الأحد، 10 مايو، 2009

بناء على طلب الجماهير



الايام اللى فاتت لقيت بعض من الاصوات تعلو وتتجرا وتتطلب طلب كده منى

غريب ومريب وعجيب معرفش ازاى تجروا كده وقالوه فى وشى من غير اى خوف

وبعدين لقيت الطلبات بتزيد وبتنتشر وتتوغل وبدوا ينفذوا خطط كده مش ولا بود علشان ياثروا عليا

يوم تلاقى اللى يقولك المدونة مش بتفتح عندى ويوم الاقى يقولوا ان التعليقات مش بتتقبل



*
*
*
*
*
*
*



قال ايه عايزين اخلى المدونة واحدة بس بدل اتنين (احاسيس_وتخاريف)

طيب اقول ايه لو واحد عنده ولدين يرمى واحد منهم لا طبعا صعب اوى

فكرت كتير والفكرة كانت فى دماغى دايما بس كنت باجلها كل شوية والتانية

اصل احاسيس دى حتى منى وتخاريف هى شخصيتى كلها

لذلك وبما انى ديمقراطية وذات شخصية عطوفة وحنونة وكريمة حليمة وكل الصفات الحلوة فيا

قررت اريحكم شوية من المواصلات رايحين جاين جاين رايحين

بين المدونات وانا عارفة ان فى ناس غلبانة بتروح متورجل

ده غير ان التوتوك بتاعى بقى بعافية شوية من كتر المشاوير هنا وهنا

وتم دمج المدونتين مع بعضهم وان شاء الله بكرة نلاقى جابولنا مدونات صغننة

يارب القالب الجديد يعجبكم واللى مش عاجبه مش يقول لانى من يومين بظبط فيه حرام عليكم

لما عنيها خلاص ربنا يعوض عليها لو الوظيفة الجديدة راحت منى

هتكونوا انتم السبب خمس مرات ارجع قائمة المدونات الشهر ده يامفترين

يلا مش خسارة فيكم ابدااااااااااااااااااااااا

صحيح اللى مش هيلاقى اسمه فى قائمة المدونة مش يزعل انا لسه بجمعهم تانى

واللى اتاخرت عنه فى قراءة اى بوستات ده لان الكمبيوتر متفيرس

ومطلع عينى وعين الجيران معايا

وامسحوا اللينك بتاع احاسيس بقى وخلوا لينك تخاريف بس

لان كله هينزل هنا تخاريف_ احاسيس_ اشتغلات _افتكسات اى حاجة بقى

وطبعا ياجماعة مش عايزة اى شكر ده واجبى انى اريح الشعب بتاعى

شفتوا بالذمة حد ديمقراطى ومتفاهم زيى كده فى الدنيا

هناك 51 تعليقًا:

  1. اول تعليق بعد الدمج (:

    ردحذف
  2. الف مبروك ياقمر على الدمج

    و مبروك النيولوك بتاع المدونة ^_*

    بس انتى كده بدلعى بلوجر و ماينفعش على فكرة

    و المدونات كمان هتعلن العصيان عليك من كتر الدلع ده ((:

    ردحذف
  3. هيييييييييييييه هيييييييييييييه

    مين حيقص الشريط طيب ؟!

    خلاص نقول بسم الله الرحمن الرحيم
    و ندخل برجلينا اليمين

    يا ريت بقى يا ايوشه تحطي كده شويه لافتات توضح ان المدونتين اندمجوا مع بعض و

    " عزيزي الزائر الان يمكن متابعه المدونتين من مدونه واحده "

    " عزيزي العميل إن لم تجد ما تريده في هذه المدونه ... فياريت تقفل النت لانك مش حتلاقيه في باقي المدونات "

    " إلى جميع الزوار ممنوع منعا باتاً اصتحاب الحيوانات و الاطفال الغلسه "

    و عند باب الخروج " تبقى متعلقه كنوع من الديكور يعني *_^ .... قله "

    ردحذف
  4. ألف مبروك الدمج

    والستايل الجديد جاااامد جدا

    مش عارف هيبقى مظبوط ولا لأ على 800 في 600

    بس مظبوط تمام على 1024 في 768

    ردحذف
  5. ايا كان الدمج وايا كانت الاحاسيس والتخاريف
    حسبنا أننا نريد أن نرى إبداعات قلمك ووجهات عقلك ...وثنايا السطور

    ننتظر الأحاسيس تلو التخاريف

    الحارة سد

    ردحذف
  6. الف مبروك على النيولوك والدمج
    وربنا يشفى الكمبيوطر بتاعك من الفيروسات
    سلام يا قمر

    ردحذف
  7. انا ليا طلب و حياة الحاج بوك ابو فيس
    انتي عارفة طبعا

    اول بلوج صغنن من احاسيس و تخاريف
    يتسمي دولة علي اسمي

    ردحذف
  8. يعنى افهم من كده
    ان بوستات المدونتين
    هيتحطوا هنا؟
    انا بحب تخاريف اكتررررررر

    ردحذف
  9. Sweet Violet
    نورتى المدونة ياقمر بعد الدمج ان شاء الله فزتى معنا باول بلوجر صغنن واللى هنسميه دوله :)
    الله يبارك فيكى يارب وياستى سبيه يدلع علينا شوية وبعدين هيشفوا الوش التانى :)

    ردحذف
  10. عبد من عباد الله
    ههههههه والله افكار جهنمية وهخليك المسئول الاعلامى للمدونة وجارى تنفذ افكارك الجهنمية دى
    وعلشان كده انت اللى هتقص الشريط يامنعم ههههههههههه
    مرسيى للمرورك ياعبدو

    ردحذف
  11. حسام غانم
    الله يبارك فيك وهو لو مش مظبوط انا اظبطه غصب عن عنيه لان عنيا انا اللى هتضيع كده كل يوم فى تظبيه :(
    مرسيى للمرورك

    ردحذف
  12. حارة سد
    استاذ محمد ممنونة للمرور حضرتك متشكرة جدا

    ردحذف
  13. MaNoOoSh
    الله يبارك فيكى يارب وامين يارب العالمين ربنا يستجيب منك يارب لان الكمبيوتر جننى بجد :(
    مرسيى للمرورك ياجميل

    ردحذف
  14. adel
    حلفتنى بالغالى ابن الغالى
    خلاص ليك عليا اول بلوجر صغنن اسمه دولة وهتربيه سويتى علشان ده الجايزة بتاعتها لانها اول تعليق :)

    ردحذف
  15. عاشقه الرومانسيه
    خياااااااانة ايه ده احنا متفقناش على كده فى ناس هتبدا تعترض ولا ايه
    :(
    بصى ياقمر هو البوستات هتنزل كلها هنا بس بما انى بخرف كتير اوى وبموت فى التخريف هتلاقى اغلب البوستات من النوع اللى بتحبيه ولو فى حاجة عن الاحساس هتنزل برضو بس مش كتير لانى الايام دى متفائلة ومادام متفائلة يبقى مش هحس احم احم لا يعنى اقصد مش بكتب حاجة عن اللى حاسه بيه

    ردحذف
  16. والله أنا مبحبش فكرة المدونات الكثيرة دي
    ودي خطوة نضيفة والله
    هيه دي الديموقراطية ولا بلاش

    ردحذف
  17. أن نسيت أقول القالب ده جميل
    بس متزعليش لو حد عمل كومنت علي بوست في البوست اللي قبليه
    بتحصل في أحسن القوالب

    ردحذف
  18. مبروووووووووووووووووووووك النيولك
    أخيرااااااااااااااا عرفت أدخل عندك
    وربنا بحاول بقالى خمنتاشر يوم
    النيولوك حكايه جامد وربنا
    الف مليوم سلامه للكمبيوتر بعدالشر عنه
    هى انفلونزا الطيور صابته ولا ايه؟
    طمنينا ع الكمبيوتر ربنا يخليكى

    ردحذف
  19. يا سلام علي الوحدة مفيش احسن منها احنا ناقصين فرقه.
    وعلي فكرة ممكن بوست تخاريف وبوست احاسيس المهم انا لاتغيب انفاسك عن المدونة
    مع خالص تقديري

    ردحذف
  20. الف مبروك ياجميل الشقه الجديده
    وياترى دخلتى برجلك اليمين..قصدى بقلمك اليمين..
    عقبال العماره التمليك

    انت جميل فى كل حاجه حتى الاستايل الجديد جميل جدا ..بس مغطى على الصوره الحلوه
    يلا فين الاحسايس الجديده..
    وفين التخاريف الجديده
    ماتخليش الديكورات تاخدك منا..
    وحشتينى

    ردحذف
  21. مبروك
    مبروك

    أهنيك على القرار الشجاع

    وأظن بأننا سنستقبل مرحلة إبداع جديدة من آيوشة ..

    وبالمناسبة ستايل المدونة الجديد WonderFuL

    تحياتي

    ردحذف
  22. لا سويتي ايه
    انا اللي هربيه

    انتي عاوزه تحرميني منه ليه ياظالمة

    ردحذف
  23. مبروووك يا أيوشة ولو أني مش شايف حاجة عن نفسي يبقي عندك مدونتين وتلاتة
    :)
    تحياتي

    ردحذف
  24. مبرووووووووووووووك ياعسوووله

    البلوج عسول اوي زيك

    ومعلش تاعبينك معانا بقى

    موووووواه

    ردحذف
  25. مبروك يا آيوشه
    النيولوك جميل ..
    و يا رب يتظبط معاكى كمان و كمان

    ردحذف
  26. الف مبروك علي الدمج ياقمر

    كدا احسن عشان مش ندوخ :)

    ردحذف
  27. مبروك الدمج ومبروك الشكل الجديد

    بس يعني ياستي انتي متقلقيش
    لو كنتي فين وعندك كام ألف مدونه هتلاقينا برضه فوق دماغك بنتنطط ونخبط ونزؤ الباب ونقول "معانا اتصال, نقول ألوووووو"


    هههههه

    مبروك مره تانيه (كفايه عليكي مرتين بس) (وش مطلع لسانه)

    ردحذف
  28. مبروووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك





    لكن بى النسبة للشكل يع بجد يا ايوش وحش اوى وكمان بطئ هههههههههههههههههههه اوعى تصدقى مبروك عليكى الدمج والنيو لوك وربنا يجعلها فاتحة خير عليكى يارب ومتزعليش انتى مخسرتيش الوظيفة اكيد ربنا شايلك خير ان شاء الله

    ردحذف
  29. د. ياسر عمر عبد الفتاح
    ِشفت الديمقراطية اللى عندى :)
    ان شاء الله مفيش زعل ولا حاجة بس هى شوية الناس تتعود على القالب الجديد وتعرف التعليقات فين
    مرسيى للمرورك

    ردحذف
  30. wesoooooooooo
    الله يبارك فيكى الحمد لله انك عرفتى تدخلى المدونة اخيراااااا
    الكمبيوتر شكله بيودع للاسف ربنا يستر
    مرسيى للمرورك

    ردحذف
  31. م/ الحسيني لزومي
    ربنا يوحد صفوفنا دايما يارب مرسيى للمرور حضرتك بجد اسعدنى جدا

    ردحذف
  32. مبروك انا اول مره اجى و كمان ابارك
    انا باحب دايما اجى فى المناسبات السعيده

    ردحذف
  33. الفراغ
    وانتى وحشتيناااااااااا جدا والله الحمد لله انك بخير ودايما يارب منورنى كده وان شاء الله مش هتاخدى الديكورات ونرجع تانى للاحاسيس وللتخاريف باذن الله :)

    ردحذف
  34. محمد سعد القويري
    الله يبارك فى حضرتك يااستاذ محمد مرسيى للمرور حضرتك

    ردحذف
  35. adel
    ايه اللى انت تربيه ده مش لماا تخلص دراستك الاول وهتربيه منين ان شاء الله وهتربيه انت ومنى اكيد هههههه

    ردحذف
  36. micheal
    الله يبارك فيك يامايكل معلش انا قولت يمكن الدمج يخلينى اركز شوية
    مرسيى للمرورك

    ردحذف
  37. MǿиY El-Shreef
    الله يبارك فيكى ياقمر ومفيش تعب ولا حاجة وتعبكم دايما راحة

    ردحذف
  38. د.آيه
    الله يبارك فيكى يادكتورة نورتى المدونة

    ردحذف
  39. كيــــــــــــارا
    الله يبارك فيكى ياجميل ومفيش دوخة تانية ان شاء الله

    ردحذف
  40. أحمـــــــــــــد أبو العلا
    الله يبارك فيك ومش تقلق يعنى انا مجنونة وكل يوم بحال وممكن ارجع افصلهم تانى هههههه
    مرسيى للمرورك

    ردحذف
  41. thunder
    الله يباااااااااااارك فيك يارب مع انك جيت متاخر بس عفونا عنك يلا علشان انا قلبى طيب وبسامح على طول P:
    والوظيفة لسه فيها كلام واختبارات وحوارت بس ربنا يسهل بئا :(

    ردحذف
  42. صيدلانيه طالعه نازله
    الله يبارك فيكى يارب ويارب دايما تيجى كده تلاقى اخبار حلوة علشان الناس تعبت من النكد
    مرسيى للمرورك

    ردحذف
  43. السلام عليكم

    اسئل الله ان تكوني في تمام الصحه والعافيه

    القالب هادي وإعتبريه تصبيره لغايه ما تفكري في غيره

    أما ما يخص التخاريف والاحاسيس فهناك شعره حدا فاصلا بينهم ففي بعض الاحيان تخرج الاحاسيس علي هيئه تخاريف
    واحيانا التخاريف تكون ابرع ما يعبر عن الاحاسيس

    نسيت اقولك بجد من غير تريقه

    الرسمه الي رسمتيها احلي عارفه ليه ؟؟

    لأن الرسمه الاصليه تخاريف مزيفه

    والرسمه بتاعتك نابعه من الاحاسيس فاصدق

    تحياتي

    ردحذف
  44. بخصوص مدونة اسيوط بلدي
    الله يكرمك انا كنت نسيتها ولما شفت الربط بتاعها علي مدونتك رحت هناك وقريت تعليقك لماذا توقفت
    الحقيقة انا كنت عايز اجعلها لسان اتحاد مدوني اسيوط وخاصة انها سوف تتكلم عن محافظة كبيرة وكنت ارغب ان يكون التدوين فيها للجميع لان اسيوط بلدنا وكنت ناوي ادعوا لجلسه في اي نادي لمدوني اسيوط لترتيب هذا الامر ولكن الجميع خذلوني وبعضهم خاف وانا لم ارد ان اكون اللسان الوحيد الذي يتحدث عن اسيوط.

    ردحذف
  45. مبروك النيو لوك الجديد يا أيوش ...

    كده أحسن بدل تاكسيات رايح جاي ...

    تصبحي علي ألف خير

    ردحذف
  46. z!zOoOo
    مرسيى جدا ولتعليقك ولمرورك واتمنى تكون انت كمان بصحة وعافية دايما

    ردحذف
  47. م/ الحسيني لزومي
    ان شاء الله المدونة متنستش وهنلاقى اكيد حل ليها وهتكون فيها مشاركات فعالة اكتر من كده

    ردحذف
  48. mimi
    الله يبارك فيكى ياجميل وانا ريحتكم اهو من المصاريف والمشوار
    وانتى من اهل الخير ياااااااارب

    ردحذف
  49. انا والله يا ايوشة موجود

    وجيت اقولك انى موجود بس لاقيت الموضوع كبير قوى قلت اقولك وارجع اقرا وان مارجعتش النهاردة اعرفى انى نمت لان الساعة دلقتى الخامسة صباحا بتوقيت مدونتك

    ردحذف
  50. يفتح باب بيت المدونين ذراعيه لكل الموهبين في :
    1/ القصة القصيرة
    2/ الشعر بشتى أنواعه
    3/ الرواية "رواية سنوية سنقوم بنشرها في الجريدة"
    4/ المقال الصحفي
    إذا وجدت في نفسك القدرة على المشاركة أرجوا التواصل معي على الميل التالي
    arabicsabah@yahoo.com

    أرجوا إرسال مواضيعكم لأختيار الأفضل لنشره العدد القادم
    http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039

    ردحذف
  51. ايوشه
    حلوة فكرة الدمج دي

    بس الاحلي النصايح بتاعتك
    انا كان عندي اصحاب كتير
    وكنت بفكر اعمل بوست عشانهم
    بس بعد اللي انت قولتيه
    هسمع نصيحتك
    اكيد مش هيفضل ولا واحد
    وعموما لو عملت البوست هتعرفي انا مقتنع بنصايحك اد ايه

    اصلي ما هصدق اني ادلق اصحابي
    بيس

    ردحذف