الخميس، 26 مارس، 2009

مطر الاحزان







غرابـــــــــــــــــــــــى الحزيـــــــــــــــــــــــــــــن

اعلم انك فى نظر البشر نذير للشر والشؤم اللعين

فتـحت لك نافــذة حيـاتى لبعـض الوقـــــــــــــت

وليـــــــــــس لطــــــــول العمر والسنيــــــــــن

طمعت فى عطفى وعشقى للآلآم والآنيــــــــــــن

جلبـــــــــــــت اصـدقـائــــــــــــك الى شرفتـــى

ولــم تغادر وقــررت البقـــــــاء وحلفت اليمين

تـــــــــــــــالله لسوف أحيــــــــــــــا هنــــــــــا

واجلب بصوتى من كل صوب وحدب آحزان السنين



كلمة قريتها مرة لمحمد ((الفارس الملثم )) ربنا يرحمه ويسكنه فسيح جناته


ليه ساعات كتير بنحس بدموع كتير جوانا خنقانا نفسها تنزل مش عارفين ليها سبب او يمكن لينا اسباب كتير للدموع بس احنا كنا عاملين نفسنا اننا مش واخدين بالنا لكن فى لحظة بتتجمع الحزن جوانا على شكل غمامة مستنية المطر





طيب واللى احزانه اتحولت لسيول ومش عارف يوقفها يعمل ايه مستنى فى لحظة الشمس تنتصر على الغيوم اللى فى قلبه وتشرق وتجيب معاها السعادة او حتى تقاوم وتخرج من بين الغيوم لكن الظاهر الشمس يئست من المقاومة ضعفت قوتها وقررت الاستسلام

من صغرى بحب المطر على الرغم انهم كان بيمنعونا نخرج فى المطر وبتكون الشوارع كئيبة والناس بتجرى لبيوتها

وانا لواحدى فى البلكونة حابة الجو ده مكنتش متخيلة انى لما اكبر هفضل فى عزلة امطار دموعى زى زمان

اكيد الدموع بتريح بس مش بتحل مشكلة وانا زهقت من الكآبة والغيوم اللى فى حياتى

كان نفسى شمس احلام تشرق بجد وتقاوم بس هى نفسها نورها وحرارتها انطفت من الدموع


هناك 47 تعليقًا:

  1. على فكرة انا فتحت التعليقات ومكنتش قافلها لسبب يعنى غير ان البوست عبر عن حالتى وخلاص الحمد لله بقيت اهدى دلوقتى

    ردحذف
  2. أيوشة
    الحزن محدش يقدر ينكره
    بس احنا نحزن فتره بسيطة ونرجع بسرعة
    أو نتناسى الحزن ده
    دمتى بكل الود دمتى فى سعادة

    ردحذف
  3. دائما الحزن بداخلنا

    ردحذف
  4. ايوشة

    اعتذر عن كل هذا التاخير ولكنى بجد لم اكن موجود

    وجيت النهاردة بمملكة الاحزان علشان الاقى حزنى

    المفقود عندك هنا فى مطر الاحزان

    ردحذف
  5. السلام عليكم

    ازيك يا أيوشة

    كتير قوى لما بنحس بالحزن والالم أنا برضو بحس بالمطر

    ودايما حزين بس ده مش بيظهر عليا

    عامة ربنا يسعدنا جميعا

    بالمناسبة

    منين حضرتك فى الصعيد

    يارب اسيوط

    تحيتى

    ردحذف
  6. ايوشة
    تعرفي ان من زمان و الاحزان ملازماني لدوجة انها صديقتي و مش حاقدر اني استغنى هنها ابدا
    يا خرابي حياتي من غير حزن تبقى جحيم
    و الله نفسنا في يوم فرح بس حنعمل ايه ادي الله و دي حكمته
    اكيد حييجي يوم وتختفي الاحزان انذاك حسمي مدونتي افراح لا تنتهي بدل اسمها احزان لا تنتهي
    مودتي

    ردحذف
  7. عزيزتى

    ياااااه الشعر جميل اوى

    وحزين اووووى

    والحزن اكيد بيفضل معانا فى لحظات كتيرة من عمرنا

    ودايمن بنعرف نعبر عن الحزن

    اكتر ما بنعرف نعبر عن الفرح


    ومعظمنا وسط الناس عايشين

    بس اروحنا عايشه بتدور على قلب يريحها

    ويمكن الدموع هى الشئ الوحيد لما الروح بتتخنق بتخرج خنقتها فيها

    ربنا يريح قلوب الناس واروحها

    ويبعد عنها الاحزان

    ويقربنا من ربنا

    تحياتى

    سلام

    ردحذف
  8. ايوشه
    تخيلي ان الواحد ساعة بيفرح بيبقي خايف قوي
    وبيقول اللهم اجعله خير
    لانه دايما اوقات الفرح قليله
    والحزن اللي جوانا كله بيطلع في لحظه
    كاننا بنتلكك

    ردحذف
  9. ازيك آيوشه
    ستشرق الشمس لا محاله
    فقط مزيد من الصبر
    تقبلي تحياتي

    ردحذف
  10. بسم الله الرحمن الرحيم
    السلام عليكم ورحمة الله وبركاته
    ايوشه
    تحياتى
    ايه يابنتى كل الحزن ده ؟؟
    وبعدين ؟؟
    احنا هنرجع تانى لجو النكد والاكتئاب ولا ايه؟؟
    لألألأ كده مش حلو
    ولا يكونش دا كله علشان انا روحت قاهرة المعز لدين الله الفاطمى وانتى غيرانه ونفسك تروحى تتفسحى فيها شويه ؟؟؟؟؟؟
    خلاص ياستى تتعوض بعد كده
    انما كل الحزن ده علشان فسحه
    انا مكنتش اعرف ان عقلك صغير قووووى كده

    ولا يكونش فيه حد زعلك على بلوجر وانا مش هنا؟؟
    قوليلى مين هو ؟؟ قولي بسرعه وشوفى انا هعملك فيه ايه
    ان ما وريته دا انا هطلعلك عنيه وهوريه النجوم الخضرا فى عز الليل بس قولى انتى هو مين البتاع ده

    وايه ده
    طلع فيه واحد تانى من اسيوط اهوه واسمه عرفه
    دا احنا شكلنا كده هنحتل بلوجر
    على البركه علشان الحلف بتاعى يبقى متظبط
    ههههههههههههههههههههههه
    اضحكى وفكيها
    مافيش حاجه تستاهل صدقينى

    تحياتى ودمتى بكل خير وود
    والسلام عليكم ورحمة الله وبركاته

    ردحذف
  11. أحب ان اكون مجهول لفتره27 مارس، 2009 1:51 م

    بجد بوست جميل

    فأحيانا نشعر بالضيق والسبب مجهول

    واحيانا تنزل الدموع والسبب مجهول

    معك حق فدموعنا أحيانا تكون كسحابه المطر

    تنتظر وقتا لتفرغ دموعها


    تحياتي

    ردحذف
  12. لا صدقنى ما انطفشت ..

    هى بس عليها غمامة .. والغمامة مش راضية تتحرك ..

    لكنها هايجى يوم وتتحرك وتشرق شمسك جواك من تانى ..

    هو لازم تتضيق اوى وتحسى ان شمسك غابت اوى ..

    علشان تشرق بنور جميل ينور حياتك كلها ..

    لانها لما تتضيق اوى كده معناها ان هاتوسع قريبا ..

    وساعتها يكون الحمد خارج من القلب ..

    دمتِ بخير ..

    ردحذف
  13. دع الأمور تمشى في أعنتها .. ولا تبيتن إلا خاليَّ البالِ
    مابين غمضة عين وانتبهاتها .. يغير الله من حال إلى حالِ

    ردحذف
  14. بصى يا ايوشة اولا خوف الناس من المطر ده كان زمان ايام مكان فى مطر اساسا دلوقتى خلاص وكمان كلنا بنحب المطر فى الوقت الى الدنيا مبقتش تمطر زى زمان كل حاجة اتغيرت وبتتغير ومش هاتقف والدنيا لاحزن فيها بيدوم ولا فرح فيها بيدوم وفى يوم هاتطلع الشمس يمكن تتاخر بس لازم تطلع المهم اننا نكون مستعدين لنورها الى ينور حياتنا تحياتى ومش عايز اشوفك كده تانى ..........

    ردحذف
  15. ممممممممممممممممممممم
    خيانة خيانة التعليقات افتحت وامة لااله الا الله كمنت كمان اوووووكية المهم يا كارثة الحمد لله انك وقفة على رجلك وبكرة هيكون احسن بكتير من النهاردا واستخدمى دماغك دى فى العند والتحدى وكملى المشوار

    ردحذف
  16. mohamed ghalia
    ربنا يكرمك يامحمد يارب وربنا ييسر ونقدر نتناسى الحزن

    ردحذف
  17. صوت من مصر
    الحزن مش بداخلنا بس ده كمان سايب اثاره علينا وعلى شكلنا

    ردحذف
  18. اسماء واحلام فى وجدانى
    ولا يهمك المهم انك بخير وانا عارفة ان حضرتك مشغول ربنا يعينك يارب مرسيى للمرورك

    ردحذف
  19. عرفة فاروق السيوطى
    ربنا يسعد الناس كلها يارب مرسيى للمرورك انا من اسيوط

    ردحذف
  20. assafo anaroze
    ربنا يسعدك دايما يااسافو تغير اسم المدونة قريب للافراح لا تنتهى ان شاء الله

    ردحذف
  21. احساس لسه حى
    ساعات بحس ان الحزن شئ بيربط بين كل البشر مفيش حد مش بيحزن فى حياته ربنا يسعد الناس كلها مرسيى للمرورك

    ردحذف
  22. أبو العريف
    اعتقد ده فى الجينات عندنا بنخاف نفرح علشان كده فى الفرح دايما نقول خير الله مااجعلوا غير مرسيى للمرورك

    ردحذف
  23. مصطفى أبوزيد
    مرسيى للمرورك يابشمهندس وربنا يتقبل دعوتك يارب

    ردحذف
  24. أحب ان اكون مجهول
    مرسيى للمرورك

    ردحذف
  25. المعتصم
    وعليكم السلام ورحمة الله وبركاته الف حمدالله على السلامة واكيد مضايقة ان فى ناس بتسافر وتتفسح وانا محبوسة فى البلد دى وكمان جاى تغيظنى وتقولى انك كنت بتتفسح يلا ربنا كبير يبعتلنا فسحة معتبرة ومحدش يقدر يزعلنى هما الصعايدة يقدر حد يزعلهم :)
    واحتلوا التدوين ربنا يزيد ويبااااااااااارك مرسيى للمرورك

    ردحذف
  26. لجين أبو الدهب
    اتمنى كلامك ده يكون حقيقى فعلا مرسيى للمرورك

    ردحذف
  27. د. ياسر عمر عبد الفتاح
    كلام حضرتك صحيح واحنا مش مهما الحزن والظروف اللى بتمر مش بنكون عايشين غير بامل ان الحزن يروح وربنا ينعم علينا باأمل جديد مرسيى للمرورك

    ردحذف
  28. Mo7amed Mamdou7
    من نعمة ربنا ان الحزن مش بيدوم مرسيى للمرورك

    ردحذف
  29. thunder
    خياااااااااااانة امال مين اللى اللى اصر انى افتح التعليقات انت شكلك بتنسى على فكرة
    وربنا يسهل ويسر واقدر اعمل اللى عايزة اعمله

    ردحذف
  30. ابيات الشعر من اروع ما عبر عن الحزن
    كويس انك فتحتى التعليقات واتمنى ان تكون نفسيتك احسن دلوقتى

    ردحذف
  31. حازم النبراوي
    مرسيى للمرورك ياحازم انا دلوقتى الحمد لله كويسة

    ردحذف
  32. ليه يا ايوشة الحزن ده
    بعد المطر لازم تطلع شمس
    مافيش مطر يدوم ولا حتى شمس تدوم اطمني مهما طال الحزن اكيد بيجي فرح
    ودي سنة الحياة
    تحياتي وازال الله همك يا ايوش

    ردحذف
  33. فكرة من الزمن ده
    ربنا يكرمك على الدعوة يارب وربنا يتقبل مرسيى للمرورك

    ردحذف
  34. اتاخرت قوى على ماجيت هنا..السن بقا يابنتى
    الحزن دا شيء ممل ..انفضى الحزن عنك..استعينى بالله عليه..ربنا ماخلقناش للحزن ابدا..لكن احنا اللى ساعات بنستعذب الاستكانه والدعه..
    ماشى..نرتاح شويه من صخب الحياه
    لكن نلحق نفسنا ونرجع..وزى مابيقولوا الفرح يجر فرح
    تمنياتى ليكى بالسعاده

    ردحذف
  35. ربنا يبعد عنك الأحزان و يطمن قلبك و روحك
    و أنا برضو سعيد أنك مش مستسلمه للحزن و فيه نبرة تفاؤل فى صوتك
    تقبلى خالص تقديرى

    ردحذف
  36. الفراغ
    حضرتك ولا تاخرتى ولا حاجة ربنا يخليك يارب ويكرم حضرتك ودايما تنورى المدونة وتمتعينى بتعلقات حضرتك اللى كلها طيبة وحنية وعقل

    ردحذف
  37. عمرو
    امين يارب العالمين مرسيى للمرورك

    ردحذف
  38. انتى عارفه يا ايوشه

    انا بعرف امتى انى حزينه وعايزة اعيط

    لما يكون صدرى مخنوق
    وزورى يوجعنى

    زى ما تكون الدموع واقفه فيه

    بقعد اصلى واذكر ربنا
    فلاقى نفسى بعيط هستريا بعدها بحس بالراحه

    بجد العياط ده فرج

    ردحذف
  39. الفراشة الصغيرة
    عندك حق وبعد العياط بنحس براحة كبيرة وتخفيف للاحزان مرسيى للمرورك

    ردحذف
  40. ايوشتي الغاليه

    هو انا اسيب الحزن اللي عندي اجي القيه هنا ورايا

    الحمد لله علي كل حال والله الدنيا كدا مش بتريح حد وساعات كتير احنا اللي بنحط نفسنا في الحالات ديه ونعيش جواها بس لو تأملنا شويه هنلاقي نعم ربنا مغرقانه وعندنا اللي ناس كتير محرومه منه ودا سبب كفيل يخلينا نفرح ونحمد ربنا ان كرمنا بالكثير الكثير وننسي القليل الذي حرمنا منه واكيد برضوه خير

    وان القلب ليحزن والعين لتدمع ولا نقول الا ما يرضي ربنا

    الحزن والدموع محدش يعيب عليها لان هكذا خلقنا ( ولقد خلقنا الانسان في كبد ) اي مشقه وتعب

    وكله بثوابه الهم والوصب دا مع الصبر والتحمل بيكفر الذنوب وبيرفع الدرجات

    اسال الله ان يريح قلبي وقلبك ويرزقنا الرضي ويصلح لنا الاحوال

    خالص حبي لك

    غربتي

    ردحذف
  41. ربنا يرحم محمد برحمته الواسعه
    ويصبر اهله ومامته بالذات


    القصيده عجبتنى قوى قوى واجمل ما فيها اول ابياتها

    مع ان الحزن غالب على البوست بس فيه شجن حلو قوى يا ايوشه

    شكلنا غاويين حزن لدرجة اننا بقينا بنستطعمه

    ردحذف
  42. ghorBty
    عندك حق ياغربتى نعم ربنا علينا بالدنيا كلها بس ساعة الحزن عنينا بتعمى ومش بيكون شايفين غير الحزن

    اسال الله ان يريح قلبي وقلبك ويرزقنا الرضي ويصلح لنا الاحوال

    اميييييييييييييييييين يارب العالمين مرسيى للمرورك ياجميل

    ردحذف
  43. mahasen saber
    ربنا يرحم جميع موته المسلمين امين يارب العالمين
    مرسيى للمرورك

    ردحذف
  44. اعتذر لك عن الغياب

    واشكرك جدا

    ردحذف
  45. ياااااااااه هو الحزن ورايا ورايا
    هى شوطه فى البلد ولا أيه؟
    حبيبتى برضه فى أمل ان الشمس تشرق وان الحزن ينتهى
    حتى لو مش ناويه أو تعبت هتشرق يعنى هتشرق
    ربنا يبعد عنا وعنك الاحزان آآآآآآمين ياااااارب

    ردحذف
  46. wesoooooooooo
    امييييييييييييين يارب العالمين مرسيى للمرورك

    ردحذف
  47. اسماء واحلام فى وجدانى
    ولا يهمك انا مقدرة انشغالك ربنا يعينك يارب

    ردحذف