الأربعاء، 29 أبريل، 2009

اريـــــــــــــد حـــــــــلا










كح كح كح

ربنا يتوب علينا منها ياااااااااااااااارب

الواحد صحته بقيت على اده اوى الايام دى والسجاير اللهى ربنا يمحيها من على وش الدنيا خلت صحتى فى النازل اكتر

بقيت لو يوم من غير السجاير احس انى مش عاملة دماغ وفى حاجة نقصانى الكيف بئا نعمل ايه مش بنقدر نعيش من غيره

بس انا ناوية ابطل السجاير علشان مضرة بالصحة واغير نشاطى للحشيش ان شاء الله :4(1):





نتكلم جد شوية بئا انا فى مشكلة والله ومعرفش ايه ده انا عارفة ان كل انسان حر فى حياته يشرب سجاير يشرب مية نار

يشرب سم هارى مطرح ما يسير يهير براحته عايز يقصف عمره بدرى بدرى براحته خااااااااااااااااالص مفيش اى مشاكل

من ناحيتى انا معنديش اعتراض خالص على الاقل عدد السكان يقل شوية علشان البلد بقيت خنقة مووووووووت :14(1):

الحكاية وما فيها طبعا انا طويل الليل فى اوضتى معايا كمبيوترى موبايلى كوباية شايى قهوتى احط السماعات فى ودنى

وافتح الايميل والمدونة واعيش مع النت لغاية الفجر محدش فى الوقت ده يقدر يحك فى مناخيرى اطين عيشته وعيشة الناس اللى ساكنة جنبه:66:

عادى فين المشكلة بئا فى الجو الرومانسى الجميل الهايل ده والاستفراد بالكمبيوتر فى عز الليل لواحدى

المشكلة ان الصيف جه يعنى الدنيا جو حر وقرف وهم ما يتلم وناخد فى بالنا انى من الصعيد يعنى ناااااااااااااار ياحبيبى نااااااااااااااااار:42: اعمل ايه انا علشان الحر افتح شباك الاوضة انا حرة بئا :18(1):

بفتح شباك الاوضة وخير اللهم ما جعلوا خير دخان طالع على عنيها عمانى وانا كح كح كح

ايه ده البيت بيولع الله اكبر وهنولع هنولع نياهاهاهاها:19(1): وفقت من السعادة والهبل اللى اتملكنى فى اللحظة دى وصوت ضميرى صحى وبيقولى اعملى حاجة صحى البشر اللى نايمة دى تنفد بجلدها مع انى شريرة وندلة وكنت ههرب ولواحدى بس ضميرى صحى فى اللحظة:7(1):
بس وانا بخرج كده من الاوضة للصالة رجعتلى حاسه الشم اللى تقريبا معدومة عندى بسبب الجيوب الانفية الخربانة لقيت ريحة غريبة انا شميتها فين قبل كده فين فين :7(1):

هوبا دى ريحة سجاير جت منين دى انا بشرب وانا مش واخدة بالى ولا ايه

رميت راسى من الشباك كده اشوف مصدر الريحة دى جاية منين واخيييييييييييرا عرفت اتارى جيرانا الله اعلم قاعد بيشرب فى الحمام :39:

يعنى ايه طيب الولد بيشرب من وراء اهله لالا مش يتسكت على الموضوع ده اصل انا بحب اهدى النفوس اوى :biggrin:

انا لازم اعمل مصيبة وافضحه فى وسط العمارة الله اعلم اذا كانت السجاير دى معمرة ولا سجاير ايه بالظبط :65:

وبعدين قولت يابت ياايوشة ربنا حليم ستار استرى عليه وخليه يشربها على رواقة ولو انتى فضحته اكيد هيرميها فى الحمام

ومش هنقدر نظبطه متلبس

وعدت ثوانى هموت من الريحة كلام فى سيركم مش بطيق ريحة السجاير ولا شكلها ولا لونها
:31:

ولا اى حاجة ليها بيها صلة بدوغ من ريحتها ودى السجاير العادية ما بالكم لو كانت ملفوفة يعنى :76:

بس وعدى اليوم على خير بعد ما عملولى انعاش طبيعى من كرشة النفس اللى حصلتلى :77:

تانى يوم نفس السيناريو اتكرر بنفس الطريقة بس الموضوع لقيته مش دقايق لا دى كل نص ساعة اشم الريحة

طيب وبعدين لالا الحكاية زادت انا لازم اتصرف انزل اخبط عليهم وافضح الواد قدام اهله يكسروا رقابته

بس مش علشان خايفة على مصلحته يعنى لالا كلا البتة انا خايفة على صحتى وتعكير مزاجى كل يوم بالريحة السئ دى

قولت يلا المسامح كريم اقفل الشباك وخلاص :20(1):

وهكذا من اول ما الصيف دخل ريحة السجاير هتسببلى التهاب رئوى ان شاء الله

دانا مرة روحت للدكتور علشان الجيوب الانفية قالى انتى بتشربى سجاير ولا ايه

طيب هقفل الشباك هفطس من الحر اهئ اهئ اهئ:20(1): مشكلة عويصة ولكن انا قررت اشوف حل للموضوع ده

ندهت البت جارتى قولتلها ايه المدخنة اللى انتم فاتحنها فى الشقة عندكم دى مين اللى بيشرب السجاير فى الحمام لما هموت على ايديكم ان شاء الله لقيتها بكل بساطة بتقولى دا بابا بس هو مش بيشرب السجاير فى الحمام ده بيشربها فى اوضته اللى تحت اوضتك على طول :10(1)::10(1)::10(1):

الله ابوكى يعنى الحمد لله ضمنت خلال سنة واحدة هيحطوا صورتى بدل بيومى على علبة السجاير :43:

ابوها ده ياسادة حريقة سجاير السيجارة مش بيسيبها من ايديه والمشكلة الاكبر والاصعب انه معندوش تفاهم

اعمل فيه ايه ده اقوله لو سمحت ياعمو والنبى تبطل تشرب السجاير تحت الشباك ولا اقفل الشباك وانت بتشرب ولا اطلع اشربها فى الاوضة التانية ولا اعمل دانا لو فتحت بقى ده بكلمة ممكن يشلنى يرمينى من فوق وخصوصا ان بيحبنى لله فى لله من زمان:hiat:

كان دايما بيقول عليا رئيسة عصابة اد كده بس مصيبة الرجل بيحبنى بيحبنى يعنى وخصوصا انه فاكرلى انى كنت بحرض البنت بنته على العصيان واحنا صغيرين :71:

سكتت وحطيت شوز فى بقى:32: والحمد لله دلوقتى بقيت مدمنة سجاير اليوم اللى مش لاقى الريحة طالعة عليا اتعب واحس انى مش متكيفة

انا بفكر انى انزل اشرب معاه اهو منها توفير للتمن السجاير بدل ما اشتريها ومنها نقعد قاعدة صفى كده واساله هو ليه من زمان مش بيحبى :tongue:

دانا حتى طيوبة اى نعم بحرض بنته عليه وكنت بعملها بدل المشكلة الف بس ده وانا صغير خلاص انا اتغيرت اى نعم مش اوى لسه شريرة حبتين بس يعنى مش طريقة دى يعذبنى بيها :47:

انا واحدة عندى انيميا وضغطى منخفض وكمان جيوب الانفية خربانة خالص انا فقدت احساس الشم بس عند السجاير بتتدخل النخاشيش:2(1):

الخوف يدخل فى مرحلة اكبر يفكر مثلا يجرب الحشيش اكون انا ضعت بجد فى الوقت ده :ee2k:

اريد حلاااااااااااا للمشكلة دى اعمل فيه ايه ارفع عليه قضية ولا اجيب واحد يقتله واخلص ولا اخبى قرش حشيش فى بيتهم وبلغ البوليس:shoaot::shoaot::shoaot:

لا مش هيشفى كل ده غليلى

بقولكم ايه سلام بئا دلوقتى علشان معاد الكيف جه والريحة بدات وانا لازم ابدا السوجارة من اوله :38:









هناك 110 تعليقات:

  1. هههههههههههههههههههههههههههههههههههههههههههههههههههههههههههههههههههههههههههههههههههههههههههههههه


    سهلة جدا
    كح كح كح
    ياأما تدي اوضتك لأخ من أخواتك وتبدلي معاه وهو ها يدعي لك ويتكيف ببلاش وبضمان كمان

    ياإما تدي اوضتك لبابا وبكده هو بابا ها يمسكوا في بعض ومتضطريش تقومي البت بنته عليه ولا تتخنقي من تحكمات البيت وهم يشوفوا حل مع بعضيتهم "هي هي هي ضحكات شريرة عالية"
    شيل الدوخان اللي في بؤك يا وائل
    لأ يا برعي
    التنين خلصوا على بعض

    اهي تخاريف بقى

    ردحذف
  2. هههههههههههههههههههههههههههههههههههههههههههههههههههههههههههههههههههههه

    يخربيت دماغك

    جامدة قوي علي فكرة

    ااقولك اسحن حل

    انزلي قولي لاهله و ااقفشيه متلبس

    بحب المصايب موت

    و ساعاتها الواد هيكرهك و احتمال يقتلك

    واهو انتي ترتاحي م الريحة و احنا نرتاح منك

    ههههههههههههههه

    ردحذف
  3. هههههههههههههههههههههههههههههههههههههههههههههههههههه

    تضحك اوي التدوينه دي :)

    ممكن بجد تطلبي من حد كبير عندك (باباكي مثلا) يكلمه فعلا لان ساعتها حيسمعله عشان في سنه كمان.. وزي ما قولتي الحلول بسيطه اوي.. انه يقفل الشباك ولا يغير الاوضه ولا حاجه

    وربنا معاكي :)

    على فكره صلحت المدونه :)

    ردحذف
  4. اقفلي الشباك وشغلي المروحة :)

    ردحذف
  5. هههههههههههههههه
    علينا النعمه انتى مجنونه
    هههههههه
    يابت استغلى الفرصه ياخايبه وانزلى له وخمسى معاه
    اهى حاجه ببلاش كده
    ولا خليه هو يطلع يسهر معاكى على الكمبيوتر ويبقى معاكى
    كمبيوترك موبايلك كوباية شايك قهوتك تحطى السماعات فى ودنك والسيجاره المتعمره فى بوقك وعيشى وانسى النكد ويمكن تنسى التدوين كله وتتوهى وماتعرفيش ترجعى
    (:

    حد يلاقى فرصه يشرب شوشو(حشيش )ويفوتها؟

    طيب
    صباااااااااح الخيييييييييير

    ردحذف
  6. الموضوع دة مينفعش فيه غير عقول اجرامية على فكرة
    يعنى مثلا اقتلى فار وعنيه فى حتة قماش كدة ولفيها فى حبل وخلليها فى مكان امين ييجى اسبوعين كدة لحد ما الريحة تبقى أوبها.. وبعدين تنزليها من شباك الاودة يعنى بحيث ما تبانش.. مين عارف ينكن الريحة تقرفة ويقوم من الاودة.
    وممكن لو الريحة بتاعة الفار الميت خنقتك انتى اكتر من ريحة السجاير يبقى امرك لله يا بنتى وولعى عود بخور وللا اى حاجة.. وادعى على المفترى ان ربنا يهديه.

    ردحذف
  7. تن تن تن

    مش دا بيت الحاج ابو اسماعين ؟؟؟

    ابو اسماعين مين يا حاجة ؟؟

    ايوا اللى هوا عنده وائل و عمر؟؟

    وائل و عمر؟؟

    اه .. حتى بالامارة كان كره نفسه لما بئاله 12 سنة و لسه ماخلفش

    انتى طبيعية يا حاجة؟؟؟

    لا .. ميد ان تشاينا
    ههههههههههههههههههههههه
    ههههههههههههههههههه
    هههههههههههههههه




    ايه يا بنتى دا يا بنتى دا

    سطلتينى من الكلام بس


    ربنا يكون فى عونك من الريحة

    و آه لو طلع يحشش .. قصدىىىىىىىىىىى
    يدخن معاكى


    ياااااااااااه روقااااااااان





    بجد يا آيووش لازم تخلى حد يكلمه
    خاصة لو باباكى


    أنا بردوا عندى حساسية فظيعة من السجاير

    بس الحمد لله رب العالمين
    مش باخلى حد يدخن سيجارة جوا الصيدلية

    حتى اللى شغالين تبع الصيدلية


    بأذنبهم برا لحد ما يخلصوا
    و بعدين ادخلهم

    نياهاهاهاهاها




    بجد خلى باباكى يكلمه
    و ايه يعنى لما يشد معاه
    و يقوله يا عم البنت عندها حساسية
    ارحم بئا
    :)



    دمتى بكل ود يا جميل

    ردحذف
  8. هاهاهاهاهاهاهاهاها
    البوست تحفة يا بنتى اية دا
    دا لو كان ابن الجيران كان هيبقى ارحملك
    بس دا طلع عمو الحاج الكبير

    طيب قولى لباباكى هو يقولوا ريحة السجاير بتخنقنا باليل يعنى لو ممكن يقفل الشباك ولا يروح اوضة تانية

    ومممكن تقفلى انتى الشباك بس تشغلى مروحة او تقولى لباباكى يركبلك تكيف
    لحسن حر الصعيد من ناااااااااار دا نااااااااااااااااار وناااااااااااااااااار وناااااااااااااااااااار

    ويعدين حسبى من الادمان هم بس بيشدوكى فى الاول وهتتعبى بعد كدا

    هاهاهاهاهاهاهاهاهاهاهاها
    ربنا يعينك يا بنتى وتلاقى حل

    تقبلى مرورى

    ردحذف
  9. انتى مشكلة من مشاكل الزمن

    اللى الايام تعجز عن حلها

    مجنونة

    الشر جميل اوى فى كلامك

    نياهاهاهاهاهاهاهاهاهاهاهاها

    والضحكة دى اجمل ما فيكى

    ردحذف
  10. هههههههههه
    الحل بسيط جدا
    انتي لازم تنزلي كل يوم تدفعي بص تمن السجاير اللي بتشمي ريحتها عشان ميبقاش شم وحرام كمان
    ههههههههههه


    عادي عادي

    احنا عندنا ناس تشرب السجاره بره, وبعد لما يخلصوها يخشوا على طول ومفيش بأه لا لبان ولا غيره, تلاقي ريحة السجاير لسه بقرفها كامله عنده

    معاد شم السجاير جه

    ردحذف
  11. الحمد لله العصفورة قدرت تهرب

    وجاتلى منهارة جدا

    طيب اعمل فيكى ايه انا مش بحب الشر

    طيب انا هاشوف بقى نسر ولا صقر

    يحومه حولين مدونتك

    والبصاصين اللى عندك اللى هما تبعى

    هيرصده اى كمين منك

    فبلاش تحاولى مرة تانية

    نياهاهاهاهاهاهاهاهاها

    ردحذف
  12. ههههههههههههههه
    لا موضوع تخاريفى صحيح
    هههههههههههههه


    أقولك
    اشترى
    كمامة
    ولا موسع شعب
    وخليهم جنبك
    هههههههههههههههه

    ردحذف
  13. هااااااااااااااااااااااااااا
    ضحكتينى يا ايوشة والله
    حلوة تحطى قرش حشيش فى بيتهم وتبلغى البوليس دى
    ملعوبة ملعوبة

    ردحذف
  14. هههههههههههههههه

    ياعيني يابنتي

    هههههههههههههههههههههههههههههههه

    ربنا معاكي والله

    بصي انا من رأيك انك تبعتيله جواب من هيئه الصحه :D:D:D:D

    مضروب يعني ههههههههه

    اصل انا بكره السجاير مووووووووووت ومن كتر ماحكيتي حاسه الريحه ف زوري خلاص

    ياعيني يابنتي

    انتي تقريبا تعمل زي ما خالتو ستيته قالت

    تبدلي اوضتك وخلاص بقى

    يا اما انا عندي حل تاني

    تقفلي الشباك خالص وتركبي ف اوضتك تكييييف :D:D

    ردحذف
  15. هههههههههههه انا حاسه ان الدخان ملى المدونه خالص وكل اللى يدخل اكيد بيكح ههههههههه
    والله حاجه ترفع الضغط الله يكون فى عونك ويهدى الناس دى
    بصى هو الحل انك تقفلى الشباك وتشغلى التكييف او مروحه
    اهو خنقة الحر ولا خنقة السجاير ههههههه

    ردحذف
  16. كح كح كح

    بصراحة لما شوفت مدونة احاسيس
    استغربت انك اللي كاتبة دا
    بس بجد جامدة
    وفضلت اضحك عليها
    والحل اللي عندي
    انك تعملي من شباكة مسورة مدخنة زي بتاعت محلات الكفتة كدا
    وتطلعي المسورة لحد السطح

    هههههههههههههههههه
    اية رايك بئي
    اي خدمة
    وبجد سعيد انك ضفتي مدونتي عندك
    ويارب تنورينا دايما

    ردحذف
  17. انا جييتتتتتتتتتتتتتتتتتتتتتتتت

    ردحذف
  18. ههههههههههههههههههههههه
    اقولك على حل دا الرجل بيحبك يا اية احنا نتقفق معه كل يومين تلاتة نقعدوا معاه ونخمس وبما انك اتكيفتى لاخوف علينا من الحكومة نياهااااااا
    يخرب عقلك كح كح كح الدخان وصل هنااااااا
    يابنتى نتكلم بجد بقة
    انا معاكى انها مشكلة عويصة اوووووووى
    وليها مخطارة ومعتقدتش ان الجرل دا لانه كبير بيكون يعنى هيغير السجاير وتكون ملفوفة
    لكن بما انه بيحبك اوى ومن زمان فازودى الحب حبة كمان وحاولى تكلمية وتقولى ليه ان دا بياثر عليكى لان الدخان بيتعبك او تكلمى اخوكى يكلمه والله يرحمة بابا بقة كان زمانه وقفة لكن هما دول الحالين اللى عندى والبديل تبعتى ليا ونتقف معه نخمس وربنا يخاليه للغلابة ههههههههههههههههههههههههههههههه
    والله مش بقولك اخرتك خلاف الاسوار يابنتى
    دمتى يا كارثة بمل ود وخير يااااااااااااااااارب

    ردحذف
  19. نصيجة يا جماعة البوست ملغم محشى يعنى وهيحصل كابسة من الشرطة عليه قولت انصحكم وكل واحد يفك بسررعة

    ردحذف
  20. ههههههههههههههههه
    يعينى يابنتى
    انتى لازم تبعتى لمجلس الأمن والأمم المتحدة عشان يشفولك حل للمشكلة الكبيرة دى
    ههههههههههههههه
    أو تولعى فى العمارة كلها وتريحى دماغك
    هههههههههههههههههه

    ردحذف
  21. الأخت الفاضلة آيوشة

    يسعد مساك

    بيقولوا اللي يستنشق من هواء الدخان أشد خطرا من المدخن .. بيقولوا كذه ..

    وبالنسبة لحل هذه المشكلة ..
    ممكن تضربي بالمليان ..
    لا لا ..
    مكن تكلمي أبوك وهو بدوره يكلمه بأسلوب ..
    وأظن أن الناس فيها خير ..
    وقولي إن شاء الله ..
    وإذا ما نفعش الحل دوت ..
    فربنا يعينك تشتري ليكي كمامات .. يعني تمشي فيها أمورك شوية :)

    ردحذف
  22. اولا الف سلامه ياقمر عليك

    ثانيا بقى انتى بق قوووى كل شويه تقولى شريرة شريرة و مش عارفه تتصرفى اصلا فى المشكله دى

    بصى انا مع ميوش فى الحل بتاعها بس مع الفارق انك تحنطى الفار و تنزليه من الشباك فى خيط رفيع وياريت يكون اسود علشان مش يبان و تعملى جو رعب ليه وقتها هيخاف اصلا يدخل الاوضه و ياااه بقى لو بدل الفار جمجمه تبقى عز الطلب D:

    جد بقى شويه انتى يااما تقفلى الشباك و تشغلى مروحه يااما تقولى لبابكى يقوله لان كده غلط على صحتك

    ردحذف
  23. ستيته حسب الله الحمش


    لالا انا مقدرش اتنازل عن اوضتى ابدااااااااااا وبابا الله يرحمه :(
    نورتى يادكتورة المدونة :)

    ردحذف
  24. adel
    لا بجد بجد يعنى تمووووووووت فى المصايب يابنى حرام عليك انت عايز تخلص منى المشكلة انه الراس الكبيرة اعمل ايه انا ساعتها لما يحدفنى بحاجة :(

    ردحذف
  25. عمك ياض
    ان شاء الله هشوف حد كبير بس اكيد مش بابا لان الله يرحمه بئا
    مرسيى للمرورك وهشوف البوست حالا ان شاء الله :)

    ردحذف
  26. حسام غانم
    اقفل الشباك واموت انا من الحر ولا ايه يعنى :(

    ردحذف
  27. عاشقه الرومانسيه
    تفتكرى استغل الفرصة فعلااااااااا انا هنفذ كلامك ولو اتئفشت انت السبب
    صبااااااااااااح النووووور يامعلمى
    ههههههههههه

    ردحذف
  28. MaNoOoSh
    هى دى العقول الاجرامية ولا بلاش علشان كده هسيبلك الفرصة دى انا مستعدة ابدل اوضتى باوضتك وتنفذى انتى الخطة ايه رايك ههههههه
    مرسيى للمرورك

    ردحذف
  29. Soul.o0o.Whisper
    ياخبر انتى اتسطلتى ولا ايه مساء الدماغ العالية ههههههه
    هحاول يابنتى اشوف حل للموضوع ده وربنا يسهل
    وامووووووووت انا فى الشخصيات الكوية دى اللى توقف الناس عند حدها يامفترية انتى :))ههههههههه
    نورتى ياجميل

    ردحذف
  30. احساس طفلة محبة للرومانسية بس واقعية
    اقفل الشباك انا معرفش اعيش من غير الشباك لازم افتحه والمروحة شغالة برضو مفيش مشاكل واقولهم تكيف فى اوضتى ههههههه دول عايزينى اموت فطسانة هتلاقى التمرد كله اشمعنا تكيف عندى يعنى
    الحل اننا نخلص ن الراجل ده بس اكيد هلاقى حل جهنمى

    ردحذف
  31. اسماء واحلام فى وجدانى
    هههههههههه ثندر يقولى انتى كارثة وحضرتك تقولى مشكلة انتم متفقين عليا ولا ايه هههههه مرسيى للمرورك يااستاذ احمد

    ردحذف
  32. أحمـــــــــــــد أبو العلا
    انت كمان بتشم سجاير :)
    ربنا يعنيك وكمان عايزنى ادفع فلوس شماها لا ان اشربها احسن ههههههه
    مرسيى للمرورك

    ردحذف
  33. اسماء واحلام فى وجدانى
    لالا انا مش ههدى الا لما جيب اجل العصفورة دى الفتانة علشان تحرم تنقل كلام غلط بين المدونين ههههههههه

    ردحذف
  34. د/عرفه
    والله فكرة فعلا مش هيجبها الا دكاترتها هى دى النصايح ولا بلاش نشوف موضوع القمامة ده على الاقل مؤقتا :)
    مرسيى للمرورك

    ردحذف
  35. enjy
    ههههههه نورتى ياجميل وشكل الفكرة عجبتك علشان كده ممكن اجربها بما انى لقيت تشجيع

    ردحذف
  36. MǿиY El-Shreef
    طيب صعبت عليكى هاتيلى انتى التكيف هههههه تكيف نووووو واى انا عندى حساسية من التكيفات ومش بحبها ابدا وتغير الاوضة لا برضو ان الاوضة دى انا مولودة فيها ازاى فى يوم كده اغيرها هشوف موضوع بئا الفار وخلاص وامرنا لله
    نورتى ياقمر

    ردحذف
  37. وكيلة نيابه مع ايقاف التنفيذ
    ربنا يهدى الناس كلها يارب مرسيى للمرورك

    ردحذف
  38. .. هعزف لنفسي
    هههههههههه قمة التناقض بين تخاريف واحاسيس صح
    الفكرة ممتاز بس انا هتكلف كده انا بقول نبلغ عنه ونخلص وخلاص هههههههه
    انا اسعد بمرورك على المدونة

    ردحذف
  39. thunder
    نورت المدونة انت الوحيد اللى عارف ان بابا الله يرحمه وجبتلى البديل اخويا يابنى انا بشوفه اصلا علشان اقوله وبعدين انا يرفع راية السلام والتعايش السلمى بين افراد العمارة ابسط حاجة هيقولى اقفلى الشباك شفت العقل
    بقولك ايه بما انك اخويا اللدود هسيبك الفرصة دى تحل انت المشكلة ايه رايك اكيييييييييد هتستندل فى الوقت ده هههههههههه
    بطل بئا الاشاعات المغرضة اللى بتطلعها على المدونة (( وش مطلع لسانه))

    ردحذف
  40. mohamed ghalia
    مجلس الامن والامم المتحدة حتة واحدة وهو انا اقل منهم يعنى بس انا اخترت الاختيار التانى هولع فى العمارة انتظرونى فى فيلم المنتقم
    مرسيى للمرورك يامحمد

    ردحذف
  41. محمد سعد القويري
    ويسعد مساءك يااستاذ محمد فعلا التدخين السلبى زى التدخين بالظبط وليه اضراره برضو ربنا ييسر بئا ولاقى حل سريع
    مرسيى للمرورك

    ردحذف
  42. Sweet Violet
    الله يسلم ياااااااارب
    بئا انا بق بق انتى تعرفى عنى كده برضو انا يابنتى واخدة الحزام الاسود فى الشر بس الراجل كبير فى السن ومش عايزين نقضى عليه هنعامل معاه بالعقل :))
    مرسيى للمرورك ياقمر

    ردحذف
  43. افهم من كده انك بقيتي بتشربي سجاير
    ممممممممممممممممممممم

    يعني مدخلش بقى المدونه دي بعد كده ولا ايه ؟؟!!!

    كح كح كح

    على فكره بس تبطيل السجاير دي حاجه سهله جداً

    انا بطلتها يجي الف مره مثلاً عادي يعني مش صعبه
    هههههههههههههههههههه

    انتي احلى حاجه تزهقيه في عشته او ما يبتدي يشرب تشغليله قرآن بصوت عالي مثلاً ... او تجيبي ملصقات مكتوب عليها التدخين حرام و ضار بالصحه و تلزقيها قدام باب الشقه او على العربيه و يا اما يبطلها يا اما تتعودي انتي

    ردحذف
  44. الله يكون في عونك
    أنا بكره الزفتة دي جداً
    مش عارف ايه المتعة في إنك تدخل دخان وقرف جوه صدرك وتطلعه تاني
    ربنا يشفيهم بجد
    بحس الإحساس ده لما بركب ميكروباص أو تاكسي وألاقي حد بيدخن
    يا عم غطفي السيجارة .. ينفض
    أو ممكن يطفيها ويولع غيرها بعد شوية
    أو يعمل عبيط ويطلع راسه ينفخ بره
    لكن المشكلة إن الهوا بيرجع الدخان تاني
    المهم بعد خناااااق بيطفيها

    نصيحة .. إتخانقي خناقة جامدة
    لو اتعورتي الصيدلية عندنا بتعمل خصم كويس

    ردحذف
  45. انتى تنزليله سبت غسيل عليه علامه ممنوع التدخين بس بسيطه...
    و كل ما يولع سيجاره تنزلى السبت و هكذا لغيه ما يكسف على دمه و يروح يشربها ف الحمام ههههههههههههه

    ردحذف
  46. بصراحة قلبي معاكي

    الله يكون في عونك

    خالص مودتي وصادق دعائي

    ردحذف
  47. على فكرة انا قارنت التقارير

    المقدمة من قط الحراسة المكلف بحراستك

    وكلام العصفورة والاتنين انطبقوه

    على بعض مفيش مجال للانكار

    سلم نفسك المكان كله معصفر ومقطقط

    بوصى فوق المدونة هتلاقى صقر اسد

    واقف يراقبك

    ****************
    انا باقول كده لانى لم اجدك عند اختنا

    جارة القمر

    ردحذف
  48. يانهار سجاير اية كمية السجاير دى كلها
    دا انا عملت دماغ وانا بقرأ البوست

    بصراحة كدة ...انتى تخطفية عندكوا فوق وتخلية يجيببلك سجارتينوتلفوا مع بعض

    هو زى ما قالك كد حسام غانم..اقفلى الشباك وافتحى المروحة ..ورى اى ريحة كدة ..او هاتى برفان واقعدى شمى فية
    هو اى هتعملى دماغ كحل عال بس اهوة احسن من الدماغ التانية ..دماغ ريحتها خلوة

    ردحذف
  49. ههههههههههههههه
    بجد دى أول زيارة ليه ليكى يا أيوش و شكلها اخر مرة لأن عندى ضيق تنفس و المدونة ديه ضارة جدا بالصحة
    بجد لو عايزة تخلصى من الموضوع خليه يطور نفسه و يجرب يشم او يضرب حقن و مظنش ساعتها ان الريحة هتدخلك
    و اهو برضه تبقى انتقمتى و استغلتى جزء من مواهبك الدفينة .
    سلامى و ياريت تفضى البلوج من الدخان عشان الواحد يعرف يجيلك تانى

    ردحذف
  50. أنا حاسس إن عم الحج بيشدك فى الأول و بعدين هيبدأ يبيعلك السجاير بعد ما توصلى للإدمان
    ههههههههههههه

    ردحذف
  51. ربنا يرحمك ويسكنه فسح جناته

    ردحذف
  52. ايوش حبيبتى
    الف سلامه ليكى
    وبعدين حسد بحسد بقا
    هاتى تكييف..وصحتك طبعا اغلى عندنا من سعره وسعر الكهربا..
    بس انتى فعلا كاتبه ساخره..درجه اولى
    بجد موتينى من الضحك والحمد لله ضغطى نزل ..بعد ماقرات البوست بتاعك ده
    انا لسه جايه من عند مدونة ثندر..وكان ضغطى عالى على الاخر
    بس على فكره انا هنا اعانى نفس المشكله مع جيرانى
    لكن مابقدرش اعمل حاجه
    يظهر وتقريبا ..انى بقيت مدمنه
    وانا اقول بحبك ليه
    ههههههههههههه
    ربنا معاكى

    ردحذف
  53. ايوش
    رحت قرأت البوست التانى
    وزعلت قوى انك هاتقفلى المدونه حتى لو كان مؤقتا
    يابنتى خليكى صادقه مع نفسك
    هى الحياه كدا..حزن وفرح_____هم وهنا_____سعاده واكتئاب________الخ..الخ..الخ

    عارفه انا قرأت ان البرد الشديد ممكن ان يصيب عظم الانسان بالسوس..اه والله يسوس

    يعنى لابد لنا من جميع المشاعر والاحاسيس
    وبعدين مين قالك ان الاكتئاب مش مفيد
    دا حتى لما بلاقيكى مكتئبه كدا زانتى لسه صغيره..بقول سبحان الله..
    البنت الصغيره دى مكتئبه..وهى لسه ماشافتش حاجه فى الحياه
    واقعد ادعيلك
    وناس تانيه تشوف كلامك ..بيخفف عنهم
    لانهم بيلاقوا انهم مش لوحدهم فى الحياه

    وبعدين احسن كلام فى كل ده..كلام ربنا
    ان عايزيسمع صوتك وانتى بتبكى وتتضرعى اليه..ان يزيح همك ويفرج كربك

    مش كدا ولا اييييييييييييييييييييه

    ياستى اكتبى اى حاجه
    اكتبى الحقيقه..اكتبى الصدق
    اكتبى اللى حساه
    لانه ببساطه هايكون صادق واحنا هانحسه وهانصدقه..
    وبعدين قوليلى..مين فينا خالى يا ايه
    بس هو الصبر او ممكن تقولى الطمع فيما عند الله للصابرين
    دمتى حبيبتى بكل راحة بال



    ملحوظه يا ايه
    انا بجد تعبانه وجيت بس اطمن عليكم
    ياريت تعزرينى وماتزعليش منى

    ردحذف
  54. الحكايه سهله جدا
    عزلوا من البيت ده
    مفيش ابسط من كده
    ايه ده
    دي حريه صخصيه
    او تشترو البيت بتاع جاركم

    شفتي الحكايه بسيطه ازاي


    يارب يا ايوشه تتجوزي واحد ويطلع بيدخن

    هه
    بس

    ردحذف
  55. لا انتي تنزلي تاخدي اوضة الراجل وهو ياخد اودتك انتي لان زي المية ما بتطلعش في العالي السجاير ما بتنزلش تحت
    فتضمني انه يشرب ويقرف الناس اللي فوقيكم ده لو ان فوق حد
    تحياتي يا ايوشةام دماغ مش متكلفة اي حاجة بلوشي يعني
    حتى الدماغ بقيتو تستلفوها م الجيران ؟
    حاجة بؤس

    ردحذف
  56. biberss222
    بقولك بيعزنى يعنى تخيل هيعمل ايه فى السبت قبل ما يكمل عليا ههههههههه
    مرسيى للمرورك

    ردحذف
  57. biberss222
    بقولك بيعزنى يعنى تخيل هيعمل ايه فى السبت قبل ما يكمل عليا ههههههههه
    مرسيى للمرورك

    ردحذف
  58. اسماء واحلام فى وجدانى
    القطط الكتييييييييير اوى اللى عندك دول اتشاهد عليهم هتلاقيهم بكرة الصبح فى البيباى علشان هههههههه
    معلش انا فعلا كنت غياب فى اليوم ده بس والله انا روحت اعلق لقيت النت فصل تقريبا ولما رجعت نسيت

    ردحذف
  59. عبد من عباد الله

    اسفة جالى حول ومشفتش التعليق ايه ياعم بشرب وبكره احشش كمان
    ايه رايك بعملكم دماغ بلاش اهو
    وسجاير ايه اللى كنت بتشربها دى هو احنا عندنا شباب يشربوا سجاير ليا كلام تانى معاك بعدين

    بس والله فكرتك بتاعت البوستر دى حلوة اوى وان شاء الله هنفذها

    ردحذف
  60. د. ياسر عمر عبد الفتاح
    مشكلة الناس دى مش بتشم تقريبا ومعرفش ازاى بيستحملوا الريحة الوحشة دى
    بس انت بتعلم لمصلحتك يعنى اتخانق انا وانت تستنفع ايه الاستغلال ده هههههه
    مرسيى للمرورك

    ردحذف
  61. هذه حياتي
    شكرا للمرور حضرتك

    ردحذف
  62. أيه .. ايوشة
    أكتبي علس شباك زيارتك لا تهمنا ولا هتقدر بسيجارتك تضرنا ....

    وتسلمي ...

    ردحذف
  63. mosooz
    اخلص من دماغ السجاير اعمل دماغ كحل :))
    هههههههههه هجرب واشوف مرسيى للمرورك

    ردحذف
  64. E_Mersal
    هههههههه لالا ان شاء الله هوزع كمامات فى اول المدونة متخفوش يعنى
    مرسيى للمرورك وان شاء الله مش تكون اخر رة تزورها هنوزع حشيش بعد كده P:

    ردحذف
  65. عمك ياض
    انت موتنى خلاص :((

    ردحذف
  66. الفراغ
    الف حمد لله على سلامة حضرتك يارب شوفتى المدونة نورت ازاى بتشريف حضرتك ليها يارب دايما بصحة وسلامة والف سلامة عليكى من الضغط معلش البوست بتاع ثندر يوجع القلب كمان بهدى النفوس انا :)
    وبعدين بسيطة نكيف الاوضة وماله يهنى خسارة فيا هههههههههه

    لا مش هقفل التانية انا بس هاخد راحة صغيرة منها وخلينا نفرفش شوية بدل الحزن لكن دى حتة منى مش هقدر اقفلها طبعا ربنا يخليك لينا يارب والف الف سلامة عليكى وطبعا مش هقدر ازعل من احن واطيب قلب وانا اسفة لو كنت تعبت حضرتك فى الرد على البوست كفاية بس انى اطمن انك بخير دايما يارب

    ردحذف
  67. أبو العريف
    اديتنى حلين استحالة يتحققوا لما نعزل لما نشترى شقتهم ليه كده هو انا عاملة المدونة دهب وانا مش واخدة بالى الحمد لله محدش لاقى شقق فى الزمن ده
    وهقول ايه بس ربنا يسامحك على الدعوة المؤذية دى اهئ اهئ اهئ
    عايز تموتنى شكلك انا بكره السجاااااااااير
    مرسيى للمرورك

    ردحذف
  68. فكرة من الزمن ده
    هههههههه شفتى حتى الدماغ بنستلفها من الجيران زمن عجيب ههههههه
    مرسيى للمرورك يافكرة

    ردحذف
  69. mimi
    ان شاء الله فى اللوك الجديد للمدونة هنحارب كل ده
    مرسيى للمرورك

    ردحذف
  70. الموضوع ده ميتسكتش عليه :)

    ممكن تجربي بعض الحيل اللي بتتعمل في المدخنين زي السجاير اللي بتفرقع أو اللي بتولع في اللي بيشربها وترميها قدام بابهم مهو طالع :)

    وممكن تبلغي المطافي (كأنك مش عافة انها سجاير) قوم هو بعد الزيطه يعرف انك هاتبلغي عنه ويبطل

    أو ممكن تعزلي أحسن وخلاص ... حتى تغيري مناظر :)

    ردحذف
  71. ابقى ابعتيلى عنوان بيتهم وانا هبعتلك واحد يخلص معاه على طول
    وماتقلقيش احنا شغلنا على ميه بيضا
    ومش هياخد فلوس
    ده هيعملها كادو كده
    ..........
    وسيبك من حكاية الفار دى اللى قالتلك عليها منووووش اصلها ماتعرفش اننا بنلعب بالفيران صاحيه وميته
    هههههههههههههههههههه
    ..........
    اقفلى الشباك وشغلى المروحه واهو الحر اهون من الريحه الزفت دى
    ســـــــــــــــــــلام

    ردحذف
  72. أيوش
    ادينى زورتك مرة تانية رغم انى قلت شكلى مش هتنيها , بس يظهر مناخيرى اخدت على البلوج , الظاهر من حلاوة كلامك الواحد بقى ( مدمن ) عليه ههههه
    لو الحوار وصل للحشيش فعلا ممكن الواحد يفكر يجيلك مرة تانية
    تحياتى

    ردحذف
  73. ههههههههههههه
    معلش يا ايوشه

    ابقى ركبى تكيف فى اوضتك

    او حطى مرووحه واقفلى الشباك

    لان معندكيش خيار تانى

    مع واحد زى ده

    ردحذف
  74. تامر علي
    لالا الافكار دى تودينى فى داهية انا شخصيا واكون انا اللى برضو بعانى
    ههههههههه مرسيى للمرورك

    ردحذف
  75. المعتصم
    كل مرة تقول الكلمتين دول ومش شايفين اى ناس اللى من اللى بتقول عليهم دول الموقف هنا مستدعى ذلك ابعتهم والحساب عليك
    اما بخصوص الفيران معلش اصلها متعرفش احنا منين هههههههههههه

    مرسيى للمرورك

    ردحذف
  76. E_Mersal
    نورت المدونة بمرورك للمرة التانية وبما انك عينك على الحشيش هحاول اتصرف فى اى كمية علشان نشد رجل المدونين ههههههه

    ردحذف
  77. الفراشة الصغيرة
    ربنا معايا بئا هنعمل ايه مرسيى للمرورك ياجميل

    ردحذف
  78. هى بقت كده

    ماشى يا بنى ادمين


    ثوانى

    هاشوف بتوع الامن عاملين ايه وارجعلك

    خدى بالك النسر لسة واقف

    واى تحرك لحضرتك هترصده القطط

    وتتعامل معاه بكل خربشة

    يعنى من الاخر

    الموقف كله تحت السيطرة

    نياهاهاهاهاهاهاهاهاهاهاها

    نياوووووووووووووووووووووو

    ردحذف
  79. هههههههههههههههههههه
    والله بوست جامد

    ردحذف
  80. ولله انتي عسل يا بنتي
    معلش اقولك نصيحتي
    انزليله انتي وبكل عين قوليله اييييييييييه يا عمنا خنقتنا بريحتك
    اللي وصلا نخاشيشنا دي ما تخف يا عم النجم يمكن ربنا يهديك ويخليك تبطل الحشيش اللي بتشربو ده
    هيعمل ايه يعني لو قل ادبو
    قوليله اما انت راجل مبتختشيش بصحيح
    روح وانت راجل محشش يا محشش
    وغيظيه بقى
    وعلقي على بيتو ورقه اكتبي فيها هذا البيت للمحششين فقط

    ردحذف
  81. انا لسة جاى من عند الفراشة

    ولاقيت حضرتك هناك بتعانى زيها

    ايه الموضوع ده باين عليه فيرس

    وانتشر لامة اروح بقى اطعم القطط

    بسرعة

    خدى بالك النسر مطعم ومش هايمشى

    يعن ما تحاوليش

    ردحذف
  82. اقولك رأيي
    خلي اخوكي يكلمه
    حد قريب من سنه يعني
    ويقوله ده حتى اختي كانت هاتكلم مامتك
    بشكل ودي يعني
    علشان انت لسه صغير
    وكمان علشان هي بتتعب من ريحة السجاير

    اول ما يسمع حكاية تقولي لاهله
    مش هاقولك هايبطلها
    بس الاكيد هايبطلها فالحمام

    وده المطلوب

    :))

    ردحذف
  83. انا لو منك اشتكى لاهلى واخلى بابا ينزله ويقوله ان البت هتموت بسببك....لو صمصم ابلغ عنه انه بيبيع بانجو....اهو يريح
    دمتى بخير ....تقبلى مرورى

    ردحذف
  84. ربنا يهديه يا رب
    اقولك على حاجة بلغى والدك وهو بكل هدوء ينزل يكلمه
    ولو طلع فيها ورفض يسمع الكلام
    اعملى بنصيحة مثلث الشر
    مانوش ومرمر وسويت فيوليت

    كل النصايح الشريرة كاتبينها بنات
    تفتكرى نستنتج من كده حاجة ؟

    ردحذف
  85. يا اختى كأنك بتتكلمى عنى فى موضوع الحساسيه والجيوب الانفيه والكلام دة
    بس انا بقى ابويا هو اللى بيدخن ومن فترة لما الموضوع على معايا بطل يدخن فى الشقه خالص
    وبيخرج قدام الباب
    بالنسبه لجاركم بقى
    مفيش حل
    وخصوصا ان الناس بتبقى رخمه ولما بتعرف ان الواحد بيضايق من حاجه بيعملوها رخامه ولوجه الغلاسه المطلقه
    سلمى أمرك لله
    أو بدل السجاير اشترى له شيشه وأقلبو البيت قهوة

    ردحذف
  86. اسماء واحلام فى وجدانى
    شكلى حسدك بجد وانا عرفت انت زعلان ليه زعلان على القطط والعصافير اللى هقتلهم بس خلاص عفونا عنهم مادام ده سبب زعلك

    ردحذف
  87. kalamfady
    مرسيى للمرورك

    ردحذف
  88. marmar
    ههههههه طيب ما ممكن تحصل كبسة على البيت ونتاخد فى الرجلين معاهم بس بصراحة هو بيشرب سجاير بس يعنى ربنا يهدى الجميع
    مرسيى للمرورك

    ردحذف
  89. سوبيا
    المشكلة انه طلعع الراس الكبيرة هو اللى بيشرب يعنى مش نعرف نتفاهم معاه هو الحل اننا نتكلم معاه بس بالعقل كده وربنا ييسر مرسيى للمرورك ياايمان

    ردحذف
  90. الازهرى
    امين يارب العالمين
    كاتبين البنات الافكار الشريرة دى علشان البنات ذات عقول اجرامية فظيعة محدش يقدر يقف قدامها ابدا :)
    مرسيى للمرورك

    ردحذف
  91. صفــــــاء
    الف سلامة عليكى معلش موضوع السجاير بيعمل الجيوب الانفيةاكتر وبتكون حاسسة لاى ريحة مستفزة بس الحمد لله باباكى قدر وبطل يشربها فى البيت دى ريحتها وحشة جدا ومضرة ازاى اللى بيشربها بالظبط
    مرسيى للمرورك ياصفاء

    ردحذف
  92. فتاه من الصعيد
    هنحاول نتفاهم بالحوار معاه مرسيى للمرورك

    ردحذف
  93. اشكرك جدا لتواجدك الطيب

    الذى اختطف الابتسامة

    من تحت الدمع

    ردحذف
  94. انا اسف بجد والله غصب عنى

    يا ريت تعذرينى لانى بجد .......


    بجد على الاخر

    ردحذف
  95. ههههههههههههههههههههههههه..الحمد لله أني صديق للبيئة وبكره الدخان وريحته يا أيوشة
    بس الصراحة مش عارف الجار ده الواحد يتصرف معاه إزاي..بس ارجع وأقولك افضل مواجهة أهله بالحقيقة قبل ما الموضوع يتطور
    :)
    تحياتي

    ردحذف
  96. يارب يا ايوشة ماتكونيش زعلانة

    لانى بجد حاولت ومش قادر

    اسف بجد وياريت تقبلى الاسف ده

    ردحذف
  97. اسماء واحلام فى وجدانى
    لا ولا يهمك المهم تكون بخير دايما

    ردحذف
  98. micheal
    احسن حاجة انك صديق للبيئة مرسيى للمرورك يامايكل

    ردحذف
  99. يا ضنايا انا على الرغم من انى بشيش يعنىبس بكرهه ريحه السجاير ههههههههههه
    شوفتى التناقض بقى بس
    اقولك ركبى فى اوضتك شفاط صغير علشان يطرد اى ريحه وافتحى الشباك براحتك ولو الولد سنه صغير قولى لاهله بجد

    ردحذف
  100. Appy

    هههههههه ايه يابنتى التناقض ده بس موضوع الشفاط مش هينفع برضو لان الريحة بتيجى من برة يعنى مش من الاوضة وبتطردها برة على العموم انا اتكيفت خلاص تماااااااااام :) مش بقدر اعيش من غير ريحة الدخان

    ردحذف
  101. ههههههههه

    حلوة المدونه

    وفكره جامده

    تحياتى

    ردحذف
  102. تصدقى يا ايوشه انت بنت شقيه قوى وعلى العموم انا شايل لك علبة سجاير معمره ولما نتقابل ان شاء الله اديك العلبه وكمان اديك قرش صاغ موش هو اسمه برضه قرش صاغ
    الموضوع دا ما لوش حل يا ايوشه لان الراجل مش حيبطل سجاير ... بس انت اعملى حسابك فى فى اللحظات دى سيبى الاوضه واعملى لك جدول آخر فى المواعيد دى وامرك لله
    تحياتى

    ردحذف
  103. ابعدى عن الرائحه وخلاص ولا انتى اساسا تلاقيكى مستمتعه بالسجاير هههههههههه ولا ايه
    تحياتى

    ردحذف
  104. momken
    مرسيى للمرورك

    ردحذف
  105. امير العرب

    الله الله بتشرب سجاير طيب هفتن عليك عند باباك انا بحب اهدى النفوس اصلى :)
    على العموم انا مستعدة اعديها المرة دى ومش افتن الا لما تجيب السجاير المعمرة وقرش الصاغ الى بتقول عليه ;)
    ههههههه مرسيى للمرورك نورت المدونة

    ردحذف
  106. افتني عليه ده واد تلفان
    ههههههههههههههههه
    لا بجد شوفي حد من اخواتك الصبيان يمكن يكون صحبه وخليه ينصحه متنصحش قولي لأمك تقول لأمه

    ويبقى التواصل

    ردحذف
  107. معتز شاهين - باحث تربوي
    مرسيى للمرورك

    ردحذف
  108. ههههههههههههههه


    هههههههههههههههههه ياخبر ابض عليكي هموت من الضحك بجد

    المصيبه انه طلع الحاج مش ابنه

    والله انتي قولي لمراته ههههههههههه وهدي النفوس


    وبعدين ياستي انتي زعلانه ليه دا بيعملك احلي دماغ بالسجاير ومن غير ما تدفعي ولا مليم هههههههههه

    لا ولسه الصيف داخل اما تيجي معمعة الصيف وهتضطري تفتحي الشباك يعني هتفتحيه والمفروض بقي تكوني اتعودتي علي ريحة السجاير وادمنتيها كمان ههههههههههههههههههه

    علي العموم ربنا معاكي يايوشه والجيران يعزلوا او ابقي انصحي بنته تزن علي باباها انه يبدل اوضته مكان اوضتها

    اظن حل محصلش

    ردحذف
  109. ايوشهـ
    أنتِ لو بلغتي عنه يعني عذبتي نفسك كمآن :)

    ماأنتِ ياست هآنم بقيتِ صاحبة كيف

    ومش أي كيف دآ كيف قووي
    هههههههههههههههههههه

    الله يعينك يآرب ..

    سحر..

    ردحذف
  110. جنون العاطفة
    هههههه اه فعلا اتعودت على الريحة وانا اللى ممكن اضر فيها مش هو بالشكل ده
    مرسيى للمرورك

    ردحذف