الثلاثاء، 21 أبريل، 2009

زوايا نفسى المحطمة






فى بعض الاحيان تمنحنا الحياة مواهب فذة او كما نتوهم نحن اننا نمتلك شئ فريد ومميز عن باقى البشر
يظل ذلك التوهم يمدنا بلحظات العمر القادمة فهو الامل ومن بعده مداد العمر



نعيش ذلك التوهم الجميل وقد يصيبنا الغرور الاعمى ونرى الكون من حوالنا صغير صغر الذر ونحن نقف على قمم الجبال الشاهقة ونظل فى حلمنا الضائع ونعيش ايام العمر وفجاة يضيع ذلك التوهم ويضيع معه الامل نبحث عنهم ونفشل فى العثور وننتقل لمرحلة العبور



العبور الى دهاليز العالم المعتم الكاتم السواد يتحول الامل لياس يتحول الغرور لفقدان ثقة ومن بعده موت للنفس حياة بلا روح نفس خاوية بين الارواح
ومن حين لاخر يبرق فى قلوبنا بارقة امل العثور على الماء فى وسط الصحراء الجرادءالمسماه بحياتنا الغراء ونفيق على لطمة اكبر ان كل ذلك كان سراب بقيع يحسبه الظمأن ماء


لكن هل سالنا انفسنا ما الذى اذهب عنا الامل؟ هل كنا بالفعل لدينا ما يؤهلنا لتحيقق احلامنا العريضة وامالنا الفريدة؟


ام كنا نرنو وننتطلع للسراب البعيد ونرجو اشياء تفوق تصوراتنا وتخيلاتنا؟؟


ام كنا نتشبث باى طوق للنجاة من امواج الدنيا المتلاطمة ؟؟ فمن لا رؤية واهداف لا حياة له بيننا


هل الفشل صناعة قديمة اقترفناها بايدينا ام صناعة تفنن فى صناعتها القدر ؟؟
هل هو سبب الالام والاحزان الذى يكسو وجوه البشر ؟؟

هل تسبب فى انكسار وتحول القلوب الى حجر؟؟


كلمات غير منسقة كالمعتاد فتفتقر للروح وللمعنى وللجوهر
لكن التمسوا لى الاعذار فلن انمق فى مشاعرى بعد الان بل سوف اترك لقلمى الخيال فارس يصول ويجول فى زوايا نفسى المحطمة لياتى بكل ما آوتيا من قوة بخفايا الاحساس احساسى انا
فانا من جعل الفشل مطية للحاق بركب فقدان الامل

هناك 46 تعليقًا:

  1. انا فتحت التعليق لسبب واحد بس علشان خاطر ماما صاحبة مدونة الفراغ
    بس مش تتعبوا نفسكم فى كتابة التعليق علشان انا مش بسمع كلام ومش بتغير كتلة احباط والظاهر هفضل كده

    ردحذف
  2. ربنا معاكي يارب يايوشه ويبعد عنك الحزن

    والياس وحياتك كلها تبقي سعاده وامل


    دمتي بكل خير

    ردحذف
  3. ايوشه

    اسعد الله قلبك ورزقك هدوء النفس وراحة البال

    حزن معاك ان دا احساس ساعات كتير بتكون عضب عننا وطبيعي ان الانسان يحزن والرسول عليه الصلاة والسلام لما ابنه ابراهيم توفي قال ( اٍن القلب ليحزن وان العين لتدمع وان علي فراقك يا ابراهيم لمحزنون )

    يعني خدي راحتك :( كله بثوابه مش الحديث بيقول
    “ما يصيب المسلم من نصب و لا وصب و لا هم و لا حزن و لا أذى و لا غم حتى الشوكة يشاكها إلا كفٌر الله بها من خطاياه“. ...صدق رسول الله صلي الله عليه وسلم

    بس برضوه مع دا لا تملي ولا تيأسي ابدا بالعكس افتكري دائما انك في الوضع دا ليك دعاء وهو دعوة المضطر قولي يارب هتلاقيها طلعت من قلبك بجد وهتحسي بها جد ومفيش حد احن علينا من الله عز وجل هيفرج الهم ويبدل الحزن فرح ان شاء الله واعلمي ( فاٍن مع العسر يسرا اٍن مع العسر يسرا ) وعندك دعاء الكرب واادعيه كتير انت اكيد عارفها يعني خلي الفتره ديه ( فتره الضيق والحزن ) فتره قرب اكتر من ربك لما تحسي ان الدنيا ضاافت اوووي لا تقولي ( يا رب لي هم كبير ولكن قولي يا هم لي رب كبير ) وحطي في بالك البيتين دول دول علطول بيريحوني

    :
    عسي فرج يكون عسي .. نعلل نفسنا بعسي

    فلا تقنط واٍن لقيت همـــــــا .. يقبض النفس

    فاقرب ما يكون العبد من فرجـــا .. اذا يأس ..

    وكمان



    كن عن همومك معرضا
    و كل الامور الى القضا
    و ابشر بخيرٍ عاجلٍ
    تنسى به ما قد مضى
    فلربما وسع المضيق.... ولربما ضاق الفضا
    فلربَ أمر مسخـــط لك في عواقبه رضـى
    الله يفعل ما يشاء
    فلا تكن متعرضا

    يعني مش تياسي ابدا ما دام بتعملي اللي عليك اللي ماشي علينا هو اقدار الله فينا ولا نجد الا ان نرضي لانها بالفعل خيرا لنا وان كنا لا ندري


    ااااااااااااااااسفه لو طولت بس انا بقول الكلام دا لنفسي قبل ما اقولك

    وكمان انا مش ضد انك تعبري بكل اللي جواكي باي طريقه حزن او ضيق اهم شئ انك تنفسي عن نفسك باللي يريحك اكتبي واكتبي ولا تلتفتي لمن يلوم ويعاتب فلن يشعر احد بما انت فيه ابدا غير نفسك وبس .. طلعي اللي جواك واكتبي وثقي اننا لن نمل ما قرءات احزانك قبل افراحك يعني معاك علي المره قبل الحلوه

    ابتسمي كدا فكفاكي انك مسلمه وموحده بالله ... وكله فااااااااني

    خااااااااااالص حبي لك يا عسل

    ردحذف
  4. استعيني بالله يا ايوشه

    ربنا يفرج همك ويفك كربك يااارب

    وخدي بالك منك يا ايوشه

    ردحذف
  5. أظن ان كل انسان لديه
    الكثير من المواهب
    والطاقات
    فقط ينقصه
    من يوظف تلك الطاقات فى المكان والوقت المناسب

    وربنا يفرج همك وكربك

    ردحذف
  6. ايوشه
    الأمل شئ جميل

    الأمل ليه لذه, كترها يسكر لكن القليل منها مش حرام

    الأمل نور في آخر النفق يدفهنا اننا نتحمل ظلامه

    الأمل زي أي شئ في حياتنا محتاجينه لكن بنسبه متوازنه بلا افراط أو تفريط

    ردحذف
  7. ايوشة
    بقالي من مدة بحاول ادخل مدوناتك لكن لقيتها مقفولة و بتقول انه ليس مسموحا لي الدخول من غير دعوتك
    المهم انا مش حقول لك انفضي عنك الاحساس بالفشل و الياس لان ده عاد في زمن مفيهش اي حاجة تسر
    الشيء الوحيد اللي اقدر اقوله لك انك انت بارادتك اللي حتقدري تغيري من مصيرك اما كلماتي و كلمات غيري لن تنفع ابدا ما دمت لا تريدين التغيير
    اتمنى لو انت عالنت احب انك تفتحي الايميل احب اني ادردش معاك
    ممكن
    مودتي

    ردحذف
  8. لووووووووووووووووووووووووووووووووووووووولى لووووووووووووووووووووووووووووووووولى الخوف بى العين يا كارثة ال وعاملة فيها عنتر ومش فاتحه التعليقات ناس تخاف من العين الفحلوقى ربنا يخاليها لينا يااارب ماما الفراغ عرفت تنتقم منك نياهااااااااااااااا

    ردحذف
  9. العب راحتى
    مرة ناس قافلو التعليقات وخافو رجعوا فتحوه وبعدين اية يا كارثة البوست اليع اليع اوووووووووى دا يعنى ولا حلو اووووووى كدا ولا حاجة وسكر زيادة كدا ويموع النفس اية دا وكلام ناس كبيرة كدا عندهم بتاع خمناشر طمناشر سنة اسيح على الرقم الحقيقى ((وش مطلع لسانة ))
    كارثة دمتى بكل كوارث قصدى بكل جقد طبقى يوه قصدى بكل خير وود هى دا اللى فى النفوس وكل واحد ونيته يا كارثة

    ردحذف
  10. حبيبة قلبى ايوش الجميل والوحش والزعلان والطهقان والمسكين والقرفان..وايه كمان..لما افكر هاقولك
    اولا اشكر الاخت..جروبتى
    والله كلامها يشق الليل بنوره
    ايه الحب والجمال والاشراق ده
    يارب لما يجيلى اكتئاب زى ايوش..جروبتى تزورنى وتقولى كلمتين حلوين من دول
    ثانيا..ايه العظمه دى(طبعا العظمه لله وحده)اوعى تتغرى فى نفسك يا كارثه على رأى ثندر
    بقا انتى كاتبه الكلام الكبير ده لوحدك دانت كاتبه خطيره..بس ياعينى..اهىء اهيىء مالكيش حظ
    يلا باكمالتها هو يعنى هاتكتئبى كمان شويه ..مش مشكله..ماهى خربانه خربانه
    ثالثا..اشكرك على انك فتحتى التعليق علشان خاطرى
    وكل اللى هنا كتب قبل منى مبسوطه يا ماما حوا قصدى يا ايه..مبسوط يا بابا ادم قصدى ياثندر
    يلا ماهما كلهم بيحبوكى
    وياستى اديكى بتتسلى معانا
    يعنى هو حد هايقدر يعمل حاجه غير بارادة الله انا مش عايزه منك اى حاجه غير تستغفرى ربنا
    واتحفينا كل يوم ببوست عن الاكتئاب
    دا حلو قوى..لا مش الاكتئاب
    اسلوبك هو اللى حلو
    وعسى ان تكرهوا شيئا وهو خير لكم
    ربنا معاكى ويفك كربك..اللهم امين
    حبيبتك ماما الفراغ

    ردحذف
  11. الله كلامك جميل اوى يا استاذه
    الواحد ممكن يسعى و يفشل يعنى عادى ممكن نخلى الفشل خطوة نحو النجاح و لا نستسلم له بدا اعتبريه مرحله
    و الفشل مش خطيئه انما يكفينا شرف المحاوله
    ربنا يوفقك و يفك كربك ان شاء الله و تبدعى

    ردحذف
  12. يعنى تعملى ايه فى ثندر..بزمتك هاتسمعى الكلام االلى زى كلامه ده فين

    دا ثندر ده والله اخ ماحصلش
    وكلامه بجد زى العسل
    هتلاقى فين اليع يع ده
    ههههههههههههه اشوفك بخير

    ردحذف
  13. الكلمات كلها اتساق
    وبتعبر عن كتير
    المهم نشوف طريقنا كويس
    ربنا يكرمنا جميعا

    ردحذف
  14. صمت المشاعر
    ربنا يكرمك يارب ومرسيى للدعوة ربنا يتقبل منك يارب

    ردحذف
  15. ghorBty
    الله عليكى ياااااااجميل ربنا يكرمك يارب ويجعله دايما فى ميزان حسناتك يارب وتفضلى تنورى المدونة بتعليقاتك الجميلة دى ((وش بيبوس))

    ردحذف
  16. MǿиY El-Shreef
    امين يارب العالمين هحاول يامونى ربنا يخليكى يارب ومرسيى للمرورك

    ردحذف
  17. سماء واحلام فى وجدانى
    مرسيى لحضرتك يااستاذ احمد

    ردحذف
  18. د/عرف
    فعلا هى الازمة فى اننا مش بتعرف نوظها فين شكرا للمرورك ولدعوة ربنا يتقبل يارب

    ردحذف
  19. أحمـــــــــــــد أبو العلا
    عجبنى جدا جملة كثرت الامل تسكر والقليل منه ليس بحرام
    مرسيى للمرورك

    ردحذف
  20. thunder
    يابنى اهمد شوية انت شمتان ولا ايه بالظبط ااااااارحمنى ايوة ماما فراغ انتقمت وطلعت عليا القديم والجديد عاجبك كده فرحان دلوقتى :)
    وسيح انا مش مخبية حاجة يااخويا مش زى ناس انا P;
    ربنا يخليك ياااااااااااارب يااخويا اللدود

    ردحذف
  21. الفراغ

    حبيبة قلبى ايوش الجميل والوحش والزعلان والطهقان والمسكين والقرفان..وايه كمان..لما افكر هاقولك


    ههههههههههه كل ده ربنا يكرمك ياااااارب ياماما ويخليكى يارب وتفضلى تنورى مدوناتنا كده يارب
    انا اسفة ان كنت اتسببت فى اى زعل لحضرتك انا طمعانة طبعا فى كرم حضرتك وتعفو عنى
    وغربتى دى سكر كل كلامها زى البلسم كده لاى انسان حزن او مجروح
    وخلاص كل يوم بوست اكتئاب من ده مادام عجب حضرتك

    اما ثندر باشا ده هيجننى كل بوست يقولى يع يع
    يرضيكى كده يعنى اهئ اهئ اهئ
    بس هعمل ايه هعمل انا الكبيرة وامرى الى الله واعديها :)

    ردحذف
  22. biberss222
    مرسيى للمرورك ربنا يكرمك يارب على الدعوة

    ردحذف
  23. mohamed ghalia
    امين يارب العالمين ويكرمك يامحمد يارب مرسيى ليك

    ردحذف
  24. ربنا يفك كربك
    ويعطيكى السعاده بكامل صورتها
    من حيث لا تحتسبى

    ردحذف
  25. ايوشة دا انا باجى اقول مالها بس اية اللى حصل
    طيب قافلة التعليقات لية وبقراء وازعل وامشى

    وبعدين مش عايزانه نعلق عندك لية
    هتسمعى صوتنا هتسمعى صوتنا
    لازم نقولك رأينا ولو صح انتى من جواكى هتحسية

    البوست جميل والاجمل انك سيباه باحساسك
    الكلام ينفع للتذكرة وينفع للمواساة فى لحظات الحزن
    بس مش معنى اننا نفشل اننا نيأس على طول
    واننا عشان عطشنا وطلعت الماية سراب اننا مندورش تانى
    لية منشوفش قدرتنا اية ونحلم فى حدودها
    لية لما نقع منقومش تانى ونكمل
    لية نفقد الثقة فى نفسنا حتى لو فشلنا

    ربنا موجود وعقلنا واحساسنا موجودين كيانا موجود ونقدر نعمل بيهم حاجة اكيد
    مش معنى اننا نفشل مرة اننا نفشل ونيأس على طوول

    المهم اننا نتعلم ان لقدرتنا حدود منخرجش عنها

    ربنا يفك كربك ويخفف عنك
    ويهون عليك وتبقى افضل يا قمر

    تقبلى مرورى

    ردحذف
  26. طب غيظا فيكى بردوا هأكتب تعليق و لما نشوف

    هههههههههههه


    بصى يا أيوشة ،
    احنا بنبئا كدا عشان مش حاطين لنفسنا هدف
    أو شايفين إننا مش هينفع يكون لحياتنا معنى

    لأننا مضغوطين
    محكومين بفعل مؤثرات تانية
    مفعول به و ليس فاعل


    لكن زى ما قلت لك قبل كدا
    صدقينى لو دورتى هتلاقى لنفسك محيط بتتحركى جواه

    و دا طبعا مش محيطك الداخلى اللى جايب لك اكتئاب
    :)

    إنما قصدى محيط ممكن انتى اللى تكونى متحكمة فيه
    بس مش شايفاه


    ياللا روحى دورى
    و تعالى قوليلى عملتى ايه




    سلام

    ردحذف
  27. من الجميل
    أن يجلس المرء مع نفسه جلسات تأملية
    عجلة الحياة تدور وتتحرك بسرعة دون توقف
    لذا يتوجب علينا أن نقف قليلاً وننظر إليها من بعد
    نعيد الحسابات
    ونبدأ وننطلق منجديد
    تحياتي لك يا آيوشة

    ردحذف
  28. اللهم لا سهل الا ما جعلته سهلا

    وانت تجعل الحزن إن شئت سهلا

    ردحذف
  29. اية
    مش عارف ايه المانع اللي منعك تردي على تعليقي
    اتمنى ان المانع خير
    مودتي

    ردحذف
  30. وترتمي الروعة في أحضان حروفك


    لقلبك جنائن من الورد علميها الاتذبل...

    سحر...

    ردحذف
  31. السلام عليكم ورحمة الله وبركاته

    أختي ف الله

    لا كده مش كويس ابدا يا صعيدية موضوع الإحباطات اللي انتي شغالة تكتبي عنها دي ...... يا ستي روحي المدونة عندي وخدي اي حاجة وفي اوكازيون اليومين دول يعني بسعر التكلفة ههههههههههههه

    استعيني بالله وربنا هيوفقك للخير دوما إن شاء الله

    خالص مودتي وصادق دعائي

    ردحذف
  32. بقى انا اغيب و ارجع الاقى الاول مدونة مقفولة و بعدين تعليقات مقفوله و بعدين احباط

    عاااااااااااااااااااااااااااااااااا

    ده بدل الاحتفالات اللى المفروض تحصل لانى جيت بس بس انا زعلانه موت جدا خالص

    لالالا مش تحاولى خلاص انا زعلت فمتو ثانية منك .. مش متوقعه ولا متصورة ولا متخيلة ولا مت اى حاجه

    كده ياايوشة بقى انا اجى اسلم تروحى ضربانى بالبوست فى عينى و دماغى

    آآآه ياعينى آآآآآه يادماغى

    اهون عليك ياقمر كده

    طب انا مش هتكلم الا لما تضحكى بقى هه بالله عليك تضحكى وبلاها احباط

    ايوة ايوة انا واخده بالى انك قولتى اضربى راسك فى اجدع حيط انا كده بقى هه

    بس بردو انا رخمه و هقولك بلاش احباط و فى حاجات حلوة كتير صدقينى
    اضحكى بقى بالله عليك و روقى كده ياقمر

    ردحذف
  33. assafo anaroze
    اسفةوالله ماخدتش بالى من التعليق الاولانى اتمنى تقبل اعتذارى انا اسفةيااسافو انا طبعا لم اقصدده ابدااااااااااااا

    ردحذف
  34. عاشقه الرومانسيه
    امين يارب العالمينمرسيىليكى ياجميل ربنا يخليكى ياااارب

    ردحذف
  35. احساس طفلة محبة للرومانسية بس واقعية
    مرسيى للمرورك ياجميل ولاهتمامك معلش ساعات الانسان بيكون عايزة يعيد حساباته وبيحاول يبعدعن الدنيا شوية ربنا يكرمك يارب على الدعوة

    ردحذف
  36. ايوشة
    انت ع النت دلوقتي
    جاوبي انافي المدونة
    مودتي

    ردحذف
  37. Soul.o0o.Whisper
    ههههههه ماشى ياجميل غيظى براحتك ولا يهمك انا هستحمل
    عندك حق فى موضوع المحيط اللى بحط نفسى فيه ان شاء الله اسمع بنصحتك

    ردحذف
  38. محمد سعد القويري
    مرسيى للمرور حضرتك

    ردحذف
  39. اسماء واحلام فى وجدانى

    اللهم لا سهل الا ما جعلته سهلا

    وانت تجعل الحزن إن شئت سهلا
    جزاك الله خيرا ومرسيى للمرورك يااستاذ احمد

    ردحذف
  40. جنون العاطفة
    مرسيى للمرورك

    ردحذف
  41. هذه حياتي
    انا روحت واخدت جرعةامل من البوست الاخير هههههه
    مرسيى للمرورك حضرتك

    ردحذف
  42. Sweet Violet
    ههههههههه هو جه فى دماغك انا كنت عايزه يجى فى عينك على فكرة مش دماغك ههههههه الف سلامةعليكى ياقمر يارب دايما كده منورةالمدونة

    ردحذف
  43. ايوشة
    شغلي الايميل
    انا في انتظارك
    مودتي

    ردحذف
  44. ايوشة
    ممكن تشغلياالايميل
    في انتظارك

    ردحذف
  45. اسفة يااسافو النت كان عندى وحش جدا

    ردحذف