الاثنين، 18 مايو، 2009

ارحمونا يرحمكم ربنا


اول البوست ده ما الا فضفضة بينى وبين نفسى اول وبعدين تفكير بصوت عالى لكن مش مطروح ابدا للاختلاف والنقاش الحاد اللى اكيد هلاقيه بعد ما البوست ينزل وده اللى مش انا عايزه




لو كنت انت مدرس فى مدرسة ووسط مجموعة من المدرسين ودخلت الفصل على زميل ليك بيشرح حاجة فى منهجه ولقيته بيوصل المعلومة بشكل مش عاجبك او من وجهة نظرك انه غلط هو المفروض مش يقولها كده الصح والصواب يقولها بطريقة تانية تعمل ايه ؟؟؟؟؟؟

*
*
*
*



توقفه وتقوله استنى انت شوية كده اصله بصراحة بتلبخ والكلام ده غلط غلط غلط وانت بتعلم العيال كلام مش صح وتقف انت تشرح لعيال اللى فى الفصل وجهة نظرك تخيل فى اللحظة دى حاجتين اتنين نظرة المدرس زميلك واحساسه
ونظرة التلاميذ اللى فى الفصل واحساسهم


(1)


هتلاقى زميلك حاجة من الاتنين بسبب احراجه هيقولك اطلع برة انت زى تعمل كده فى حصتى وانت تفهم ايه علشان تتكلم وهنا هعذره لانك احراجته احراج مفيش بعد كده
الحاجة التانية هيحط وشه فى الارض وهيتلجج ومش هيعرف يقول ايه ولا يعمل ايه وهيقول ياارض انشقى وابلعينى حتى لو كان المعلومة اللى بيقولها صحيحة ومفيهاش اى غلط بس انت احراجته
العيال بقى هتلاقيهم مرتبكين وحصلهم بلبلة نصدق مين فيكم المدرس اللى طول عمرنا بنحبه ونسمع كلامه ولا انت
طيب مين الصح فيكم ونصدق مين وممكن يوصل بيهم الحال يقولوا مش هنسمع كلامهم انتم الاتنين ومش هنصدق اى كلام من اى مدرس فى المدرسة دى




(2)
طيب ما تيجوا نشوف لو هوا قالها بطريقة تانية لو لقيته بيغلط يقوله لو سمحت يافلان ممكن اقولك حاجة برة الفصل وخده ووضح ليه غلطه بطريقة هادية وقولته المفروض انت مكنتش قولت كده او استنى لاخر الحصة وقوله يااخى انت قولت المعلومة دى كذا كذا والمفروض تكون الصحيحة كده هيمسع بصدر رحب ويفكر معاك يقولك اه والله صح ويتناقش معاك ويجى تانى يوم يقول للتلاميذ انا غلطت امبارح والصح كذا وكذا وكذا
هنا لا انت خسرت زميلك ولا زميلك خسر هيبته وسط زمايله ولا التلاميذ حصلهم بلبلة ولا ارتباك ولا كرهوا التعليم من اساسه

الاسبوع اللى فات كان فى حلقة الاستاذ مصطفى حسنى خدعوك فقالوا وكانت بتتكلم عن البدعة المرة دى لكن الاسف انا مسمعتش الحلقة

ومش متابعة بشكل دائم حلقاته بس بصراحة ماشاء الله عليه قدر بلباقته وفهمه للدين صح وطريقته فى توصيل المعلومة الصحيحة

تخلى مفيش اتنين يختلفوا عليه ودخل قلوب الكبير قبل الصغير

والنهاردة قادنى حظى للمشاهدة برنامج على احدى القنوات اللى انا بحبها وبتابعها بشكل دائم وقولت هقعد اسمع البرنامج وربنا يهدينى ويفتح عليا بدل الانقطاع الطويل عن متابعة البرامج الدينية اللى اصابنى من فترة وهقولكم السبب بعد شوية

وبسمع البرنامج عادى وابص الاقى الحلقة كلها نقد موجه لمصطفى حسنى لانه تكلم عن البدعة فى الحلقة السابقة بشكل المفروض من وجهة نظر الشيوخ لا يجوز

ومفيش مشكلة قولت اتابع لانى اصلا مسمعتش الحلقة بتاعت مصطفى حسنى ولا اعرف قال ايه

وبقدرة قادر الحلقة بقيت من الهدف منها تصحيح معلومات قد تكون خطا لحلقة نقد موجه للشيخ ولميوله واتجاهاته واتفرجوا على كمية الاتصالات اللى جت للبرنامج بتلوم الاستاذ مصطفى حسنى وتنقد كل شئ فيه لدرجة توصل كمان لاسلوب كلامه وطريقته الجسدية فى توصيل المعلومة وتوصل لدرجة كمان يدعوله بالهداية وان ربنا يريده اليه ردا جميلا

وتكون مجموعة حلقات على مدار الاسبوع علشان نتقد الكلام اللى قاله ده شئ يفوق الحد وشئ غير طبيعى

وعلى الرغم من تكرار قول الشيوخ احنا مش بنتقد شخص مصطفى حسنى وانما بنعمل كده علشان بنحبه ونتمنى منه كل خير وانه لا يحيد عن الصواب والكلام ده كله

بصراحة الموضوع ده رجع فى ذهنى نفس الفترة اللى كانت الهجمة على عمرو خالد وطارق سويدان وخالد الجندى ودلوقتى مصطفى حسنى

السؤال دلوقتى احنا ليه بنعمل كده فى نفسنا ليه بنحاول دايما نعمل بلبلة فارغة ملهاش اى لزوم ولا هدف غير زعزعة الايمان فى قلب الناس

ومحدش يقولى ده كلام مش صحيح

لانه صحيح 100 فى 100 لما الاقى شيخ بحبه وبتعلم منه بيقولى كلام واجى تانى يقول شيخ تانى يقولى لااااااا اياك تسمع لشيخ ده اصله حاد عن الصواب والكلام ده كله تخيل الشاب ممكن يعمل ايه ابسط حاجة يقول انا لا هسمع ده ولا هسمع ده

بتتكلموا عن ثقافة الاختلاف اللى المفروض نكون عليها وبتحاولوا تعلمونا ازاى نختلف بينا وبين بعض وانتم مش بتنفذوا ولا كلمة من كده

اللى اعرفه لما الاقى شيخ معين قال معلومة غير سليمة او بيحيد عن الصواب اوجه له النصيحة بينى وبين نفسى والله دلوقتى تقدر توصل لتليفونه لايميله لبيته كمان وتقعد معاه وتقوله انت اخطات فى كذا وكذا وتتناقشوا وتوصلوا لحل ولراى وسط يرضى ربنا قبل ما يرضيكم

لكن لا احنا مش بنعمل كده احنا نجرى على كل القنوات الفضائية ونشجب وندين ونقلب الدنيا على الشخص ولا كانه اجرم

ومش هتكلم عن برنامج معين على قناة الناس انا بصراحة لما بشوفه بحول التليفزيون على طول لانه تحول لمجرد برنامج دينى لبرنامج لنقد العلماء او الاساتذة اللى بيسموا بالدعاة الجدد وللاسف ان مقدم البرنامج نفسه كان من الدعاة الجدد من فترة واتعرض لنفس النقد اللى بيوجه لغيره مش معقولة كل ما اقعد اسمع حلقة ليه ينتقد داعى معين ويلومه على الهواء مباشرة والله ده مش عدل ابدا للناس والبشر اللى بتابع العلماء

اللى اتحولوا لساحة مبارزة بينهم بين بعض لعرض مين الاقوى فى عرض افكار واراءه

انا مش معنى كده بلوم العلماء ولا بقول عن حاجة لا والله انا مقدرش اقول على اى انسان اى كلمة لان الله اعلم بما فى قلبه

بس انا نفسى يتجمعوا بقى فى مكان ويقعدوا كده مع بعض ويجى اليوم اللى مش اشوف فيه تخبط الاراء والفتاوى والانتقاد اللى بينهم

كل شيخ بيقول انا بغير على دينى وانا بغير على دينى وكل المسلمين بيغيروا على دينهم

اللى بيحصل ده اساءة للاسلام كله وبعدين نقول ايه الاسباب اللى خلت الناس تبعد عن الدين وتنسى ربنا ؟؟

ايه اللى يخلى الشباب يعصى ويفسق ويوصل بيه للالحاد كمان؟؟؟

ايه اللى يخليه بعد الالحاد ينتقد الاسلام كله ويتصيد كل شئ فيه؟؟؟

ايه اللى يخلى العالم كله شايف ان الاسلام ده عداء وخطر على البشرية كلها؟؟؟

انا واحدة من الناس امتنعت عن متابعة بعض البرامج لانى زهقت وقرفت ودمى اتحرق لما بشوف التصيد للاخطاء بين الشيوخ وبعضهم وومناقشاتهم اللى على الهواء دى قدام الناس كلها التليفزيون ده مش مكان تتحاوروا وتتناقشوا فيه ووتعلموا كده بعض

اما انتم تعملوا كده وعلى الهواء احنا البشر العادى نعمل ايه نقطع بعض لما نختلف فى اراء
انا واحدة الحمد لله ربنا اكرمنى وانعم عليا انى مش هحيد عن دينى حتى لو السماء انطبقت عن الارض واتمنى من الله الثبات على ذلك
لكن نعمل ايه فى الناس اللى بقيت مبلبلة ومزعزعة ومش عارفة الصح من الغلط فين وبقيت تعمل الخطا والحرام ومفيش اى مبالاة بسبب انهم شايفين الاختلاف بينكم بقى هو ده الاختلاف اللى ربنا قال عليه رحمة
للاسف الاختلاف دلوقتى اتحول لجحيم وحرقة اعصاب رجعوا نفسكم وارجعوا تانى واتجمعوا مع بعض وتناقشوا بينك وبين بعض وبعد ما تتفقوا او تختلفوا بس طبعا بعيد عننا اطلعوا قولنا احنا نعمل كده ومش نعمل كده


ارحمونااااااااااااااااااااا يرحمكم ربنا



هناك 76 تعليقًا:

  1. أنا طبعاً مقدر كل كلامك جداً
    الأستاذ أو الشيخ مصطفي حسني من الناس المقربين ليا جداً جداً
    وبحب دايماً اسمعه
    بس الموضوع أكبر من كده بكثيير
    لأن ده دين
    ولازم يبقي فيه توضيح وإظهار
    وناس كثير أوي من اللي حضرتك ذكرتيهم .. نُبهوا أكثر من مرة برسائل وعلي الخاص ولم ينتهوا أبداً
    لدرجة إن فيه واحد منهم راح لشيخ كبير في مجلسه وأعلن إنه كان مخطيء
    وبعد كده عاد نفس الكلام

    لكن أنا متصور إن مصطفي حسني يختلف تماماً .. وهوه منهجه منضبظ وبيحرص دايماً علي التأكد من كلامه ومن صحت الأحاديث وبيرفض كمان الإفتاء ولو حد نبهه لحاجة وتأكد منها مبيتكسفش إنه يرجع عنها زي لما لقي إنتقادات موجهة لموضوع إنه يقعد مع بنات وشبان يتكلموا في الدين زمااااان علي قناة اقرأ .. اقتنع وتوقف عن كده

    المفروض طبعاً الشيخ اللي حضرتك قلتي عليه ده .. كان يتكلم الأول معاه علي الخاص وينصحه .. ولو لم يعد
    يبقي يقول علي الملأ ويبين بإسلوب نصح أخوي جميل
    فهل حضرتك تأكدتي إنه لم ينصحه من قبل بينه وبينه؟؟
    لو حضرتك تأكدتي يبقي هوه مخطأ طبعاً ونسأل الله إنه يألف بين قلوب الدعاة ويبطلوا بقي الحركات النص كم دي

    ممكن أقول حاجة وياريت تقبليها بصدر رحب
    معجبنيش الزج بإسم السلفية
    حتي لو كان الشيخ ده ممن يدعون السلفية
    لأت الكلام ده بيفرقنا جامد عن بعض يمكن أكثر من اللي الشيخ عمله علي قناة الناس
    عارفة كام واحد من محبي المنهج السلفي ممكن يدخل هنا ويتضايق؟؟
    حضرتك ممكن تنقدي فعل عالم أو شيخ أو داعية لو معاكي الحق وعلي علم وبينة .. ودي حاجت مقبولة غلي حد كبير
    لكن المنهج لا
    المنهج ده واسع أوي أوي
    وممكن شيخ تاني سلفي ميعجبوش الكلام ده ويكون مع مصطفي حسني في موقفه
    ومصطفي حسني بالمعني الصحيح للسلفية .. يعتبر سلفي
    ده لو رضينا في الأصل بموضوع المسميات والجماعات والحاجات دي
    ربنا يهدينا
    أتمني تكون فكرتي وصلت ليكي
    وجميل أوي علي فكرة إننا ندافع عن دعاتنا وشيوخنا وعلمائنا
    ربنا يبارك فيكي

    ردحذف
  2. دكتور ياسر اولا شكرا لرد حضرتك
    وفعلا انا عارفة ان فى ناس كتير هتتدخل والبوست مش هيعجب ومش معنى كده انى ضد السلفية اطلاقاااااااا
    انا حتى مش بشجع دايما الدعاة الجدد للانسان اللى عايز يستزيد من العلم والمعرفة لانهم مرحلة فى مراحل الالتزام وهيجى فترة هيكون عايز يتزيد وهنا هيكون دور العلماء الاجلاء اللى هما السلفية هياخد منهم علم اعمق وافضل
    انا بتكلم عن مبدا الاختلاف مش المفروض نكون بالشكل ده انا واحدة من الناس حصلى بلبلة لما الاقى كل يوم نقد موجه لشخص معين والمفروض ليه محبيه واللى بيسمعوه النقد يكون بطريقة بينهم وبين بعض مش على الملا وقدام الناس كلها الناس ملهاش ذنب ترتبك وتفكيرها يتشتت معاهم

    ردحذف
  3. وعلى العموم انا غيرت الكلمة ومش هنجيب سيرة السلفية خاااااالص فى الموضوع
    اما بخصوص انه نبه وكلمه اكتر من مرة الله اعلم انا فعلا معرفش ان كان ده حصل ولا لا بس لما لاقى شيخ كل حلقة بتعمد ينتقد الناس بالشكل ده لا يجوز مينفعش انت نصحته بينك وبين نفسك مسمعش منك
    الجاء لحل تانى انى انصح بدون ذكر اسماء مرتجعش المح وهكذا مش اول حاجة اعملها اعمل عليه سلسلة حلقات والاقى المنتديات كلها بتنتقد بطريقة غير مقبولة وانا واحدة من الناس مش مع افكار الدعاه الجدد كلهم بس كمان مش مع نقد كل حاجة ولا اى تصرف
    يعنى حلو لما يقوله انت بطريقتك دى بتحسسنى انك جاى داخل عليا تكلمنى على السرير ده مش كلام يليق انه يتقال على تليفزيون

    ردحذف
  4. وأنا متفق معاكي تماماً في كل كلامك
    وكنت بضايق جداً من إضاعة الوقت والفكر في خلافات ملهاش لازمة
    ومقدر حزنك وزعلك
    ده أنا لما سعت الموضوع ده اتضايقت والله

    بس كل اللي كنت عاوز أعلق عليه موضوع الزج بالسلفية في البوست

    ربنا يهديهم
    مش هوه ده الإختلاف اللي اتعلمناه
    مش هوه خالص
    ربنا يهدي الجميع
    وجزاكِ الله خيراً علي تقبل كلامي بصدر رحب

    ردحذف
  5. السلام عليكم
    ايوشه
    انتى بتخرفى هههههههههه
    الكلام ده كبير
    أنتى ذكرتى كلام كبير قووى
    ههههههههههه
    بس بجد أحيك عليه
    ربنا معاكى يابنتى
    تحياتى

    ردحذف
  6. د. ياسر عمر عبد الفتاح
    ربنا يصلح الاحوال كلها صدقنى يادكتور الموضوع اخطر من كده بكتير والشباب ضايع بين الفتاوى والاختلاف ده ومش عارف يصدق مين والانسان لازم يغير على دينه ويغير على الشباب اللى هيضيع وهم غير مدركين ده
    مرسيى لحضرتك وشكرا ليك على تقبلك للكلام والمناقشة ده اللى احنا عايزين الاختلاف بشكل مقبول
    وانا اسفة على الكلمة مكنتش قصدى بيها اى شئ بس البوست كتابته ونزلته زى ما هو من غير اى تعديل

    ردحذف
  7. عاشقة الأحزان
    ههههههه اه والله بخرف بس يارب التخاريف يكون بنتيجة
    مرسيى للمرورك ياقمر

    ردحذف
  8. جميل اوى اسلوبك يا استاذه
    و عجبنى طريقه عرضك للمثل الى استعنتى به و الصراحه اخترتى مثل كويس يقرب للاذهان المشكله
    مصطفى حسني شاب جميل و افضل مثل للشباب لكى يحذوا حذوه
    طبعا لازم يتعرض للنقد و التجريح لانه انسان ناجح ف عمله الصراحه انا لا شفت الحلقه بتاعته و لا بتاعت المشايخ الافاضل
    بس وصلنى منك انها بتتكلم عن الاختلاف و الاختلاف ف الراى لا يفسد للود قضيه
    و ربنا يهدينا كلنا و يوفقه و يوفقنا
    و عليه فان الفائده الوحيده اننا اتعلمنا ان الاختلاف ف الراى لا ي

    ردحذف
  9. تسلمى يا ايوشة
    كلامك كله صح ومتفقة معكِ تماما
    يظهر انهم بيطبقوا المثل المعروف " عدوك ابن كارك "

    دى مبقتش تصحيح اوضاع خاطئة بقدر ما بقت حب للظهور والشو الاعلامى
    المفروض كمسلم فاهم امور دينه تكون نصيحته لله بينه وبين الشخص المختلف معه .. والتانى هيصلح من نفسه لو كان فعلا غلط .. وفى حالة اصراره على رأيه .. فمن حقه انه يتناول نفس الموضوع اللى الشيخ التانى غلط فيه ويدعمه بالدليل من القرآن والسنة بدون ذكر اسماء او الغلط فى حد


    ربنا يهديهم ويهدينا يارب

    ردحذف
  10. السلام عليكم
    اولا احييك على الموضوع وعلى طريقة الطرح
    واتفق معاكي تماما
    الشباب اصبح تائه بين هذا وذاك
    وكما ذكرت الخلاف لم يكن ابدا المشكله ولكن لابد ان نتعلم كيف نختلف معا في الرأي دون تجريح او حجر على رأي احد
    كما سمعت من الشيخ محمد حسان كلمه لاحد العلماء حول الاختلاف فقال انه لو اختصم المسلمون على كل مسئلة خلافيه لما بقي بين المسلمين اي رابط للاخوه
    هدانا الله جميعا اى ما فيه وحدة هذه الامه

    اما موضوع السلفيه اللي اتكلم عنه د/ياسر فانا لا ادري لم قسمتنا الاسماء والجماعات فكلنا واحد من اتبع منا الكتب والسنه فقد سار على نهج السلف ولا ارى سببا انفراد كل مجموعه بلقب يفرق ولا يجمع
    تحياتي على الموضوع
    وجزيت خيرا
    وسلام

    ردحذف
  11. الكلام ده نطلع منه بان
    النصيحه على الملأ فضيحه
    ده بالنسبه لاى انسان بنوجه له النصيحه
    اما بالنسبه لنا احنا واللى بنشوفه من شيوخنا بيخلينا نبعد عن الدين مش نقرب منه
    يعنى بيجيب نتيجه عكسيه

    ردحذف
  12. اول مرة اقرا مدونتك بس بجد يسلم لسانك انا معكي في كل كلمه قلتيها الشيوخ اول من يدفع الشباب للبعد عن الدين بسبب انهم بينتقدوا بعض والمصيبة انهم بينتقدوا بعض في اشياء لا تستحق فهم مبيختلفوش على شئ مؤكد او في صحيح الدين بالعكس بيختلفوا على امور هي في الاصل فيها مرونة في الدين بمعنى اشياء بيكون كبار الفقهاء اختلفوا فيها واتجاه المسلمين لاي منها لا يضر ولا يجعل احدهم على خطأ واكثر من ذلك بيختلفوا على منظر بعضهم وعلى الدعاه صغار السن بالذات علشان مظهرهم وكان الشيخ لازم يلبس عمه وقفطان علشان يبقى شيخ واذا لبس بنطلون جينز ونظارة يبقى اراءه غلط للاسف مش بيسمعوا بعض بيتفرجواعلى بعض ولا كانه فيديو كليب وعجبي

    ردحذف
  13. السلام عليكم

    اختي الفاضلة

    اتفق معك تماماً فيما تقولين

    وهذا كان ردي بالظبط على احد اصدقائي في الحادثة اللي بين محمد حسان وعمرو خالد

    وقلت له ان كان عمرو خالد اخطأ فهل يخطأ ايضاً محمد حسان كان من الاولى ان يتصل به او يجتمع به ويقول له انت اخطأت في كذا وكذا وانا متأكد ان الاستاذ عمرو خالد كان سيرتاجع عن خطأه ان كان اخطأ

    بالظبط زي مصطفى حسني انا شاهدت الحلقة اكثر من اربع مرات علشان اشوف هو غلط في ايه بالظبط
    ملقتش الراجل غلط في حاجة خالص
    وكل كلمة يقولها يقولها بدليل من الرقآن والسنة وبأقول العلماء الاجلاء امثال ابن تيمية وابن القيم والبخار وابن حزم والعز بن عبد السلام والذهبي واناس كثر من علمائنا

    ولكن اصحاب الفتاوى الجاهزة لا يحبون ذلك لان ذلك يعطل مشروعاتهم ويبعد الناس عنهم لانهم بذلك يفهمون الفهم الصحيح للاسلام وانه مش اي حد يقول حلال وحرام ودي النبي مكنش بيعملها
    ولو كان النبي عرف ان فيها خير كان عملها قبلينا

    كلام غير منطقي بالمرة

    ودعينا نعترف ان هذه المجموعة التي يوجه اليها النقض (( عمرو خالد - طارق سويدان- مصطفى حسني - صفوت حجازي - خالد الجندي))
    هذه هي المجموعة الوحيدة التي استطاعت ان تصل الى الطبقة التي لم يستطيع احد من الاخرين ان يصل اليها وهي طبقة الصفوة واصحاب النوادي واستاطعوا ان يوجهوهم الى الطريق السليم وان يستفادوا من قدراتهم في خدمة الاسلام ونشر الخير

    وللاسف لقد انتشرت الغيرة الدعوية في مجتمعنا الاسلامي

    واصبح التجريح هو السمة الاساسية للمنافسة في الظهور على الفضائيات والاموال واصبح الموضوع يشوبه الرياء اعاذنا الله

    نأسف على الاطالة ولكن الموضوع مضيقني جداً فالشجرة المثمرة يلقيها الناس بالحجر فتلقيهم بالثمر

    عندي الحلقة لو عاوزها ممكن ابعتهالك على الاميل

    ردحذف
  14. أزال المؤلف هذا التعليق.

    ردحذف
  15. ياااااااااااااه على الموضوع دا
    تعرفى الفكرة فى ايه ليه التشهير وليه الاختلاف مع الفئة دى بالذات لو تفتكرى طريقةا لحوار اللى ظهر بيها الأستاذ عمرو خالد واستاذ مصطفى حسنى والشيخ خالد كان مختلفة عن زمان عن الشيوخ القدام يمكن اختلاف الأجيال بس لا برده لا انا لدين ثابت مهما اختلفت الأجيال ....
    الطبيعى ان محمد حسان او مصطفى حسنى او عمرو خالد اوا ى حد منهم يغلط لأنه مش انبياء ومش معصومين من الغلط ولكن هتظل فكرة الاخلاتف احنا مش قادرين نوصلها انا مختلف مع رأيك مش مختلف معاك حتى لو كنا بنقولها واننا عايزين نصحح لا انا بقى بقولها ان فى شيوخ بيتعترضوا لانهم مختلفين مع الشخصات نفسها مش مع اراءهم ....
    ابسط دليل ممكن نشوفه فىا لاختلاف الأئمة الأربعة ياريتنا نتعلم منهم
    انا بسبب الموضوع دا فعلا حصلى خلط بين كل الامور ولكن هفضل أقول برده انا لاختلاف هو سمة التميز فى كل الأزمان الا زمنا دا بنختلف عشان نتخانق مع بعض
    لا نعترض على اى شخص بصرف النظر عن المذاهب وغيره ولكن نريد ان نرى سمة الاختلاف المحترم
    انا عن نفسى بطلت اشوف فضائيات كتيرة بسبب الأسلوب المستفز سواء فى الدفاع او الهجوم لان كتير منهم بينسى انه رجل دين
    موضوع شائك فعلا وتقبلى تحياتى ايوشة

    ردحذف
  16. السلام عليكم ورحمة الله وبركاته

    أختي العزيزة


    هي المشكلة مشكلة انفتاح كبير يقع في هذا الجيل الذي يفتقر الي الثوابت

    ولكني أتفق مع رأي د ياسر


    خالص مودتي وصادق دعائي

    ردحذف
  17. ايوشه الجميله الموضوع بتاعك جميل اوي
    وطبعا الموقف دلوقتي غريب اوي من الهجوم اللي يشن من قبل الشيوخ الكبار علي بعضهم المفروض ان يحصل توافق بينهم كلهم علشان يقدروا يقدموا نصيحه صح متفق عليها واحنا مابقيناش عارفيين نصدق مين
    ربنا يرحمنا بجد ويهدي اللي عايزيين يظهروا وبس علي حساب الدين

    اسمحيلي اهديكي بعض الكلمات

    انا ايوشه
    مش مهووسه
    قالوا هوايتي
    الموضه والكوسه
    قلت انا حلوه
    واحلي عروسه
    اه والله واه بستاهل
    احسن بوسه
    ماما كتير تدعيلي تقولي
    امشي من العين محروسه
    انا ايوشه
    وساعات حد يقولي
    يا اوشه
    انا مش تنكه
    ولا مهررشه
    دا انا والله استاهل بوسه
    بوصي يا اوشه
    انت عروسه
    والعرسان عاملينلك هيصه
    ايوه يا بختك
    ما انت يا ستي
    اوشا النانوسا

    تحياتي
    ادم

    ردحذف
  18. بصراحه اسمك هو ماجعلني اكتب هذه الكلمات
    اتمني التواصل
    ادم

    ردحذف
  19. هو الموضوع فعلا ميكونش بينا كدة ..ولقد سمعت من خطبة للشيخ محمد حسان..ان اخلاف اللى بين المسلمين خلاف تضاد وليس خلاف تنوع
    فالخلاف فى الاراء.زموجود من زمان جدا..ففى حاجات كتير اختلف فيها الائمة الاربعة ..فاخلاف وارد ..ويجب ان يحترم كل شخص الطرف الاخر ..واذا رأوا انة أخطأ فعلا ..فعلا يبقى بينة وبين الطرف الاخر ..مش على الملأ وعلى القنوات...ولو هو مخالف لة فى الرأى يطلع يقول رأية ..مش لازم يطلع يجرح فى الاخر ...كلهم علمائنا ويجب ان نحترمهم جميعا...
    وربنا يهدينا ويهدى المسلمين الى ما فية الخير.

    ردحذف
  20. تعرفي يا ايوشة.. فى حكمة بحبها قوى "من وعظ أخاه سرا فقد سره وزانه ومن وعظه علانية فقد ساءه وشانه"


    والناس اللى بتنصح فى العلانية دى بتبقى عايزة تختلف على العلن علشان تتشهر وميهمهاش بقى ان الامة الاسلامية الاختلاف دة ممكن يخليها تولع وللا لأ.. المهم انه يتشهر ويثبت انه هو اللى على صواب وخلاص.

    ردحذف
  21. السلام عليكم
    الموضوع جميل لكن يحتاج دراسة اكثر لفكر ومنهجية كل شخص

    وفقك الله

    ردحذف
  22. احييكي على الموضوع

    كتبتي ما يجول بخاطري

    اللهم اهدنا لما اختلف فيه من الحق باذنك انك تهدي من تشاء الى صراط مستقيم

    ردحذف
  23. بجد يا اية انتى صح ودا اللى جراء الاشكال دى على انها تنتقض الدين وسيد الخلق والمفروض انه براء من افعالنا احنا واحنا اللى بنسئ لانفسنا واسلامنا من افعالنا فعلا اليومين دولوالنهاردا بى الذات اتحرق دمى اووووووووووووووووى اووووووووووووووووووى
    على اوضاع فعلا احنا مغبين عنها وعايشين فى هوامش جوا نفسنا وفى غل وكره لينا يملى الكون
    بس انا فررت انى ان شاء الله مش هقف ولا هستنى انا هبداء بنفسى واعمل اللى ربنا هيشاء انى اعمله ويقدرنى عليه يااااااااااااااااااارب
    وفعلا امته انصاف العقول من المشايخ يفقوا بقة ويناقشوا مشاكل اعلصر مش مشاكل متراكمة من الا ف الاف السنين
    وامته يبطلوا ينتقدوا بعض عن جهل ودارية
    ربنا يكون فى عونا احنا ويرحمنا برحمته

    ردحذف
  24. معك حق والله حاجة تقهر

    كل مانرتاح لحد من الدعاة ونحب نسمعهم ونطبق كلامهم ونحس بالراحة معاهم

    تلاقي حد طلع ينتقده ويطلعه غلطان بكل حاجة

    مع اني ماشفت الحلقة بتاعت الشيخ مصطفى ولا الحلقة الي بتنتقده

    برأيي انه هذا افتراء عليه وغيره منه

    لانه مينفعش يهاجموا بعض ويعملوا حلقات خاصة عشان ينتقدوا شخص له اهمية وداعي محترم

    ربنا يهديهم الدنيا كلها بقت خلف خلاف

    حتى الدعاة والمفتيين بقوا بيقولوا كلام يشل

    باحييك عالبوست


    تحياتي ياقمر

    ردحذف
  25. مممممممم مع انى مكنتش بحب اتكلم فى الموضوع ده لكن هقولك عن تجربه شخصيه ورأى بكل موضوعيه...

    انا بحترم أ-عمرو خالد وبقول انه صاحب فضل عليا بعد ربنا انا كنت بتابعه من وقت مكان فى مسجد الحصرى ب6 اكتوبر انا وجروب ليا من اصحابى وهقولك الكلام وبكل امانه

    ..عمرو خالد غيرنا كتير جداااا يعنى احنا اتحجبنا وبقينا بنصلى صح,, كنا الاول بنصلى صلاه مكوكيه يعنى ثانيتين بالظبط لكن هو بأسلوبه اللى كان وقتها جديد وهادى على عكس المشايخ المحترمين جدااااااا,,بس كانوا بيتعاملوا ان مثلا الحجاب ده شئ بديهى مش محتاج منه انه يقعد يطبطب على حضرتك,,

    لكن عمرو خالد قدر انه يوصل لطبقه معينه وللشباب وبراحه وبهدوء عرف يجتذبهم..ودى نقطه تحسب ليه..

    لكن وبكل امانه ودى حاجه انا بعترف بيها..عمرو خالد هو مجرد خطوه اولى يعنى تقدرى تعتبريه مرحله الحضانه لكن مينفعش انك تاخدى كل معلوماتك منه وكل اللى بدأوا مع عمرو خالد والتزموا معاه بعدها قالوا طب وبعدين صلحنا اخلاقنا وعباداتنا وبعديييييييين بعد كده ايه ولو تلاحظى ان ناس كتير وقعت فى الفتره دى ومعرفتش تستمر...

    وهنا توقف دور عمرو خالد

    لانه للاسف اوقات بيخطأ اخطاء جامده لكن مش معنى كده اننا نهاجمه زى محصل قبل كده..هى خطوات مترتبه على بعضيها

    يباه طبيعى بعد كده انى احاول اكبر وافهم ويجى بعد كده دور من انتقدوا عمرو خالد لانهم عاوزين شباب متدين بجد وحجاب بجد ناس بتكلم ناس عدت مرحله الطبطبه والدلع.
    امثال محمد حسين يعقوب ومحمد حسان ود.حازم شومان

    ...نفس الحكايه بتحصل مع مصطفى حسنى دلوقتى هو ممكن يكون من وجهة نظر المشايخ انه علشان يحاول يقرب من الشباب بيسهل الدين فى بعض الامور..

    هديكى مثل بسيط من الحلقه مصطفى حسنى عن البدعه اللى انتى بتتكلمى عنها

    قال ان الدبله مش بدعه واستند على حديث الرسول (التمسوا الخطبه ولو بخاتم من حديد) وهنا اعتبر مصطفى ان الدبله تعتبر خاتم وهى مش بدعه..

    رأى المشايخ الكبار ايه؟
    انك تلبس خاتم لكن دبله لاااااااا..لان الدبله دى اللى طلعها الرومان وبعدين انتشرت بين الكريستيان بصوره اكبر واصبحت من مظاهر اعلان ارتباطهم واحنا اخدنا منهم الموضوع ده ولغينا الخاتم ولبسنا الدبله..
    فرأى الشيخ محمد حسان والشيخ يعقوب (من تشبه بقوم فهو منهم) وده نهانا عنه رسولنا الكريم..اننا نقلد غير امه الاسلام...

    من الاخر وانا اسفه جدا على الاطاله

    الشيخ مصطفى حسنى قال الحديث من وجهة نظره وانه مش شايف ان الدبله دلوقتى ليها ضرر,,
    وانا شايفه اننا المفروض نشكره على مجهوده لانه بينجح انه يقرب ناس كتير لربنا..

    مشايخنا الكرام شايفين انك طالما هتطبق الدين تطبقه صح...ومفيش حاجه اسمها طب ممكن ,, عادى ,,,دى مفيش فيها مشكله,,اصل مفيهاش ضرر

    معندهومش الكلام ده....

    وبالنسبه للانتقاد اعتقد انه من مبدأ من راى منكم منكرا فليغيره بمعنى انه شاف حاجه غلط بتتقال فدوره انه يصححه..لكن بلاش اننا نقول انها غيره والكلام ده..بلاش نسوء الظن بناس نحسبهم على خير..

    واسفه جدا على الاطاله

    وعلى فكره انا لسه واقفه عند مرحله الاستاذ عمرو خالد ههههههههههه مش قادره اطلع لمرحله الجامعه مع انى بسمع للاساتذه كتير وبقرلهم كتير...:)

    يعنى انا بتخيل لو حد من مشايخنا الكبار دول شافنى بالجينز والحجاب الموردن بتاعنا ههههههههههه مش متخيله هيعملوا ايه...

    لكن عمرو شويه بيطنش ههههههههههه

    اتمنى انك تكونى فهمتى وجهة النظر اللى انا فاهماها ومقدراها..حاولى تفهميهم وانتى هترتاحى

    ردحذف
  26. ايوشة سيدتي الفاضلة
    بل صديقتي العزيزة الى قلبي
    هذه المرة ساسأل فقطعلى احوالك و اتمنى تكوني بخير
    و لن اعلق على البوست لاني في الحقيقة عارف ان رأيي لن يعجبك و لن يعجب الكثيرين من مرتادي مدونتك فل اتركه لنفسي اذن
    مودتي

    ردحذف
  27. الموضع فعلا مهم
    عن نفسى
    اظن ان الخلافات دى
    وخصوصا بين العلماء بيون شكلها وحش اوى وخصوصا على الهوا
    لو كل واحد صادق فى نقده فعلا
    اظن انه عليه ان ينصحه ولكن ليس امام الناس كلها كده
    كان لازم بينه وبينه

    وربنا يهدى الجميع
    ويحفظ علمائنا

    ردحذف
  28. biberss
    ربنا يهدينا اجمعين يارب لما يحبه ويرضاه احنا مش عايزين الخلافات الفرعية دى تخسرنا بعض مرسيى للمرور حضرتك

    ردحذف
  29. حاجات جوايا
    بالظبط هو ده اللى المفروض يحصل مكنش فى داعى ابدا لذكر اسم وتلميح اكتر من مرة باسم الداعية كان حلقة عامة بتتكلم عن البدعة وللرد على الشبهات وخلص الموضوع والناس كانت هتفهم برضو وربنا يهدى الجميع يارب مرسيى للمرورك

    ردحذف
  30. Dr.m
    يمكن سبب اللى احنا فيه دلوقتى المسميات والتقسيمات اللى عملناها لنفسنا
    كل فى الاخر كلنا نتبع السنة ولا دعى فعلا لذكر مسميات هتزيد الشباب ارباك اكتر واكتر
    مرسيى للمرور حضرتك

    ردحذف
  31. عاشقه الرومانسيه
    الفضيحة على الملأ فضيحة والله عندك حق وربنا يصلح الاحوال يارب
    مرسيى للمرورك ياقمر

    ردحذف
  32. ابو صهيب ( الجمعاوي الاصيل)سابقاً
    وانا كمان سمعت الحلقة اكتر من مرة ومش شايفة شئ يستدعى كل الخلاف ده لو اخطئ فى سند معين للعلماء مكنش فى داعى لكل النقد ده
    اشكرك جدا انا حملت الحلقة من على النت جزاك الله خيرا
    اما بخصوص علماء جدد مش هننكر فضلهم بعد فضل الله على الشباب اللى قدروا يرجعوا للشباب للطريق الصح مرة تانية
    مرسيى للمرورك

    ردحذف
  33. MaNoO
    اول مرة مش تقولى كنت هخرج ومش هكلم البوست :)
    الاختلاف رحمة من ربنا لكن فى الزمن ده اتحول لحجيم بينا وبين بعضنا وانا اللى عايزة اوصلله انت قولت ان الاختلاف ده بيوصل الشباب لمرحلة انا خلاص مش هتابع اى حاجة بعد كده واحنا مش عايزين ده ابدا
    عايزين الناس كلها تتفق مش تختلف ربنا يصلح الاحوال مرسيى للمرورك

    ردحذف
  34. هذه حياتي
    وعليكم السلام ورحمة الله وبركاته فعلا الجيل ده او جيلنا عموما يفتقد كل ثوابت اللى المفروض تكون عند كل انسان علشان يكون فاهم دينه صح
    مرسيى للمرورك

    ردحذف
  35. Adam
    ربنا يهدى الجميع يارب متشكرة جدا على الكلمات الرقيقة دى بجد انا متشكرة اوى وان شاء الله هحطها فى اول المدونة متشكرة مرة تانية ومرسيى للمرورك جدا

    ردحذف
  36. mosooz
    الشيخ محمد حسان عالم جليل ربنا يكرمه ويحفظه وبجد المفروض كل العلماء يكونوا فى مثل حكمته وعقله
    وربنا يهدى الجميع يارب مرسيى للمرورك

    ردحذف
  37. MaNoOoSh

    فى حكمة بحبها قوى "من وعظ أخاه سرا فقد سره وزانه ومن وعظه علانية فقد ساءه وشانه"

    جميلة اوى لخصت كل الكلام ومش ساءه وبس ده اساء لناس ملهاش ذنب واصابهم بالحيرة
    ربنا يصلح الاحوال مرسيى للمرورك

    ردحذف
  38. رحيق

    احنا مش بتكلم عن المنهج احنا بتكلم عن ثقافة الاختلاف لاننا مش هنقدر نعرف فين الصواب لاننا مش اهل للنقاش فى ذلك
    بس احنا من حقنا مش نشوف اى نوع من الخلاف ده اللى بيربكنا ويحيرنا
    مرسيى للمرورك جدا

    ردحذف
  39. اسماء واحلام فى وجدانى
    مرسيى للمرورك يااستاذ احمد

    ردحذف
  40. ايوشه الحلوه
    انت جيتى على الجرح واتكلمتى
    اصل احنا لما نختلف مع بعض نقوم نجيب النبابيت والشوم ونقعد بقى نضرب فى بعض ومش بعيد نجيب كمان سيوف ونقعد تقطع فى بعض
    ودا بيحصل كتير
    مع ان الأئمه اختلفوا وما كانوش بيتخانقوا كدا
    وابو حنيفه قال رأى صواب يحتمل الخطأ ورأى خيرى خطأ يحتمل الصواب
    فنحن لا نتقن لغة الاختلاف
    مع اننا دايما بنقول الاختلاف فى الرأى لا يفسد للود قضيه
    ومع ذلك لا ننفذ هذه المقوله
    والحقيقه ان بقى فيه اسهال فى الفضائيات فى الامور الدينيه
    ورأى يفنده رأى اخر ورأى ينتقده رأى اخر مع ان الموضوع سهل وسلس جدا
    تحياتى ايوشه على الموضوع الجميل

    ردحذف
  41. ملكة في بيتي


    اللهم اهدنا لما اختلف فيه من الحق باذنك انك تهدي من تشاء الى صراط مستقيم
    امين يارب العالمين مرسيى للمرورك

    ردحذف
  42. thunder
    للاسف انا مش عايزة الناس توصل لدرجة فقدان الثقة فى المشايخ كلهم المفروض يعنى يفكروا شوية ازاى يرجعوا الناس لدين مش ينفروهم منه وربنا يصلح الاحوال يارب مرسيى للمرورك ياثندر

    ردحذف
  43. ঔღঔ نـــوارة ঔღ
    ربنا يهدى الجميع يارب بس هما ممكن يكون النقد مش لغيرة هما فعلا بيصلحوا كلام مغلوط بس مش بالشكل القاسى دى ولا على الملأ مرسيى للمرورك

    ردحذف
  44. السلام عليكم

    ازيك يا ايوشه يارب تكوني بخير

    اولا طبعا بحييكي علي الموضوع الجميل

    ثانيا : طبعا شيء مستفز موضوع النقد والهجوم علي الهواء لأنه مش بيكسب تعلم من الاخطاء ده إذا كان في اخطاء ده بيكسب عداوه وتعصب وسباب ما بين المختلفين

    وبلبله وحيره وتخبط وزعزعه للمشاهد او المتلقي

    ده حتي في مثل بيقول " النصيحه علي الملأ فضيحه "

    علي فكره انا شفت حلقه مصطفي حسني عن البدعه وكانت فعلا حلقه جميله من ناحيه السرد وطريقته اجمل وخصوصا لأنه سنه مقارب لأغلب الشباب

    وانا شخصيا بحبه جدا

    هو اصلا إتكلم عن البدعه ومجابش حاجه من عنده عرض رأي حوالي سبع علماء إتكلموا عن البدعه ومعناها وتفرعاتها
    يعني الراجل مألفش وبعد كده جاب رأي راجل الشارع

    انا بصراحه مش شايف اي سبب يستدعي عمل حلقه لمهاجمه مصطفي حسني لأن الحلقه فعلا كانت جميله وناجحه

    وهو اصلا من الناس المميزه إسلوبا ومنهج وطريقه

    ومش عارف بصراحه ارجع كل ده لأي سبب

    لكن هقول ربنا يهدي الجميع

    بجد بشكرك علي الطرح المميز

    يارب تفضلي مشرفانا علطول كده يا بنت بلدي

    عذرا للإطاله

    دمتي بكل ود

    في رعايه الله

    ردحذف
  45. الشعب لابد له من حكومه تشكمه
    اولا بحيكى على تعليقك جدا لانه نفسك الكلام اللى انا مقتنعة بيه وانا الحمد لله اتعديت مرحلة عمر خالد ويمكن لسه موصلتش لمرحلة محمد حسان وباقى المشايخ ومش بقول انهم لما بنتقدوا حد بيغيروا منه ابدا وانا مقدرش اقول كده انا بقول النصيحة تكون بطريقة متاثرش فى الناس بالسلب يعنى مينفعش انصح حد اشوه صورته قدام كل البشر
    عمرو خالد ومصطفى حسنى وغيرهم زى ما قولتلى مرحلة اولى فى الالتزام ومينفعش نقف عندها وسكت وانا قولتلها لدكتور ياسر اللى عايز يتعمق اكتر ويلتزم اكتر مش ينفع يستمر مع عمرو خالد وغيره المفروض بيرتقى كل شوية لغاية ما يوصل لدرجة الالتزام الكامل المطلوب بس مش معنى كده اهز صورة شخص ممكن يكون قدوة لدى فئة كبيرة من الشباب

    نختلف ماشى لكن مش نقطع بعض على الفضائيات النصيحة متكونش بالشكل ده
    ومادام الدليل الشرعى اكد انه كلامه غلط والله هو من نفسه مش هيصر على موقفه لكن لما ننصح ننصح بطريقة مقبولة
    وبخصوص الجينز وانه لو شافك ههههههه معرفش بصراحة هيكون ايه الموقف فى اللحظة دى
    مرسيى للمرورك ياجميل

    ردحذف
  46. assafo anaroze
    اسافو انا اسفة للمرة الف بجد الهوت ميل عندى فيه مشكلة وانا بجد نفسى اتناقش معاك زى زمان بقى ونشد شعرك من دماغى هههههه بس باذن الله ربنا ييسر واغير الوندوز قريب بس انت قول يااااارب وبخصوص رايك كنت اتمنى تقوله ومتخفش انا اتغيرت مش هكون متحفزة يعنى هههههه مرسيى للمرورك

    ردحذف
  47. د/عرفه
    ربنا يهدى الجميع يارب مرسيى للمرورك

    ردحذف
  48. فشكووول
    الحقيقه ان بقى فيه اسهال فى الفضائيات فى الامور الدينيه
    على رايك حضرتك ههههههه وفعلا الموضوع ابسط من كده وسلس جدا بس نموت فى تعقيد الامور
    مرسيى للمرور حضرتك نورت المدونة واتمنى مش تغيب كتير كده :)

    ردحذف
  49. z!zOoOo
    وعليكم السلام ورحمة الله وبركاته انا بخير الحمد لله ويارب تكون بخير انت كمان
    انا سمعت الحلقة النهاردة اكتر من مرة علشان افهم ايه سبب البلبلة دى كلها لقيت والله كلامه عادى ومش مستفز للدرجة الهجوم والنقد ده اتكلم عن بعض البدع اللى هى ممكن مش تكون بدع وجاب الدليل من اراء السلف الصالح
    لكن حتى لو اخطئ الخطا مردود والنصيجة واجب بس مش على الملأ ومصطفى حسنى ماشاء الله من الناس اللى قدرت تتدخل قلوب كل الناس وماشاء الله على التزامه وربنا يكرمه على الشباب اللى بتتبعه ونحسبه كذلك ولا نزكيه على الله
    مرسيى للمرورك نورت المدونة واول مرة اعرف انك من بلدنا :)

    ردحذف
  50. يفتح باب بيت المدونين ذراعيه لكل الموهبين في :
    1/ القصة القصيرة
    2/ الشعر بشتى أنواعه
    3/ الرواية "رواية سنوية سنقوم بنشرها في الجريدة"
    4/ المقال الصحفي
    إذا وجدت في نفسك القدرة على المشاركة أرجوا التواصل معي على الميل التالي
    arabicsabah@yahoo.com
    شروط المسابقة
    1/ ..............................
    2/ .............................
    3/ ..............................
    لا يوجد شروط الشرط الوحيد هو العمل الجيد , والعمل المحترم البعيد عن الإسفاف
    المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
    أرجوا التفاعل معنا في الجروب على العنوان التالي
    http://www.facebook.com/group.php?gid=45202724108#/group.php?gid=78080770039

    ردحذف
  51. تحياتى على البوست

    اول زيارة للمدونة فعلاً رائعة

    ردحذف
  52. مش عارف اقولك ايه
    بصراحه الموضوع بقى غريب قوي

    هم بيسخنوا على بعض
    والنمذيعين بيسخنوهم بذياده علشان الحلقه تحلى
    ويجيبلك ناس بتتصل بس علشان تولع في الموضوع
    وان كنت اصلا مش بقتنع بالناس اللي بتتصل بالبرامج دي لأن بحس انهم متأجرين ساعات

    المهم يعني الفكره بقت في الغرور كل واحد شايف انه اعلم وافضل
    واللي بجد منهم فاهم الدين صح بتلاقيه مبيخشش اصلا في المهاترات دي

    زي اللي مسكوا في عمرو خالد وغيره وغيره
    اعداء النجاح في بلدنا كتير واعداء الأسلام اكتر
    فما بالك بمسلم ناجح
    اعداءه يبقوا قد ايه

    ربنا ينجينا جميعا

    سلااااااااااااااااااااااام

    ردحذف
  53. السلام عليكم
    ايه المشكلة لما نرد على بعض مادام بنرد بأدب؟

    بصراحة مش فاهم!

    وبعدين الإخوة الفضلاء اللى بيقولوا كان المفروض ينصحه فى السر الأول..
    الكلام ده مش صح، لأن حضرتك لو كنتى سمعتى كلام الأستاذ مصطفى حسنى فى الحلقة الأولى كنتى هتلاقى ان هو اللى بيتهم المشايخ الآخرين بابتداع تعريف البدعة وسماها ظاهرة التبديعيين!!

    فلما حد من المشايخ يرد ويوضح وجهة نظره نهاجمه هو؟؟
    ايه المشكة فى النقاش العلمى مادام بأدب واحترام؟؟

    ردحذف
  54. موضوع جميل قوى يا ايوشه

    وفعلا بقت حاجة ممله زيده عن اللزوم

    واساسا الداعى مصطفى حسين مش هقول عليه غير علامه

    وعايزة اقولك من جماله فى الحلقه كان عمال يقول يا جماعه الشغل ده مش شغلى لوحدى
    ده شغل اعداد معايا وشكرهم وشغل كذه ويشكر

    شوفت الفرق بمنتهى البساطه بين اللى بيحب الناس بيخدع الناس

    بس للاسف فى ناس بتخدع وفى ناس بتصدق
    وفى ناس بتعمل نفسها فاهمه وهى فى الحقيقه مش فاهمه اى حاجة
    ربنا يهديهم

    تحياتى لقلمك

    ردحذف
  55. سبحان الله
    لفت نظرى منذ ايام مقطع على اليوتيوب إمام مسجد جعل خطبة الجمعة اسائة لعمرو خالد
    وحسيت بكل اللى انتِ كتبتيه ده
    وبقى كل تفكيرى ان اذا كان شخص بيحب ربنا وعايز الناس تتهدى يبقى ايه جريمته مهما كان اسلوبه
    هو لازم يطلع يشخط ويعلى صوته ويبقى وجه مكفهر وكلامه غليظ عشان يبقى داعى لله
    انا سمعت حلقة مصطفى حسنى والراجل ماغلطش لان كان كل كلامه استشهاد بامهات الكتب وهو نفسه بيقول انه بيجمع حاجات من كتب موثوق فيها ويناقش فيها اساتذته من المشايخ قبل مايقولها للناس
    من وجهة نظرى ان اى حد مهما كان بيسئ لاحد الدعاة مهما كان برضه يدخل فى نطاق الغيبة والنميمة والله اعلم

    ردحذف
  56. فيه مقولة بتقول
    النصيحة على الملاء فضيحة
    ممكن نغلط لكن تصحيح الخطأ اما الناس
    مش محبب ومش مطلوب ولن يأتى بنتيجة مرجوة ومع الاسف هذا يحدث كثير الان
    ربنا يهدى الجميع
    ديه اول زيارة لكى وليست الاخيرة
    باذن الله وادعوكى لزيارة مدونتى والتواصل تقبلى مرورى وتحياتى

    ردحذف
  57. لكي طريقة مميزة في طرح موضوعاتك ومناقشتها

    استمري بالعطاء

    شكرا لزيارتك لي ودعاءك لوالدتي

    وسنتواصل انشاءالله
    د
    شكرا

    ردحذف
  58. hamada
    مرسيى للمرور حضرتك ومع انى مش هشارك لانى لا بكتب شعر ولا خواطر ولا قصص انما بكتب اللى بعبر عنى بس ربنا يوفقكم يارب وتكون فرصة طيبة اننا نشوف جريدة متميزة واقلام متميزة

    ردحذف
  59. الشنكوتي الكبير
    مش هنقول ان المحاولات دى كلها انها محاربة للنجاح برضو لان لو الانسان يخطئ لازم يكون فى وقفة علشان مش يتمادى فى خطاه بس ازاى ننصحه هى دى اللى المفروض تتغير
    وربنا يهدي الجميع يارب
    مرسيى للمرورك

    ردحذف
  60. مجرد مدونة
    وعليكم السلام ورحمة الله وبركاته
    واحنا مش عايزين غير الحوار يكون بادب وحلقة مصطفى حسنى الاولى سمعتها وبصراحة مجبش سيرة شيخ واحد بالاسم هو كان كلامه عام جدا مش قال الشيخ الفلانى والشيخ الفلانى
    لكن اللى حصل بعد كده سلسلة حلقات كاملة وباسم مصطفى حسنى وكمان فى الحلقة الشيخ قال هو كان يقصد بمين الشيوخ الاخرين اكيد يقصدنا احنا
    والفكرة مش هنا انى مش عايزة عند الخطا اننا نوجه لكن فى طريقة لمعالجة الخطأ مش نعالج الخطأ بطريقة مستفزة بالشكل ده استفاد ايه المشاهد العادى غير انه ارتبك اكتر من الاول النصيحة مش على الملأ وحتى لو على الملأ مكنش فى داعى ابدا انه يذكر اسمه بتاع 50 او 60 مرة فى الحلقة ده مش اسمه كلام ابدا
    وكلامى مش بهاجم الشيخ انا بهاجم طريقة الشيخ وهنا تفرق ومعلش يعنى الشيخ ده فى كل حالة بينتقد الدعاه الجدد مع انه منهم وده مش غيبة ولا نميمة يعنى هو مش هغير سياسة البرنامج لنقد كل تصرفات الشيوخ
    مرسيى للمرور حضرتك

    ردحذف
  61. الفراشة الصغيرة
    مصطفى حسنى اكيد اضاف كتير وربنا يكرمه ويزيده علمه باذن الله وكذلك فى مشايخ ماشاء الله ربنا يكرمهم ومش هننكر فضلهم وحتى لو حد منهم ينتقد مصطفى حسنى اكيد هيتقبل كلامه بكل سعة صدر لانهم اكيد برضو ليهم مكانتهم بس النصيحة مش توجه على الملأ بالشكل ده ابدا وربنا يهدى الجميع يارب
    مرسيى للمرورك ياجميل

    ردحذف
  62. موناليزا
    والله نفس الفكرة جاتلى هل فعلا ده يدخل فى نطاق الغيبة والنميمة ولا لا بس هما بيتقال على الهواء مباشرة يعنى مش هيكون نميمة انما الغيبة هو ذكر قول اشياء على انسان قد لا تكون فيه
    ودى ربنا اللى يعلمها ربنا يصلح الاحوال مرسيى للمرورك

    ردحذف
  63. أم مالك
    ربنا يهدى الجميع يااااارب مرسيى للمرورك اللى اسعدنى وان شاء الله هيكون التواصل طبعا واتمنى فعلا مش تكون الزيارة الاخيرة

    ردحذف
  64. جارة القمر

    اسعدنى مرورك واسعدنى اكتر خبر ان والدتك بخير ربنا يتمم شفاءها على خير باذن الله يحفظها من كل سوء
    وباذن الله اكيد سنتواصل مرسيى للمرورك جدا

    ردحذف
  65. الأخت الفاضلة :: آيوشة ::
    السلام عليكم ورحمة الله
    أشكرك بداية على هذا الموضوع الحساس المهم ..
    أختي .. كانت لي مقالة سابقة بعنوان
    (برنامج خواطر 4 والإعلام الديني )
    لن أطلب منك الرجوع لها ،ولكنني سأحاول اختزال أفكارها :
    1- لكل مجتهد نصيب
    2- الإنكار ينبغي أن يكون بالطريقة التي ذكرتيها ( أي الداعية ينصح الداعية -اللي مش عاجبوا- سرًّا ) أما طريقة الفضايح هذي ، ما بتنفعش ، وأزيدك من الشعر بيت ، صدر لبعض المؤلفين كتبًا ينتقد فيها الدعاة الجدد -على حد تعبيرهم- والكتاب كما نقل لي كتب بطريقة استفزازية .
    3- الصمت والسكوت في أحيان كثيرة حكمة ..

    تحياتي لقلمك المبدع
    وعذرا على الإطالة

    ردحذف
  66. على فكرة اونا اول مرة استمع الى مصطفى حسنى بتركيز الا منذ ايام وفعلاً هو شاب جيد و اهدافه ساميه لخدمة الدين وتوصيله الى الشباب بطريقه سهله تجذب الشباب الى التدين و ياريت يستمر بنفس الاسلوب بس بدراسه ودرايه اكتر و لا يتوقف عن طلب العلم .


    تحياتى

    المدونة جميلة

    ردحذف
  67. فعلا عندك كل حق والله يا آيه انا فتره كنت متابعه مجموعه من الدعاه وبسببهم التزمت فى حاجات كتير اوى وبرضو بسبب الدربكه ودا ينتقد ده ودا يشتم فى ده احب اقولك انى ما بقتش اسمع حد خالص وبجد كل فتره حسه بالتقهقر والسبب فعلا هى اختلاف الاراء وحاله التزمت والانتقاد اللى ديما عايشين فيها شيوخنا اللى المفروض قدوتنا وامثالنا العيا بجد ربنا يسامحهم ويهديهم للفيه صالح دينا لان دينا مش هيتصلح طول ما حالهم بالشكل ده تسلم ايدك يا قمر وبجد وحشانى موووووووووووووووووت

    ردحذف
  68. المشكله مش في مصطفي حسني ولا غيره
    المشكله ان الدين عند بعض الناس تحول لسبوبه
    انا اسف مافيش كلمه اشيك من دي
    بس هو فعلا كده كل واحد عايز البرنامج بتاعه يبقي هو التوب
    فبالتالي بيهاجم الباقيين
    الموضوع تحول لماتش كوره

    ربنا يهدي الجميع

    ردحذف
  69. أيوشة حبيبتي ...

    حلو جدا موضوع البوست ده .. عجبني طبعا ..ومصطفي حسني مثال للشاب القدوة .. ربن يكرمه
    وفي اخر البوست تساؤلاتك هيا نفس تساؤلاتي ... ملهاش أجوبة

    وربنا يسترها

    ربنا يجعلك كلامك في ميزان حسناتك

    لا إله إلا الله ... محمد رسول الله

    ردحذف
  70. محمد سعد القويري
    وعليكم السلام ورحمة الله وبركاته
    كلام حضرتك سليم جدا يااستاذ محمد
    متشكرة للمرور حضرتك واتمنى من الله ان سهدى الجميع امين يارب العالمين

    ردحذف
  71. akeed
    ربنا يوفقه ويكرمه ويزيده علم امين يارب العالمين ويكون سبب فعلا لهداية كتير من الشباب بما انه قريب منه جدا وفاهم هما بيفكروا ازاى

    ردحذف
  72. طوبة ذهب وطوبة فضة
    اخيرا نورتى المدونة ياقمر بجد الحمد لله انك بخير دايما يارب ومعلش فعلا كلامك صحيح ساعات الناس بتبعد عن سماع اى شئ بسبب التشدد والتعصب ربنا يهدى الجميع يارب
    وانتى وحشانى جدااااااااااااا واتمنى من ربنا مش تغيبى عننا كتير
    نورتى المدونة ياجميل

    ردحذف
  73. أبو العريف

    بلاش سيرة الكورة بتعصبنى هههههه لا مش هنقدر نعمم الفكرة دى اكيد هو فعلا الهدف انهم ينصحوا لوجه لله بس بينصحوا بطريقة غلط هى دى الازمة
    مرسيى للمرورك

    ردحذف
  74. mimi
    اميييييييييين يارب العالمين وربنا يكرمك انتى كمان يارب ويكرم الاسلام دايما بناس تفهم وتعرف توصل الاسلام بصورة مشرفة وبدون تعصب
    نورتى ياقمر المدونة

    ردحذف