الاثنين، 27 يوليو، 2009

ياكثــــــــــــــــــــــوفى

ياكثوفى ياكثوفى ياكثوفى مش عارفة اودى وشى منكم فين وشى منكم فى الارض


السلام عليكم ازيكم يابشر اولا وقبل اى شئ نتفق اتفاق صغير كدا علشان نكون على نور واللى اوله اتفاق اخره ان شاء الله مفيش خناق :)

انا عيلة والدكتور بتاعى طلع لى شهادة تفيد بانى اعامل معاملة الاطفال ومش اى اطفال لاااااااااااا الاطفال اللى مطلعين عنين اهليهم وكل اللى حواليهم كالعادة تراجعت عن فكرة قفل المدونة وطلعت عيلة للمرة الكام صحيح مش فاكرة من كتر ما اخدت القرار دا والناس زهقت منى فيه مبقتش اعد تقريبا كل اسبوع او اسبوعين بالكتير اقول هقفل المدونة وبرجع فى قرارى عيلة والله العظيم عيلة يمكن العيال بتعرف تتمسك بالقرار اللى هى واخده شوية لكن انا لا
مش هتكلم عن السبب اللى بيخلينى اقفل المدونة لان السبب تقريبا واحد كل مرة بعمل كدا بيكون هو هو
لكن هتكلم عن السبب اللى خلانى ارجع طبعا اخر بوست عملته من فترة كبيرة يمكن اسبوعين وبين كل بوست والتانى بردو بيكون مدة وقولت قبل كدا انى بقيت بمل من التدوين ومش لاقية حاجة اكتبها تانى
لكن بحاول اغصب على نفسى علشان مش عايزة اسيب الاصدقاء والاخوات اللى عرفتهم من خلال التدوين واللى كل شوية قرفاهم بمشاكلى وبجنانى



وكنت خلاص هقفل المدونة واكتب فيها لنفسى بس دا لو لقيت حاجة تتكتب وابتديت اقول للناس اللى متابعة المدونة وتعرفنى انى فعلا خلاص قفلتها لغاية اول امبارح لما قولت لشخص عزيز عليا بجد واعتز بصداقته وهو اخويا قبل الصداقة دى مكنتش متخيلة انه يعمل كدا علشان ارجع تانى قفل المدونة وحلف انه مش هيفتحها الا لما افتح مدونتى لكل الناس وبصراحة دا السبب الرئيسى انى تراجعت عن قرارى وبعدين لما بتكلم مع اصحابى واللى هما عارفين انى بدون بس مش ليهم اى علاقة بالتدوين واللى من شهوووووووور بحاول اقنعهم يدخلوا عالم التدوين ويعملوا مدونات ولقيتهم اليوم اللى قررت ابعد هما اخيرا وافقوا على انهم يدونوا يجربوا ايه تدوين وان شاء الله هعرفكم بيهم قريب



انا فتحتها والله اعلم هرجع تانى للقرار دا تانى ولالا وانا عندى قناعة انها مش هتكون اخر مرة اطلع عيلة
بس امركم لله انى ربنا ابتلاكم بمجنونة زيى



بس فى الاخر الكلام دا بينى وبينكم انى اعامل معاملة الاطفال مش تسيحوا لى بقى فى كل مكان ودا اعتراف منى بذلك ودا اعتذار منى لثندر اخويا اللدود اللى طلع اجن منى اكييييييييييد بس بجد انا مفتحتش المدونة الا علشان تفتح مدونتك غير كدا انا المدونة كلها ولا تفرق معايا لانى خلاص طلعت من عالم التدوين باللى انا عايزه باعز اصدقاء واخوات عرفتهم فى حياتى كلها

انا كنت هقفل التعليقات علشان بجد موضوع انى ابعد وارجع بقى بايخ جدا وبقيت انا نفسى بايخة جدااااااااااااا
بس هسيبها ومش تتعبوا نفسكم بجد فى الرد زى كل مرة واعتبروا البوست ولا كانه موجود
بس انا عاملته علشان اشكر ثندر اللى دايما مستحمل غباوتى وجنانى

هناك 46 تعليقًا:

  1. أووووووووووووول تعليق

    ردحذف
  2. الحمد لله انتصرنا على أعدائنا

    ردحذف
  3. مش فاكر ايه تانى
    لكن بعد القراءة أكيد أفتكر

    ردحذف
  4. ايه الاحتلال داااااااااااااا :(

    ردحذف
  5. شكلك تقصد الظلمة دى انا صح ولا غلط قوووووووول متخفش مش هحرض عليك القبائل تهدر دمك ولا حاجة

    ردحذف
  6. هيه الدونة كانت مقفولة؟
    من إمتي الكلام ده؟
    والله ما فاكر

    لو قرار رجوعك للتدوي قرار عيالي
    امال قرار تركك للتدوين كان قرار إيه

    فيه حد يقفل مدونته؟
    حتي لو سبنا التدوين ,, حتي لو زهقنا ,, حتي لو مش لاقيين حاجة نكتبها
    كل ده طبيعي جداً جداً

    لكن مينفعش حد يسيب التدوين
    مينفعش بجد

    يارب تكون أخر مره

    ردحذف
  7. طيب منربطك بحبل فى البلوج يمكن دا يحل المشكله:)

    ردحذف
  8. سلام عليكم
    ليكى حق تقولى يا كسوفى
    والحمد لله ان دا تم وانا غايبه
    يابنتى قلنا 100 مره ماعندكيش حاجه تقوليها امسكى قلم المدونه وقولى كدا ووراها سلام عليكم
    تانى مره قولى مازلت معنديش حاجه ااقولها وسلام عليكم
    طيب شوفى انا غبت عنكم اهو
    وبرضه معنيش حاجه ااقولها بس هاحكى عن الزياره واللى حصل فيها

    المهم التواجد المهم انى مابعدش عن ولادى وحبايبى واخواتى
    المهم انى الاقى اللى يكلمنى واكلمه وناخد بحس بعض بالتعبير البلدى يعنى
    الشكر كل الشكر لثندر اخوك اللدود والابن البار ...وعلى فكره انا لو كنت هنا كنت انا كمان هاقفل بقا
    ماهو ماينفعش ننسى الحب اللى بينا
    مش كدا ولا ايه

    ردحذف
  9. د. ياسر عمر عبد الفتاح
    للاسف كل قراراتى عيالى ومش بثبت على راى ابدااااا وهى مش مسالة زهق وملل من التدوين اكتر من زهق وملل منى نفسى اللى بتظهر فى تدويناتى
    اتمنى يكون اخر مرة فعلا ومش اكررها تانى

    ردحذف
  10. طبعا صح وصح جدا كمان انت والحزب الفقرى بتاعكم ده

    المهم انا بصرااحة مش فاهم لانى غايب مين يومين كده وما اعرفش حاجة عن الموضوع ده

    لكن يا ريت تراجعى اخر تاجين عندى وخاصة قبل الأخير كتبت عن الموضوع ده على العموم كده

    انتم بجد كتاباتكم جميلة لكن عنكم مشلة بسيطة جدا فى رأيي
    انكم مصرين يا اما يكون فيها افكار يا اما بلاش وده غلط كبير

    اكتبوا اى حاجة جواكم واكيد كل واحد ممكن يطلع منها معنى ولو مش اى حاجة من ده يبقى كفاية الضحكة الحلوة على رأى اسماعيل ياسين لما سألوه عن رسالته فى الفن ومذهبه الفكرى قال ببساطة اضحك الناس وازيل عنهم همومهم
    ولو حزن يبقى نتشارك فيه كلنا ونزيحه عننا ونرجع البسمة من تانى تترسم على وشوشنا
    والا ايه ؟

    اكتبى اى حاجة تيجى فى ذهنك
    كلمة سواء حلوة او وحشة هتلاقى نقاش عليها وتعرفى
    اعرضى افكارك
    ذكرياتك
    مواقفك فى الحياة يمكن انسان يستفيد ولو بنسبة واحد فى المليون
    لازم ترجعى وترجعى الناس الجميلة اللى قررت تقفل مدوناتها وتعرفيها

    يا ريت فعلا كلامى يكون صح



    انما اللى نفسى اعرفه ثندر يرجعك ازاى
    ان ما حرقت له مدونته ؟
    ما كنا مرتاحين !!!!!!
    يا ربىىىىىىىىىىى

    ردحذف
  11. الشعب لابد له من حكومه تشكمه
    ههههه والله فكرة هجيب حبال كتير واربط نفسى على اول المدونة :))

    ردحذف
  12. المهم تحبى مفاجأة حلوة

    روحى علقى عندى على الموضوعين الاخيرين تعليق كويس
    وأنا بأجهز فى مفاجأة جميلة
    أول ما أشوف تعليقك أنزل الجديد وتاخدى أول تعليق وتشوفى المفاجأة

    ردحذف
  13. ساعات بنحس اننا مش فارقين عند اللي حوالينا ... بس لما بنغيب عنهم بيصعب علينا زعلهم

    فخمتيني ؟؟؟؟؟؟

    منورة من جديد

    ردحذف
  14. أزال المؤلف هذا التعليق.

    ردحذف
  15. السلام عليكم

    بجد زعلانه منك قووى ليه كده بس تعملى فى نفسك وفينا كده احنا بنعزك قووى والله يبقا حرام تحرمينا منك ياقمرى ربنا مش يحرمن من القمر اللى زيك وحمدالله على سلامتك رجوعك تانى لينا بعالم التدوين
    وياعيله انتى احنا اخواتك وكلنا قرف وهم ومشاكل ومتحملين والتدوين هو اللى بيهون علينا كتير قووى
    ربنا يبعد عنك الاحزان

    امووووووووووووه
    انوسه

    ردحذف
  16. مكثوفه من ايه يا قمر

    صعب انك تدخلى عالم التدوين

    وبعدين تسيبه الموضوع بيكون ادمان

    ان شاء الله تبدعى كده فى العالم السحرى ده

    تقبلى تحياتى
    اختك رانيا

    ردحذف
  17. يابنتي انتي كل شوية بحال

    واللهي ابلغ سيد ابو حفيظة عنك

    وبعدين مدونة ايه اللي تقفليها
    هي بتاعتك اصلا ؟؟؟
    دي بتاعت الشعب
    و الشعب لابد له من حكومة (معلش ياشيما بقي)
    و الحكومة يعني بلد
    والبلد دي فيها حكومة

    يعني من الاخر مدونتك طلعت بتاعتي
    وانا همشيكي و ااجارها ايجار جديد للعرب و في الشتا للطلبة
    ههههههههههههه

    متعملهاش تاني بقي ياريت
    و كلنا هنا اسرة مع بعضينا
    ههههههههههههه

    ردحذف
  18. انا جيتتتتتتتتتتتتتت فينك يا ماما الفراغغغغغغغغغغغغغغ كنت تولعى فى ناااااس دا عصبتنى بس والله والله لوووووووووووووووووووووووولى لوووووووووووووووووووووووووولى
    مش خسارة فيها
    وياااااارب تفضلى ياايوش رجل كدا وتفضل المدونة بيت تلات لينا
    واد يااهرى انا معاك كنا مرتاحين ياعم كان فين عقلى انا وانا بقنعها عااااااااا
    انا هولع معاك فىالمدونة بتاعتى ههههههههههههههههههههه
    ربنا يديم ياااارب جيمعنا دا مدى الدهرررررر
    اختى العزيزة جدااااااااااااااااا
    اية دمت يااارب بكل حب و ود وفى رعاية وحفظ الله دائمااااااااا ياااااااارب
    وعودة حميدة وخيرة عليكى ان شاااااااء الله ومن هنا بقول للكل كل سنة وانتوا طيبين
    ولوووووووووووووووووووووووووولى
    اهوة يابنتى تانى وتالت

    ردحذف
  19. يابنتي احلي قرارات قرارات العيال اساسا

    ويابنتي كل القرارات الي في البلد قرارات عيال
    يعني هتيجي عليكي انتي علي الاقل قراراتك انتي مش بتاذي حد

    اما الناس الكبار بقي العيال خالص الي بيقولوا قرارت ويرجعوا فيها هما دول المصيبه
    وحمد الله علي السلامه

    ردحذف
  20. اخت غاليه وصديقه عزيزه
    بلاش تغلبينا تاني وتقفلي المدونه
    اهلا برجوعك يا ايوووووشه

    ردحذف
  21. حمدالله بالسلامة والمهم انك تكوني بخير
    والحمدلله ان في حد قدر يخليكي تتراجعي عن قرارك
    وكويس بردوا انك تكتفي بالصدقات (...)
    وتسيبي الناس التانية
    مبروك رجوعك
    سلام ...

    ردحذف
  22. حمد الله على السلامة

    وحرام ان حد يسيب كل الناس اللى بتحبه دول علشان قرار اتخذه
    لازم نفكر فى غيرنا زى ما بنفكر فى نفسنا
    معلش متزعليش من كلامى

    ردحذف
  23. عاوزه تسبينا انتى منورانا يا ايوشه اوعى تمش خليكى معانا واحنا نستحمل بعض

    حنين

    ردحذف
  24. مش مهم كثوفك خالص
    هو لسه فيه بنات بتتكثف؟

    اما عن الشهادة اللي طلعت لك فألف مبروك وعقبالي لما يدوني واحدة علشان اضرب اللي يزعلني

    لا تقفليها ولا تفتحيها
    انت سيبيها كده زي البيت الوقف
    وكل ما نفوخك يهرشك
    شكينا بوست

    ردحذف
  25. مش تتكثفي ياحوبي

    المهم انك رجعتي ونورتينا تاني والله

    مش عارفه ايه حكايه الملل من التدوين ده بجد؟؟

    هي حاله منتشرة من الحر ولا ايه بالظبط

    كلنا نفس الحاله ع فكرة

    نورتي يا ايوش ووحشتينييييييي

    ردحذف
  26. حلو قوى شغل العيال ده

    والله لو قفلتى المدونة تانى لأجبلك أبو رجل مسلوخة وأمنا الغولة وأحبسك فى أوضة الفيران كمان

    بس هاه

    ردحذف
  27. ايوشة
    ايه بقالك يومين او ثلاثة لما زرت الدكتور و قالك انت عيلة و لازم تتعاملي معاملة الاطفال
    ما انا اكتشفت انك عيلة من زمان و مجنونة و كئيبة و قلت لك كده من زمان
    هههههههههههههه
    بجد عملت طيب لما رجعت مش قادر اني استغنى على كئابتك و غلاستك
    مودتي

    ردحذف
  28. صباح الخير على العيلة ايوشة

    يا عيلة

    يا عيلة


    يا عيلة


    يا عيلة

    يا عيلة

    طيب ما احنا كلنا عيال فى عيال مين فينا ما قررش انه يبعد ورجع تانى
    ربنا يعدى الايام دى على خير يارب
    وتكبرى بقى شوية وكفاية شغل العيال ده

    ردحذف
  29. ولا يهمك
    المهم انك فضلتى معانا:))

    ردحذف
  30. انا مبتسمة بس
    مش مشكلة انك بتاخدى قرار انك تبعدى
    المهم انك بترجعى تانى

    دمتى بكل خير
    تقبلى مرورى

    ردحذف
  31. انا هقول كلمه واحده بس لو كان قرار رجوعك دا قرار عيالى يبقى دا احلى قرار عيالى شفته

    اوعى تفكرى تقفلى المدونه تانى

    عشان انتى من الناس اللى احنا بنعتز بيهم

    تحياتى

    ردحذف
  32. طب وبحتييييييييييين
    كل ثويه تثحلى كده
    بلاث بحب حيال بقى
    واكبلى ثويه
    مث كل ثويه تقولى حجيب ضلافها
    بلاش تقفلى الدكانه
    واقعدى استرذقى احسن
    انا قلتلك اهو
    وقد بعجر من انذر

    ردحذف
  33. حمدالله على السلامه للتدوين تانى

    وعاوزين اخر مره نقلهالك يعنى متمشيش تانى مفهوم

    وجميله اوى غنوه مدحت صالح الى حطاها

    ردحذف
  34. جميل انك رجعتي بالسلامه

    ردحذف
  35. 3yla sa7e7 wmgnona kman bs bgd alz tfla wara mgnoon llmra el mleom 7mdaala 3la el slama wrbna y5ly sergo agml a5 fldonya

    ردحذف
  36. يارب دايما بينا
    وتبطلى بقى تقفلى المدونة

    ردحذف
  37. الأخت الفاضلة :: آيوشة ::

    تحية عطرة

    لا تحاولي فقط
    مجرد تفكير

    بالتوقف عن التدوين

    فالتدوين هي حياة الكاتب

    وأنتِ كاتبة ..

    تحياتي لقلمك المبدع

    ردحذف
  38. برافو عليك ياثندر إنك رجعتلنا أيوشة الأمورة تاني. عارفة يا أيوشة لو قلتي هاقفل المدونة تاني والله كلنا هانعمل إضراب عن التدوين لحد ماترجعي إشمعنا إحنا يعني مانعملش إضراب هاه مالناش نفس يعني.
    حمد لله على السلامة وربنا يهديكي وتبطلي شغل عيال.

    ردحذف
  39. حمد الله ع السلامة

    ويارب ما تقوليليش انا ما مشتش اصلا ههههههه

    مستنيين بوستات جديدة

    ردحذف
  40. اوعى تقفليها تانى
    على رأى دكتورة ستيتة
    سبيها زى البيت الوقف
    حتى عن طريقها نطمن عليكى من وقت للثانى

    ردحذف
  41. كلمتين وبس

    مينفعش نكتب ومنلقيش آيوشه بتحط تعليق عندنا

    ومينفعش نتابع مدونات مفيهاش مدونه آيوشه

    ردحذف
  42. عزيزتى

    اللى يسامح دايمن لازم يسامح فى حقه هو

    بس حقوق حد تانى او حق بلد او حق ضعيف أو يتيم او .....اظن مش من حق اى حد يسامح فيه

    وفى خطوط حمرا صعب الاانسان يسامح فيها

    وربنا يهدى الجميع

    تحياتى

    سلام

    ردحذف