الاثنين، 4 مايو، 2009

الحياة امل وتخاريف لابد منها+ تحديث








التدوينة القديمة


النهاردة قررت ارجع اتابع لعالم التدوين واتابع المدونات من تانى اللى كنت متابعها لكنى لقيت شبح الموت والحزن

مخيم على كل المدونات بسبب موت المدون محمد ( الفارس الملثم ) صاحب مدونة ثرثرة تحت المطر

كنت اول مرة اسمع عنه النهاردة بجد انا معرفهوش بس لقيت الناس كلها بتحبه وده دليل على انه كان انسان طيب ومحترم

دخلت مدونته واول مرة وللاسف تكون بعد وفاته وقريت البوستات وبجد موته اثر فيا ولاول مرة احس بالموت اوى كده

الغريب انى معرفهوش ولا عمرى قريت ليه اى بوستات بس لما شفت سنه الصغيروقريت كلماته اللى دايما فيها نبرة حزن ووحدة فكرنى بحالى واحساسى اللى دايما بحس بيه حسيت انه كان بيعبر عن اللى جوايا حسيت انه يشبهنى فى حاجات كتير

انا جوايا خوف غريب اول مرة اخاف من الموت بالشكل ده طول عمرى بتقبل فكرة الموت بشكل كبير حتى مع اقرب الناس حواليا تقبلته بس مش عارفة ليه فى اللحظة اللى قريت خبر وفاته وانا خايفة انا فى غفلة فى حياتى

دايما شايفة الاسود ومش شايفة اى سعادة فى حياتى انا كنت يئست من الحياة وبتمنى الموت بس كنت مغفلة انا مش هقدار اوجه الموت هواجه ربنا ازاى وانا بالشكل ده وياترى هكمل حياتى بالتعاسة اللى انا حطه نفسى فيها انا مش عايزة اموت قبل ما افرح لو مرة فى حياتى او يكون لحياتى معنى تفيد ناس من بعدى ناس لما يفتكرونى يترحموا عليا انا خايفة بجد

جايز انا معرفهوش بس ربنا يرحمه يارب ويسكنه فسيح جناته ربنا يلحقه بالفردوس الاعلى

ويجعل قبره روضة من رياض الجنة امين يارب العالمين





ده جزء من بوست نزلته لما عرفت خبر وفاة المدون الشاب محمد ( الفارس الملثم)





وكنت قررت انى مش عايزة ارجع تانى لتدوين
مش عايزة اندمج فيه وبعدين فجاة اسمع عن خبر تانى يهزنى الموت مش سهل ابدا وفكرته مش كل الناس بتتقبلها
لكن فى الحقيقة الموت مش بيهزنى اوى يعنى بالعكس بتقبله بصدر رحب جدا لدرجة ساعات الناس بتستغرب انا برجع لحياتى ازاى بسرعة يمكن علشان مؤمنة جدا بانه مقدر وشئ حتمى
الحياة مش دار للخلود الحياة ما هى الا محطة للاخرة وللجنة باذن الله




























المرة دى محمد فارس صاحب مدونة الحياة امل اول ما فتحت الايميل لقيت رابط المدونة بتاعته وخبر الوفاة روحت اشوفها المدونة مفيهاش بوستات كتير انا كنت علقت مرة وحيدة فى البوست الاخير وبعدها رد الزيارة علق فى مدونة احلام البنات ربنا يرحمه يارب ويسكنه فسيح جناته ربنا يلحقه بالفردوس الاعلى

ويجعل قبره روضة من رياض الجنة امين يارب العالمين



قولت بس اكيد الخبر ده هينشر الحزن تانى بين المدونيين وهيكون الحال زى لحظة وفاة الفارس الملثم
المرة اللى فاتت انا حسيت الموت فى كل حتة وفى كل مكان والناس كلها مكتئبة وحزينة
وساعتها قررت مش عايزة اكمل فى عالم التدوين مش عايزة اتعلق بالناس اكتر واكتر وفجاة القدر يحرمنا منهم



لكن المرة دى لا المرة دى هاخد كلمات الاستاذ محمد فارس ربنا يرحمه واحطها قدامى مدونته اسمها الحياة امل اجمل اسم يعبر عن الحياة بجد جايز بنحزن بنتالم بنعانى بس كل ده واحنا فى انتظار الامل
فى اول بوست نزله قال





سأصور لكم حياتي بدون أمل

بأختصار كانت تتلخص في قصيده

للشاعر عبد الله البردوني

تقول

يارب حسبي مذله ،بين العيون المطله


الدهر يظلم قدري، عمدا وعندي الادله


ولعبة الحظ حولي، قد زادت،الطين بله


وها هواليأس يحبو


الي حياتي الممله


فهل تواري هلالي،وضاع خلف الاهله


وهل سأطوي شبابي،علي جراح وعله


جراح قلب ابي يزود بالصبر ذله


وما يأست ولكن مناعتي مضمحله


وما قلبيا مل صبرا وانما الصبر مله

*ـــــــــ*

هكذا كانت حياتي لفتره طويله جدا جدا من الزمن وعنما جلست مع نفسي

وادركت ان الحياه مليئه بالجوانب الحسنه والسيئه

فقلت لنفسي لماذا لا اعيش الجوانب الحسنه واعمل بقول الشاعر


واغنم من الحاضر لذاته،فليس في طبع الليالي الامان


وخصوصا انه عندما كان يحدث شيء في حياتي يدعو للفرح

كانت تحدثني نفسي الاماره بالسؤ بأ ن الفرحه لم ولن تدوم طويلا

كان احساسي الدائم باليأس يكاد يجعلني اصاب بالاكتئاب

وكانت حالتي هذه تتسبب لمن حولي خصوصا الاهل والاصدقاء

بالضيق،فشعرت باني أأؤذي غيري بدون ذنب ارتكبوه

فجلست مع نفسي مره اخري فوجدت أن الحياه اقدار

ولا يرد القدر الا الدعاء وحالتي ما كانت الا سخط علي قدر الله سبحانه وتعالي

فبدأت اتقرب الي الله بالدعاء،حتي بدأت ابتسامة الرضي

ترتسم علي وجهي،وكذلك بدأت الحياه تبتسم لي

وسأقص عليكم ان شاء اللـه

اعرض واجمل ابتسامه ابتسمتها لي الحياه

بامر رب العزه سبحانه وتعالي






ولما قريت باقى البوستات فهمت كان نفسه فى الاطفال وربنا انعم عليه بعد 20 سنة بهبة الله ربنا يحفظها بجد وكانت هى الامل فى حياته وان شاء الله هتكون هى امتداد لحياته من بعضه



عارفين اول حاجة قولت البنت لسه صغيرة ربنا يصبر اهله ومراته وبنته
وبعدين فكرت ان ربنا ارحم من كل البشر زى ما بينزل الابتلاء بينزل جنب منه الرحمة


ممكن نفتكره بالرحمة دايما ونفتكر كلماته دايما قدامنا دى صدقة جارية ليه كل ما نتالم او نحزن نفتكر كلماته حتى نفتكر اسم مدونته الحياة امل
بلاش نستنى الموت لغاية ما يجيلنا ونعيش فى خوف منه لغاية ما يجى وندمر حياتنا بنفسنا بالحزن والقلق والاكتئاب
وكل المسميات اللى خانقين نفسنا بيها عايزين نعيش بالامل بجد

***************************
هطلب منكم طلب عايزين ممكن نختم له القرآن اللى موافق على الفكرة يقولى انا هقرا من الجزء 25 ل 30 ان شاء الله اللى هيشارك ياريت يقول الجزء اللى هيقراه بس ينفذه بجد واللى مش هيقدر مفيش مشاكل ربنا يعين اللى يقدر


*************************

جارة القمر مامتها تعبانة ادعولها بالشفاء العاجل وان ربنا يفك كربها اتمنى نزور كلنا فى المدونة ونخفف عنها لو بكلمة بسيطة كل يوم


************************



ثندر باشا اللى مختفى ومعرفش هو فين من كام يوم يابنى ارحمنى من القلق اللى بتعملوا كل كام اسبوع ده يارب تكون بخير دايماااااااااااااا
بس صبرك عليا عقابك شديد بجد والله العظيم علشان انا قولت 100 مرة لما تختفى فجاة كده تقولى قبلها


**************************






طلب اخير لانى بجد شكلى هرتكب جريمة ماما فراغ التعليقات اللى حضرتك قافلها بجد مش هينفع انا نفسى اطمن
عليكى حتى على الايميل انتى مش بتكونى موجودة ينفع كده يعنى اولادك مش يطمنوا عليكى



















هناك 33 تعليقًا:

  1. اسفة ان البوست مش مرتب بجد مش عارفة افكر بس اللى حسيت بيه قولته

    ردحذف
  2. ونقول التالت كمان عقبال

    ما اقرا الموضوع

    نياهاهاهاها

    ردحذف
  3. طيب مش عايزين لعب روح اقرا على طول

    ردحذف
  4. ايوشة الموت برغم قساوته والم الفراق

    اللى فيه الا انه موعظة لينا

    خافى شىء طبيعى انك تخافى انتى انسانة

    بس مش بالشكل ده

    خلى ايمانك بالله اكبر واكبر

    اما بالنسبة لختم القراءن انا ان شاء

    الله الجزء 25 باذن الله ومش عايز احرم حد من الثواب ده انا ممكن اقوله كله
    واسمحى انى ااقدم اقتراح اننا نقرا

    المصحف كله منها ثواب لينا وليكى ومنها تذكرة لكلام ربنا

    اما بالنسبة لجارة القمر الله يكون فى عونها ويشفى والدتها باذن الله
    وربنا يجزاكى عنها كل خير

    اما بالنسبة لفراغ فانا بكل اسف
    لم اتشرف بمعرفتها ولكنى اتمنا ان تكون فى احسن حال

    اما ثندر حبيب قلبى ربنا يرجعه بالسلامة لاننا محتاجينه بجد
    اينعم هو زعيم الاشرار لكن قلبه ابيض

    ردحذف
  5. قرايت يا افندم وكله تمام

    حاجة تانى

    متخافيش راجعلك تانى

    ردحذف
  6. جزاك الله خيرا يااستاذ احمد وربنا يتقبل منك واكيد ده هيكون فرصة برضو الناس ترجع للقران بدل ما هو مهجور
    ربنا يتقبل من حضرتك يارب
    اما بالنسبة لجارة القمر ربنا معاها ويعفو عن والدتها يارب
    وماما فراغ احن قلب فى عالم التدوين كله ربنا يشفيها يارب ويرجعها لينا بالسلامة
    ام ثندر لا اشوف وشه بجد هيكون ليا معاه تصرف تانى

    ردحذف
  7. انا ان شاء الله هاقرا الجزء الاول

    باذن الله تعالى اشكرك جدا يا ايوشة

    وربنا يجعل ذلك فى ميزان حسناتك

    اللهم امين

    اللهم اشفى والدة جارة القمر

    ونطمئن على فراغ

    ويطمنا على ثندر ويرجع بالسلامة

    باشكرك جدا يا ايوشة لانك قدرتى

    تجمعى حاجات كتير اوى هنا

    ردحذف
  8. البقاء لله
    ربنا يرحمه ويغفرله ويصبر أهله


    ويلكم باك أيوشة

    ردحذف
  9. ويتوالى سقوط الفرسان
    ربنا يرحمهم ويسكنهم فسيح جناته

    ردحذف
  10. بجد بجد انا حزنت جدا لما شفت البنوتة دى وباباها ملحقش يفرح بيها.. ربنا يعوض مامتها خير فيها ويجعلها بنت صالحة ان شاء الله ويرحم باباها.. ويشفى مرضى المؤمنين جميعا
    انتى عارفة يا ايوشة انا مكنتش بخاف من الموت لغاية ما شفت جدى الله يرحمة لحظة طلوع الروح.. قد ايه هيبة واحساس مهيب.. ربنا يحسن خاتمتنا جميعا يارب.

    ردحذف
  11. ربنا يرحمه
    أفتكر إنه الله يرحمه رد عليا مرة واحدة
    مش عارف أقول إيه
    بس ده هوه حال الحياة
    ويمكن بكره متلاقونيش معاكم
    محدش يعرف

    ردحذف
  12. كلنا نكره الموت ...لكن نحب لقاء الله الذي هو أرحم بنا من أمنا .... ومن كره لقاء الله كره الله لقاءه .... الموت مش معناه مخيف بالعكس ... ده نهاية مرحلة مؤقتة فانية وبداية مرحلة دائمة باقية ... المهم ربنا يحسن لنا الختام
    تحياتي :)

    ردحذف
  13. ربنا يرحم الجميع
    و يرجع اللي غايبيبن

    انا حاسس اني بقدم برنامج تنوية عن المفقودين بتاع القناة ال3

    ردحذف
  14. انا لله وانا الية راجعون اللهم ارحمة واغسلة بالماء والثلج واليرد وادخلة واسع جنتك يارب العالمين

    ردحذف
  15. انا لله وانا اليه راجعون
    الموت حقيقه في حياتنا
    لكن الفرااق صعب
    ربنا يرحمه ويدخله فسيح جناته
    الفردوس الاعلى مع الانبياء والصدقين
    ويلهم اهله السلوان
    وينشئ بنوته نشئه صالحه
    وبجد ياايوشه احساسك وصل مش مهم الترتيب المهم ان ه من قلبك
    عشان كده وصل لقلوبنا
    ربنا يكرمك ويعينك
    وجزاكي الله خيرا

    ردحذف
  16. الحياه عمرها ماتقف يا ايه

    زي ماقلتي الحياه امل

    وهنعيش باذن الله طول ماحنا حاسين انها ممكن نعيش عشانها

    مجرد توقف شخص مايعنيش توقف الحياه ياحببتي

    انتي انسانه جميله اوي ابعدي عن الحزن شويه بس

    ربنا يكرمك ياااارب

    خدي بالك منك ياجميله

    وربنا يرحم كل اخواتنا المسلمين

    ردحذف
  17. حبيبتى :..ايوش
    مين قال ان التعليق مقفول
    ناس كتير دخلت عندى وعلقت على اخر بوست
    بالنسبه لجارة القمر ان شاء الله هروح عندها واشوف ااقولها ايه(ربنا معاها)
    بالنسبه لثندر
    وحشنى جدا وحاسه الدنيا وحشه من غيره
    ربنا يرجعهولى بالسلامه
    لو اعرف موبايله كنت كلمته
    اما محمد فارس الله يرحمه ويعوض زوجته خيرا عنه
    ..فليس لنا الا الدعاء..واتذكر قول الله تعالى:بسم الله الرحمن الرحيم( وما محمدا الا رسول قد خلت من قبله الرسل افان مات او قتل انقلبتم على اعقابكم)الموت هو الحقيقه التى لاتزول ولا تنتهى..ربنا يحسن ختامنا
    امبارح فى المنيا عندكم..واحد مات وهو ساجد فى صلاة الجمعه
    عقبالنا يارب
    بالنسبه للاميل معلش يا ايه
    مش بفتحه الا يوم الجمعه او السبت لان بيبقى عندى شغل طول الاسبوع وغالبا بكون مش مركزه
    وان شاء الله هاقرا سورة ال عمران لروح اخونا محمد.. نفعنا الله بها جميعا

    ردحذف
  18. السلام عليكم

    اللهم ارحم موتانا واسكنهم فسيح جناتك
    واغفر لهم خطاياهم

    بجد اثر بوستك فيا اوي
    وانا عندي حالة خوف فزيعه من الموت
    ربنا يحسن خواتمنا


    وان شاء الله انا هقرا قران

    هنحتاج لحد يقرا لينا لما نموت ويدعيلنا


    وربنا يشفي مامة جارة القمر يارب ويفك كربها
    اللهم امين

    تقبلي مروري
    دمت بود

    ردحذف
  19. ربنا يرحمه ويدخله فسيح جناته ..

    بالرغم انى برده ما اعرفهوش اوى وللاسف ما عرفتهوش الا بعد موته الا سبحان الله اتاثرت جدا بموته ..

    ربنا يرحم جميع موتى المسلمين ..

    جزاكِ الله خير حبيبتى ..

    ردحذف
  20. السلام عليكم

    اختي الغاليه ايوشه

    هذا هو حال الدنيا كل واحد له وقت هيرحل فيه ويتركنا وكفي بالموت واعظ لنا لنراجع انفسنا ونقول اين نحن ونتوب لله عز وجل ونطلب منه ان يقبضنا وهو راضي عنا غير غضبان

    فالدنيا لن تتوقف عند موت احد وليس هناك مصيبه اكبر ولا اعظم من موت رسولنا الكريم عليه الصلاه والسلام بل الحياه تستمر ولا تنتظر احد لكي يفوق من الصدمه بل انفاسنا محسوبه ومعدوده كل نفس خرج منا لم يعد ابدا وكل يوم غربت شمسه سنحاسب علي افعالنا فيه فالحزن لن يعيد ما راح بل ما علينا فعله هو ان نتعظ ونعمل لان التوقف لن ينفعنا ابدا وكثيرا ما يتردد في ذهني قول الشيخ سيد قطب ( عندما نعيش لذواتنا فحسب، تبدو لنا الحياة قصيرة ضئيلة، تبدأ من حيث بدأنا نعي، وتنتهي بانتهاء عمرنا المحدود ...
    أما عندما نعيش لغيرنا، أي عندما نعيش لفكرة، فإن الحياة تبدو طويلة عميقة، تبدأ من حيث بدأت الإنسانية وتمتد بعد مفارقتنا لوجه هذه الأرض !!
    إننا نربح أضعاف عمرنا الفردي في هذه الحالة، نربحها حقيقة لا وهمآ، قتصور الحياة على هذا النحو، يضاعف شعورنا بايامنا وساعاتنا و لحظاتنا. و ليست الحياة بعد السنين، ولكنها بعداد المشاعر. وما يسميه " الواقعيون " في هذه الحالة " وهما " هو في الواقع " حقيقة " أصح من كل حقائقهم!.. لأن الحياة ليست شيئا آخر غير شعور الإنسان بالحياة. جرد أي إنسان من الشعور بحياته تجرده من الحياة ذاتها في معناها الحقيقي! ومتى أحس الإنسان شعورآ مضاعفا بحياته، فقد عاش حياة مضاعفة فعلا...
    يبدو لي أن المسألة من البداهة بحيث لا تحتاج إلى جدال !...
    إننا نعيش لأنفسنا حياة مضاعفة، حينما نعيش للآخرين، وبقدر ما نضاعف إحساسنا بالآخرين، نضاعف إحساسنا بحياتنا، ونضاعف هذه الحياة ذاتها في النهاية!.) وكلامه لا يحتاج اٍلي اضافه

    فما اجمل ان يعيش الانسان مثلا 50 عاما ويظل عداد حسناته يعد عليه بعد مغادرته الارض حتي يرث الله الارض ومن عليها
    فنحن راحلين راحلين مهما طال الزمن او قل
    وهذا ما علينا ان نضعه في اذهاننا الان ونفكر فيه نفكر ان نتحرك ونعمل ونفيد غيرنا ولو بكلمه خير ....

    واللهم ارحم موتنا وموتي المسلمين وتوفنا وانت راضي عنا غير غضبان ..


    ملحوظه علي جنب : سمعت ان قراءه القران لا تصل للمتوفي والله اعلم بل الدعاء والصدقه والحج والعمره ...

    اسال الله لي ولك راحه البال وهدوء النفس وان يجعنا من عباده الصالحين المخلصين ....

    دمت بكل خير

    ردحذف
  21. انا لسه عارفة خبر وفاته النهاردة ورغم انى مش اعرفه الا لما عرفت خبر وفاته بكيت جدا .. الموت اقرب الينا مما نتصور واوراقنا تتساقط بسرعة

    اسال الله ان يرحمه ويصبر اهله ويجمعنا جميعا بجوار الحبيب محمد صلى الله عليه وسلم

    ردحذف
  22. من كتر ما بكيت كنت هاكتب في المدونة موضوع بس رجعت وقلت كفايا حزن بجد احنا تعبنا حزن واتقتلنا حزن

    ربنا يرحمنا برحمته

    ردحذف
  23. :(:(
    الله يرحمهم يارب كلهم

    فكرتيني بموضوع قريته مره في مصراوي :(
    http://www.masrawy.com/News/Various/General/2009/april/26/facebook.aspx


    ----------

    الف مبروك على النيو لوك
    بشبه على التمبلت دي :D

    ردحذف
  24. رحمة الله رحة واسعة ...فانا لم اعرفة الا بعد وفاتة ولكن من بوستاتة انة شخص جميل ورائع..اللهم اغفر لة وارحمة
    ربنا يصبر اهلة ويرحمة

    ردحذف
  25. انا جيتتتتتتتتتتتتتت
    طبعا مبروك الاول على النيو لوك ثانيا مش هعلق على البوست علشان بجد جامد جدا وفيه بزور مخ طلعت لناس ودا غلط يعنى اسيبك كام يوم الاقيكى كدا اية دا غلط على الامن العام يا كارثة
    ههههههههههههههههههههههه
    .........
    اولا ربنا يصبر اهله يارب ويسكنه فسيح جناته ويخلط جسده وعظمة ولحمه بى لا اله الا الله ويجعل ليه بها حرز من النار يارب وانا انشاء الله اول القرائين معاكى يا كارثة واعتقد انى هبداء من الجزء الاول ان شاء الله
    ...........
    لكن بى بنسبة يا كارثة متحركة ان ماما الفراغ قافلة التعليقات فى دا اللى انا حاولت اكلمها عليه لانه من حقنا نطمن عليها وهى فتحت على العموم الكومنت وبالنسبة لجارة القمر فربنا يااااارب يتم شفاء والدتها على خير ويخلف الظنون السيئة باحسن اخبار ان شاء الله
    اما انا فقرد يابنتى متخافيش بعكعك فى الدنيا لسة اهوة نياهااااااااا
    دمتِ يا كارثة بكل ود وخير ياااااااااااب وفى رعاية الله ديما وحفظه
    ..........انا رجعتتتتتتتتتتت ياya wlcome
    ya welcom

    ردحذف
  26. تأملاتك في وفاة زميلنا المدون الفارس عجبتني جدا وتدل علي طريقة تفكير عالية فعلا
    بالشفاء لوالدة جارة القمر
    تحياتي

    ردحذف
  27. حمد الله علي عودة الرعد الزئبقي
    " ثندر قديما"
    والله يوم كمان وكنت هبعت حد يدور عليه

    وربنا يرحم محمد الفارس ويسكنه فسيح جناته
    أمين

    ردحذف
  28. ايوشه الجميله
    تحياتى
    رحم الله المدون محمد فارس واسكنه فسيح جناته
    كانت وفاته صدمه للجميع وكلنا نعيناه فى مدونته
    وقاك الله شر غدر الزمن
    تحياتى

    ردحذف
  29. ايوشة صديقتى
    البويت مرتبط بالمشاعر اوى
    هقولك حاجة
    من كام يوم والله حسيت انى هموت.لدرجة انى قلت لماما ماما اوعى تصوتى لو جرالى حاجة ودخلت اتوضيت وصليت ركعتيين وقريت سروة يس والرحمن والملك ودخلت نمت.صحيت لقيت نفس الاحساس موجود وكنت مسافر يومها حكيت لصحبتى واختى بس اجلى لسة مجاش.سعات بنحس الاحاسيس دى ومش عارف ايه السبب.ربنا يشفى والدة جارة القمر ويرحم الفارس الملثم و محمد.واتمنى ان حياتك تبقى مليانة تفاؤل امين
    تحياتى حبيبتى
    سلام

    ردحذف
  30. السلام عليكم
    اسماء واحلام فى وجدانى نصحني بزيارة حضرتك وقال اننا هنكون دويتو هايل فشمرت كمي وقلت أزو سعادتك عشان اعرف حضرته قال كده ليه ؟
    لكن حظي لما جيت لقيت حضرتك كاتبه النعي ده
    عموما الله يرحمه ويرحم أموات المسلمين
    ومتقبلين اعتذارك بشأن عدم ترتيب البوست يس هو ممتاز
    تقبلي مروري

    ردحذف
  31. ايوشه العزيزه
    كل اللى اقدر اقولهولك ادعيله بالمغفره ويلهم اهله بالصبر والسلوان

    ردحذف
  32. أسأل الله أن يرحم موتانا
    ويغفر لهم ..
    وأكثروا - أيها الأحبة - من الدعاء لهم ، فالميت يفرح ويؤنسه دعؤنا ..

    الموت حق ..

    ويفترض ألا نتعامل معه بسلبية وخوف .. بالعكس بل يزيدنا قربًا من الله وزيادة إنتاج ..


    أخيرًا ..
    شكل المدونة الجديد هايل ورهيب ..
    أعجبني التنسيق وكذلك الألوان ممتازة

    تحياتي

    ردحذف