الأربعاء، 3 يونيو، 2009

هششششششش ولا نفس


هششششششششش ولا نفس مش عايزة دوشة واللى يدخل يزور المدونة يدخل ويخرج بالراحة من غير اى نفس انا عايزة اقعد شوية كده فى هدوووووء وراحة بااااااااااااال

من يومين المعتصم نزل بوست اسم حلم جميل بيتكلم فيه عن حلم الانتخة والسكينة
وبيقول ياسلام لو الدنيا دى مفيهاش موبايلات ولا كمبيوترات ولا نت تبقى الحياة حاجة تانية خالص
بصراحة انا قريت عليه وحسدت وحقدت كمان الناس بترتاح ازاى بس فى الزمن ده



انا اللى اسمى انا لا شغلانة ولا مشغلة وطول النهار والليل بهش دبان اللى بتنطط حواليا ده وبرضو مشغولة
مهو الانشغال ده مش انشغال مادى لا فى انشغال معنوى وده الاصعب والافظع ياساتر عليه


على الاقل لما بتلاقى حاجة تعملها بتتهد وتيجى اخر اليوم تتخمد على المخدة وتروووووح فى سابع نومة
انما الانشغال المعنوى والبال اللى مش رايق عمرك ما هتقدر تنام ابدا ممكن تغمض عنيك تعمل كل طقوس النوم
بس برضو مش هتقدر هتلاقى النوم تار من عنيك وعقلك مصحصح على الاخر كنت عاملة بوست من فترة عن النوم اسمه نوم الكلاب امل حياتى بجد نفسى اناااااااااااااااااااااااااااااااااااااااااااااااااااااااااام



طبعا هتقولولى ما تنامى هو فى حد مانعك انتى جاية تدوشينا ليه كل ما اقول لحد عايزة انام يقولى ماتروحى تنامى اليه اللى مانعك يعنى وهى دى حاجة صعبة ناس تانية بقى شايفة انى مش بقوم من النوم ابدا وذباب التيس تيسى قرصنى علشان كده ليل ونهار نايمة وهما مش عارفين انى ممكن بكون بالساعات على السرير ومش عارفة ارتاح حتى نص ساعة النوم والراحة والهدوء والسكينة والانتخة والكسل وكل المسميات دى مش لينا ولا فى بيتنا العزيز
واعتقد انه عمله ما هيكون فى بيتنا ابدا عااااااااااااااااااااااااااااااااااااا



انا يومى يبدا الساعة 12 بالليل وساعات يبدا من 2 او 3 بالليل الوقت ده الوحيد اللى الواحد ممكن يحس ببعض الهدوء النسبى فى شقتنا اصل الشقة عندنا دى مش بيت الواحد يرتاح فيه لااااااااااااا استحالة
ده شارع او سوق او مولد _ملاهى _ اى حاجة فيها زحمة وهيصة وبس
من بعد نص الليل لغاية الفجر انا على الكمبيوتر الفترة اللى بجد بقدر استفرد بيه على روقان
حتى اغلب البوستات بنزلها فى الوقت ده انا بقيت خلاص كائن ليلى قلبا وقاليا
بعد الفجر ولو ربنا كرمنى والنت فضل شغال مفصلش بكمل لغاية الساعة 7 او 8 الصبح
ولو فصل فى الوقت ده بقعد اقرا اى حاجة لانى استحالة اقدر انام مهما حاولت



النوم يبتدى يجى على 7 الصبح وتلاقى الجو حلو كده وجميل وهدوء مفيش غير صوت العصافير اللى واقفة على الشباك نص ساعة وتلاقى التليفون يعمل ترررررررررررررررررررررررررررررررن
طبعا انا عارفة مسبقا مين اللى بيتكلم وعايز ايه اكييييييييييد اولاد خالتى عايزينى اروح لهم عايزين يخرجوا فى مشوار بدرى وبطبيعة الحال عارفين انى مش نايمة وبكل برود يقولولى وانتى من امتى بتنامى اللى ينام ينام بالليل
صح والله عندكم حق وانا استاهل ضرب الجزم مهو لو احترم نفسى وانام زى الناس مجبش لنفسى الكلام
زمان كنت بخاف ازعلهم وانزل اروحلهم انما دلوقتى اتعلمت الندالة والاستندال ونبهت عليهم اى واحدة فيهم
هتتصل بيا بدرى هتشوف يوم اسود من قرن الخروب باذن الله سيبوووونى انام بقى



ده كان من فترة والحمد لله عدت الايام دى رايقين عليا ومش بيكلمنى الصبح ولو عايزين حاجة بيتفقوا عليها من بالليل
لكن ايه انا ربنا بعتلى اللى افظع منهم واحدة صحبتى انما ايه ماشاء الله استاذة فى انها تنكد على خلق الله
ومش تهنيهم على حياتهم طول الليل نتكلم على الايميل لما نافوخى تورم كده وبالعافية اقدر اهرب اقولها هروح انام
وياويلى وياسواد ليلى لو يوم مكنتش موجودة
تهرينى رن على الموبايل ورسايل لغاية ما افتح الايميل ومش بيحللها ترن غير على الوقت اللى المفروض هنام فيه
والحمد لله المرحلة دى عدت برضو بسلام انى قفلت موبيلى وارتحت وريحت بعد ما جالى فترة اكتئاب
لكن هل لغاية هنا والامور انتهت لا طبعا اصل انا امى داعية عليا بقلب جامد اوى اى نعم مطلعة عنيها الاتنين
وجبتلها ضغط بس هى بصراحة زودت الدعاوى حبتين تلاتة اربعة




الساعة 7 الصبح الباب يخبط تكون ميييييييييييييييييييييييييييييييييين
اختى جاية تجيب عيالها الاتنين علشان هتروح الشغل
طبيعى شئ عادى بيحصل فى كل العائلات البنات تتجوز وبدل ما نرتاح والعدد يقل تلاقى يحل محلها اولادها
المشكلة فى الاطفال دول الاطفال زى الملايكة واحباب الله بس مش عيال اختى دول معجونين بمية عفاريت زرق



الولد الصغير يويو 3 شهور ماشاء الله صرينة صراخ متواصل من ساعة ما يدخل البيت عندنا لغاية ما يجى يروح
صراخ صراخ صراخ ليوم الصراخ وعمره ما يضحك بيبكى على طول
وهو يصرخ وماما وراه ولو مش بتزعق فى العيال بتهشتكهم وبتلعب معاهم اصل امى تمووووووووت فى العيال



اما الكبيرميدو 3سنين تحدث ولا حرج ماشاء الله عليه ليه مستقبل باهر فى الاجرام والتشرد الاطفالى
ميدو ده اعتقد ان العفاريت مش هتقدر تعمل اللى بيعمله بنكون جيوش مجيشة وراه وعنينا فى وسط راسنا منه
لاحسن يعمل حاجة فى نفسه او فى اخوه الصغير من الغيرة

الكمبيوتر_ الموبايل_الا دراج _الكتب _ البوتاجاز _ حنفيات المية انا نفسى مش بسلم منه ومن قلة ادبه وماشاء الله ماشاء الله قاموس شتايم متحركة مش بيفتح بقه ده الا علشان يشتم ويطول لسانه فى الوقت ده النوم راح خلاص ما احنا فى عذاب لغاية الساعة 2 بعد الضهر لما امهم تيجى تاخدهم اطنننننننننننننننننش انا على الاخر واسيب ماما واختى اللى اكبر منى يتصرفوا انا مالى انا لو قمت همسك العيلين دول ارميهم من الشباك


طيب تيجى الساعة 2 الضهرهنا نتنفس الصعداء ونقول الحمد لله الهم انزاح لالالالالا ابداااااااااااااااااااا
تبدا النبطشية التانية جونى هانم بنت اخويا اى نعم البنت هادية ونادية ومفيش فيها غير لسان بس التانية بقيت اخر شقاوة وعايز كسر دماخها اللى زى الجبس دى مش عارفة العيال دول جايبين العصبية والنرفزة والدماغ النشفة لمين :))


وهكذا لغاية بالليل يتجمعوا اخواتى كلهم عندنا لغاية بعد نص الليل ده فى اغلب الايام ونقول اسكت ياود_ اسكتى يابت
اتهد يازفت_ اتهدى ياغرابة _مفيش فايدة وانا اللى بصرخ فى العيال اصلى البعبع اللى بيخافوهم بيه
((لو مسكتش انده على ايوشة تزعق فيك انت فاهم ))
لما العيال الحمد لله كرهونى وبصراحة هما عندهم حق انا اتكره انا عاملة زى الغرابة فى البيت هيرا الشريرة محدش بيصدق انى ممكن اكون كده فى البيت صراخ وزعيق وشخط ونطر



وفى خلال المعمعة والاحتلال والحروب اللى فاقت حروب العالمية الاولى والتانية نلاقى عيال الجيران طلعوا
موكا ورورو والواد بوتا ماشاء الله السوق اكتمل

يوم الخميس بقى لمة العيلة ولمة العائلات كلها فى شارعنا والشوارع المجاورة مش كفاية علينا المهرجان
اللى فى البيت لااااااااااا ازاى نلاقى عيال الجيران واحفاد الجيران عندنا اه والله تقولش فى سكر فى الشقة عندنا لدرجة انى بحاول ادور على خرم ابرة اقعد فيه خلاص بقى احتلال رسمى والكمبيوتر كمان مش بيسلم من الاحتلال ده هو كمان
وباقى الايام مش بتخلوا بقى يوم خالتى وعيالها الغربان يوم عمتى وعيالها وهكذاااااااااااااااااااااااااا


لدرجة انى طلبت من بنت خالتى تتدينى نوع منوم فضلت تتدينى فى محاضرة هتتعودى عليه ومعرفش ايه
وانتى مش بتريحى نفسك وانتى اللى تستاهلى وعاشت دور الدكتورة عليا حتى لما بروح ابات عندهم بقول ارتاح شوية
مش بعرف بيجيلى قلق لانى باصحى من اقل صوت



الادهى بقى ان الاسبوع ده جالنا ضيوف من مصر والدنيا كلها بقيت عالم عيال عيال عيال
تفتح الحنفية تنزل عيال ترفع المخدات تلاقى عيال تحتها بخاف افتح التلاجة الاقى حد فيها
مهو العيال دى عايزة تسد جوعها اكيد علشان كده بقول انا فى احتلال ولما اتكلم مع ماما واقولها مينفعش كده كل واحدة تلم عيالها فى بيتها تهب فيا طبعا مش احفادها ونتفلق انا والبت الغلبانة اختى دى طيب شكلنا مطولين فى البيت ده كام سنة لقدام
نفضل فى العذاب ده لغاية امتى ولا حياة لمن تنادى بتكلم نفسك




واخيرا قررت الرحيل معرفش هروح فين بس بجد انا هرحل فى اى مصيبة ارتاح فيها شوية
اللى يعمل فيا جميل بجد يستضافنى اسبوع انام فيه وارجع كائن نهارى تانى زى زمان
ودلوقتى اروح اقتل القطة بنت القطط دى اللى فى المنور علشان من بالليل وشغالة تنونو لما قرفتنى



ملحوظة : معلش هتوقف عن التدوينة الدينية شوية لانى بجد مش عارفة اركز ابداااااااااااااااااااا

هناك 69 تعليقًا:

  1. يا حراااااااااااااااااااااام
    صعبتي عليا .. دنتي حالتك اصعب من حالتي
    يعني انا عندنا توأم بس .. ومجننني
    لكن انت م شالء الله .. عيال عيال عيال
    تحت المخده عيال .. فـ الأدراج عيال
    حتى التلاجه عيال

    مقدرش اعمل حاجه غير ادعيلك دعوا
    يارب تخلهي من الجو دا .. وتتهني فـ عش الزوجيه ....
    وخلي بالك هتقرفي ممتك بردو :))
    هتروحيلها بعيالك :))

    بقولك ...
    انا قدامي اسبوعين فاضيه ومفيش اطفال عندنا خالص لانهم برا البلد .. تعالي ممكن استضيفك ..
    هذا العرض لفتره محدوده

    و تصبحي على خير ... هقوم بقى اناملي شويه اصل انا تقريبا بقالي شهر 24/24 نوم ... والاسبوعين الجايين كمان مش هضيعهم دي فرصه معرفش ممكن تتكرر امتى

    خلي بالك العرض لفتره محدوده P:

    سلااااااااااااااااااااااامي ليكي

    ردحذف
  2. والله بجد كأنك اتكلمتى عنى بالظبط

    لأنى ليلى نهار ونهارى ليل


    لكن هنعمل ايه

    الله يكون فى عونك وعونى

    تحياتى

    ردحذف
  3. الله لك يوم ياظالم

    تقريبا دعيت عليكي

    و بعدين الاطفال نعمة بقي و محدش يقول كده عليهم
    و الحل بسيط اللي يصرخ من البلكونة و هيسكت ...امال انا بحبهم قوي ليه
    من ااقل مجهود بيسكونوا

    وبعدين احلي حاجة القعاد بالليل و الناس نايمة و العصافير..نايمة برضه
    لكن العصافير بتبقي مستفزة جدا بصوتها ده علي الصبح و الواحد بيكون مخلص

    ردحذف
  4. هههههههههههههه
    ههههههههههههههههههه

    انا بقول ايه
    انتى القطط تجبيهالى
    انا بعشق القطط بشكل
    يا جمالهم
    ههههههههههههههههه
    اما الأخ اللى عنده 3 سنين
    هاتيهولى اعلمه الأدب
    ههههههههههههههههههههههه

    اما التدوينة الدينية
    فبقترح تبقى عن
    تربية الأطفال فى الإسلام
    !!
    ---
    مع تحياتى
    و بعدين مش حضرتك ليكى اخت تانية عايشة معاكى
    يعنى شوية هيا مع العيال و شوية انتى
    و لا كله عند خالتهم ايوشة و بس

    اه صحيح فيه مقوله شهيرة تقال للأطفال
    لو مذاكرتش لو مشربتش اللبن لو مكلتش السندوتش
    لو منمتش
    حجبلك ايوشة
    يا مااامى
    لأ خلاص حخش انام اهههههههه
    هههههههههههههههههههههههههههههه

    شكل العيال ربولك الخفيف

    ردحذف
  5. ياحبيبتى
    قلبى عندك والله
    حاسة بيكِ
    لانى برضه نومى خفيف جدا وبقلق من اقل صوت فلكِ ان تتخيلى لو كلكس عربية اصحى لو التليفون رن لو التليفزيون اتفتح بصوت عالى اصحى لو ولاد اخويا بيعيطوا ولا بيتخانقوا مع بعض اصحى لو اخويا بيكلم بابا مثلا بصوت عادى بالنسبة له لكن عالى بالنسبة لى اصحى اصلى بعيد عنك مابطيقش الصوت العالى سواء بقى صاحية او نايمة يعنى تقريبا نومى عذااااب ولانى اصلا مابحبش النوم مابنامش غير لما بكون خلاص فصلت شحن ولما اتقلق بقى من النوم على اى حاجة مش بعرف انام تانى بسهولة
    انتِ مشكلتك عايزة حد يستضيفك انا بقى مابعرفش انام غير فى سريرى
    تفتكرى دى بقى حلها ايه:)

    ردحذف
  6. اظن انت مش ممكن تصدقي ان الأطفال يجيبوا لي انهيار عوصابي

    افترضي بعد الشر اجتمعت ولادي وولاد اخويا عند ماما
    بعمل حاجة من اتنين

    يا اسيبهم مع ماما وتفرح بالاحفاد والهم ده وارجع بيتنا لحد ما تستجير

    او اشتغل فيهم عض

    أه والله انا لقبي عمتو الشريرة

    وهكذا ايها المشاهدين يا افلسع يا أعض
    اني خيرتك فاختاري

    النوم بقى سبحان الله تقريبا كان نعمة ايام ماكنت بنام12 ساعة
    ثم قر علي كائن بشري مش عارفة هو مين
    وذهب النوم الى غير رجعة
    عااااااااااااااااااااااا

    بس انا ها اقول لك زي بنت خالتك منومات اياك
    لأنك بعدها بتمثلي فيلم المدمن ونجيب نجوى ابراهيم منين

    تحياتي ودعواتي

    ردحذف
  7. طب والله العظيم يا أيوشة انا فعلا عشت كل اللى بتحكي عنه ده
    مع ان انا واخويا واختى محدش فينا اتجوز.. وكل قرايبنا في محافظة تانية اساسا

    بس متعرفيش فيه ايه القرايب والجيران بيفتكروا ان فيه سكر فى البيت وللا حاجة.. لما كان بيجيلى فترة بقيت عاملة زي امنا الغولة وبخوف العيال الصغيرة والعصافير كمان لدرجة اني كتبت قصيدة عن العصافير دموية وكنت بنتقم فيها من العصافير في خيالي.

    لكن الحمد لله خلصنا من جارتنا وعيالها وعزلوا الحمد لله.. مع انى مخلصتش منها وجالي الجدري قريب بسببها
    عااااااااااااااااااااااااا


    انتى انتهزي اي فرصة للنوم يا بنتي ولا تتنازلي عنها.. انشاللة تقفلي على نفسك بالترباس واللى يخبط عليكي انكشي شعرك وسودي تحت عنيكي.. وصرخي فيه.

    ردحذف
  8. يا عينى يا بنتى....بصى انا العيال دول مبطيقهومش اعدائى هما الاطفال

    ربنا يكون فى عونك

    ردحذف
  9. الحل سهل جدا يا ايوشه

    اعملى لحياتك ريسترات

    لو منفعش
    اعملى فورمات
    وسطبى نظام جديد لحياتك

    مع انتى فيرز كويس
    علشان مفيش فيرس ييجيلك
    ويغير نظام حياتك تانى

    لو معرفتيش
    يبقى تشترى شومه جميله ومحندقه
    واللى يزعجك فى نافوخه على طول

    ردحذف
  10. Bola 7elmi

    يااااااااارب اخلع من الجو ده يارب بس اطمنى بس برضو هروح ارمى العيال عند ماما وانا اقرف نفسى ليه :)


    انا موافقة على الاستضافة فى كالالمبور حتى مش فارق فين بس ابعد عن البيت شوية :(

    ردحذف
  11. الشاعر الحزين
    امين ياااااارب العالمين بس الناس تسيبنى فى حالى شوية وانا اقدر ارجع تانى لحالتى الطبيعية

    ردحذف
  12. adel
    انا بقيت ظالم دلوقتى وكمان دعيت عليا طبعاااااااا هتقول ايه ماانت بتموت فى الاطفال اقولك ايه تاخد شوية منهم :)
    ومفيش اجمل من صوت العصافير الصبح بس على خفيف لما بيزيد عن حده بيحرق الدم

    ردحذف
  13. بدراوى

    انت خد القطة وخد العيال وخد الكمبيوتر لو عايز اهو الواحد يرتاح شوية من الهم ده
    بخصوص التدوينة الدينية عن الاطفال والله بحاول اربى عيال اختى بطريقة مختلفة بس للاسف مش عارفة لان تقريبا اخواتى بيقولولى لما تتربى انت ابى ربى العيال :))

    وانا مش اتربالى الخفيف انا خلاص اتجننت والله منظرى يقطع القلب :(

    ردحذف
  14. موناليزا

    للاسف ازمة اللى نومه خفيف ده عذاب بجد اى حركة جنبى اصحى من النوم من يومين دخلت الاوضة وانا نايمة طفلة من الاطفال ابرياء دول وقعدت بس على الكمبيوتر مفتحتهوش ومش بتتكلم كانت بتتسحب صحيت من النوم وكنت عايزة اقتلها
    بس انا مش بعرف انا غير على سريرى والحمد لله دلوقتى لا بنام على سريرى ولا فى اى حتى تانية :(

    ردحذف
  15. ستيته حسب الله الحمش
    ههههههه لافلسع لاعض د
    اه انا بفلسع وبستندل جامد بيسب العيال مع ماما واختى واقولها سلام انا خارجة فى اى مكان لما تخلصوا ماتش الجنان ده ابقى ارجع
    اما العض لسه موصلتش ليه انا بضرب وبزعق بس هجرب موضوع العض ده :)
    انا مش بيقولولى ياعمتو ولا ياخالتو انا العيال بحترمنى على الاخر يعنى ههههههههه لما يكونوا مؤدبين يندهوا باسمى غير كده بيشتموا :(

    ردحذف
  16. MaNoOoSh
    ياااااااااربى على الناس دى فعلا من زمان احنا كده من قبل ما يجوزوا اخواتى والعيال من زمان بس فى الوقت الحالى زادوا اوى اوى كمان الحضانة مش فيها العدد ده
    موضوع الجدرى نفس الازمة برضو اخدت الجدرى من عيل من العيال دى بس كنت اصغر من كده بكتير كنت فى اعدادى وربنا ما يورى لحد مش عارفة تقعدى على بعض من الهرش
    الف سلامة عليكى ياقمر

    ردحذف
  17. enjy
    احسن حاجة عمليتها انك حددتى موقفك العدائى من الاطفال ال ملايكة وابرياء واحباب الله ال
    دول اى حاجة تانية غير كده خالص دول حرق دم حرق اعصاب انهيار عصبى شلل نصفى اى حاجة وحشة هما اللى بيجبوها
    :(

    ردحذف
  18. يااااه ... ده الأطفال دول نعمة حد يشتكي منهم برضه ... ده أنا شعري شاب ولسه مبتسم برضه :)

    أعانكم الله وألهمكم التوفيق والسداد :)

    ردحذف
  19. Ramy Wasel
    انا هختار خيار الشومة اى نعم هروح فى مصيبة بسببها بس على الاقل مش هلاقى اطفال فى السجن انا كرهت العيال من قبل ما اشو عيالى :(

    ردحذف
  20. تامر علي


    اللهم امين يارب العالمين متشكرة على الدعوة وربنا يتقبل يارب ويرزقنا جميعا التوفيق والسداد


    الاطفال نعمة مش فى كل الاحوال لما يقعدوا فى بيتهم ويزرونا كل سنة مرة
    هيكون على عينا وراسنا لكن مش كل يوم احتلال علشان مش نكره النعمة دى
    وحضرتك صبوووور جدا اكيد علشان لسه مبتسم انا فاض بيا ومليت اهئ اهئ

    ردحذف
  21. السلام عليكم

    صعبتي عليا ربنا معاك
    اصرف لها كرتونتين بيض

    تقبلي مروري

    ردحذف
  22. صحيح انا نفسى ابقى تيتا
    بس تيتا بتوقيت معروف ..وهو ايام الجمعه والسبت
    لانى بشتغل وماعنديش وقت فاضى لحد حتى لبيتى
    يبقى الحل انك ماتشتغليش..بس خلى مامتك هى اللى تشوفلها شغل..وهتلاقى كل هذا الجمع انفض ..وانتى تنامى وتنبسطى خالص
    وهكذا تبقى ضربتى عصفورين بحجر واحد
    عرفتى الحل
    انا بقى بعد اذنك رايحه انام لانى ورايا شغل الصبح بدرى
    سلام عليكم

    ردحذف
  23. صحيح انا نفسى ابقى تيتا
    بس تيتا بتوقيت معروف ..وهو ايام الجمعه والسبت
    لانى بشتغل وماعنديش وقت فاضى لحد حتى لبيتى
    يبقى الحل انك ماتشتغليش..بس خلى مامتك هى اللى تشوفلها شغل..وهتلاقى كل هذا الجمع انفض ..وانتى تنامى وتنبسطى خالص
    وهكذا تبقى ضربتى عصفورين بحجر واحد
    عرفتى الحل
    انا بقى بعد اذنك رايحه انام لانى ورايا شغل الصبح بدرى
    سلام عليكم

    ردحذف
  24. صحيح انا نفسى ابقى تيتا
    بس تيتا بتوقيت معروف ..وهو ايام الجمعه والسبت
    لانى بشتغل وماعنديش وقت فاضى لحد حتى لبيتى
    يبقى الحل انك ماتشتغليش..بس خلى مامتك هى اللى تشوفلها شغل..وهتلاقى كل هذا الجمع انفض ..وانتى تنامى وتنبسطى خالص
    وهكذا تبقى ضربتى عصفورين بحجر واحد
    عرفتى الحل
    انا بقى بعد اذنك رايحه انام لانى ورايا شغل الصبح بدرى
    سلام عليكم

    ردحذف
  25. صحيح انا نفسى ابقى تيتا
    بس تيتا بتوقيت معروف ..وهو ايام الجمعه والسبت
    لانى بشتغل وماعنديش وقت فاضى لحد حتى لبيتى
    يبقى الحل انك ماتشتغليش..بس خلى مامتك هى اللى تشوفلها شغل..وهتلاقى كل هذا الجمع انفض ..وانتى تنامى وتنبسطى خالص
    وهكذا تبقى ضربتى عصفورين بحجر واحد
    عرفتى الحل
    انا بقى بعد اذنك رايحه انام لانى ورايا شغل الصبح بدرى
    سلام عليكم

    ردحذف
  26. صحيح انا نفسى ابقى تيتا
    بس تيتا بتوقيت معروف ..وهو ايام الجمعه والسبت
    لانى بشتغل وماعنديش وقت فاضى لحد حتى لبيتى
    يبقى الحل انك ماتشتغليش..بس خلى مامتك هى اللى تشوفلها شغل..وهتلاقى كل هذا الجمع انفض ..وانتى تنامى وتنبسطى خالص
    وهكذا تبقى ضربتى عصفورين بحجر واحد
    عرفتى الحل
    انا بقى بعد اذنك رايحه انام لانى ورايا شغل الصبح بدرى
    سلام عليكم

    ردحذف
  27. ههههههههههههههههههههههه
    ايوا عارفة ذبابة التسى تسى دا ههههههههههههههههههههههه
    ماهو كل الدوشة دى يا كارثة متحركة انتى السبب فيها ((وش مطلع لسانه ))
    يعنى على راى الناس متنامى اية العالم اللى جاية تقر دى بس هههههههههه انتى قولتيها يا ايوش اهوة لو فى بديل هتلاقى نفسك نمتى وكل الدوشة دى ولا هيكون ليها اى تاثير وطالما لسه مافيش بديل استحملى بقه
    ههههههههههههههههههه
    اختى اللدود اظاهرى بقة
    دمتِ بكل حب و ود وفى رعاية الله وحفظه دائما ياااااااااااااارب

    ردحذف
  28. صوعبتي عليا أوي يا بنتي..مش عارف حتلاحقيها من صاحبتك ولا من العيال العفاريت الصغيريين
    بس بجد حاولي تضبطي موضوع النوم ده شوية ..وبعدين انا مش كنت ادتلك علاج قبل كده
    ع العموم الألبون السادس نازل قريبا
    :))
    نحياتي

    ردحذف
  29. شكلك ياايوشه شاربه كتير وكتيييييييير

    ربنا يستر عليكي
    وبعدين ياستي بصي لنص الكوبايه المليان (ده لو محدش من الأطفال دول كسر الكوبايه اصلا)
    نص الكوبايه انك قاعده مع اطفال, مش مع ناس قعديه تخنق ولا بتوع نميمه
    وبعدين دول الاطفال دول ملايكه
    ههههههههه


    خلي بالك بس من القلق النفسي ده, لازم تنامي, مش عارف ازاي, بس لازم المخ يهدى شويه ويحاول يرتاح عشان يقدر يعيش من غير كوارث ربنا يبعدك عنها ان شاء الله

    ردحذف
  30. انت يا بنتى العيال يااكلو دماغك وانت تيجى تدشى دماغنا ؟
    وبعدين برضه ولاد خالتك عندهم حق
    النوم ربنا خلق له الليل الناس تنام فيه
    (اللى بتكلمك دى كائن ليلى هى كمان والنوم على ادان الفجر)
    العيال اخنقيهم يا أيوشه
    او احدفيهم من البلكونه
    بصى يا بنتى
    نوم وراحه وروقان بال والكلام دة
    أنسى
    واستحملى بقى وبطلى شكوى
    مرة من جيرانك ومرة من ولاد اختك

    ردحذف
  31. بالنسبه للاطفال دول باه عشقى الاول والاخير انا عارفه يعنى ايه ابن اختك اللى عنده 3 سنين ده ابن اخويا سنتين وجبار بس انا بعشقه وبالى طويل.
    بالنسبه للنوم انا للاسف كائن ليلى حتى فى الجامعه وفى شغلى كنت بصحى الساعه 8 الصبح وبرضه تلاقينى بنام الساعه 4 او 5 ومش عارفه فيه ايه.اشرب لبن او ينسون يمكن انام مفيش فايده.

    ردحذف
  32. بصراحة انا قريت عليه وحسدت وحقدت كمان الناس بترتاح ازاى بس فى الزمن ده
    ******************
    هيرا الشريرة

    طيب
    قلت انا حاجة من عندى ؟
    ولما اقول حزب الشر والاذى يزعلوا

    المهم يا ستى انا عندى البيت اخر راحة
    واقرب بيت لنا فى المنطقىة على بعد حوالى 500 متر على الاقل
    لكن كل ما هنالك تستحملى لوك لوك اختى الصغيرة وكمان الدويتو بتاعها اختى الكبيرة واخويا الصغير بتاع تالته شهادة يا عالم

    بس كده وبعد كده اخر راحة

    ردحذف
  33. يا عيني
    والله والله صعبتي عليا لدرجة انى مت من الضحك
    انا مش حكذب عليكي واقول انى زيك
    لكن يمكن جزء كبير من حالتك
    بيحصل كدة عندنا في بعض الاحيان
    الناس مش بييجوا يزورونا غير فين وفين
    وفجأة تلاقي العيلة كلها تتصل وتقول احنا جايين
    مش مثلا يقولوا انتم فاضيين النهاردة ينفع نيجي لكم
    لا بيقولوا احنا جايين يعني برضاكم او غصب عنكم حنيجي يعني حنيجي اه والله
    من كام يوم .. لا امبارح
    كنا عازمين بنت خالتى على الغدا
    اتصلت قالت انها تعبانة وابنها زياد ( سنة وكام شهر ) حيتعبها اكتر قلنا مش مشكلة وقلنالها الف سلامة واتصلت بنت خالتى التانية فقلنا لها ان بنت خالتى الاولى مش جاية قالت خلاص انا حاجى
    قلنا اهلا وسهلا تنوري ودى مخلفة بقى
    ( عمر 4 سنين ما شاء الله هادى وراسي بس دماغه جزمة قديمة والتانى عبد الرحمن جن مصور فار بيجري من غير ما تشوفيه ) الاتنين خناق ودة عايز اللعبة دى واخوه عايزها وعينك ما تشوف الا النور وفوجئنا بدخول بنت خالتى اللي كانت تعبانة لقيناها بتخبط الباب وفتحنالها بكل صدمة وضحكة من اول ودنى اليمين لغاية الشمال
    النهاية
    نزلوا اخيرا يشتروا حاجات قلت اخيرا هدوء فوجئت بالمفاجاة الساارة ( للأسف ) بنت خالتى حتسيب العيلين عمر وبودى
    وانا اقولها اه طبعا حبيبتي وفي عقل بالي ( حرام دة ظلم طيب ما ينزلوا هما وانتى اقعدى الله يخليكي )
    ونزلوا ورجعوا بالسلامة واخدوا العيال وانا انى انام لا مش بنام
    فضلت شوية كمبيوتر وشوية تليفزيون لغاية ما نمت والحمد لله صحيت تعبانة جدا دة غير تعب قلبي وغير انى لسة ما روحتش للدكتور بس قلت والله يوم جميل
    طولت اوووى بس حكيت بقى وخلاص
    علشان كدة بقولك
    الله يكون في عونك
    ومبروك تسجيلك في النجع

    ردحذف
  34. ياااااااه
    الله يكون في عونكم
    ده أنا صدعت وأنا بقرأ الموضوع ده
    انا معنديش غير جنة بنت أختي
    ودي رقيقة وصغيرة . مكملتش سنتين
    حتي لما بتجي تصحيني بيبقي بالشويش خالص
    تنادي بس
    قومي يا ياس (يعني قوم يا ياسر)
    البت دي مش عارف بتأنث الناس كلها ليه

    الحمد لله
    أنا دايماً أقول العيال الصغيرة دي ليها وقتها .. بعد كده بيبقوا أوفر أوفر أوفر ..

    مفيش أحسن من الأنتخة

    ردحذف
  35. السلام عليكم ورحمة الله و بركاته

    تفتح الحنفية تنزل عيال ترفع المخدات تلاقى عيال تحتها بخاف افتح التلاجة الاقى حد فيها

    هههههه جامدة أوى دى

    البوست لذيذ و الله
    انت ممكن تبدلى معايا....
    انا فى السعودية و زوجتى و عيالى الهاااااااديييييين نزلوا مصر من فترة ...
    دلوقتى أنا عكسك تماما...
    ما بيجليش نوم من الهدوء و الفراغ...

    عايز دوشة ....صريخ ....عياط...

    انت هتنام يا بابا قوم العب معايا....حاضر يا حبيبى ...الولد معذور برده محبوس طول النهار و انا فى الشغل و لما ارجع انام...

    شوية ازوغ و اتربس الباب علىّ.....و النوم داخل اهو.......
    باااااااابااااااااا
    افتتتتتتتتتتتتح


    فين الأيام الحلوة دى ....


    بارك الله فيك أختى آيوشة

    تقبلى تحياتى

    ردحذف
  36. ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

    ردحذف
  37. بقى بتقرى وبتحقدى وبتحسدى
    كل ده عليا انا
    امال لو مكنتش ابن عمتك
    كنتى عملتى فيا ايه ؟؟؟؟؟؟
    حرام عليكى
    بس عارفه
    احسن
    انا شمتان فيكى
    ههههههههههههههههههههههههههههههه
    هههههههههههههههههههههههههههههههههه
    ههههههههههههههههههههههههههههههههههه
    هههههههههههههههههههههههههههههههه
    ...........
    زمان كان فيه حد بيغيظنى لما النت عندى يفصل
    ويفضل يذل فيا ويقولى انا بتوع الشركه بيخافوا منى وانا مش عارفه ايه وانا وانا
    والنهارده بالصدفه اكتشف انك بق ع الفاضى
    ((بعد الفجر ولو ربنا كرمنى والنت فضل شغال مفصلش بكمل لغاية الساعة 7 او 8 الصبح
    ولو فصل فى الوقت ده بقعد اقرا))
    يعنى النت عندك بيفصل اهه
    كده بقى يبقى تستاهلى اللى بيتعمل فيكى من ولاد اخواتك
    احسسسسسسسسسسسسسسسسسسسسسسن
    احسسسسسسسسسسسسسسسسسسسسسسن
    هههههههههههههههههههههههههههه
    وبعدين صحيح ايه ده
    ماتنامى هو فيه حد حالف عليكى طلاق تلاته ماتنامى مثلا ؟؟؟؟؟
    هههههههههههههههههههههههههههه
    وكمان لما يبقى البيت هادى وحلو كده بالليل
    نامى براحتك
    عاااااااااادى يعنى
    بتحصل كتييييير معانا
    وبنام بالليل وبنقوم تانى يوم تصدقى زى مااحنا برضو
    هههههههههههههههههههههههههههه
    كفايه عليكى غيظ لحد كده
    بدل مايجيلك انهيار عصبى ولا حاجه
    ســـــــــــــــــــلام
    هههههههههههههههههههههههههههههههه

    ردحذف
  38. احم احم.. دستووور!
    معلش بقى صحيناكم
    عموما الجو اللى حضرتك ذكرتيه بيحصل تقريبا فى كل الأسر المصرية خاصة أهل الطبقة المتوسطة!

    أنا عن نفسى مش بحب أقضى الوقت بين الفجر والظهر فى البيت أبدااا وإلا سأأنتخ بعمق مع الأسف.. ويضيع عليا بقيت اليوم

    ردحذف
  39. الفراغ
    ربنا يكرمك ياااااااااااارب ويرزقك بالاحفاد الكتييييييييير اوى علشان تشوفى بجد الاحفاد دول بيعملوا ايه
    ومينفعش تكونى تيتا جمعة وسبت بس لازم كل ايام الاسبوع
    دى الضريبة ياماما ولازم تتدفعوها
    هههههههه ومن الافضل تنامى دلوقتى علشان فى المستقبل مش هتعرفى من الاطفال
    ربنا يخيلكى يارب ويرزقك باللى يقولك ياتيتا
    والظاهر المتصفح عاملها معاكى وعلق :)

    ردحذف
  40. مصعب صلاح
    بيض يامصعب طيب قول اصرفولها سرير :))
    شكرا على البيض هينفع برضو ممكن نحدف بيه العيال دول هههههههه

    ردحذف
  41. ههههههههههههههههه
    طيب يا بنتي ما تستفيدي بالموضوع ده
    افتحي حضانة
    و انا هجيبلك زباين

    ردحذف
  42. يياه يايوشه
    والله دمغى لفت وانا بنقرا البوست
    بس انا حاسة بيكى لان الوضع ده يشبه
    بيت اختى المقيمة فى الصعيد
    واللى الباب لاينغلق والاولاد واولادهم
    لاينقطعوا غير الاقارب والجيران
    وضع صعب بس هما تعودوا عليه
    على العموم انا مستعدة للاستضافة
    لغاية انتى ماتقولى بس
    مش عزومة مراكبية ولا حاجة
    بس انتى فكرى
    بعتذر على عدم تعليقى على التدوينات
    الدينية لعطل الجهاز فى هذه الفترة
    ولكن اقولك ربنا يبارك فيكى
    واتمنا الا تتوقفى مدة طويلة
    وتحياتى

    ردحذف
  43. هاهاهاهاهاهاهاها
    على فكرة هو الظاهر كل المدونين كائنات ليلية انا اكتشفت كدا لو تلاحظى البوستات والكومنتات بتزيد بالليل
    وانا هنا بتكلم بتوقيت مصر
    عشان انا ميعاد نومى محسوب بتوقيت مصر
    بنام 7 الصبح يعنى 1 باليل فى مصر
    وبصحى 12 يعنى 6 الصبح
    وهم دول اللى مسموحلى انامهم
    مش من عيال عيال عيال
    هى واحدة كدا بس جبارة
    بتصحى الفجر من النوم عشان عايزة كارتون
    ولا اغنية معينة
    لالالا لو اتكلمنا على العيال هتسمعى العجب واعصابك مش هتتحمل اكتر من ما هى علية

    نصيبنا كدا هنعمل اية :)
    تقبلى مرورى

    ردحذف
  44. thunder
    فرحان ومبسوط علشان تعرف ان موضوع ذبابة التسى تسى دى وشاعة واى كلام
    وازاى بقى انا السبب فيها يعنى انا اللى بقول للعيال دول تعالوا علشان نعمل مهرجان طيب ربنا يكرمك ان شاء الله وتشوف عن قريب العيال ممكن تعمل ايه بجد :))

    ردحذف
  45. micheal
    ياااااااه العلاج مفعوله راح يامايكل عايزة حاجة جديدة برعة بقى فى الالبوم السادس يمكن يكون هو اللى فيه الشفا :)

    ردحذف
  46. أحمـــــــــــــد أبو العلا
    نص الكوباية المليان مش بيخلوا حاجة فى الكوباية بلا عيال بلا وجع قلب على الاقل الناس الخنيقة دى تقدر تتخانق تتعصب عليه لكن الاطفال دول تخاف تعمل حاجة تزعل اهلهم




    خلي بالك بس من القلق النفسي ده, لازم تنامي, مش عارف ازاي, بس لازم المخ يهدى شويه ويحاول يرتاح عشان يقدر يعيش من غير كوارث ربنا يبعدك عنها ان شاء الله



    ربنااااااااااااااا يستر بقى ((وش بيعيط))

    ردحذف
  47. صفــــــاء
    حااااااضر هنفذ كلامك وابطل اشتكى واشيل فى قلبى واسكت لغاية ما طق وخلاص
    إهى إهى
    يابنتى وانا بشتكى من الباب لطاق ما فى داعى للشكوى دى ربنا ما يوريكى الهم ده ابدا وحاولى بقى انتى كمان نامى ايه يااختى الناس اللى مش بتنام دى:)

    ردحذف
  48. الشعب لابد له من حكومه تشكمه

    الاطفال حلوين اه وملايكة وهما نايمين غير كده لا
    ربنا يخلي ابن اختك يارب ويحفظه
    وموضوع النوم للاسف من الصبح انك تغيرى مواعيد النوم بسهولة انتى بالشكل ده من سنين على الحال ده
    ربنا معاكى بجد السهر وحش جدا والانسان بيتعب منه

    ردحذف
  49. الازهرى


    ايه ده ايه الناس اللى بتتصيد الاخطاء دى فى البوستات ايوة انا قولت الكلمة دى وعن واعى تمام
    بس على راى المثل انا ادعى على ابنى واكره اللى يقول امين
    كلنا اشرار بس بنسب
    ويابختك فى راحة احسن حاجة لما الجيران يكونوا بعييييييييييييييد
    ربنا يخليكم لبعض انت واخواتك وبخصوص التؤام انا بحب البنات اللمضة اللى تاكل الدماغ
    واحسن ان شاء الله ياخدوا حق البشر دول كلهم منك :)

    ردحذف
  50. جنــــــــــة الله


    ياالله بجد ربنا معاكم يارب انتى بتكلمى عننا برضو فى نفس الازمة دى الناس تسيب عيالها وتروح تخرج
    بجد مشكلة وربنا يكون فى العون وربنا يشفيكى ياقمر ويعفو عنك ان شاء الله
    والنجع منور باصحابة ياجميل

    ردحذف
  51. د. ياسر عمر عبد الفتاح

    ماشاء الله هى دى الاطفال الرقيقة ربنا يحفظها ويخليها يارب
    معلش الاطفال بيقابوا التانيث والتذكير وكله اولاد اخواتى كده
    وفعلااااااااااا العيال لما بيكتروا او يكبروا بيكونوا اوفر اوفر اوفر اوفر كمان

    ردحذف
  52. dr aly khamis

    وعليكم السلام ورحمة الله وبركاته
    يااااااااه وحضرتك زعلان انك فى اجازة وفترة نقاء من الاطفال شوية

    معلش ربنا يعين حضرتك على بعادهم انا عارفة الاحساس صعب واللى بيتعود على جو معين الدوشة والهيصة لما البيت بيفضى بيحس احساس غريب
    خلاص اتعود على كده ربنا يحفظ اولاد حضرتك ويخليهم يارب

    ردحذف
  53. المعتصم


    كل ده ضحك ماشاء الله مبسوط ولا شمتان بقى فيا ؟؟؟؟؟
    من الواضح انك شمتان يعنى الحسد والقر اللى قريته عليك مفيش ليه اى تاثير
    موضوع النت ده بمزاجى على فكرة انا لسه الشركة متقدرتش تفصل النت يوم واحد ليه يعنى هو انا شوية فى البلد
    بس دى اوامر عاليا من الحج الكبير اعمل ايه بقى اعترض على قرارته دى فيها الرقاب تروح

    ولو حد حالف عليا يمين تلاتة طلاق مش انام مكنتش هنام
    لا طبعاااااااااااااا فى ستين داهية اليمين انا انام وانتخ ولا يهمنى انى اطلق
    هو النوم ده حاجة سهلة دى نعمة ربنا

    وفى الاخر انا فعلا جالى انهيار عصبى وشكرا على وصلة الشماتة دى ليك يوم تتردلك :)

    ردحذف
  54. مجرد مدونة

    لالا ياافندم انا صاحية من غير اى حاجة مش لسه هصحى يعنى :(

    امال بتروح فين من الفجر للضهر ياريت حضرتك تقولى يمكن اقدر استفيد من الخبرات دى
    واطفش من البيت فى الفترة دى :)

    ردحذف
  55. المعلم محمد صاحب المطعم - طعمية سخنة

    حضانة انت بتقول فيها والله فكرنا فى المشروع ده وبدانا فعلا فى خطوات فعلية علشان الحضانة
    بس انا اكيد استندل انا مليش خلق للعيال احنا قادرين على عيال اخواتى لما ناخد بالنا من عيال الناس ههههههههه
    بس بما انك هتجيب زباين هفكر فى الموضوع ده :)

    ردحذف
  56. أم مالك
    تقريبا الوضع مشابه فى كل البيوت بس الازمة عندنا زيادة حبتين تلاتة اربعة
    وبالنسبة للعزومة مش هرفض حتى لو عزومة مراكبية انا فى عرض اى مكان اروح فيه
    بس اريح اعصابى شوية :(
    الف حمدالله على سلامة الجهاز ولا يهم حضرتك ان شاء الله تقدرى تتابعى فى التدوينات اللى جاية باذن الله

    ردحذف
  57. احساس طفلة محبة للرومانسية بس واقعية
    هاهاهاها ايه ده انتى ماشية على اساس مصر ليه طيب
    دى فرصة استغليها وحاولى تنامى بدرى بس فعلا اختلاف التوقيت ممكن يعمل قلق ومش بتقدرى تانى
    اما سومة هانم ربنا يخليهالك يارب ويحفظها شكلها شقية وده اجمل سن لاطفال وانتى مامتها يعنى مش هتقدرى تقولى لا
    بس انا شريرة انا خالتهم وعمتهم يعنى اقدر اقول لا وبعلو الصوت كمان :)

    ردحذف
  58. مممممممم
    مشكلة عويصة بجد
    بقولك ايه ما تريحى دماغك وتحجزى اول قطر
    وتيجى على اسوان
    والله احسن حاجة
    وكمان ايه بتنا ف منطقة جديدة ومنعزلة كدا مش هتسمعى نفس ..هههههه
    لا وهتقولى الدنيا حر هناك هشغلك التكيف اربعة وشعرين ساعة -ودة من غير ما تقولى طبعا-
    بس انتى جربى وتعالى
    هتلاقى الراحة اللى بجد

    بس بجد والله ربنا يكون ف عونك ...
    وبعدين ما انتى مسيرك تجوزى وعيالك يقرفوا اختك الصغيرة ويقعدوا يعملوا دوشة كدا
    يلا يلا اهيكى بتتعودى بردة على المعيشة دى
    مش بدل ما ترمى جوزك وعيالك م الشباك هههههههههه
    ------
    انا كان نفسى اتعرف عليكى اوى
    لكن بالشكل دة اسيبك تستريحى احسن ..

    ردحذف
  59. السلام عليكم


    هههههههههههههه

    ايه يا ايوشه

    كلامك عسل

    بس ربنا يخليهم يابنتى


    ربنا يسعد ايامك يارب

    ومتزعليش قووى كده

    انوسه

    ردحذف
  60. اكتئاب ده ولا ايه ؟؟؟؟؟؟؟؟

    ردحذف
  61. السلام عليكم و رحمة الله و بركاته

    ايييييييييييييه يا أيوشة كل دا يا بنتى؟؟

    لولا بلاد المنفى
    كنت قلت لك تعالى قضى الاسبوع عندى..

    على العموم لو عرفتى تهربى تعالى هاستناكى
    :)


    ربنايقويكى بجد يا جميل

    ابئى طمنينى عليكى


    دمتى بكل الود يا قمر

    ردحذف
  62. إيمان بنت الحرية
    يااااه اسوان فى الحر ده لا انا هخليكى للشتاء ان شاء الله علشان بجد نفسى ازرها فى الشتا
    ولما اتجوز ان شاء الله هرمى عيالى اى ينعم بس مش هدوش الناس بيهم :)
    ياقمر انا كمان هكون مبسوطة اوى انى اتعرف عليكى وان شاء الله هبعتلك الايميل فى المدونة عندك

    ردحذف
  63. عاشقة الأحزان
    وعليكم السلام ورحمة الله وبركاته
    ربنا يسعد ايامك انتى كمان يارب ويخلي العيال الشقية دى اللهم امين لانه بجد اجمل حاجة فى الدنيا هما اللى بيعملوا جو اى نعم بيزودوها شوية بس مش هنقدر نعيش منغيرهم

    ردحذف
  64. صوت من مصر
    تقريبا هو اكتئاب :(

    ردحذف
  65. Soul.o0o.Whisper
    وعليكم السلام ورحمة الله وبركاته ياقمر
    ربنا يخليكى يارب انتى عارفة انى فعلا فى بلاد المنفى هنعمل ايه بقى نصيبنا كده
    انا الحمد لله بخير بس الاحتلال ده ينزاح من عندنا هكون احسن واحسن

    ردحذف
  66. يا عيني عليكي يا أيوشه
    كل ده ؟
    انا عمري ما حصلي زيك كده
    من غير حسد يا ستي
    انا معدل النوم عندي لا يقل عن 8 ساعات في الايام العاديه
    وفي ايام الامتحانات يتجاوز ال 12 ساعه
    مفيش دم خالص
    بيصحوني اروح الامتحان بالعافيه
    ههههههههههههه
    مش عشان في هدوء جنبي
    لاااااا
    انا بنام في النور والصوت والضوء كمان
    دي نعمه بأحمد ربنا عليها
    لازم علشان اصحى حد يهزني بإيده
    انما منبهات موبايلات ده كان في فرح تحت بيتنا بدأ وخلص وما حستش بيه

    ههههههههههههههههه
    عارف متغاظه مني ونفسك تموتيني

    هههههههههههههه
    ربنا يعينك

    ردحذف
  67. مصطفى أبوزيد
    ماشاء الله ماشاء الله بجد انت تتحسد ويتقر عليك
    انا حتى ايام الامتحانات اللى كنت بنام فيها يعنى بنام مش بيوصلوا لخمس ساعات متواصلين
    من سنين مش بنام نوم متواصل ابدا لازم اصحى بتاع عشرين مرة من اى صوت من اى نفس جنبى

    بخر نفسك بقى النهاردة علشان الحسد :)

    ردحذف
  68. هههههههههه
    أنا أول مرة أزور المدونة
    بس ضكت من قلبى
    بتخيل منظرك كده وإنتى بتكتبى
    وعمالة تنفخى...هههههههههه
    ويادوب جاية تكتبى على الكمبيوتر تلاقى عيل طالعلك من الشاشة
    هههههههه
    بوست جميل

    تحياتى

    آه لما نشوف بقى هاتعملى إيه فى عيالك إن شاء الله

    ردحذف
  69. Me7'o
    انا هعمل فى عيالى اكتر من كده كمان
    مرسيى للمرورك

    ردحذف