الثلاثاء، 31 مارس، 2009

تاااااااااااج





ادبست فى تاج من اسافو ومفيش بعدها بساعتين ادبست فى نفس التاج من عاشقة الرومانسية
التاج ده الناس بتحسه حاجة صعبة مش عارفة ليه او يمكن بيجى فى وقت الواحد فيه مش فى مود يجاوب عليه بسهولة
المهم وانا بقلب فى النت لقيت موضوع فى مدونة بيتكلم عن التاج وانه بيعرف التاج مش زى مااحنا فاهمين انه التاج اللى بتلبس على الدماغ
Tag و ده اسم لعبة، زي استغماية كده، الولاد يجروا و و احد يجروا وراهم، و لما يلمس واحد، و يقوللوا
tag, u'r it
يبقي هو اللي عليه الدور (هواللي فيها زي ما كنا بنقولها و احنا صغيريين)
و بالتالي فدي مجرد لعبة، اسمها علي اسم اللعبة، و اللي يمررلك التاج دي، زي الي بيلمسك في اللعبة علشان يبقي انت اللي عليك الدور اقرا البوست هنا

نبدا التاج بئا
اسمك؟
مشيها آيوشةعلشان احنا صعايدة وعليا تار


المشهور بيه وسط اصحابك؟
آية,آيوشة ,آيوش ,يويو, ايويا ,وساعات توتا

سنك؟
ليه الاحراج ده بس ياجماعة
لسه صغيرة اوىىىىىىىىىى
22 سنة وشهرين



مجال دراستك؟
خريجى تربية يعنى مربية اجيال


اسم مدونتك؟
عندى اتنين احاسيس آيوشة ودى عبارة تقريبا عن شوية الخواطر الهبلة اللى بكتبها
والتانية تخاريف ايوشة ودى عبارة عن شوية التخاريف الهبلة اللى بكتبها

صورتك الرمزية فى المدونة بتعبر عن ايه؟
جدااااااااااااااااااا واخدت وقت كبير لما استقريت على الصورة اللى تعبر عنى
يعنى صورة بنت صغيرة بتفكر وجنبها ورقة وقلم
انا كده ساعات بحس انى مجرد طفلة مفكرة ومش عايزة اكبر
بس ياسلام لو كانت البت بنضارة كانت كملت وخصوصا ان بمووووووووت فى الضفاير


هل فكرت فى اغلاق المدونة ؟ والسبب؟
يوووووووووو كتيييييييييييييييير انا اصلا قفلت قبل كده بتاع اربع مدونات باكتر من اسم
والسبب انى بكتئب بسرعة واى موقف يمر عليا فى حياتى بياثر على كل حاجة فى حياتى
وفى اللحظة دى بفضل ابعد عن كل حاجة واعيش لواحدى شوية كده اراجع نفسى واتقرب من ربنا
ولما اهدى واكون احسن برجع تانى


ايه رد فعلك لو حد قل ادبه فى تعليق ؟
محدش يقدر انا اعلقه على باب المدونة ال يقل ادبه ال هههههههه
لا بجد المشكلة مش كده انا اصلا كل بوستاتى مش هيكون فيها فرصة لقلة الادب يعنى
والحمد لله عالم التدوين اغلبه ناس محترمة جدا وعلى درجة عليا من الوعى
انما لو مرة حصلت اكيد هرد بكل ذوق وادب علشان مش بحب انزل اعيش شعور الاحساس بالسوء لما اعمل نفس الغلطة وارد عليه بطريقة اوحش
يعنى اللى بيغلط كله على دماغه ومن ميزان حسناته





اسوأ مدونه؟
كتير وخصوصا مدونات الشواذ والملحدين والمجرمين اللى مش وراهم حاجة غير مهاجمة الدين



هيحصل ايه للايميل بعد ماتموت؟
ولا حاجة بس انا هدى الباس ورد بتاعى لاختى او لاقرب حد منى ولو حصل حاجة هتتدخل الايميل تبلغ الناس اللى عليه وكمان هتقفله


اديت الباسوورد لحد قبل كدة؟
مرة واحدة وكان الايميل فاضى استبن يعنى مش ايميلى الاساسى وبعدين لغيت الايميل
الحمد لله ايميلاتى مش ازمة يعنى انها الناس تشوف اللى فيها
بس طبعا مش بحب اى حد يشوف الايميلات اللى ضايفها وخصوصا لو ايميلات اصدقائى البنات


السفر بالنسبة لك ايه؟
حلم جميل مستنية يتحقق مع الانسان اللى ربنا هيكرمنى بيه
طول عمرى بسمع الكلمة دى فى البيت لما(( تتجوزى ابئا اتفسحى وسافرى براحتك مع جوزك))
وادينى مستنية لما هطق ان شاء الله
انا بحب السفر جداااااااااا بس الظروف لا تسمح انى اسافر لواحدى طبعا



الموود بتاعك ايه ؟
فى الاغلب مسخرة ههههههههه بموت فى الضحك والهزار وعلى الحقيقة بكون فظيعة وبقلب كل حاجة ضحك وهزار
لكن فى وسط ده كله بكون حزينة دايما وكئيبة ومتشائمة ولحظات متفائلة وكل امل
من الاخر متناقضة شوية ويمكن حاجة مميزة شخصية مش على وتيرة واحدة

بتعمل ايه فى وقت فراغك ؟
على النت دايما وفى اغلب الاوقات بس ساعات بحاول ارسم بحاول اقرا بخرج لزيارة قرايبى



الأكلة المفضلة ؟
بحب كل حاجة الحمد لله انا ذواقة فى الاكل وبعشق الطبخ جدا
على الرغم ان شكلى مش يبان عليه بس بحب الاكل مووووووووووت


الصفات التى اخذتها من والدك؟
الله يرحمه اكيد العصبية والعند والتمسك براى
ونشفان الدماغ اهم الحاجات اللى اخدتها من والدى

الصفات التى اخذتها من والدتك ؟
كتير بحكم انى قريبة اكتر من ماما من زمان
تقريبا مشابه ليها فى كل حاجة نسخة مصغرة منها
مصرفة زيها _ الطيبة اللى بتظهر عليا ساعات _ الضحك الكتير والهزار
حتى تقريبا المواقف اللى كانت بتعملها فى جدى واخواتها انا بعملها فيها دلوقتى

اكتر ست حاجات بتكرههم ؟
اولها المعاصى واغضاب ربنا
الكدب
الخيانة
النفاق
والغرور
والظلم

اكتر ست حاجات بتحبهم ؟
البراءة
الحب
الخير
العدل
الامل
الرحمة



شخصيتك نوعها ايه ؟
انا واقعية جدااااااااااا وساعات قليلة بكون رومانسية حالمة بس مش بستمر كتير فى ده
برجع للواقعية بسرعة ويمكن دى عاملتى مشاكل كتير بسبب انى مش بعرف اتفائل



لماذا دخلت عالم التدوين من الاساس؟
مش عارفة بس انا دخلت التدوين فى الاول مجرد بعلق على مدونة غادة عايزة اتجوز
وبعدين عملت المدونة لنفسى اكتب اللى بحبه من حاجات قريتها وعايزة ارجعلها فى اى وقت
وبعدين خدت الخطوة ونزلت فيها بوستات ليا والحال مشى يعنى
بحب اسمع اراء الناس وبحب يشركونى فى كل موقف فى حياتى

احلى جملة قيلت فى وصف مدونتك؟
دمها خفيف بحس بالسعادة لما اقرا التعليق ده
بترجعلى الامل فى نفسى شوية انى لسه بعرف اضحك وضحك غيرى

احلى بوست كتبته؟ ضع اللينك ثم اذكر لماذا؟
انا بعتبر كل البوستات عجبانى والا مكنتش نزلتها
بس بحب مدونى احاسيس آيوشة بكل بوست فيها لانها من جوا قلبى
اما فى تخاريف بوست مقاس جزمتى المحروسة ونفسيتى المهزوزة
لانى كتابته فى نص ساعة ومكنتش متخيلة هكتبه بالشكل ده


افضل مدونة قرأتها؟
كتير والا مكنتش بتابع المدونات باستمرار
انا كل مدونة عندى فيها حاجة مفيدةوشئ جديد
وكنز مدفون بحب ادور كل يوم عن حاجة جديدة

افضل بوست قرأته؟
كتير بردو بس بحب البوستات الاجتماعية
طبعا بوستات الدكتورة ستيتة حبيبة قلبى
وكان فى بوست كاتبه اشرف حمدى بيتكلم عن الشواذ باسلوب ساخر عجبنى جدا
اسمه ملوخية بالعسل


الشغل بالنسبة لك ايه؟
فى الوقت الحالى ضرورة ملحة علشان اخرج من جو الملل اللى انا فيه
انما انا بيتوتية مش بحب الشغل ولا بفضل شغل الستات

الانترنت بالنسبة لك ايه ؟
دلوقتى حياتى كلها تقريبا

تمرر التاج ده لمين ؟

ماما فراغ

ثندر

غربتى
دهب
حروووف
زينب
استاذ محمد القويرى

المعتصم

عبد من عباد الله

محمد غالية

حازم النبراوى

صوت من مصر

ومش عايزة انسى حد

لو افتكرت حد كمان هروح لغاية المدونة عنده اديله التاج

هناك 40 تعليقًا:

  1. احجزززززز
    اول تعليق
    هوايه بقى
    ههههههههههههههههههههه

    ردحذف
  2. والتانى غلاسه
    واروح اقرا التاج
    وارجع

    فاااااصل ونواصل

    ردحذف
  3. صعيديه صعيديه يعنى مش اى حاجه
    عليكى تار؟
    انا مش هاجى هنا تانى
    بعدين تيجينى رصاصه من فرف بالغلط
    ههههههههههههههه
    وارثه من بابا نشفان الدماغ ؟
    مش بقولك صعيديه

    تسلم ايدك ياايوشه

    ردحذف
  4. اوك ايوشة يعنى المفروض ان انا اجاوب على كل الاسئلة دى هنا .. ولا تحبيها مسموعة بالصوت عندى على المدونة؟؟

    ردحذف
  5. ايوشة هو التاريخ والساعة لية مش مظبوطين فى التعليق؟
    انا معلق الساعة8:00 صباحا بتوقيت الكويت ويوم 31 مارس مش فى التاريخ ولا الوقت الظاهرين دلوقتى .. لية؟؟
    ؟؟؟؟؟
    ابقى امسحى التعليق دة لانة خارج الموضوع هو مش اكتر من ملحوظة
    وشكرا ايوشة

    ردحذف
  6. السفر بالنسبة لك ايه؟
    حلم جميل مستنية يتحقق مع الانسان اللى ربنا هيكرمنى بيه
    طول عمرى بسمع الكلمة دى فى البيت لما(( تتجوزى ابئا اتفسحى وسافرى براحتك مع جوزك))
    وادينى مستنية لما هطق ان شاء الله
    انا بحب السفر جداااااااااا بس الظروف لا تسمح انى اسافر لواحدى طبعا



    ضحكوا عليكى يا قمر قال هتتفسحى قال

    كله يا بنتى يتوقف على نوع جوزك بيحب يخرج ولا لاء
    وغالبا لو بيحب يخرج برضه مش هيخرج كتير
    لانه طول الاسبوع شغل ووجع دماغ

    فاللى انتى فيه دة هو فرصتك انا خرجت قبل ما اتجوز اكتر كتييييييييييييير من بعد الجواز
    اوعى تصدقيهم يا غلبانه وانتهزى الفرصة

    ردحذف
  7. عاشقه الرومانسيه
    ايوة اضحكى واالعبى براحتك مش انتى اللى دبستنى فى التاج :(
    واديكى عرفتنى انى صعيدية حسبى على نفسك بئا

    ردحذف
  8. حازم النبراوي
    هتجاوب عليهم فى مدونتك واول مرة وسبق صحفى تجاوب بالصوت :)
    انا ظبطت التوقيت معلش كان مخرف شوية

    ردحذف
  9. زوجة عنيدة
    يعنى ايه خدعوك فقال لالا انا مكنتش عاملة حسابى على كده خالص عااااااااااا هشوف صرفة فى الموضوع ده يبئا هتمرد واخرب الدنيا بيضحوا عليا :(

    ردحذف
  10. أزال المؤلف هذا التعليق.

    ردحذف
  11. اوك يا ايوشة.. انا موافق انى العب لعبة التاج بالصوت ... اسمعينى النهاردة بالليل .. علشان هتكون مفاجاة .. مفاجأة ليكى انتى بالذات...!!!!!؟؟؟؟؟

    ردحذف
  12. ايوشششششششششششة
    ازيك يا وحشة يا اللي مش عارفين لك طريق
    انت غايبة كثير
    المهم اهو البركة في التاج اللي عرفنا عليك يا صعيدية بس مش بيقولوا الصعايدة جدعان و مادام مش بتعملي حاجة غلط مش حيطخوكي
    هههههههههه
    و الله اتشرفت بمعرفتك
    مودتي

    ردحذف
  13. شكرا على الاهداء يا ايوش بس طبعا نو كومنت على الردود بتعتك لانها بجد جميلة او ى ومنمقة وعليه انا هقف عند الهدية لانى مش مستصعبها على قد ما انه اتهدا ليا من حروف وبرضوا نفس الجملة انا مش هرد عليها لانى هحب احتفظ ببعض الخصوصية فى دا لنفسى وبعدين فكرة الهداء على الرغم من انه جميلة بس ساعات بتخفظ عليها المهم يا كارثة
    دمتى بكل ود وخير ياااااااااااااااااااااااااااااااااااااااااااااااااااااااااااااااااااااااااااارب واظاهرى يا كارثة

    ردحذف
  14. بسم الله الرحمن الرحيم
    السلام عليكم ورحمة الله وبركاته
    ايوشه بنت خالى
    تحياتى
    طب انا عاوز اعرف ايه الكنز المدفون فى المدونة بتاعتى بقى
    (علشان مزنوق شويه واهو ينفع برضو)

    وبعدين انا مش لاعب هه
    انا ماليش فى التاجات دى
    ايوة
    مش انتو الواحد فيكم يتزنق فى تاج يروح قايل اشمعنى ويدبس الباقى معاه
    انا عملتها قبل كده بس طلع عنيا
    وحلفت براس الغالى مااعملها تانى
    شكرا على الهديه
    ولو عاوزة تقرى تاج عندى ادخلى على الرابط ده
    http://wwwmosharef.blogspot.com/2009/01/blog-post_21.html
    اقرى بقى براحتك وعيشى
    يلا سلام يابنت خالى

    ردحذف
  15. بتدبسينى فى تاج
    عموما لو عرفوا العايده اسمك هيبقى فى تار
    والله الاسم واضح واضح
    اجاباتك جميله

    ردحذف
  16. ايوش حبيبتى
    اشكرك..دايما فكرانى
    وهارد على التاج علشان خاطرك يا حبيبتى
    وادعيلك بالزوج الصالح اللى يعملك كل اللى نفسك فيه ويكون عند حسن ظنك
    اللهم اميـــــــــــــــــــــــــــن

    ردحذف
  17. حازم النبراوي
    انا فى انتظار البوست بالليل ان شاء الله :)

    ردحذف
  18. assafo anaroze
    هههههههههه لا والله انا مش غايبة اوى يعنى انا بس مشغولة شوية الايام دى وان شاء الله هكون متواجد باستمرار بعد كده مرسيى للمرورك يااسافو ومرسيى على تدبيسة التاج

    ردحذف
  19. thunder
    ولا يهمك يابنى اى حاجة حلها منه ولو مش عايز تحله خلاص ولا يهمك بردو وانا ظاهرة اهو كل الناس بتقول عليا مختفية ليه هههههههههه

    ردحذف
  20. المعتصم
    ههههههه ماشى براحتك متحلش التاج سبونى ادبس انا فيه لواحدى وبخصوص الكنزل معلش انا طماعة ومش بحب اشارك كنوزى مع اى حد علشان كده هتحفظ بالكنز اللى لقيته فى المدونات عندى ليا لواحدى

    ردحذف
  21. صوت من مصر
    ههههههه دبستك امال ادبس لواحدى وبعدين اسمى واضح لدرجة دى زى ع عبعال مثلاااا
    مهو باينة ايوشة هتكون ايه

    ردحذف
  22. الفراغ
    ربنا يكرمك يارب يااجمل واحن قلب انا طبعا هكون مستنية على فارغ الصبر اجابات التاج ربنا يخليكى لينا يارب

    ردحذف
  23. انا بموووت في الضفاير !!

    في الاغلب مسخره !!

    هههههههههههههههههههههههههههههه

    ايه الكلام ده بس
    لأ بصراحه شئ جميل جداً و عرفتينا على نفسك بطريقه جميله و غالباً مش حعرفك تاني خاااااااااالص هههههههه ...... ال ضفاير ال

    اما بخصوص انك شرفتيني بتدبيسي في التاج ده فانا بصراحه ما اوعدكيش اني حجاوب عليه دلوقتي يمكن فيما بعد لكن حالياً صعب شويه

    و نقول برده بمناسبه الجواز كلمه لمطر بعنوان " مسأله مبدأ " :

    قـال لـزوجـتـة : اسـكـتـي.
    و قـال لابـنـه: انكـتـم.
    صـوتـكـما يجـعلـني مـشوش التفكير.
    لا تنـبسا بكلمـةٍ
    أريـد أن أكـتـب عـن
    حـريـة التـعبـير !

    ردحذف
  24. 4 او 5 مرات قفل مدونات
    دا انتي متخصصة بقي

    طب ناوية تقفلي دي امتي

    و هل بتقفلي مدوناتك لوحدك ولا بتنتشري

    هههههههههههههههه

    و 22 مش صغيرة (وش بيطلع لسانه)

    تربية ايه بقي ؟؟؟ في تدبير منزلي و نجارة و كهربا ...نحدد

    احاسيس و تخاريق ..... طب و اوعي وشك دي فين ؟؟ ولا لسه هتعمليها قريب

    هههههههههههه

    حلوين قوي ال6 حاجات الكويسة اللي بتحبيهم

    ردحذف
  25. عبد من عباد الله
    هو فى ايه الضفاير عملتك ازمة ليه مالها الضفاير بئا ههههههههه
    على العموم حله فى الوقت اللى تكون فيه فاضى بس ده دين فى رقبتك

    ردحذف
  26. adel
    اه انت جيت على الجرح ليه كده بس دانا بفكر اقفل تخاريف الايام دى :(
    خاف على نفسك بئا اصل دى عدوى
    صحيح انت حليت التاج هتحله بردو هتتدبس فيه دلوقتى

    ردحذف
  27. السلام عليكم

    حبيبتى ايوشه

    انتى عارفه السؤال اللى عندك بتاع هل فكرت تقفلى مدونتك قبل كده ؟؟؟؟؟ ضحكنى قوى أنا قلت هتقولى ايه يا ترى


    دبستينى يا ايوشه فى التاج أوكى بس اصبرى عليا شويه لما أظبط نفسى أصل دماغى هتنفجر من التفكير و ربنا العالم ادعيلى

    تحياتى

    ردحذف
  28. ايوشة
    فكرة حازم بتجنن رحت اسمعت التاج بتاعه و الحوار يجنن
    مودتي

    ردحذف
  29. خلاص هحله يا ايوشة
    انتي و عاشقة منكم لبتاع العيش

    ههههههههههههه

    ردحذف
  30. zainab
    وعليكم السلام ياجميل ربنا يوفقك دايما يارب ويسعد ايامك كلها يارب
    انا فى انتظار حل التاج ياجميل

    ردحذف
  31. assafo anaroze
    مرسيى ليك يااسافو واظهر يابنى مش ظاهر ليه من كام يوم يارب تكون بخير

    ردحذف
  32. adel
    ايوة كده ناس متجيش الا بالعين الحمرا :)

    ردحذف
  33. وعملتى لى اعلانات كمان ؟؟ واضح ان الحوار مع ايوشة عجبك .. بصراحة .. انا كنت خايف انك تزعلى انى اتكلم بصوتك .. لكن الحمد لله انة عجبك
    شكرا ايوشة

    ردحذف
  34. حازم النبراوي
    لا ابدا مش اضايقت خالص طبعا بالعكس ضحكنى جدا وانا مضايقة مرسيى ليك ياحازم وبئا ابعتلى فلوس الاعلانات دى

    ردحذف
  35. حلوة اجاباتك جدا
    الله ينور

    ردحذف
  36. ايوشه

    يعني اكيد ايه
    امال يعني هيكون اسمك ايه

    اجابتك علي الاسئله بسيطه
    ولذيذه وميه ميه

    وعرفتنا علي بنت صعيديه بميت راجل

    ردحذف
  37. أبو العريف
    ربنا يخليك مرسيى ليك جدا

    ردحذف
  38. طيب والله إجابات جميلة
    ياريتنى كنت عرفت أجاوب نص الإجابات دى

    ردحذف
  39. د. ياسر عمر عبد الفتاح
    لالا اكيد انت تاخد 10 على 10 فى حل التاج مرسيى ليك

    ردحذف