الجمعة، 3 أبريل، 2009

نوم الكلاب امل حياتى

تعرفوا دلوقتى دماغى عاملة زى ايه زى ما احمد بدير ما بيقول فى ريا وسكينة انا اقسم الليمونة نصين نص اقرشه وبعدين اقلبه يبئا عاملى زى فنطوشى الفاشية

يعنى ايه معررررررررررررررفش بس تقريبا انا دماغى كده زى الفطنوشى ده حاجة ملعبكة كده وملهاش ملامح
بس ده تقريبا من قلة النوم بقيت حاسه انى دماغى بتفوت بقيت بمشى على سطر واسيب سطر مفيش تركيز خاااااااااالص نفسى اناااااااااااااااااااااااااااام عايزة اكون زى باقى البشر الطبيعين اللى يجوا على الساعة 12 كده بالكتير يسلموا ورقهم للنوم



هما مش بيقولوا النوم سلطان يعنى لغاية عندى ويعمل ندل وابن ستين تيييييييييييييييييييييييييييت
ونفضل نقول يهديك يرضيك علشان خاطرى طب يعنى ريح الناس من اذيتى وشرى وعلى راى المثل اللى بيقول نوم الظالم عبادة


عايزة اتخمد بقى نفسى احط الجمجمة الصعيدى دى على المخدة انام واشخر ايييييييييييييون اشخر محدش ليه عندى حاجة اشخر ارفس امشى وانا نايمة دى حرية شخصية بس هو يجى النوم بس ويطلب اللى يطلبه بعدها


فى ناس قالتلى روحى نامى من الساعة 12 وادتنى ملهة ربع ساعة انام

احب اقولهم انا عيلة وبرجع فى كلامى
مع انى حاولت اى نعم كنت نعسانة وقولت هرد على التعليقات وهنام وبالفعل بس كان النوم راح
بصراحة انا بقر وبحسد اى شخص نايم دلوقتى وفى سابع نومة وبيشخر وقالق الجيران معاه بالسيمفونية اللى بيعملها
السؤال هنا بئا ليه الافكار كلها تيجى ترقص قدام عنيك ولا فشر فيفى عبده ولا دنيا ساعة النووووووم وتفضل تغرى فيك يعنى بالذمة اسيب التفكير والمستقبل ، والحاضر، والماضى، والذكريات لمين يفكر فيها
انا بفكر ااجر حد يفكر بدالى وارتاح انا شوية




بعدين لقيت مقالة لانيس منصور غريبة اوى عن النوم واللى عايز نام بيقولك ايه علشان تنام لازم ولابد تقنع نفسك من الصبح انك عايز تنام وان ((النوم قادم لا محالة وانك مستعد للقائه بالاحضان والقبلات ))
هههههههههه لا عجبتنى الجملة دى يعنى ايه بالاحضان والقبلات يعنى مش فاهمة حد يفهمنى طيب اكسبوا فيا ثواب
طيب اقنع نفسى دى سهلة هجيب بندول ساعة وافضل ااقول انا هنام ومش هسهر، انا هنام ومش هسهر بس تقريبا هتتعارض مع الجملة التانية انا طويل واهبل ومش قصير ازعة على امل انى اطول شوية طيب هحاول انظم وقتى ساعة بقول انا هنام مش هسهر وساعة انا طويل واهبل ومش قصير ازعة ولما اشوف النوم هيجى ازاى



وبعدين بيقولك مفيش احسن من النوم الكلابى ايه ياسيدى النوم الكلابى ده بيقول ان الكلب بينام فى اى لحظة مادام استقر فى مكانه ينام فى نفس اللحظة وفى اى مكان وعلى اى جنب على الارض ، السرير، المقعد ولمدة عشرين ساعة
وبيقولك ايه كمان ان نوم الكلاب امل حياتى

ااقول ايه بس اوعدناااااااااااااااااااا يارب ننام نومة كلابى زى كده حتى لو ساعتين انا راضية بس انام كده من غير ازعاج ولا حد يقل مزاجك بس دى كلاب هيفكر فى ايه بس يعنى هيفكر بكرة هيقدموله عضمة بطعم ايه
ولا هيفكر فى كلبة الجيران ام بيبيون احمر وبتمشى تتمختر رايحة جاية قدامه وازاى هيفتح بيت
ويصرف عليها وعلى العيال ازاى



سيبكم من ده كلللللللللللللللللللله وشوفوا دى بيقولك ايه لو انت مش مرتاح فى النوم ومعاك حد نايم معاك مراتك مثلا مفيش مانع تقولها هوينا شوية وحياة ابوكى واللى خلفوكى واطلعى نامى برة يعنى مفيش خجل ابدا هههههههههه
تخيل انت ممكن مراتك تعمل فيك ايه فى اللحظة دى مش بعيد تخلى ليلة اللى جبوك طين مقطرن بزفت اسود
طيب انا بتنام معايا البت اختى اقولها هوينى وروحى نامى فى الاوضة التانية ولا اشيلها هيلة بيلة كده واحدفها برة يعنى فكرة غريبة اوى




بس انا بردو على الرغم من كده كله مش عارفة انام اعمل ايه انا بئا مفيش حل غير انى اعكنن على البشر اللى نايمة عندى اااااااااااااه اشمعنى هما نايمين وبيشخروا بس اعكنن عليهم ازاى اولع النور مش بياثر اشغل السماعات بتاعت الكمبيوتر على اعلى صوت ولا عندى حل اجى على السرير اللى كل واحد بينام عليه وافضل انط عليه لغاية ما يقع بيهم
بس انا مش ليا نفس اعكنن على اللى فى البيت اصل انا امى ممكن تقصف رقابتى لو قلقت منامها وامشى مقصوف الرقبة وان مش ناقصة





بس انا عايزة اعمل مصيبة ااقولكم هروح اقلق منام العيال اصحابى ارن عليهم الساعة 5 الصبح كده مهوا مينفعش هما يناموا وانا افضل سهرانة وبحلم بنومة كلابى :(

هناك 48 تعليقًا:

  1. ايه اللى مطير النوم من عينك ياجميل؟

    بصراحة انا بقر وبحسد اى شخص نايم دلوقتى وفى سابع نومة وبيشخر وقالق الجيران معاه بالسيمفونية اللى بيعملها
    ****************
    الحمد لله انا مش من ضمن المقرور عليهم
    انا لسه صاحيه
    هههههههههههههههههههه

    عايزه حاجه بقى ؟
    انا رايحه انام
    هههههههههه
    (وش بيطلع لسانه)

    ردحذف
  2. تعرفي اني بعاني من نفس المشكلة للاسف

    و نفسي انام بجد

    و انا لو نمت بصحي بعديها بساعتين عادي قوي كاني نمت 3 سنين

    النوم ده طلع نعمة
    كلابي بقي ولا فيراني بس يجي

    ردحذف
  3. نق اية داااااا وياريتك عاملتى وروحتى نمتى لا فضلتى تنقى عليا لما نمت 3.30بركاتك يا كارثة وبعدين نوم كلابى ههههههههههههههههههههههه المهم نوع الكلب ايه اصل يفرق معايا اصل الدكتور كاتب لى كلاب معينه؟؟؟ وياختى لو عاوزة تنامى قوى كده كنت بس اسألينى وانا اقولك على الحل .....
    على العوم ماروحناش بعيد انتى تجيبى تسكوفان دا دوا كحه وتضربى الازازه كلها مره واحده وصدقينى هتنامى ومش هتدعيلى لان احنا ساعتها اللى هندعيلك بالرحمه والمغفره ودا واجب علينا والله دى عشره وانا نصون العشره

    ردحذف
  4. هههه حلو اوي تعبيراتك يا ايوشة
    اقولك انا تنامى ازاي بدري
    اول حاجة تصحي من الساعة 7 الصبح وما تناميش طول النهار وتيجى على الساعة 10 تنامى .. ولو ما جاش نوم اول يوم .. هيجى تانى يوم اكيد
    جربى ... وهتعيلى

    ردحذف
  5. انا يا قمر من محافظه المنيا

    بس وربنا صعبتى عليا فموضوع النوم دة
    أصل انا أيه أحط دماغى على المخدة وأبقى قابلينى بعد 7 ساعات يا سلااااام على الراحه والحلاوة
    (وش مطلع لسانه)

    ميرسى على كلماتك الرقيقه والجميله
    تحياتى ومودتى لك

    ردحذف
  6. يااااااااااااااه
    النوم .. النوم ده بيبقى فى بعض الأحيان أمل بعبد المنال
    خاصة فى الأوقات اللى المفروض ناخد فيها قرارات مصيرية
    أو فى أوقات الفراغ الشديد والتوهان

    ردحذف
  7. همممم

    والله يا بنتي أنا لقيت إلى حد ما حل لمعاناة النوم دي

    تلات بطانيات

    وانت خمس دقايق وهتلاقي نفسك نمتي

    بجد والله ده عن تجربة

    ردحذف
  8. ايوشه
    ايه النكد ده يا عزيزتي مبتناميش خالص يا نهار اسود
    يبقى عفاريت الدنيا بتتنطط في وشك و محدش حيعرف يكلمك
    اتمنى لك يا رب نوم العوافي بس ممكن تستعملي طريقة انك تشغلي موسيقى هادية ممكن تقدري تنامي
    مودتي

    ردحذف
  9. الأخت آيوشة

    النوم بلا إزعاج

    أمنية

    إن شاء الله تتحقق لك

    وبوست ظريف أوي


    تحياتي ^_^

    ردحذف
  10. هع هع هعععععععععع
    على فكرة انا كدة زيك بس فى الاوقات اللى بكون فيها فاضية معنديش شغل ولا كلية مبعرفش انام نوهااااااااائى لكن والله صدقينى لو مليتى وقتك واشتغلتى هترجعى زى القتيلة وتنامى زى الطوبة بالظبط
    دى نصيحة حد مجرب الموضوع دة

    ردحذف
  11. هههههههههههه مبتناميش طيب الله يخليكي تعالي خدي شوية نوم من عندي

    انا بنام قتيييييييييييييييله ممكن اكمل ايام

    احسدوني بقي خلوا النوم يخف شويه

    ياااارب يايوشه تحطي دماغك علي المخده تروحي في النوم علطول زيي كدا

    شفتي بدعيلك اي خدمه

    ردحذف
  12. عاشقه الرومانسيه
    مش عارفة ياقمر يكونش بحب وانا مش واخدة بالى ههههههههههه
    اكيد بفكر يعنى علشان كده مش بنام بالاضافة للمنبيهات اللى بشربها طول اليوم

    ردحذف
  13. adel
    يعنى بصرة ااقولك ايه تيجى نعمل حزب المعذبون فى الارض ونطالب بمراتب مريحة ومخدات ناعمة وتوافر لينا الحكومة المطالب دى والا هنفنجر البلد
    فيرانى كلابى قططى المهم ننام

    ردحذف
  14. thunderا
    الكلب تقريبا ارمنتى اللى هو مبقلظ ده من الاكل والنوم وعايزين ابلبع علبة دواء كحة ممنوع تتداولها علشان انام انا بعدها انام للابد بئا ولا وقعة سودا لو ادمنت وكل يوم اشترى ازازة واكون مدمنة اخر حاجة :)

    ردحذف
  15. حازم النبراوي
    والله جربت اللى بتقول عليه وبرضو الازمة واحدة الظاهر انى خلاص بقيت زى الخفافيش

    ردحذف
  16. صفـــــاء
    اهلا ببنت عمى من الصعيد نورتى المدونة بمرورك وبلاش احسدك طيب على النوم اصل ده نعمة كبيرة اوى تستاهل الحمد عليها

    ردحذف
  17. د. ياسر عمر عبد الفتاح
    فعلاااااااااااا كلامك صح النوم ممكن يهرب ايام الفراغ والتوهان معرفش ليه مع انه المفروض الواحد يكسل وينام

    ردحذف
  18. حسام غانم
    تلات بطانيات انت عايش فى فى الاسكيمو ولا ايه انا فى الصعيد يعنى من شهر واحد الجو عندنا بئا حر وكل كام يوم كده يبرد شوية عايزينى افطس :)

    ردحذف
  19. assafo anaroze
    مرسيى ليك يااسافو وانا بجرب انا على صوت القران وبيجيب مفعول سحرى بجد بس ايام الاكتئاب والزعل لان فى الايام العادية مش بنام بردو لو شغلت ايه

    ردحذف
  20. محمد سعد القويري
    يااااااااارب تتحقق شكرا للمرور حضرتك

    ردحذف
  21. enjy
    طيب ما هى دى الازمة املى فراغى ازاى ربنا ييسر بئا ارجع للدراسات العليا وانام اصلى بموووووت فى النوم ايام الدراسة

    ردحذف
  22. صمت المشاعر
    طيب بلاش نحسدك على النوم بس ادينى شوية منهم هههههههه ربنا يستجيب منك الدعوة دى واناااااااااام يارب

    ردحذف
  23. دي حالة أرق بتيجي للناس كلها ... أحسن حاجه تعمليها ساعتها انك تقرأي أي حاجة هتلاقي نفسك بتنامي على نفسك وممكن تلاقي الكتاب اترزع على خلقتك وانت نايمة فتصحي تاني وهكذا :)

    ردحذف
  24. هههههههههههههههه والله تحفه يا آيه على فكره حاولى تصحى بدرى وانتى هتقدرى تنامى بدرى جربى كده وانتى هتدعيلى اصحى الساعه سته ولا سبعه ذى الغلابه امثالنا كانك رايحه الشغل وقومى اهبدى البيت ونضفيه احنا نرجع مهدودين من الشغل ولنتى صدقينى هتتهدى تنامى الساعه تسعه نصيحه جربيها وهتدعيلى اسئل دهب وما تسئلش طبيب

    ردحذف
  25. ايوشة يقول...
    والله انا مضربة من زمان بس يارب يجيب نتيجة المرة دى علشان الواحد قرف من البلد واللى ماسكين البلد

    ------------
    والحسيني يقول
    لاحياة مع اليأس ولا يأس مع الحياة
    ليس علينا الا السعي وليس علينا ادراك النجاح...نحاول ايقاظ الوعي المخدر ونشد من الهمم

    ردحذف
  26. اقولك حاجه
    لو عايزه تنامي بجد
    عليكي وعلي اي كتاب وياريت تكون مزاكره مش كتاب للثقافه والذي منه
    اصلي كنت امسك الكتاب من هنا والاقيني نمت من هنا
    حتي لو لسه صاحي من النوم

    ولنفرض انكك خلصتي دراسه
    ولا يهمك
    قدمي في اي حاجه
    اعملي ما جستير
    الجامعه المنفوخه
    بس زاكري
    وانت تنامي علي طول
    جربي وابقي قوليلي
    النصيحه جابت معاكي ولا اشوفلك غيرها
    تحياتي

    ردحذف
  27. تامر علي
    هنحاول نجرب النصيحة دى ونشوف :)
    مرسيى للمرورك

    ردحذف
  28. طوبة ذهب وطوبة فضة
    يااااااااااااااارب اشتغل وانام زى الحمير حتى بس انام مرسيى للمرورك ياقمر

    ردحذف
  29. م/ الحسيني لزومي
    ربنا يصلح الاحوال :(

    ردحذف
  30. أبو العريف
    ان شاء الله ناوية اعمل الماجستير بس مش عارفة يعنى هفضل صاحية كده لغاية شهر 9 لما اقدم :(

    ردحذف
  31. عزيزتى

    ما تخليها نوم القطط بدل الكلاب

    والقطط برضوا بتنام فى اى مكان

    بس بتكون لذيذه اوى فى نومتها

    عارفة لما تلاقى نفسك مش عارفة تنامى والنوم طاير

    هدى نفسك باى مجهود هتلاقى نفسك عاوزه تريحى شويه وهتنامى

    وطبعا قراية القرأن بغرض النوم برضوا حلو

    واكيد لما بتزيد قلة النوم والارق يبقا فى حاجه يا عرفاها يا جواكى ومش عرفاها بس شغله روحك

    ربنا يريح بالك

    تحياتى

    سلام

    ردحذف
  32. احساس لسه حى
    مرسيى لحضرتك

    ردحذف
  33. مهوا مينفعش هما يناموا وانا افضل سهرانة وبحلم بنومة كلابى .........

    نيهاهاهاهاهاهاهاهاها
    حلوه نومه كلابى دى
    يا خوووووفى تحلمى بكلب بيت الجيران
    (وش بيطلع لسانه)

    ردحذف
  34. om_klala
    لا اطمنى معندناش كلاب علشان نحلم بيها

    ردحذف
  35. ههههههههههههههه
    أنا اول مرة ازور مدونتك .. بس ما شاء الله إنتى دمك زى الشربات

    فعلا كل الأفكار مش بتيجى غير اول ما الواحد يحط دماغه على المخدة
    تقعدى تفكرى طول اليوم .. احل المشكلة دى أزاى أحلها إزاى.. تلاقى فجأة الحل طلع قدامك واضح وصريح اول ما تطفى النور وتقولى هنام

    هههههههههههههههههه

    بس حلوة حكاية النوم الكلابى دى .. بس ياترى الكلاب بتصحى بقى على صوت المنبه بعد كده وتلحق المحاضرات ولا تفضل نايمة كده لغابة ما ربنا يسهلها؟؟

    ههههههههههههه

    تحياتى

    ردحذف
  36. maiosha
    هههههههه لالاسف انا مش بدرس خلصت وهو انا لو كنت بدرس كنت سهرت كنت نمت من الساعة 9 هروب من المذاكرة مرسيى للمرورك

    ردحذف
  37. احتلالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالال قومت لاقيت نفسى عاوز العب ومش لاقى ملعب قولت اوقع المدونة على دماغ ناس

    ردحذف
  38. اية العواء دا بقة انا كاتب احتلالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالال تروح تظهر دول بس لية احنا هننهب ولا اية اية لعب البويز دا نياهاااااااااااااا والله وبقيت بتعرفى تقرائى فيومى يا ايوش

    ردحذف
  39. ممممممممممم ال مبتامش ال يا بشر اصلها عليها احاكم دى كل يوم ابو زعبل وخميس وجمعة قناطر او طرة ههههههههههههه
    بصوا اصلها ركبها جوست ضاربها الوطاويط وحاسة انها المنيل باتمان طول الليل عاملة منقذة الشعب وبى النهار مشاوير للغلابة مممممممممممممممممم ايوش ادفعى اللى عليكى بدل ما اسيح مش كل يوم يعنى اسلفك وانا مش عاوز اقول للناس ومش بسيح بينى وبينك اهوة هااااااااااااتى الفلووووووووووووووووس اللى عليكىىىىىىىىىىىىىىىىىىىىىى
    اية العالم دى وبعدين عاوزة تنامى فى حل اكيد اكيد روحى على البلكونة وافتحيها زارجعى لاخر الاوضة واجرررررررررررى فى اتجاة البكوووووونة وقومى قافلها عادى يعنى امال هترمى نفسك وكدا اضمنك عقلك هيرجع والنوم هيخاف ويهرب على طول ((وش مطلع سنانه ))

    ردحذف
  40. التعليق اللى جاى دا تنبيه على السادة زوار المدونة الكرام مراعاة مشاعر محافظات مصر وعدم التاثر بى الكارثة المتحركة دى لانها جذبت ايوا جذبت اللى هى كذبت ومفهماك انها من اسيوط وهى مش منها هى من محافظة اسيوط نياهااااا وفى فرق فى العملة بين اسيوط ومحافظة اسيوط لان المحافظة فيها فلوس وهى عليها فلوس انما اسيوط مفلسة واحنا لا افراد الجريمة المنظمة لن نقبل فلوسنا تتجمرك يا كارثةا اتدفعى اللى عليكىىىىىىىىىىىىىىىىىىىىىىىىىىىىىىىىىىىىىىىىىىىىىىىى
    كفاية احتلال كدا اروح العب فى مدونة فكرة شوية امته العصر يازنننننن حد يشلنى من هنااااااااا

    ردحذف
  41. الابنه ايوشه

    " إن ما تحتاجه مصر أساسا إنما هو ثورة نفسية، بمعني ثورة علي نفسها أولا ، وعلي نفسيتها ثانيا ،أي تغيير جذري في العقلية والمثل وأيديولوجية الحياة قبل أي تغيير حقيقي في حياتها وكيانها ومصيرها ...ثورة في الشخصية المصرية وعلي الشخصية المصرية ...ذلك هو الشرط المسبق لتغيير شخصية مصر وكيان مصر ومستقبل مصر"
    هذا ما قاله العالم الراحل جمال حمدان عن الشخصية المصرية في كتابه شخصية مصر

    ردحذف
  42. يا عيني يا ايوشة.. قطعتي قلبي والله
    عارفة لما الافكار تنرفزني افكر في النوم واخلي الفكرة المسيطرة هي ان النوم جاي دلوقتي.. هانام.. هانام.. هانام.. لغيت ما انام فعلا

    غير انى امبووووووسيبل انمام وفيه نفس في الاوضة عندي غيري انا وقطتي .. غير كده لايونكن انام

    تاخدي قطتي يمكن تنامي؟؟

    يارب تنامي يا ايوشة نومة كلابي جااااامدة كده

    ردحذف
  43. م/ الحسيني لزومي
    كلام حضرتك سليم لازم نتغير الاول علشان نقدر نغير ربنا يصلح الاحوال

    ردحذف
  44. فتافيت
    انا مستعدة اخد القطة بس الاكل عليكى مش علياهههههه مرسيى للمرورك

    ردحذف
  45. ههههههههههههههههههههههه..قشطة يا ايوشة ع التهيسي
    كان عندي نفس حالتك بس ايام الثانوية العامة..هع هع
    طالما بتحبي التهييس كده يبقي حنبقي زمايل
    شوفي البوست بتاعي بعنوان اديني في الهايف اللي تحت البوست اللي أنتي علقتي عليه
    يمكن ينيمك
    جربي مش حتخسري
    :)
    تحياتي

    ردحذف
  46. micheal
    هشوفه اكيد مرسيى للمرورك احلى تهيس على فكرة لما تكون مش نايم

    ردحذف
  47. مصطفي ريان12 أبريل، 2009 8:39 ص

    عدم النوم لأن ذهنك مشغول اقراي قرأن
    وقولي اذكار النوم هتلاقي نفسك في سابع نومة
    على فكرة الفراغ بيزود الرغبة في النوم ليس العكس
    تحياتي لك

    ردحذف
  48. مصطفي ريان
    بالعكس الفراغ بالنسبة ليا سبب عدم النوه لو انشغلت بنام من التعب على طول زى دلوقتى وانا بكتب التعليق بنام على الكيبورد
    مرسيى للمرورك

    ردحذف