نعيش فى وسطهم حتى


وفى مقولة لآن باتون مع انى معرفش هو مين بس المقولة دى عجبتنى قريتها فى كتاب عندى اسمه الغفران الفن المفقود


بيقول ياله من قانون صعب ذلك الذى يقول اننا لا يمكن ان نشفى من جروحنا العميقة مالم نغفر


وفى مثل صينى كمان بيقول من يختار الانتقام لابد ان يحفر قبرين


عايزين نتعلم نسامح بعض الاباء يسامحوا اولادهم على الرغم من عقوقهم والابناء يسامحوا اباءهم لو فى يوم اساءوا راعيتهم وتربيتهم الاخوات بينهم وبين بعض االاصدقاء الزمايل كل الناس تسامح والاهم من دا كله نسامح نفسنا فى الاول لكن الحياة من غير تسامح مش هتكون غير جحيم لا يطاق ودنيا مفيهاش غير الانتقام
وصحيح سامحونى انى لسه مرديتش على تعليقات البوست اللى فات ربنا يكرمكم يااااااااارب بجد انا مش لاقية كلام اشكركم بيه على انكم مستحملين دايما كدا نكدى وشغل العيال اللى بعمله كل شوية حتى الكمبيوتر اللعين دا بيعمل حاجة غريبة عندى فى صفحة التعليقات بس انا هسامحه وامرى الى الله :)

هناك 57 تعليقًا:

  1. أوووووووووووووووووووول تعليق


    كله يوسع كدا

    ردحذف
  2. دا الموضوع خطير قووووووووووى

    أصلى مش متخيل أكون أول تعليق فى مدونة أيوشه بالذات


    المدونه المليئه بالخيراااااااااااات وبالناس اللى زى العسل

    لكن انهارده أنا حظى من السما

    ردحذف
  3. فى البدايه لازم أصفقلك تصفيق حااااااااااااااااااد جدا لحاد ما ايدى توجعنى

    بجد والله تناولتى الموضوع بشكل هايل جدا وممتاز للغايه

    أنا حسيت انى قاعد بسمع خطبه الجمعه فى المسجد

    ومش من أى امام لأ دا أنا حسيت انى بسمعها من امام مميز جدا جدا جدا

    الموضوع فيه دلالات من القرآن والسنه والحياه الواقعيه

    بجد أنا بشكرك قوى على تناولك للموضوع بالشكل المفيد قوى ده

    ودى مش جديده عليكى

    دمتى بالخير أيتها المعلمه الداعيه الفاضله

    ردحذف
  4. خطوة كويسة ..
    ورغم اني كنت أخدت قرار
    وكنت هنفذه ومكنتش هد.... تاني
    لكن خلاص انا مسامح
    رغم اني حسيت بالاهانة
    ربنا يسامحك

    ردحذف
  5. تعليقي دا قبل ما اشوف كلام حضرتك في الشات عندي
    بس ................
    أفضل الصمت
    وربنا يسامحنا كلنا

    ردحذف
  6. احجز تحليق و اجي

    فووووووووووووووو

    ردحذف
  7. عرض الموضوع حلو يا ايوشة
    والاجمل اننا فعلا قندر نسامح اى حد اساء لنا
    ويا رب نلاقى من كل اللى اسأنا لهم تسامح وعفو

    تحياتى

    ردحذف
  8. بجد بوست جامد يا ايوشة
    وما علينا انك متعرفيش الان باتون
    بس تكتبي لحد ماتعرفهوش ليه
    مش يمكن ؟؟؟ ولا بلاش بقي
    ههههههههههه

    بس عاجبني اوي الكلام المشعر اللي في الاول ده

    بس كلكم كاتبين كلام حلو ...
    انا بهدلت الدنيا عندي علي فكرة
    هههههههههههههه

    ردحذف
  9. امممممممممممم بما انى من الناس اللى مش بتسامح:)بمعنى انى مش بزعل ولا اجرح حد ولا عمرى ضايقت بنى ادم فى المقابل بأه لوحد قابل ده بحاجه وحشه مش بسامحه:(لانببساطهزىمبعاملك احب انك تعاملنى لكن افضل اسامح فى حقى كده نوووووو...
    انا وحشه صح:)

    ردحذف
  10. رائع يا ايوشة تناولك الموضوع من جوانب متعددة
    بأسلوب سلس دا حتى جبتى مثل صينى :)

    التسامح للاسف صعب معناه كبير اوى
    ياريت نقدر نوصلة فى يوم
    بس على الاقل نحاول ونشوف دوافع تخلينا ايجابين عندنا روح للتسامح

    ربنا يجعلة فى ميزان حسناتك
    تقبلى مرورى

    ردحذف
  11. انا اتكلمت عن الصحابى اللى ذكرتى قصته ده
    بس انا مكنتش عارفه اجيب احاديث دقيقه او ايات
    معلش بقى
    الموضوع اتكروت عندى
    اختك مشغوووووووووله

    ردحذف
  12. السلام عليكم
    ازيك حبيبتى اخبارك ايه

    اتارى الجهل طلع وحش وفيه تعليقات فى البوست
    معلش يا اختى العتب عالنظر
    هههههههههههه


    بس بجد الموضوع تحفة
    هايل
    رائع
    تسلم ايدك اللى كتبت وعقلك اللى فكر


    التسامح فعلا مهم جدا فى حياتنا عشان نقدر نعيش
    .. فعلا اللى مش بيتسامح يجب ان يحفر قبرين لان الكراهيه والغل والحقد نار تلتهم صاحبها قبلى اى حد تانى


    الشعر روعة يا ايوشة بجد

    تسلمى حبيبتى
    جعله الله فى ميزان حسناتك

    ردحذف
  13. بجد الموضوع وكلامك حلو اوى والتسامح احلى بس انا وواحده مش الناس فى شخصيه فى حياتى مش هقدر اسمحها

    ردحذف
  14. هقولك ايه غير ان الناس بتقولى انت ضعيف بسبب كلمه انا اسف

    ردحذف
  15. جميل الكلام اللى فى البوست
    ده
    بس هو الشعر اللى فيه من تأليفك
    ؟‍‍!!

    ردحذف
  16. يا ريت الكل يسامح ..... وفعلا احنا موش بنعرف نسامح نفسنا علشان نسامح بعض

    موضوع هايل ..... ربنا يجعله في ميزان حسناتك يا رب

    ردحذف
  17. فعلا يا ايوشه من المهم جدااااااااا

    ان احنا نسامح بعض خصوصا كمان ان رمضان جاى

    بس المهم ان احنا نتصالح مع نفسنا الاول قبل ما نحاول نسامح الاخرين

    وكل سنه وانتى طيبه يا قمر

    رمضان كريم

    تحياتى

    ردحذف
  18. دعوة جميلة وانا عن نفسى بقول للجميع انا اااااااااااااسف واتنمى ان لو زعلات اى حد او اى خميس او جمعة طيب ميزعلش منى وكل سنة وانتوا طيبين

    ردحذف
  19. السلام عليكم / جزاكِ الله خيراً انتِ وصاحبة الفكره على الموضوع الطيب والجميل فعلاً التسامح دواء للنفوس والقلوب والعصبيه لا تأتى بخير .
    أعاننا الله جميعاً على التسامح .
    وبلغنا اللهم وإياكِ رمضان بالخير .

    ردحذف
  20. يخربيت رغيك يابت
    ههههه
    نفسى اتقطع
    بس بجد برافو عليكى
    بس االكلام المشعر ده على راى دولا
    من تاليفك
    بس والله جامدة موووووز موووز موووز

    ردحذف
  21. لشاعر الحزين
    مبروووووووووك عليك اول تعليق او تحليق على راى عادل :)
    وربنا يكرمك يارب على الكلام دا كل دا على مدونتى بالعكس بقى احنا اللى حظنا من السما انك نورتنا النهاردة ياعلاء
    وبشكرك بجد على تعليقك الجميل دا اللى طبعا انا مستحقش ربعه حتى وربنا يكرمك يااااااااااارب
    ومرسيى للمرورك بجد نورت المدونة

    ردحذف
  22. .. هعزف لنفسي

    الله ايه الكلام دا بقى انا مكنتش اعرف انك قلبك اسود بالشكل دا
    والله ولا كنت فاكرة انك هتزعل بالشكل دا على العموم بجد بجد اسفة من هنا للصبح على اى كلمة قولتها وكانت فيها اهانة
    وانا والله ما كنت اقصد ابدا اى اهانة انت اخويا الصغير وعمرى ما اقدر ازعل اخواتى منى
    ماشى فكها بقى وخليك متسامح وقلبك ابيض وربنا يكرمك انك ان شاء الله مادام مش بتشيل من اى انسان كان
    حتى ولو الانسان دا كان لسانه طويل شوية وقال كلام مش ليه اى لزوم
    وربنا يسامحنا كلناااااااااا ياااااااااااااااااااارب
    مرسيى للمرورك واتمنى بجد مش تكون اخر مرة

    ردحذف
  23. adel
    يادى التحليق بتاعك دا حلق حلق :)

    ردحذف
  24. بنجاواتى
    ربنا ييسر لينا دايما فى الدنيا دى كل اللى يكون قلبه صافى وبيسامح ومش يشيل اى حقد ولا ضغينة لينا ابدا
    اللهم امين مفيش احسن من التسامح فى الدنيا بيدوب كل سئ جوانا
    مرسيى للمرورك يابنجاواتى

    ردحذف
  25. adel
    ههههههه ولا اعرفه ولا عمرى سمعت بيه الراجل دا وبصراحة فكرت زيك كدا وقولت مش يمكن ؟؟؟؟
    ههههههههه بس قولت يلا مش مهم اهو قال كلمة حلوة وخلاص
    والحمد لله ان البوست والكلام المشعر اللى فى الاول عجبك
    مع انى حاسه انه مشعر دى مش عارفة بتفكرنى بتامر حسنى ليه ههههههههه
    وعلى فكرة بوستك حلو بجد وخصوصا موضوع ضاربين حشيش ومية مع بعض ههههههه
    كل واحد كتب بوست جميل لانه باسلوبه وطريقته
    مرسيى للمرورك ياعادل

    ردحذف
  26. الشعب لابد له من حكومه تشكمه
    تؤتؤ ياشيمو ليه بتقولى كدا بس حاولى بجد تجربى موضوع التسامح بجد بجد والله الفايدة هتكون ليكى مش للى بتسامحيهم
    الكره والحقد والالم من الحرج اللى سببه الاخرين لينا بيستنفذ ممنا جهد ووقت كبير وبيخلينا مش عارفين نعيش بشكل طبيعى
    وبنكون اغلب الوقت فى الم وضيق
    وانتى زى العثل ومش وحشة خالص طبعا سبحان الله ربنا خلق الناس مختلفين فى كل حاجة
    والتسامح دا سمة مكتسبة وان شاء الله هتقدرى تكتسبيها مع مرور الوقت
    مرسيى للمرورك ياقمر

    ردحذف
  27. احساس طفلة محبة للرومانسية بس واقعية
    اهم حاجة المثل الصينى علشان خاطر عيونك ياجميل هههههههه
    التسامح ان شاء الله مش صعب بالتدريج هيجى باذن الله واحنا دايما نحط فى بالنا بنسامح علشان نفسنا مش علشان غيرنا
    علشان نقدر نعي فى الدنيا دى من غير ما اى شئ نغص علينا حياتنا
    مرسيى للمرورك ياجميل وربنا يكرمك ياقمر يااااااااااااااارب

    ردحذف
  28. عاشقه الرومانسيه
    دودى دا توارد افكر ياقمر اكييييييييييييد قلبنا على قلب بعض
    بوستك حلو والله وجميل جدا وعجبنى شعر صلاح جاهين فى الاخر وانا عارفة ياقمر انك مشغولة ربنا يعينك يااااااااارب
    وييسر لك كل امورك وان شاء الله خطوبة سعيدة باذن الله وربنا يتتمم لك على خير اللهم امين
    مرسيى للمرورك ياقمر

    ردحذف
  29. حاجات جوايا
    وعليكم السلام ورحمة الله وبركاته
    انا الحمد لله بخير ياقمر مرسيى لسؤالك ربنا يكرمك ياارب
    ومعلش التمبليت غريب شوية والتعليقات من فوق والكل بيفتكر انى قفلت التعليقا :)
    العيب منى انا انى اخترت قالب زى دا
    الحمد لله ان البوست عجبك وربنا يجعلنا دايما متسامحين ومفيش فى قلوبنا اى كراهية لاى انسان فى الدنيا دى كلها
    وتسلمى انتى كمان يارب وربنا يجعله فى ميزان كل انسان هيقرا وينفذ ويقدر يجعل التسامح منهج لحياته

    ردحذف
  30. ايوشة
    ايه ايه ايه ده علي النعمة ايوشة في الجوار
    عرفت ازاي يا واد يا اسافو
    عرفت علشان ريحة الكئابة عندنا
    يبقى ايوشة عندنا
    هههههههههههه
    اهلا بك يا عزيزتي الغالية فينك يا بنتي و فين كئابتك اللي مبتخلصش
    جديدي في انتظارك
    مودتي

    ردحذف
  31. ايوشة
    التسامح من اعظم الصفات التي يتسم بها الكرام
    و لا ننسى ما تركه لنا الرسول و هو من اعظم الناس في مكارم الاخلاق حينما اتته قريش يوم فتح مكة و قريش هي من تعرفونها قد اتته كما لم يؤذيه اي احد
    قال لهم رسول الله: ما انا فاعل بكم
    قالو: اخ كريم و ابن اخ كريم
    قال:اذهبوا فانتم الطلقاء

    التسامح يقوي الروابط بين العائلة و الاحباب و الاصدقاء و الجيران و لو احنا مسامحناش انفسنا و اصدقائنا لازمتنا ايه في هذه الدنيا
    مودتي

    ردحذف
  32. اللي يعرف يسامح ده بيبقي إنسان قوي جدا جدا من جواه ولكن للأسف ليس كلنا أقوياء
    عن نفسي فيه حاجات بعرف أسامح فيها وحاجات لأ
    بوست مميز يا أيوشة
    تحياتي

    ردحذف
  33. التسامح شىء جميل بس ياريت الناس تعمل بيه ومحدش يكلم حد وهو شايل منه
    مودتى

    ردحذف
  34. هنتسامح بجد لما نعرف ان ربنا غفور رحيم

    ولما نعرف


    ان كلمة اسف سامحنى مش معناها اننا


    ضعفاء


    ----------------------------------
    بوست حلواوى تسلم ايدك وعقلك

    مع تحياتى / حازم ربيع


    احنا ضفناكى ما تنسيش تضفينا

    ردحذف
  35. ياسلام يا ايوشة
    مع ان موضوعك ضرب موضوعى
    وفى شوية غل فى قلبى كدة
    بس خلاص بى انا مسامح
    والمسامح كريم
    معنى مش عارف لية كريم يعنى
    مما ممكن تكون المسامح على او ابراهيم او مجدى او مصطفى حتى

    وربنا معاكى انا عارف انك كنت مشغولة اليومين اللى فاتوا دول

    تحياتى

    ردحذف
  36. التسامح خلق عظيم
    ربنا يزقنا التزامه

    جزاكِ الله خيراً

    ردحذف
  37. عقدتينى يا ايوشه .... حسيت انى كاتب بوست وحش أوى و حاسس انى انسان اسود و حقودى من جوه
    بس انا مسامحك

    ردحذف
  38. حـــلـــم كــــان
    بالعكس التسامح مش شئ صعب نتعود عليه بس مع الوقت وبالتدريج هنقدر ومعتقدش فى انسان مس عنده نسبة تسامح
    جواه اتجاه الناس مرسيى للمرورك ياجميل على المدونة





    صوت من مصر
    مش ضعف يامحمد ابدا بالعكس انا الانسان اللى يعرف غلطه ويعتذر بيعلى فى نظرى اكتر
    من اللى يكابر ويفضل مستمر على غلطه وبالعكس اللى يبدا بالتسامح وهو المظلم دا بيعلى فى نظر الناس اكتر واكتر
    وبيعلى فى نظر نفسه كمان
    مرسيى للمرورك




    بدراوى
    مرسيى للمرورك يابدراوى والكلام من تاليفى او سميها من تاريفى :)






    فتاه من الصعيد
    يبقى نبدا نسامح نفسنا الاول علشان نقدر نسامح غيرنا
    مرسيى للمرورك ياقمر





    Pink Dreams
    وانتى بالصحة والسلامة ياجميل يارب
    ورمضان كريم والله اكرم ربنا يعيده على الجميع بالير واليمن والبركات اللهم امين يارب العالمين
    مرسيى للمرورك

    ردحذف
  39. thunder
    حد واتنين وخميس كل دا مزعلهم منك ههههه على فكرة بقى انت اخر انسان ممكن حد يزعل منه
    علشان اصلا انت مش بتعرف تزعل حد ابداااااااااا ربنا يكرمك دايما يارب
    وكل سنة وانت بالصحة والسلامة يااخويا اللدود
    ومرسيى للمرورك ربنا ما يحرمنى من زيارتك دايما للمدونة





    حياتى نغم
    وعليكم السلام ورحمة الله وبركاته
    جزانا واياكى خيرا اللهم امين يارب العالمين
    مرسيى للمرورك نورتى المدونة





    *البت المشمشية *حلوة بس شقية

    ماشى ماشى بقى بتشتكى من رغيى انا استاهل انى سمعت كلامك الظاهر :(
    يابنتى انا كان لازم ارغى كدا واقلب الدنيا كلام فى كلام علشان اطر عيونك انت ياجميل
    ربنا يكرمك دايما ويجعله فى ميزان حسناتك اللهم امين
    وبلاش حكاية الكلام المشعر دا علشان بيفكرنى بتامر حسنى :)
    وايون من تخاريفى يارب يكون عجيك

    ردحذف
  40. assafo anaroze
    انا قولت اروح انشر شوية كآبة عندك فى المدونة على اساس انها ناقصة كآبة يعنى :(
    شكرا انك ذكرت القصة دى عن الرسول صلى الله عليه وسلم وهو فعل كريم واكرم اخلق الله كمان
    مرسيى للمرورك يااسافو نورت المدونة






    micheal
    اعتقد كلنا عندنا سمة التسامح جوانا بس احنا اللى بنحاول نداريها ونسيب الغضب والكره يعمينا
    التسامح مفيد لينا قبل ما يكون مفيد لغيرنا
    مرسيى للمرورك يامايكل





    عاشقة الأحزان
    انوووووسة مرسيى للمرورك ياقمر نورتى المدونة وربنا يزرع التسامح والمحبة بين قلوب كل البشر





    بزنس تعيش
    عندك حق ربنا رحمته ومغفرته وسعت كل شئ
    وعمر الاسف ما كاان ضعف بالعكس اعتقد الانسان اللى بيعترف بغلطه انسان شجاع جدا
    مرسيى للمرورك حضرتك والمدونة انا ضفتها اكيييييييييييد






    mosooz
    لالا يامصطفى كل المدونين عملوا بوستات حلوة جدا عن التسامح والاحلى انه كان كل واحد باسلوبه وكل واحد عرض وجهة نظره
    وكل انسان هيقرا يطلع بشئ جديد من كل بوست
    ومعرفش هما ليه سموا المسامح كريم لو عرفت ابقى قولى :)
    مرسيى للمرورك




    د. ياسر عمر عبد الفتاح
    جزانا واياك اللهم امين
    وربنا يرزقنا فعلا فضيلة التسامح اللهم امين
    مرسيى للمرورك يادكتور ياسر




    Che
    هع هع هع اول مرة تعلق عندى يبقى لازم نعمل معاك واجب جريت اشوف البوست عندك اتخضيت لسببين
    اولهم انى عرفت انت مين وانا مكنتش اعرف :)
    التانى البوست فى كمية تسامح عجيبة هههههههههه
    على فكرة هو مش وحش ولا حاجة دى وجهة نظر تحترم والمميز فيه انه كان صادق ومش كلام وبس من غير فعل
    بس انا خفت تقتلنى فى اخر البوست فخرجت من المدونة على طول هههههههه
    مرسيى للمرورك يااااااااااا
    مش عارفة اقول ايه بالظبط ؟؟؟؟

    ردحذف
  41. معنى رائع جدا ، أشكرك عليه و أشكرك على البوست الجميل، و إلمامك فيه بجوانب عديدة ، ربنا يكرمك

    و أحييكم على المبادرة الجميلة بكتابة بوستات عن التسامح، وده لينك لموضوع كنت كتبته من فترة عن التسامح إذا حبيتى تقرئيه

    http://a-butterflyeffect.blogspot.com/2009/05/blog-post_6613.html

    تحياتى لك، جزاك الله خيرا

    ردحذف
  42. ما أجمل التسامح و تشكري على وضعك لهذا الموضوع و خاصة قبل بلوغ شهر رمضان .

    و لكن معظمنا لا يعرف معنى التسامح ...

    ردحذف
  43. السلام عليكم
    فكرة التسامح دي جميلة جدا
    يارب الناس كلها تتسامح مع بعضها

    ردحذف
  44. أنا عن نفسي مسامحك على البوست الطويل ده :))

    لاء حقيقي بوست شامل لكل ما يمكن ان يقال في هذه المناسبة ....
    اهم حاجه ربنا يسامحنا :)

    تحياتي :)

    ردحذف
  45. انت لسه هنا؟


    لا لا تعالى بسرعه عندنا


    تيمون وبوبما عايزينك


    كل ما تضحك اكتر كل تاكل بطاطا اكتر

    هاكونا مطاطا

    مش هتقدر تغمض عنيك

    هاكونا مطاطا هديتنا لكل المدونين عشان نخرج من حاله النكد

    هاكونا مطاطا تهييس للصبح

    هاكونا مطاطا ... لااااا للملل


    هاكونا مطاطا... قول لاء للهم

    هاكونا مطاطا.... اوعى تزعل ابدااا

    هاكونا مطاطا... ارمى الماضى ورا ضهرك


    انسى الماضى اللى يغيظ


    يلاااااااااا تعالى مستنى ايه

    ردحذف
  46. الموضوع جميل
    والفكره هايله
    ربنا يقدرنا ونقدر نسامح

    ونقدر نعتذر عشان الناس تسامحنا

    حلوه المبادره

    وحلو البوست


    تحياتي

    ردحذف
  47. بقى عايزانا تحرمينا من الكلام الجميل ده
    ومين بقا يعلمنا مكارم الاخلاق الحلوه دى يا ست ايوش
    ربنا يبارك فيكى ويسعدك
    وهاعمل بالظبط زى اخويا الطائر الحزين وهاسقفلك كتير كتيرلانك تستاهلى كل خير على البوست الرائع دهاللى بيعدنا نفسيا ومعنويا لرمضان
    كل سنه وانت واسرتك وكل حبايبك طيبين
    والى لقاء

    ردحذف
  48. الحقيقة كلكم كاتبين عن موضوع واحد بس كل حد كتب اضاف
    ماشاء الله عليكوا بجد

    ردحذف
  49. انا جيتتتتتتتتتتتتتتتتتتتتتتتتتتتتتتتتتتتتتتتتتتتتت تااااااااااااااااااااااااااااااااااااااااااااااااااانىىىىىىىىىىىى

    ردحذف
  50. هع هع هع مدونة مالهاش صاحبببببب يالهوووووووووووى دا فى مدونة هتحتل وايةةةةةةةةةةةةةةةةةةةةةةة

    ردحذف
  51. ولا حتى النت مهما يفصلللللل لا يوجد مانع هع هع هع ياااااهاااااااااااا
    احتلالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالللللللللللللللللللللللللللللللللللللللللل

    ردحذف
  52. تسلم ايديكي ياايوشة جميييل بجد اوي

    وحكايتك انتي وصاحبتك :))

    يارب يجمعكم دايما علي خيرر بإذن الله

    معلش اتأخرت عليكي مووووة

    ردحذف
  53. احم

    ايه الستايل الجااااااااااامد ده

    وازاي ردودك بلون مختلف ؟

    ردحذف



  54. استجابة لدعوة مجموعة من المدونين الى جعل يوم الجمعة 31 يوليوز




    يوم التدوين العالمي لدعم المقاومة الفلسطينية قررت مدونة احزان لا تنتهي




    ان تشارك هي الاخرى في تلك المبادرة و هذه دعوة عامة لكل المدونين الذين يرتادون




    مدونتي لنجعل من هذا اليوم يوما للفضح و يوما لدعم المقاومة و يوما من اجل نصرة اخواننا




    بغزة و بكل بقاع فلسطين الحبيبة.




    الى كل الضمائر الحية بالوطن الكبير و بالعالم




    فلنتضامن مع اخواننا ولو بالكلمة الصادقة.

    ردحذف
  55. تأثير الفراشة

    وربنا يكرمك انت كمان اللهم امين ان شاء الله هشوف البوست اللى انت كنتى كتباه وطبعا هيكون متميز جدا لان مدونتك معروف عنها انها متميزة جدا فى بوستاتها
    مرسيى للمرورك نورتى المدونة يادكتورة




    الياس
    وعلشان معظمنا مش بيعرف معنى التسامح كان لازم يكون فى حملة بالشكل دا لعل وعسى نقدر نسامح بجد
    مرسيى للمرورك





    مصعب صلاح
    اللهم امين يارب العالمين كل الناس تعرف يعنى ايه تسامح بجد
    مرسيى للمرورك يامصعب




    تامر علي
    ههههههههه طيب الحمد لله ان حضرتك سامحتنى ان شاء الله هحاول بعدين اقلل حجم البوستات باذن الله
    وربنا يسامح الجميع يغفر لهم يعفو عنهم اللهم امين
    مرسيى للمرور حضرتك يااستاذ تامر نورت المدونة من جديد

    ردحذف
  56. ريمان ونوسه فى هاكونا مطاطا يقول...
    هخلص تعليقات وجرررررررررى على هناك ياقمر ربنا يكرمك على المدونة دى وياريت فعلا تكون مدونة تتدخل البهجة على فلوب كل المدونين يااااااااارب



    أبو العريف
    ان شاء الله نقدر التسامح صفة مكتسبة ومش صعبة
    مرسيى للمرورك


    الفراغ
    احنا اولادك ياست الكل وبنتعلم منك
    الله يخليكى ياماما يااااااااااااارب ويبارك فى حضرتك ويسعد كل ايامك اللهم امين يارب العالمين
    وكل سنة وحضرتك بالصحة والسلامة دايماااااااا
    مرسيى للمرور حضرتك ياماما دايما كدا يارب منورة المدونة


    حلم بيعافر
    ياااااااارب البوستات دى كلها تيجيب نتيجة باذن الله
    مرسيى للمرورك

    ردحذف
  57. thunder
    ماشاء الله ماشاء الله اغيب شوية الاقى احتلال مسلح على المدونة
    ماشى هتترد قريب باذن الله بس خليك فاكر البادى اظلم :)




    قلب ارهقته الاحلام
    وتسلمى يااااااارب ياجميل وربنا يكرمك على الدعوة دى ومفيش تاخير ولا حاجة مرسيى للمرورك ياجميل





    حسام غانم
    مش عارفة والله موضوع الاستايل ليه بيخلى الالوان مختلفة بس انا لقيت القالب كدا فعجبنى :))




    assafo anaroze
    اسافووووووو هروح اشوف الموضوع الخطير دا عندك :(

    ردحذف