الأربعاء، 25 مارس، 2009

عصفور في ليل المطر .. وقلبه جمرة نار




عصفور المطر


عصفور في ليل المطر .. وقلبه جمرة نار
يصرخ يقول يا بشر .. بحلم يجيلي نهار !!

يا أحلامي الكبيرة .. ما بين أمل وحيرة
سرق الزمان صوتي .. قبل الغنوة الأخيرة !!
يا عصفوري الحزين .. سافر وانسى الحنين
خد مني ذكرياتي .. رجّع تاني السنين !

عصفور في ليل المطر .. وقلبه جمرة نار
يصرخ يقول يا بشر .. بحلم يجيلي نهار !!

يادمعة من بكايا .. بتدور ع النهاية !!
بنعيش نفس الحكاية .. أنا وانتا م البداية
يا عصفوري الجريح .. ليه تعشق التجريح؟
صوتك ده ولا صوتي .. اللى انكسر في الريح ؟!

عصفور في ليل المطر .. وقلبه جمرة نار
يصرخ يقول يا بشر .. بحلم يجيلي نهار !!
من اول مرة من سنة ونص واخيرا وبعد مرات كتير اوى بنحاول نتجمع فيها قابلت اصحابى واصدقائى فى الجامعة
اجمل مرحلة كانت فى حياتى سنة ونص بتفق هنتجمع ازاى وامتى وفين واخيرا اتجمعنا
فى الاول كنت خايفة اقبلهم لانى احساسى انى اتغيرت مبقيتش ايوشة اللى يعرفوها اللى كل حاجة عندها سخرية
وهزار حتى فى اصعب اللحظات اللى كنا بنمر بيها فى الجامعة كنت دايما بقلبها ضحك
كنت خايفة لما نتقابل يشفوا شخصية جديدة كئيبة نسيت الضحك والهزار
واتقابلنا والغريبة رجعت زى ما كنت وكن الايام ممرتش وانها كان زى يوم وعدى ورجعنا تانى
قولولى انتى زى ماانتى متغيرتيش مسخرة ولسه معقلتيش بالعكس عقلك فوت اكتر واكتر
واستغربت بجد انى متغيرتش معاهم ورجعت لايوشة زمان اللى ضاربة الدنيا ميت جزمة
نفس الاماكن اللى كنا بنقعد فيها ونفس الطقوس نفس حتى المطعم والكافى شوب اللى كنا نقعد فيهم
رحنا وقعدنا هناك حتى شجرة التوت اللى كنا بنحدفها بطوب واحنا تحتها زى ما هى متغيرتش
وركنا الطفطف اللى كنا لازم نركبه كل يوم نلف بيه الجامعة
حتى بعض الوشوش من ايام دفعتنا شفنها متغيرتش بس انا من جواه كنت حاسه انى اتغيرت
حاولت انسى واعيش اللحظة دى كانى متخرجتش اصلا وخلص اليوم بسرعة
اغلبهم انشغلوا بشغلهم واللى انشغلت بالبيت والعيال يعنى على الاقل قدروا يتاقلموا مع الواقع
ويقرروا يقولوا انهم كبروا انما انا لا انا لسه رافضة الفكرة ومش عارفة هقبلها امتى بقى
بدل ما افكر فى المستقبل بفكر فى ايام عدت النهاردة اتعمدت البس لبس يبينى اصغر فى السن
لكن الحقيقة غير كده الحقيقة ان السن محفور جوايا
ياااااااااه مش متخلية سنة ونص تغير الواحد للنقيض تخليه يعيش فى ذكريات
انا فى الحقيقة اتخنقت من المقابلة دى قلبت عليا حاجات كنت بحاول انساها واكمل حياتى
انسى بئا لعب العيال والهزار والضحك طول الوقت الواحد كبر لازم يفكر يشيل الهم شوية
نوجا صاحبتى اول ما شفتنى قالتلى ازيك يافنانة كنت بحب الكلمة دى منها فى الجامعة مكنتش بتنده باسمى ابدا
لما سمعتها النهاردة اتخنقت فرحت كام ساعة ورجعت اتخنفت
هو انا لازم علشان اقدر اعيش فى الدنيا دى واحس بشوية سعادة اعيش فى الماضى
اكتشتفت فعلا انى مش بعرف اعيش لواحدى ولا عارفة اكمل الدنيا لواحدى
ياريت الزمن يرجع بقى

هناك 12 تعليقًا:

  1. السلام عليكم
    الشعر اللى فى الاول ده جميل اوى وعجبنى
    فعلا
    وبعدين هو لسه عندك مشاعر حزن واسى
    ياريت تفكيها شوية
    وبعدين انتى لسه صغيره خالص

    كبرتى ايه بس
    مش عارف اقولك ايه

    ردحذف
  2. اية
    الحياة مالهاش طعم من غير اصدقاء بس
    لازم تكون صداقة حقيقية

    احنا مخلوقين كده كبشر اجتماعيين ومش ممكن نعيش لوحدنا في مكان لازم اللمة و الاصدقاء و الحبايب يكونوا معانا
    مودتي

    ردحذف
  3. اوبا
    ايه الناس اللي جايه تقلب المواجع دي
    انا اغلي حاجه عندي اصحابي
    بحبهم بغباء
    واعتقد انهم كمان كده
    وللاسف بقالي فتره متغرب عنهم
    وواحشيني قوي

    ردحذف
  4. من كثر ما سمعت ناس كثيرة زعلت بعد التخرج
    بدأت أعيد نظر فى موضوع التخرج ده
    يعنى مبقتش مستعجل عليه زى الأول
    حاسس إن كل اصحابى اللى اتخرجوا كبروا فجأة وعجزوا وشعرهم ابيض

    بس كل مرحلة وليها فرحتها

    ردحذف
  5. ممممممممممممممممم ماشى يا ايوش اخير وان كان متاخر فتحتى والناس علقت المهم فى خبر ما كدا بحاول اتاكد منه اظاهرى خلاص وبعدين اعملى اللى قولتلى عليه وانتى هتدوشى ياستى فى دوامة الحياة تانى وهتلاقى او هتحسى ان الجزء المفقود بداء يظهر تانى

    ردحذف
  6. د/عرفه
    وعليكم السلام ورحمة الله وبركاته
    الكلمات دى كلمات اغنية لحنان ماضى قديمة
    اما انى لسه صغيرة مش شرطالانسان سنه يكون مقياس لانه كبير ولا صغير ساعات بتيجى علينا مراحل تخلى الواحد يفكر نفسه 60 سنة

    ردحذف
  7. assafo anaroze
    اعتقد الانسان من غير اصدقاء حواليه مش هيقدر يعيش ثانية ومهما بعدوا عنه مش بيقدر انه ينسى ويكمل حياته

    ردحذف
  8. أبو العريف
    يبئا اتجرى على طول تكلمهم وتتطمن عليهم الوقت بيمر وكل ما يمر الفرقة تكبر والنفوس بتتغير متنساش اصدقائك ابدا

    ردحذف
  9. د. ياسر عمر عبد الفتاح
    هى مش تعقيد على فكرة فى انسان بيقدر يقرر بعد التخرج هيعمل ايه ويكمل حياته ازاى وفى ناس زى حالاتى كده بتشوف ان مفيش حاجة تعملها غير تسنى الدنيا تسكل فيها زى ما هى عايزة

    ردحذف
  10. thunder
    انت هتجنننى امال مين اللى بيقنع فيا ساعة بحالها انى افتح التعليقات وبعدين يقولى فتحتى التعليق من غير ما تقولى العيب فى النت عندك ولا ناااااسى والله انا ظاهرة انت اللى مختفى

    ردحذف



  11. الكثير منا يعانى من طرق النظافه القديمه المتعبه والمؤلمه ودعا لهذا النوع من النظافه الان مع شركة الكمال المتخصصه فى جميع اعمال التنظيف بالطرق ولالات الحديثه التى تحتوى عمال ماهرون ومدربون وعندهم خبره عاليه فى اعمال التنظيف كما انها يوجد لديها عمال ماهرون ومدربون الى اعله مستوى من المستويات وان شركة الكمال يوجد لديها خدمات اخرى
    مثل تسليك المجارى وعزل خزانات ونقل اثاث ورش مبيدات ومكافحة حشرات فى جميع المملكه العربيه السعوديه
    شركة الكمال
    شركة مكافحة حشرات بالرياض

    شركة مكافحة حشرات بالدمام

    شركة مكافحة حشرات بالطائف

    شركة مكافحة حشرات بجازان

    شركة مكافحة حشرات بحائل


    شركة رش مبيدات بالرياض

    شركة رش مبيدات بالدمام

    شركة رش مبيدات بالطائف

    شركة رش مبيدات بجازان

    شركة رش مبيدات بحائل

    شركة نقل اثاث بالرياض

    شركة نقل اثاث بالدمام

    شركة نقل اثاث بالطائف

    شركة نقل اثاث بجازان

    شركة نقل اثاث بجازان

    شركة نقل اثاث بحائل

    ردحذف